WhatsApp Image 2017 07 31 at 10.35.18 AM WhatsApp Image 2017 07 31 at 10.35.36 AM

ໃນວັນທີ 27 ກໍລະກົດ 2017 ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍຄະນະຂັ້ນສູນກາງໄດ້ລົງຢ້ຽມຢາມ ແລະ ຊຸກຍູ້ການຜະລິດກະສິກຳຢູ່ເມືອງນາຊາຍທອງ ນະຄອນຫຼວງວຽງຈັນ ໂດຍການຕ້ອຍຮັບຂອງທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ທ່ານເຈົ້າເມືອງນາຊາຍທອງ, ເຂົ້າຮ່ວມມີບັນດາພະແນກການ, ຫ້ອງການ, ພາກທຸລະກິດ, ເອກະຊົນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມຕ້ອນຮັບຢ່າງອົບອຸ່ນ.

WhatsApp Image 2017 07 13 at 8.34.13 PMWhatsApp Image 2017 07 13 at 9.34.14 PMWhatsApp Image 2017 07 14 at 10.55.19 AM

     ໃນຕອນເຊົ້າ ຂອງວັນທີ 13 ກໍລະກົດ 2017 ທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ ແລະ ທ່ານ ສີວຽງເພັດ ເພັດວໍລະສັກ ເອກອັກຄະລັດຖະທູດ ແຫ່ງ ສປປ ລາວ ປະຈໍາ ສ. ລັດເຊຍ ພ້ອມຄະນະ ໄດ້ເດີນທາງໄປຢ້ຽມຢາມສະຖານີປ້ອງກັນນໍ້າຖ້ວມ ຢູ່ເຂດພາກເຫນືອ ຂອງເມືອງເຊນປີເຕີສະເບີກ, ສ. ລັດເຊຍ. ສະຖານີດັ່ງກ່າວ ຖືກສ້າງຂຶ້ນ ໃນປີ 1980 ແລະ ເປີດໃຊ້ຢ່າງເປັນທາງການໃນປີ 2011, ລວມມູນຄ່າການກໍ່ສ້າງທັງຫມົດ 8 ຕື້ໂດລາສະຫະລັດ, ມີຄວາມຍາວເຖິງ 25,4  ກິໂລແມັດ, 11 ເຂື່ອນ ແລະ ປະຕູນໍ້າ 6 ແຫ່ງ, ຖືວ່າເປັນສະຖານີປ້ອງກັນນໍ້າຖ້ວມທີ່ໃຫຍ່ທີ່ສຸດໃນໂລກ ແລະ ເປັນສະຖານີທີ່ມີປະສິດທິຜົນຫລາຍ, ເນື່ອງຈາກຜ່ານມາ ເມືອງເຊນປີເຕີສະເບີກ ໄດ້ຖືກນໍ້າຖ້ວມກວ່າ 300 ຄັ້ງ, ແຕ່ພາຍຫລັງສະຖານີແຫ່ງນີ້ເປີດນໍາໃຊ້ ເມືອງເຊນປີເຕີສະເບີກ ກໍ່ບໍ່ຖືກນໍ້າຖ້ວມອີກ.

WhatsApp Image 2017 07 13 at 11.27.19 AMWhatsApp Image 2017 07 13 at 11.27.20 AM

     ໃນວັນທີ 6 ກໍລະກົດ 2017 ທ່ານ ປອ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເຈົ້າຄອງນະຄອນຫລວງວຽງຈັນ ພ້ອມດ້ວຍຄະນະ ໄດ້ເດີນທາງເຂົ້າຮ່ວມ ກອງປະຊຸມ “ຍຸກສະໄຫມການຮວມຕົວກັນ ລະຫວ່າງເມືອງ”, ແຜນທີ່ໃຫມ່ຂອງໂລກ ທີ່ນະຄອນຫລວງມົດສະກູ, ປະເທດລັດເຊຍ, ພ້ອມດຽວກັນນີ້ ໃນກອງປະຊຸມໂຕະມົນ ທ່ານເຈົ້າຄອງ ນວ ກໍໄດ້ສະເຫນີ ກ່ຽວກັບ ວິໄສທັດການພັດທະນານະຄອນຫລວງວຽງຈັນ ໃຫ້ເປັນນະຄອນຫນ້າຢູ່ ແລະ ຍືນຍົງ ຕາມທິດ 6 , ຊຶ່ງໄດ້ຮັບຄວາມສົນໃຈຈາກ ບັນດາປະເທດທີ່ເຂົ້າຮ່ວມປະຊຸມ ເປັນຢ່າງດີ.

WhatsApp Image 2017 07 11 at 7.59.41 AM

     ໃນຕອນບ່າຍຂອງວັນທີ 7 ກໍລະກົດ 2017 ທ່ານ ປອ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເຈົ້າຄອງນະຄອນຫລວງວຽງຈັນ ພ້ອມດ້ວຍຄະນະ ໄດ້ພົບປະກັບ ທ່ານ ໂຊເບຍນິນ ເຈົ້າຄອງນະຄອນຫລວງມົດສະກູ, ທີ່ສໍານັກປົກຄອງນະຄອນຫລວງມົດສະກູ, ປະເທດ ລັດເຊຍ, ໂດຍທັງສອງຝ່າຍເປັນເອກະພາບກັນຕີລາຄາວ່າ ການຮ່ວມມືຜ່ານມາ ຂອງທັງສອງນະຄອນ ແມ່ນມີຫລາຍອັນເຮັດໄດ້ດີ, ພ້ອມກັນນີ້ ກໍ່ໄດ້ຕົກລົງຮ່ວມກັນ ກ່ຽວກັບແຜນການຮ່ວມມືໃນຕໍ່ຫນ້າ ເປັນຕົ້ນແມ່ນ: ການສ້າງນະຄອນແຮກສ່ຽວ ລະຫວ່າງ ນະຄອນຫລວງວຽງຈັນ ກັບ ນະຄອນຫລວງມົດສກູ, ສືບຕໍ່ການຮ່ວມມືດ້ານການສຶກສາ, ການທ່ອງທ່ຽວ-ວັດທະນະທໍາ ແລະ ຄວາມເປັນໄປໄດ້ໃນການສ້າງລົດໄຟຂະຫນາດນ້ອຍ ໃນນະຄອນຫລວງວຽງຈັນ, ສ່ວນການຈັດຕັ້ງປະຕິບັດຕົວຈິງ ແມ່ນມອບໃຫ້ພະແນກພົວພັນຕ່າງປະເທດ ແລະ ພະແນກກ່ຽວຂ້ອງ ຂອງທັງສອງນະຄອນ ສືບຕໍ່ປຶກສາຫາລືກັນ.

9be4204e5a547889d340f9d3326e970a

    ວັນທີ 14 ມິຖຸນາ 2017 ທີ່ຫ້ອງວ່າການນະຄອນຫຼວງວຽງຈັນ ທ່ານ ສິນລະວົງ ຄຸດໄພທູນເຈົ້າຄອງນະຄອນຫຼວງ ໄດ້ຕ້ອນຮັບການເຂົ້າຢ້ຽມຄໍານັບຂອງທ່ານ ຫິເດກິອາຊາມິປະທານຄະນະບໍລິຫານ ບໍລິສັດ ນິກເກັງເຊັກເກວິສະວະກໍາ ຈໍາກັດ ປະເທດຍີ່ປຸ່ນພ້ອມ ດ້ວຍຄະນະ ເພື່ອນໍາສະເໜີແຜນການໃນການມາເຮັດວຽກຢູ່ລາວກໍ່ຄືນະຄອນຫຼວງວຽງຈັນ ໃນການອອກແບບເຄຫາຜັງເມືອງ ແລະຈັດສັນຜັງເມືອງຂອງນະຄອນຫຼວງວຽງຈັນ ເຊິ່ງມີຄວາມຄືບໜ້າ ແລະສໍາເລັດຫຼາຍດ້ານພ້ອມທັງຈະສືບຕໍ່ແຜນການອັນໃໝ່ ທີ່ທາງນະຄອນຫຼວງວາງອອກມາໂດຍບໍລິສັດ ນິກເກັງເຊັກເກວິສະວະກໍາ ຈໍາກັດ ປະເທດຍີ່ປຸ່ນໄດ້ສົມທົບກັບພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນຊີ້ນໍາໃນດ້ານວິຊາການ ນອກຈາກນັ້ນບໍລິສັດຍັງຈະມີແຜນເຮັດທຸລະກິດຢູ່ໃນນະຄອນຫຼວງ ວຽງຈັນຕື່ມອີກໃນຕໍ່ໜ້າໂດຍສະເພາະແມ່ນ ທຸລະກິດທາງດ້ານການສົ່ງເສີມກະສິກໍາປອດສານພິດເພື່ອສົ່ງອອກ.

 

ຂອບໃຈຂໍ້ມູນຈາກ: ໜັງສືພີມວຽງໃຈໃໝ່.

ຄົ້ນຫາ

ປະຕິທິນ

June 2021
S M T W T F S
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 44

ຈຳນວນຜູ້ເຂົ້າຊົມວານນີ້ 48

ຈຳນວນຜູ້ເຂົ້າຊົມອາທິດນີ້ 200

ຈຳນວນຜູ້ເຂົ້າຊົມເດືອນນີ້ 785

ຈຳນວນຜູ້ເຂົ້າຊົມທັງໝົດ 81906

Currently are 46 guests and no members online