ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

4835a298f01c35d9977eda89bdea2ba3

     ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ (ນວ) ລົງ​ພົບ​ປະ​ປະຊາຊົນ​ບ້ານນາ​ສ້າງ​ໄຜ່ ເມືອງ​ໄຊ​ເຊດ​ຖາ ນວ ເພື່ອ​ແນະນຳ​ບາງ​ວິທີ​ແກ້​ໄຂ​ບັນຫາ​ຂໍ້​ຂ້ອງ​ໃຈ​ຂອງ​ປະຊາຊົນ ໃນວັນ​ທີ 25 ສິງຫາ 2017 ຢູ່​ຫ້ອງການ​ປົກຄອງ​ບ້ານ​ນາ​ສ້າງ​ໄຜ່ ໂດຍ​ໄດ້​ຮັບ​ການ​ຕ້ອນຮັບ​ຈາກທ່ານ ຖະໜອມ ທຳ​ທອງ ເຈົ້າເມືອງ​ໄຊ​ເຊດ​ຖາ ພ້ອມ​ດ້ວຍ​ຮອງເຈົ້າເມືອງ ບັນດາ​ພະແນກການອຳນາດ​ການ​ປົກຄອງ ແລະ ປະຊາ​ຊົນ.

     ທ່ານ​ນາງ ຈັນ​ສອນ ໄຊ​ຍະ​ວົງສາ ນາຍບ້ານ​ນາ​ສ້າງ​ໄຜ່ ໄດ້ກ່າວ​ວ່າ: ບ້ານ​ນາ​ສ້າງ​ໄຜ່ ເປັນໜຶ່ງ​ໃນ 48 ບ້ານຂອງ​ເມືອງ​ໄຊເຊດ​ຖາ ມີ​ເນື້ອທີ່ 217,57 ເຮັກຕາ 561 ຄອບຄົວ 590 ຫຼັງຄາເຮືອນ ພົນລະເມືອງ 2.527 ຄົນ ແບ່ງ​ເປັນ 60 ໜ່ວຍ ອາຊີບສ່ວນ​ໃຫຍ່​ແມ່ນ​ກຳມະກອນ​ທົ່ວໄປ ນັກຮຽນ-ນັກ​ສຶກ​ສາ ພະນັກງານ​ພວກ​ເຮົາ ໄດ້​ຖື​ເອົາ​ການ​ສຶກສາ​ອົບຮົມ​ການເມືອງ-ແນວ​ຄິດເປັນ​ຫຼັກ ໂດຍ​ການ​ນຳ​ເອກະສານແນວທາງ​ນະໂຍບາຍ​ຂອງ​ພັກ ລະບຽບ​ກົດໝາຍ​ຂອງ​ລັດ​ ລົງ​ເຜີຍແຜ່​ໃຫ້​ປະຊາຊົນ​ພາຍ​ໃນ​ບ້ານ ມີ​ໂຮງງານ 4 ແຫ່ງ ກຸ່ມ​ປູກ​ຜັກອິນ​ຊີ 1 ກຸ່ມ ມີ 14 ຄອບຄົວ ເນື້ອທີ່ 5,2 ເຮັກຕາ ສະເລ່ຍ​ລາຍ​ຮັບ 6,2 ລ້ານ​ກີບ​ຕໍ່​ເດືອນ ໄດ້​ປຸກ​ລະດົມ​ໃຫ້​ປະຊາຊົນ​ສ້າງ​ເສດຖະກິດຄອບຄົວ​ໃຫ້​ດີ​ຂຶ້ນ ສະເລ່ຍ​ລາຍຮັບ 20 ລ້ານ​ກີບ​ຕໍ່​ຄົນ​ຕໍ່​ປີ ຄອບຄົວ​ມີ​ລາຍ​ຮັບ​ສູງ 23 ຄອບຄົວ ປານ​ກາງ 324 ຄອບຄົວ ກຸ້ມ​ກິນ 214 ຄອບຄົວ 6 ເດືອນ​ຜ່ານ​ມາ ປະຕິບັດ​ລາຍ​ຮັບ​ໃຫ້​ລັດ 61,07 ລ້ານ​ກີບ ພ້ອມ​ນີ້ ວຽກ​ງານ​ວັດທະນະ​ທຳ-ສັງຄົມ ແລະ ວຽກງານ​ອື່ນໆ​ກໍ່​ມີ​ການ​ຂະຫຍາຍຕົວ ທັງ​ໄດ້​ຮັບ​ນາມມະຍົດ​ເປັນ​ບ້ານວັດທະນະທຳ ບ້ານ​ສາທາລະນະສຸກ​ແບບຢ່າງ ບ້ານ​ປອດ​ຄະດີ ບ້ານ​ພັດທະນາ ບ້ານ​ປ້ອງ​ກັນຄວາມ​ສະຫງົບ ບ້ານ​ສາມັກຄີ ສຳລັບ​ຂໍ້​ສະເໜີ​ແມ່ນ​ຢາກ​ໃຫ້​ຂັ້ນເທິງ ​ແກ້​ໄຂ​ບັນຫາ​ທີ່​ດິນ​ສະມາຄົມຈີນ​ທີ່​ຍັງ​ແກ້​ໄຂ​ບໍ່​ຕົກ ປັດຈຸບັນ ມີປະຊາຊົນ​ອາໄສ​ຢູ່​ດິນ​ດັ່ງກ່າວ 93 ຄອບຄົວ ບັນຫາ​ເສັ້ນທາງ​ທີ່​ບຸກເບີກ​ແຕ່​ປີ 2015 ແຕ່​ຍັງ​ບໍ່​ທັນ​ສຳເລັດ ບັນຫາ​ໄຟຟ້າ​ບໍ່​ພຽງພໍ ບັນຫາ​ດິນ​ດອນ​ຕະ​ແຂ່​ທີ່​ບ້ານ​ເຫັນ​ດີໃຫ້​ເຮັດ​ເປັນ​ບ່ອນ​ປະຕິບັດ​ທຳ ແລະ ບັນຫາ​ສະຖານທີ່​ຂາຍ​ພືດຜັກ​ອິນ​ຊີ.

     ໂອກາດ​ນີ້ ບັນດາ​ພະ​ແນກການ​ກ່ຽວຂ້ອງ ​ກໍ່​ໄດ້​ຊີ້​ແຈງ​ບັນຫາ​ດັ່ງກ່າວ​ຢ່າງ​ກົງ​ໄປ​ກົງ​ມາ ຈາກ​ນັ້ນ ທ່ານ​ເຈົ້າ​ຄອງ​ກໍ່​ໄດ້​ປະກອບ​ຄຳ​ເຫັນ ໂດຍ​ໄດ້​ແນະນຳ​ບັນດາ​ພະແນກການ ກໍ່​ຄືອຳນາດການ​ປົກຄອງ ​ຄົ້ນຄວ້າ​ຊອກ​ຫາທາງ​ອອກ​ທີ່​ເໝາະ​ສົມ​ ເພື່ອ​ແກ້​ໄຂບັນຫາ​ທີ່​ດິນ​ສະມາຄົມ​ຈີນ ຄື: ປະຕິ​ບັດ​ຕາມ​ຄຳ​ຕັດສິນ​ຂອງ​ສານ ​ທີ່ໄດ້​ຕັດສິນ​ໃຫ້​ສະມາຄົມ​ຈີນ​ເປັນ​ຜູ້ຊະນະ​ຄະດີ​ມາ​ແລ້ວ ຫຼື ຂໍ​ນະ​ໂຍບາຍ​ນຳ​ສະມາຄົມ​ຈີນ ບັນຫາເສັ້ນທາງ​ເຈົ້າ​ຄອງ​ກໍ່​ໄດ້​ເນັ້ນ​ໃຫ້ຊອກ​ແຫຼ່ງ​ທຶນ​ດອກ​ເບ້ຍ​ຕ່ຳ ຫຼື ຈາກ​ການ​ລະດົມ​ຈາກ​ພາກສ່ວນ ທີ່​ມີ​ເງື່ອນໄຂ​ເພື່ອ​ສືບຕໍ່​ກໍ່ສ້າງ ສຳລັບ​ໄຟຟ້າ​ພາກສ່ວນ​ກ່ຽວຂ້ອງ​ກໍ່ໄດ້​ຢືນຢັນ ປີ 2018 ຈະ​ແກ້​ໄຂ​ໃຫ້ ສຳລັບ​ດິນ​ດອນ​ຕະ​ແຂ່​ຈະ​ນຳໄປຄົ້ນຄວ້າ​ຕື່ມ​ອີກ ສ່ວນ​ສະຖານທີ່ຂາຍ​ພືດ​ຜັກ​ອິນ​ຊີ ​ຄວນ​ຊອກ​ສະຖານ​ທີ່ທີ່​ເໝາະ​ສົມ ໂດຍ​ໃຫ້ເມືອງ​ເປັນ​ຜູ້​ກຳນົດ​ຊ່ວຍ.

 

 

ຂໍ້ມູນຈາກ: ເວັບໄຊວຽງຈັນໃໝ່

ຄົ້ນຫາ

ປະຕິທິນ

July 2022
S M T W T F S
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 35

ຈຳນວນຜູ້ເຂົ້າຊົມວານນີ້ 54

ຈຳນວນຜູ້ເຂົ້າຊົມອາທິດນີ້ 289

ຈຳນວນຜູ້ເຂົ້າຊົມເດືອນນີ້ 35

ຈຳນວນຜູ້ເຂົ້າຊົມທັງໝົດ 100440

Currently are 17 guests and no members online