ພະ​ແນກ​ກະສິກຳ ແລະ ປ່າໄມ້ ນະຄອນຫຼວງ​ວຽງ​ຈັນ (ນວ) ໄດ້​ສືບຕໍ່​ຈັດ​ພິທີ​ປູກ​ຕົ້ນໄມ້ ຢູ່​ລຽບແຄມ​ຖະໜົນ 450 ປີ ເພື່ອ​ສະເຫຼີມ​ສະຫຼອງ​ເນື່ອງ​ໃນ​ໂອກາດ ວັນ​ປູກ​ຕົ້ນໄມ້​ແຫ່ງ​ຊາດ ເພື່ອ​ສືບຕໍ່​ຜັນ​ຂະຫຍາຍ​ນະໂຍບາຍ “ສ ສີຂຽວ” ຂອງ ນວ ໃຫ້​ປາກົດ​ຜົນເປັນ​ຈິງ ທັງ​ເປັນ​ການ​ສ້າງ​ໃຫ້ ນວ ເປັນ​ເມືອງ​ຕົວຢ່າງ​ໃນ​ການອະນຸ​ຮັກ​ສິ່ງແວດລ້ອມ ເປັນ​ຕົວເມືອງ​ທຳ​ມະ​ຊາດ ທັງ​ຊ່ວຍ​ຫຼຸດຜ່ອນ​ຄວາມ​ຮ້ອນ ແລະ ແຫ້ງແລ້ງ ໂດຍ​ມີ​ເນື້ອທີ່​ສີຂຽວ​ປົກ​ຫຸ້ມ 75%.

    ພະ​ແນກ​ສາທາລະນະ​ສຸກ ນະຄອນຫຼວງ​ວຽງ​ຈັນ ໄດ້​ສົມທົບກັບ​ອົງການ​ປົກຄອງ​ເມືອງ​ຈັນທະບູ​ລີ ສ້າງ​ຂະ​ບວນ​ການ​ເຝົ້າ​ລະວັງ ແລະ ຕອບ​ໂຕ້​ການ​ລະບາດ​ຂອງພະຍາດ​ໄຂ້ຍຸງ​ລາຍ​ ບໍ່​ໃຫ້​ເກີດ​ລະບາດ​ຢູ່​ໃນ​ນະຄອນຫຼວງ​ວຽງ​ຈັນ ກໍ່​ຄືຢູ່​ເມືອງ​ຈັນທະ​ບູ​ລີ ໃນ​ປີ 2016 ນີ້ ໃນ​ວັນ​ທີ 13 ມິຖຸນາ 2016 ເມືອງ​ຈັນທະ​ບູ​ລີ ຈຶ່ງ​ໄດ້​ຈັດວັນ​ສັບປະດາ​ປ່ອຍ​ປາ​ຫາງ​ນົກຍຸງ​ ເພື່ອ​ຕ້ານ​ໄຂ້ຍຸງ​ລາຍ​ຂຶ້ນ ໂດຍການ​ເຂົ້າ​ຮ່ວມ​ຂອງ​ທ່ານ​ນາງ ບົວ​ລອນ ວົງ​ດາລາ​ແສນ ເຈົ້າເມືອງ​ຈັນທະ​ບູ​ລີ ທ່ານ ​ດຣ. ຄຳ​ມາ ປັນຍາ​ຈັກ ຄະນະ​ພະ​ແນກ​ສາທາລະນະ​ສຸກ ນວ ພ້ອມ​ດ້ວຍ​ບັນດາ​ນາຍບ້ານ ແລະ ອາສາ​ສະໝັກ​ບ້ານ​ເຂົ້າຮ່ວມ.

ຕອນເຊົ້າຂອງວັນອາທິດ ວັນທີ 8 ພຶດສະພາ 2016 ທີ່ວັດອົງຕື້ ມະຫາວິຫານ ທ່ານ ດຣ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ, ພັນລະຍາທ່ານປະທານປະເທດ, ພັນລະຍາທ່ານນາຍົກລັດຖະມົນຕີ ພ້ອມດ້ວຍຄະນະການນຳຂອງ ນະຄອນຫລວງວຽງຈັນ ແລະ ອອກຕົນຍາດໂຍມ ຊາວນະຄອນຫລວງ ຮ່ວມຕັກບາດ ຄົບຮອບ 100 ວັນ ແກ່ພະອາຈານໃຫຍ່ ດຣ ມະຫາຜ່ອງ ສະມະເລິກ.

 ກອງປະຊຸມສຳມະນາວິທະຍາສາດເພື່ອລະດົມແນວຄິດໃສ່ວາລະສານນະຄອນຫຼວງວຽງຈັນ ເພື່ອຫັນຈາກສະບັບລາຍໄຕມາດ ເປັນສະບັບລາຍເດືອນ ໄດ້ເປີດຂື້ນທີ່ຫ້ອງວ່າການປົກຕອງນະຄອນຫຼວງວຽງຈັນ.   

 ກອງປະຊຸມໄດ້ຮັບກຽດເປັນປະທານໂດຍທ່ານ ສີຫູນ ສີດທີລຶໄຊ ຮອງເລຂາພັກ, ຮອງເຈົ້າຄອງນະຄອນຫຼວງວຽງຈັນ, ມີພາກສ່ວນຕ່າງໜ້າຈາກວາລະສານນັກບໍລິຫານ, ວາລະສານອາລຸນໃໝ່ ແລະ ພາກສ່ວນວາລະສານຂົງເຂດ ທຸລະກິດ ແລະ ອື່ນໆ. ນອກ ຈາກນັ້ນຍັງມີບັນດາທ່ານເຈົ້າເມືອງ, ຫົວໜ້າພະແນກການອ້ອມຂ້າງນະອນຫຼວງວຽງຈັນ. ພິເສດກອງປະຂຸມຍັງໄດ້ຮັບກຽດເຂົ້າຮ່ວມປະກອບຄຳຄິດເຫັນຈາກບັນດານັກຂຽນ, ນັກປະພັນ, ສື່ສີ່ງພີມ ແລະ ພາກສ່ວນທູລະກີດຕ່າງໆ. ກອງປະຊຸມສຳມະນາ ແມ່ນໄດ້ສູມໃສລະ ດົມແນວຄວາມຄິດເຫັນດ້ານຕ່າງໆ.