ໃນ​ວັນ​ທີ 12 ຕຸລາ 2017 ທີ່ຜ່ານມາ ທີ່​ຫ້ອງ​ວ່າການ​ປົກຄອງ ນວ ໄດ້ຈັດພິທີ​ລົງ​ນາມ​ການ​ຮ່ວມ​ມືໂຄງການ​ພັດທະນາ​ວຽງ​ຈັນເອ​ເລັກໂຕຣ​ນິກ (E-Vientiane) ຕາງໜ້າ​ໃຫ້​ອົງການ​ປົກຄອງ ນວ ໂດຍ​ທ່ານ ຄຳ​ພັນ ມາລາ​ບັນດິດ ຫົວໜ້າ​ພະແນກການເງິນ ນວ ແລະ ທ່ານ ນິ​ໂກ​ລາຍ ອຸ​ສະຕິ​ນົບ ຜູ້ອຳນວຍການ​ໃຫຍ່ ບໍລິສັດ​ ເອັມ​ເຄ-ແອສ​ພີ ຈຳກັດ ເຂົ້າ​ຮ່ວມ​ເປັນ​ກຽດ​ມີ​ທ່ານ ສິນລະ​ວົງ ຄຸດ​ໄພທູນ ເຈົ້າ​ຄອງ​ນະຄອນ​ຫຼວງ​ວຽງ​ຈັນ ແລະ ພາກສ່ວນ​ກ່ຽວຂ້ອງ​ທັງ​ສອງ​ຝ່າຍ ເຂົ້າຮ່ວມ.

     ໃນຕອນເຊົ້າຂອງວັນທີ 11 ເດືອນ ຕຸລາ ປີ 2017 ທີຫ້ອງປະຊຸມທັນສະໄໝຂອງຫ້ອງວ່າການ ນວ ໄດ້ຈັດກອງປະຊຸມປືກສາຫາລື 3 ພາກສ່ວນ ນະຄອນຫຼວງວຽງຈັນ, ກະຊວງປ້ອງກັນຄວາມສະຫງົບ ແລະ ກະຊວງໂຍທາທິການ ແລະ ຂົນສົ່ງ) ວ່າດ້ວຍການຈັດສັນຄວາມເປັນລະບຽບຮຽບຮ້ອຍ, ການແກ້ໄຂອຸປະຕິເຫດ ແລະການແກ້ໄຂການຈາລະຈອນແອອັດ ໃນ ນວ, ໂດຍເປັນປະທານຂອງ 3ທ່ານຄື: 1. ທ່ານ ດຣ ອານຸພາບ ຕຸນາລົມ, ຮອງເລຂາຄະນະພັກ, ກຳມະການສູນການພັກ, ປະທານສະພາປະຊາຊົນ ນວ, 2. ທ່ານ ນາງ ວິໄລຄຳ ໂພສາລາດ, ຮອງລັດຖະມົນຕີກະຊວງ ຍທຂ, 3. ທ່ານ ພົຕ ສິນທະວົງ ໄຊຍະກອນ, ຮອງລັດຖະມົນຕີ ກະຊວງ ປກສ.

     ໃນວັນທີ 10 ຕຸລາ, ທີ່ຫ້ອງປະຊຸມຊັ້ນ 4 ຂອງຫ້ອງວ່າການນະຄອນຫຼວງ ໄດ້ຮ່ວມກັບກະຊວງໂຍທາທິການ ແລະ ຂົນສົ່ງ ໄດ້ຈັດກອງປະຊຸມ ສຳມະນາກ່ຽວກັບການຈັດສັນຄວາມບໍ່ເປັນລະບຽບຮຽບຮ້ອຍໃນ ນວ, ພ້ອມຖືໂອກາດນີ້ເປັນການສະເຫຼີມສະຫຼອງວັນສັບປະດາເຄກາສະຖານໂລກ ຄົບຮອບ 32 ປີ, ໂດຍການເຂົ້າຮ່ວມຂອງ ທ່ານ ແກ້ວພິລາວັນ ອາໄພລາດ ຮອງເຈົ້າຄອງ ນວ, ທ່ານ ນາງ ວິໄລຄຳ ໂພສາລາດ ຮອງລັດຖະມົນຕີກະ ຊວງໂຍທາທິການ ແລະ ຂົນສົ່ງ.

     ກອງ​ປະຊຸມ​ອົງການ​ປົກຄອງນະຄອນຫຼວງ​ວຽງ​ຈັນ ຄັ້ງ​ທີ 12 ວັນ​ທີ 25-26 ກັນຍາ 2017 ຢູ່ຫ້ອງ​ວ່າການປົກຄອງ​ນະຄອນຫຼວງ​ວຽງ​ຈັນ ໂດຍ​ການ​ເປັນ​ປະທານ​ຂອງ​ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງຈັນ ມີ​ບັນດາ​ຄະນະ​ນຳ​ອ້ອມ​ຂ້າງອົງການ​ປົກຄອງນະຄອນຫຼວງວຽງ​ຈັນ ເຂົ້າ​ຮ່ວມ.