ໂຮງແຮມຂຽວອາຊຽນ 5 ລາງວັນ ມາດຕະຖານສະຖານທີ່ຈັດງານອາຊຽນ (ຫ້ອງປະຊຸມ) 5 ລາງວັນ ມາດຕະຖານເມືອງ ທ່ອງທ່ຽວສະອາດອາຊຽນ 1 ລາງວັນ ແລະ ລາງວັນການທ່ອງທ່ຽວແບບຍືນຍົງ ອາຊຽນ 2 ລາງວັນຈາກງານມະຫາກຳການທ່ອງທ່ຽວອາຊຽນ ປະຈຳປີ 2020 ທີ່ຈັດຂຶ້ນໃນລະຫວ່າງວັນທີ 12-16 ມັງກອນ 2020 ຢູ່ທີ່ປະເທດບຣູໄນ.
ລາງວັນມາດຕະຖານໂຮງແຮມຂຽວອາຊຽນ (ASEAN Green Hotel Standard) ຊຶ່ງເປັນມາດຕະຖານທຳອິດທີ່ໄດ້ຮັບການຈັດຕັ້ງປະຕິບັດຢູ່ໃນອາຊຽນຊຶ່ງເລີ່ມມີການມອບລາງວັນ ແຕ່ປີ 2008 ໂດຍຈັດຂຶ້ນໃນທຸກໆ 2 ປີຊຶ່ງປີນີ້ເປັນຄັ້ງທີ 7 ໂດຍມີຈຸດປະສົງເພື່ອຊຸກຍູ້ໃຫ້ບັນດາຫົວໜ່ວຍທຸລະກິດໂຮງແຮມ ແລະ ຣີສອດມີການປົກປັກຮັກສາສິ່ງແວດລ້ອມ ລວມເຖິງການນຳໃຊ້ຜະລິດຕະພັນທີ່ເປັນມິດກັບສິ່ງແວດລ້ອມ ນຳໃຊ້ພະລັງງານໄຟຟ້າ ແລະນ້ຳຢ່າງມີປະສິດທິພາບສົ່ງເສີມໃຫ້ມີການສ້າງວຽກເຮັດງານທຳພາຍໃນປະເທດ ແລະສົ່ງເສີມໃຫ້ນຳໃຊ້ຜະລິດຕະພັນພາຍໃນປະເທດ ຊຶ່ງປີນີ້ຢູ່ໃນອາຊຽນມີບັນດາໂຮງແຮມ ແລະ ຣີສອດ ທີ່ໄດ້ຮັບລາງວັນທັງໝົດ 46 ລາງວັນ.
ສຳລັບ ສປປ ລາວ ໄດ້ຮັບ 5 ລາງວັນຄື: ໂຮງແຮມພູແມນແຂວງຫຼວງພະບາງ ໂຮງແຮມອິນທິຣາ ແຂວງວຽງຈັນຣີສອດນ້ຳກັດຢໍລະປ່າແຂວງອຸດົມໄຊ ຣີສອດພູວິວລ່າແຂວງຫຼວງນ້ຳທາ ແລະ ໂຮງແຮມປາກຊ່ອງແດນງາມ ແຂວງຈຳປາສັກ.
ລາງວັນມາດຕະຖານສະຖານທີ່ຈັດງານອາຊຽນ (ຫ້ອງປະຊຸມ) (ASEAN MICE Venue Standard) ຊຶ່ງມາດຕະຖານດັ່ງກ່າວນີ້ໄດ້ມີການມອບລາງວັນ ເປັນຄັ້ງທີ 2 ເພື່ອແນໃສ່ເພື່ອສົ່ງເສີມໃຫ້ພາກພື້ນອາຊຽນມີຫ້ອງປະຊຸມທີ່ມີມາດຕະຖານຄຸນນະພາບສູງ ແລະສາມາດແຂ່ງຂັນກັບສາກົນໄດ້ເພື່ອດຶງດູດນັກທ່ອງທ່ຽວ ແລະສ້າງລາຍຮັບໃຫ້ພາກພື້ນອາຊຽນໃຫ້ຫຼາຍຂຶ້ນ ຊຶ່ງປີນີ້ ຢູ່ໃນອາຊຽນມີຫ້ອງປະຊຸມທີ່ໄດ້ຮັບລາງວັນທັງໝົດ 41 ລາງວັນ.
ສຳລັບ ສປປ ລາວ ໄດ້ຮັບ 5 ລາງວັນຄື:ຫ້ອງປະຊຸມຂອງໂຮງແຮມພູແມນ ແຂວງຫຼວງພະບາງຫ້ອງປະຊຸມຂອງໂຮງແຮມຄຣາວພລາຊາ ນະຄອນຫຼວງວຽງຈັນຫໍປະຊຸມແຫ່ງຊາດ ນະຄອນຫຼວງວຽງຈັນ ຫ້ອງປະຊຸມຂອງໂຮງແຮມຈຳປາສັກແກຣນ ແຂວງຈຳປາສັກ ແລະ ຫໍວັດທະນະທຳ ແຂວງສະຫວັນນະເຂດ.
ລາງວັນມາດຕະຖານເມືອງທ່ອງທ່ຽວສະອາດອາຊຽນ (ASEAN Clean Tourist City Standard) ຊຶ່ງມາດ ຕະຖານດັ່ງກ່າວນີ້ໄດ້ມີການມອບລາງວັນ ເປັນຄັ້ງ ທີ 2 ເພື່ອສົ່ງເສີມໃຫ້ເມືອງທ່ອງທ່ຽວຂອງອາຊຽນມີການຮັກສາສິ່ງແວດລ້ອມປ້ອງກັນບໍ່ໃຫ້ມີຜົນກະທົບຈາກການປ່ຽນແປງຂອງສະພາບອາກາດແລະເປັນການປະກອບສ່ວນພັດທະນາບັນດາເມືອງຕ່າງໆໃນປະເທດສະມາຊິກອາຊຽນໃຫ້ມີຄວາມຢືນຍົງຊຶ່ງປີນີ້ຢູ່ໃນບັນດາປະເທດສະມາຊິກອາຊຽນມີເມືອງທ່ອງທ່ຽວທີ່ໄດ້ຮັບລາງວັນທັງໝົດ 21 ລາງວັນ.
ສຳລັບ ສປປ ລາວ ໄດ້ຮັບ 1 ລາງວັນ ຄື:ເມືອງທ່ອງທ່ຽວນະຄອນຫຼວງວຽງຈັນລາງວັນການທ່ອງທ່ຽວແບບຍືນຍົງອາຊຽນ (ASEAN Sustainable Tourism Award) ລາງວັນດັ່ງກ່າວແມ່ນການລິເລີ່ມຂອງ ສປປ ລາວ ໃນໄລຍະ ສປປ ລາວເປັນປະທານອາຊຽນໃນປີ 2016 ໃນປີນີ້ແມ່ນມອບລາງວັນເປັນຄັ້ງທີ 2 ຊຶ່ງມີຈຸດປະສົງເພື່ອເປັນການສ້າງແຮງຈູງໃຈໃຫ້ແກ່ຈຸດໝາຍປາຍທາງການທ່ອງທ່ຽວອາຊຽນແລະ ພາກສ່ວນທີ່ກ່ຽວຂ້ອງ ທັງເພື່ອຮ່ວມກັນພັດທະນາການທ່ອງທ່ຽວແລະ ເພື່ອຫຼຸດຜ່ອນບັນຫາດ້ານສິ່ງແວດລ້ອມ ວັດທະນະທຳ-ສັງຄົມ ແລະເສດຖະກິດ ທີ່ເກີດຈາກຂະຫຍາຍຕົວຂອງການທ່ອງທ່ຽວຢ່າງວ່ອງໄວຂະນະດຽວກັນກໍ່ໃຫ້ຄຳແນະນຳ ແລະແຮງຈູງໃຈທີ່ເປັນປະໂຫຍດໃຫ້ແກ່ພາກລັດ ແລະ ພາກທຸລະກິດເພື່ອປັບປຸງຜະລິດຕະພັນ ແລະການບໍລິການຂອງຕົນໃຫ້ໄດ້ຕາມກັບມາດຕະຖານທີ່ມີຢູ່ ຊຶ່ງປີນີ້ຢູ່ໃນອາຊຽນມີຜະລິດຕະພັນການທ່ອງທ່ຽວທີ່ໄດ້ຮັບລາງວັນທັງໝົດ 18 ລາງວັນ ສຳລັບ ສປປ ລາວ ໄດ້ຮັບ 2 ລາງວັນ ຄື:ສະຖານທີ່ທ່ອງທ່ຽວ ວັດຊຽງທອງ ແຂວງຫລວງພະບາງ (ຜະລິດຕະພັນການທ່ອງທ່ຽວ ໃນຕົວເມືອງ) ສະຖານທີ່ທ່ອງທ່ຽວວັດພູຈຳປາສັກ,ແຂວງຈຳປາສັກ (ຜະລິດຕະພັນການທ່ອງທ່ຽວໃນຊົນນະບົດ).
ງານມະຫາກຳທ່ອງທ່ຽວອາຊຽນ ປະຈຳປີ 2021 ຈະຈັດຂຶ້ນໃນເດືອນມັງກອນ ປີ 2021 ທີ່ປະເທດກຳປູເຈຍ.
ໜັງສືພິມວຽງຈັນໃໝ່
ຄົ້ນຫາ
ປະຕິທິນ
ສະຖານທີ່ທ່ອງທ່ຽວ
ຜູ້ເຂົ້າຢ້ຽມຊົມ
ຈຳນວນຜູ້ເຂົ້າຊົມມື້ນີ 46
ຈຳນວນຜູ້ເຂົ້າຊົມວານນີ້ 74
ຈຳນວນຜູ້ເຂົ້າຊົມອາທິດນີ້ 190
ຈຳນວນຜູ້ເຂົ້າຊົມເດືອນນີ້ 769
ຈຳນວນຜູ້ເຂົ້າຊົມທັງໝົດ 98022
Currently are 14 guests and no members online