WhatsApp Image 2016 09 13 at 9.50.11 AM

ເນື່ອງໃນໂອກາດອັນດີງາມອັນເປັນກຽດ ທ່ານ ແກ້ວພິລາວັນ ອາໄພລາດ ຮອງເຈົ້າຄອງ ນະຄອນຫຼວງວຽງຈັນ ເດີນໄປຢ້ຽມຢາມ ນະຄອນໂຮ່ຈີມິນ, ແຂວງເບນແຈ ແລະ ແຂວງບິງເຍືອງ ເພື່ອເສີມສ້າງສາຍສຳພັນອັນດີງາມລະຫວ່າງນະຄອນຫຼວງວຽງຈັນກັບບັນດາແຂວງຕ່າງໆຂອງ ສສຫວຽດນາມ ແລະ ໃນວັນທີ 12 ກັນຍາ 2016 ທ່ານ ແກ້ວພິລາວັນ ອາໄພລາດ ຮອງເຈົ້າຄອງ ນະຄອນຫຼວງວຽງຈັນ ໄດ້ພົບປະ ແລະ ໂອ້ລົມ ນັກສຶກສາລາວທີ່ສຶກສາຢູ່ ນະຄອນໂຮ່ຈີມິນ ເພື່ອແນະນຳວີໃສທັດໃນການຮ່ຳຮຽນ ແລະ ສ້າງແນວຄິດຕ່າງໆໃນການຮ່ຳຮຽນຖອນທອດເອົາບົດຮຽນ ເພື່ອນຳມາພັດທະນາສ້າງສາບ້ານເມືອງ.

 

 

14212660 320064411675425 5870396901812788267 n

ຕອນເຊົ້າຂອງວັນທີ 8 ກັນຍາ 2016. ທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ ພ້ອມດ້ວຍ ທ່ານ ເຈົ້າເມືອງໄຊທານີ ພ້ອມດ້ວຍຄະນະ ໄດ້ລົງກວດກາຕາມສາຍທາງຖະຫນົນເລກທີ 10, ບໍລິເວນບ້ານດົງບັງ, ບ້ານນາພອກ ແລະ ບໍລິເວນຕະຄອງ ຮ່ອງນ້ຳ ພາຍໃນຕົວເມືອງ ເນື່ອງຈາກກ່ອນຫນ້ານີ້ ພາຍຫລັງທີ່ມີຝົນຕົກແຮງລຽນຕິດ ເຮັດໃຫ້ມີລະດັບນ້ຳເພີ່ມຂື້ນ ແລະ ໄດ້ໄຫລລົ້ນຈົນຖ້ວມຖະຫນົນ ແລະ ບ້ານເຮືອນຂອງປະຊາຊົນບາງຄອບຄົວ. ສາເຫດກໍຍ້ອນວ່າ ມີການຖົມດິນ, ຖົມຫນອງ ເພື່ອປຸກສ້າງທີ່ຢູ່ອາໄສ, ສຳນັກງານເພີ່ມຂື້ນ ເຮັດໃຫ້ເເອ່ງນ້ຳ, ຫນອງນ້ຳ ທີ່ເຄີຍກັກເກັບນ້ຳໄວ້ ບໍ່ມີຄືດັ່ງເກົ່າ ແລະ ປັດໃຈຫລັກກໍແມ່ນຍ້ອນ ທໍ່ລະບາຍນ້ຳ ແມ່ນມີຂະຫນາດນ້ອຍ ບໍ່ສາມາດຮອງຮັບການລະບາຍນ້ຳ ກໍລະນີມີນ້ຳເພີ່ມຂື້ນໄວໃຫ້ທ່ວງທັນໄດ້.
ໂອກາດນີ້: ທ່ານເຈົ້າຄອງໄດ້ຊີ້ນຳບາງບົດຮຽນກ່ຽວກັບວິທີແກ້ໄຂຄື ໃຫ້ພະແນກ ຍທຂ ອອກແບບ ຮ່ອງລະບາຍນ້ຳ ເຊີ່ງໃຫ້ເບີ່ງບໍລິເວນໃດທີ່ມັກເກີດເຫດນ້ຳລົ້ນຖ້ວມ ກໍໃຫ້ຂະຫຍາຍຮ່ອງນ້ຳໃຫ້ກ້ວາງອອກ, ແປງແລວນ້ຳໃຫ້ຮ່ອງນ້ຳນ້ອຍສາມາດໄຫລປ່ອງໃສຮ່ອງນ້ຳໃຫຍ່ ແລະ ໄຫລລົງສູ່ແມ່ນ້ຳສາຍຫລັກ ຫລື ສາຂາ, ປູກຕົ້ນໄມ້ຕາມແຄມຮ່ອງນ້ຳເພື່ອໃຫ້ສາມາດກັກເກັບນ້ຳ ແລະ ປ້ອງກັນບໍ່ໃຫ້ຄັນຄູທຳມະຊາດຖືກເຊາະເຈື່ອນເວລານ້ຳໄຫລຫລາກ. ສ່ວນບັນຫາການຖົມດິນ ຖົມຫນອງ ແມ່ນມອບໃຫ້ ພະແນກ ຍທຂ, ເມືອງໄຊທານີ ແລະ ນາຍບ້ານ ປະສານສົມທົບກັນ ໃນການຫາວິທີ ແລະ ການຈັດຕັ້ງປະຕິບັດຕື່ມອີກ.

ໂດຍ: ວຽງຈັນວັນໃຫມ່ ຂ່າວສານທັນສະໄຫມເພື່ອຊາວວຽງ.

14212012 318620548486478 6878554120835796366 n14203148 318620551819811 556362528661189681 n

ເພື່ອ​ເປັນ​ການ​ປະກອບສ່ວນ ການ​ບູລະນະ​ປະຕິສັງຂອນ​ພະທາດຫຼວງ​ວຽງ​ຈັນ ​ຄັ້ງ​ທີ IV ໄລຍະ​ຜ່ານ​ມາ ​ໄດ້​ຮັບ​ການ​ສົມທົບທຶນ​ຈາກ​ບຸກຄົນ ນິຕິບຸກຄົນ ການຈັດ​ຕັ້ງ​ພາຍ​ໃນ ແລະ ຕ່າງ​ປະເທດ ໃນ​ການ​ບູລະນະ​ປະຕິ​ສັງຂອນ ມີຄຳ 10 ກິ​ໂລ 45 ບາດ 1 ສະຫຼຶງ ແລະ 2 ຫຸນ ແລະ ມີ​ສະກຸນ​ເງິນ 30.020.000 ກີບ 2.036.240 ບາດ​ໄທ 245 ໂດ​ລາ ສະຫະລັດ ແລະ 500 ຢວນ​ຈີນ ແຕ່​ຄວາມ​ຕ້ອງການ​ນຳ​ໃຊ້​ງົບປະມານ​ການ​ປະຕິສັງຂອນ ຄັ້ງ​ທີ IV ນີ້​ປະມານ 10 ຕື້​ກວ່າ​ກີບ​ ພາຍຫຼັງ​ທີ່​ປະຕິສັງຂອນ​ແລ້ວ ທ້າຍ​ປີນີ້​ຈະ​ໄດ້​ຈັດ​ງານ​ສະເຫຼີມສະຫຼອງພະ​ທາດຫຼວງ ຄົບຮອບ 450 ປີ ຢ່າງ​ຄຶກຄື້ນ ແລະ ຍິ່ງ​ໃຫຍ່.

WhatsApp Image 2016 08 23 at 9.01.12 AM WhatsApp Image 2016 08 23 at 9.01.11 AMWhatsApp Image 2016 08 23 at 9.01.14 AM

 

ໃນຕອນເຊົ້າຂອງວັນທີ 23 ເດືອນ ສິງຫາ, ເວລາ 8ໂມງ 30 ນາທີ, ທີ່ຫ້ອງວ່າການນະຄອນຫຼວງວຽງຈັນ, ໄດ້ຮັບຕ້ອນ ສະມາຄົມນັກຮົບເກົ່ານະຄອນຫຼວງຮ່າໂນ້ຍ, ສ.ສ.ຫວຽກນາມ ນຳໂດຍສະຫາຍ ຫງວຽນ ວັນງິ່ງ, ຮອງປະທານສະມາຄົມນັກຮົບເກົ່ານະຄອນຫຼວງຮ່າໂນ້ຍ, ໂດຍແມ່ນ ທ່ານ ແກ້ວພິລາວັນ ອາໄພລາດ, ຮອງເຈົ້າຮອງນະຄອນຫຼວງວຽງຈັນເປັນປະທານຕ້ອນຮັບ, ເນື່ອງໃນໂອກາດການເດີນທາງມາຢ້ຽມຢາມ ແລະ ເຮັດວຽກ ຢູ່ ນະຄອນຫຼວງວຽງຈັນ.

14051676 311976209150912 7040742371838549709 n

ຕອນເຊົ້າ ຂອງວັນທີ 23 ສິງຫາ. ຄະນະການນຳນະຄອນຫລວງວຽງຈັນ ນຳໂດຍທ່ານ ປອ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເລຂາຄະນະພັກ-ເຈົ້າຄອງນະຄອນຫລວງວຽງຈັນ, ພ້ອມດ້ວຍຄະນະອົງການປົກຄອງນະຄອນຫລວງວຽງຈັນໄດ້ ເຂົ້າຮ່ວມວາງກະຕ່າດອກໄມ້ ເພື່ອລະນຶກເຖີງດວງວິນຍານຂອງການນຳປະຕິວັດ ທະຫານ ຕຳຫລວດ ແລະ ປະຊາຊົນລາວບັນດາເຜົ່າ ທີ່ໄດ້ເສຍສະລະເລືອດເນື້ອໃນການປະຕິວັດ ເພື່ອປົດປ່ອຍ ແລະ ປົກປັກຮັກສາປະເທດຊາດເນື່ອງໃນໂອກາດ ວັນຍຶດອຳນາດ ທີ່ 23 ສີງຫາ ຄົບຮອບ 41 ປີ ທີ່ ອານຸສາວະລີນັກຮົບນິລະນາມ ແລະ ທີ່ຫໍພິພິທະພັນໄກສອນ ພົມວິຫານ.

ຄົ້ນຫາ

ປະຕິທິນ

August 2021
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 20

ຈຳນວນຜູ້ເຂົ້າຊົມວານນີ້ 27

ຈຳນວນຜູ້ເຂົ້າຊົມອາທິດນີ້ 319

ຈຳນວນຜູ້ເຂົ້າຊົມເດືອນນີ້ 20

ຈຳນວນຜູ້ເຂົ້າຊົມທັງໝົດ 83954

Currently are 6 guests and no members online