ບັນ­ຫາ​ຢາ​ເສບ​ຕິດເປັນ​ໄພ​ອັນ­ຕະ­ລາຍ​ຮ້າຍ​ແຮງ​ຕໍ່​ສັງ­ຄົມ​ໃນ​ປັດ­ຈຸ­ບັນ ແລະມີ​ທ່າ​ອ່ຽງ​ແຜ່​ລະ­ບາດ ແລະ ຂະ­ຫຍາຍ​ສູງ​ຂຶ້ນ​ໃນ​ຫຼາຍ​ທ້ອງ­ຖິ່ນລວມ​ທັງ​ນະ­ຄອນ­ຫຼວງ​ວຽງ​ຈັນ (ນວ) ເຊິ່ງ​ກາຍ­ເປັນ​ສິ່ງ​ທ້າ​ທາຍ ແລະໜ້າ​ເປັນ​ຫ່ວງ​ທີ່​ທຸກ​ຄົນ​ທຸກ​ພາກ­ສ່ວນ​ໃນ​ສັງ­ຄົມຕ້ອງ​ເປັນ​ເຈົ້າ​ການ​ປະ­ກອບ­ສ່ວນ​ແກ້​ໄຂ​ບັນ­ຫາ​ດັ່ງ­ກ່າວດ້ວຍ​ຄວາມ​ຮັບ­ຜິດ­ຊອບ​ສູງ.

    ກອງ​ບັນ­ຊາ​ການ​ປ້ອງ​ກັນ​ຄວາມ​ສະ­ຫງົບ ນວຈັດ​ພິ­ທີ​ທຳ­ລາຍ​ຢາ​ເສບ​ຕິດໃນ​ໂອ­ກາດ​ສະ­ເຫຼີມ­ສະ­ຫຼອງ​ວັນ​ແຫ່ງ​ຊາດ​ຕ້ານ​ຢາ​ເສບ​ຕິດ ຄົບ­ຮອບ 17 ປີ (12 ຕຸ­ລາ 2001-12 ຕຸ­ລາ 2018) ຂຶ້ນ​ວັນ​ທີ 10 ຕຸ­ລາ ນີ້ຢູ່​ຫ້ອງ​ວ່າ­ການ​ປົກ­ຄອງ​ເມືອງ​ໄຊ​ທາ­ນີ (ຫຼັງ​ໃໝ່) ໂດຍ​ມີ​ທ່ານສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ ນວ ພ້ອມ​ດ້ວຍ​ທູ­ຕາ­ນຸ­ທູດອົງ​ການ­ຈັດ­ຕັ້ງ​ສາ­ກົນ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ທ່ານ ພົນ​ຈັດ­ຕະ­ວາ ບຸບ­ຜາ ສີ​ພົມ­ມາຫົວ­ໜ້າ​ກອງ​ບັນ­ຊາ​ການ​ປ້ອງ​ກັນ​ຄວາມ​ສະ­ຫງົບ ນວ ກ່າວ​ວ່າ: ປັດ­ຈຸ­ບັນ ນວສາ­ມາດ​ສ້າງ​ບ້ານ​ປອດ​ຢາ​ເສບ​ຕິດ​ໄດ້ 348 ບ້ານ ໃນ 481 ບ້ານໂຮງ­ຮຽນ​ປອດ​ຢາ​ເສບ​ຕິດ 136 ແຫ່ງ ໃນ 162 ໂຮງ­ຮຽນ​ມັດ­ທະ­ຍົມ​ເປົ້າ​ໝາຍ​ສຳ­ລັບ​ວຽກ​ງານ​ຕ້ານ ແລະສະ­ກັດ​ກັ້ນ​ບັນ­ຫາ​ຢາ​ເສບ​ຕິດ 1 ປີ­ຜ່ານ­ມາສາ­ມາດ​ມ້າງ​ຄະ­ດີ​ຢາ​ເສບ​ຕິດ​ໄດ້ 759 ຄັ້ງ ກັກ​ຕົວ​ຜູ້​ກະ­ທຳ​ຜິດ 1.062 ຄົນ ຍິງ 123 ຄົນ ໃນ​ນີ້ ຄົນ​ຕ່າງ­ປະ­ເທດ 12 ຄົນ ຍິງ 2 ຄົນຢຶດ​ສານ​ເສບ​ຕິດ​ປະ­ເພດ​ຢາ​ບ້າ 398.930 ເມັດ ຢາ​ບ້າ​ເປື່ອຍ 0,3 ກິ​ໂລເຮ​ໂລ​ອິນ 4 ແທ່ງ 381,49 ກິ​ໂລ ແລະ 1 ຖົງ​ນ້ອຍ ຢາ​ໄອ 199 ກິ​ໂລ 844,13 ກຣາມແລະ 12 ຖົງ​ນ້ອຍ ໂຄ​ເຄນ 2 ຖົງ​ນ້ອຍ ກັນ­ຊາ 11 ແທ່ງຝຸ່ນ​ປະ­ສົມ​ຢາ​ບ້າ​ສີ­ແດງ 34 ກຣາມ ຝຸ່ນ​ປະ­ສົມ​ຢາ​ບ້າ​ສີ­ຂາວ 15,9 ກຣາມລົດ​ໃຫຍ່ 13 ຄັນ ລົດ­ຈັກ 17 ຄັນ ປືນ 8 ກະ­ບອກ ໝາກ​ແຕກ 1 ໜ່ວຍ ແລະເຄື່ອງ​ອື່ນໆ​ອີກ​ຈຳ­ນວນ​ໜຶ່ງ ການ​ທຳ­ລາຍ​ຄັ້ງ​ນີ້ປະ­ກອບ​ມີ​ຢາ​ເສບ​ຕິດ​ທີ່​ຖືກ​ຕັດ­ສິນ​ແລ້ວ 388,4 ກິ​ໂລ ໃນ​ນີ້ ຢາ​ບ້າ 50 ກິ​ໂລ ກັນ­ຊາ 308 ກິ​ໂລ ຢາ​ໄອ 5,9 ກິ​ໂລ ແປ້ງ​ເຮັດ​ຢາ​ບ້າ 1,5 ກິ​ໂລ ແລະຄາ​ເຟ​ອິນ 23 ກິ​ໂລ.

ທີ່ມາຂໍ້ມູນ: ໜັງສືພີມວຽງຈັນໃໝ່