14212012 318620548486478 6878554120835796366 n14203148 318620551819811 556362528661189681 n

ເພື່ອ​ເປັນ​ການ​ປະກອບສ່ວນ ການ​ບູລະນະ​ປະຕິສັງຂອນ​ພະທາດຫຼວງ​ວຽງ​ຈັນ ​ຄັ້ງ​ທີ IV ໄລຍະ​ຜ່ານ​ມາ ​ໄດ້​ຮັບ​ການ​ສົມທົບທຶນ​ຈາກ​ບຸກຄົນ ນິຕິບຸກຄົນ ການຈັດ​ຕັ້ງ​ພາຍ​ໃນ ແລະ ຕ່າງ​ປະເທດ ໃນ​ການ​ບູລະນະ​ປະຕິ​ສັງຂອນ ມີຄຳ 10 ກິ​ໂລ 45 ບາດ 1 ສະຫຼຶງ ແລະ 2 ຫຸນ ແລະ ມີ​ສະກຸນ​ເງິນ 30.020.000 ກີບ 2.036.240 ບາດ​ໄທ 245 ໂດ​ລາ ສະຫະລັດ ແລະ 500 ຢວນ​ຈີນ ແຕ່​ຄວາມ​ຕ້ອງການ​ນຳ​ໃຊ້​ງົບປະມານ​ການ​ປະຕິສັງຂອນ ຄັ້ງ​ທີ IV ນີ້​ປະມານ 10 ຕື້​ກວ່າ​ກີບ​ ພາຍຫຼັງ​ທີ່​ປະຕິສັງຂອນ​ແລ້ວ ທ້າຍ​ປີນີ້​ຈະ​ໄດ້​ຈັດ​ງານ​ສະເຫຼີມສະຫຼອງພະ​ທາດຫຼວງ ຄົບຮອບ 450 ປີ ຢ່າງ​ຄຶກຄື້ນ ແລະ ຍິ່ງ​ໃຫຍ່.

ພິທີ​ເປີດ​ໂຄງການ​ບູລະນະ​ປະຕິ​ສັງ​ຂອນ​ພະ​ທາດຫຼວງ ​ຄັ້ງ​ທີ IV ໄດ້​ຈັດ​ຂຶ້ນ​ຢ່າງ​ເປັນ​ທາງ​ການ ໃນວັນ​ທີ 4 ກັນຍາ 2016 ທີ່​ເດີ່ນພະ​ທາດຫຼວງ​ວຽງ​ຈັນ ມີ​ພະ​ເຖລາ​ນຸ​ເຖລະ ທ່ານ ພັນ​ຄຳ ວິພາວັນ ຮອງ​ປະທານ​ປະເທດ ທ່ານ ສອນ​ໄຊ ສີ​ພັນ​ດອນ ຮອງ​ນາຍົກລັດຖະມົນຕີ ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ ພ້ອມ​ດ້ວຍ​ບັນດາການ​ນຳ​ພັກ-ລັດ ພັນ​ລະ​ຍາ​ການນຳ ການ​ນຳ​ນະຄອນຫຼວງ ນັກ​ທຸລະ​ກິດ ແລະ ບັນດາ​ຄະນະ​ກຳ​ມະການ​ຂອງ​ການ​ປະຕິສັງຂອນ ຕະຫຼອດ​ຮອດ​ມວນ​ຊົນ​ຊາວ​ນະຄອນຫຼວງ​ເຂົ້າ​ຮ່ວມ.

ພະ​ທາດຫຼວງ​ວຽງ​ຈັນ​ໄດ້​ສ້າງຂຶ້ນ​ເປັນ 2 ໄລຍະຄື: ໄລຍະ​ທີ 1 ສະໄໝ​ພະຍາ​ຈັນທະ​ບູ​ລີ ປະສິດທິ​ຈັກ ເຈົ້າເມືອງ​ວຽງ​ຈັນ​ຜູ້​ທຳ​ອິດ ກ່ອນ​ປີ ​ຄສ 307 ແລະ ໄລຍະ​ທີ 2 ສະໄໝ​ເຈົ້າ​ໄຊ​ເຊດ​ຖາ​ທິ​ລາດ ໄດ້​ສ້າງ​ອົງ​ພະ​ທາດຫຼວງ​ໃຫຍ່ ກວມ​ເອົາ​ພະທາດ​ນ້ອຍ ໃນ​ປີ ​ຄສ 1566 ສູງ 45 ແມັດ ຄວາມ​ຍາວຂອງ​ຕີນ​ທາດ 69 ແມັດ ກົມ​ມະລຽນ​ຍາວ 91,75 ແມັດ ທາດນ້ອຍ​ອ້ອມ​ຮອບ 30 ລູກ ໃນ​ໄລຍະ​ຜ່ານ​ມາ ​ດ້ວຍ​ຄວາມ​ເຫຼື້ອມໃສ​ສັດທາ ຄວາມ​ຮັກ ຄວາມຫວງ​ແຫນ​ມໍລະດົກ​ທາງ​ດ້ານ​ວັດທະນະ​ທຳ ແລະ ປະຫວັດສາດຂອງ​ປະຊາຊົນ​ລາວ​ບັນດາເຜົ່າ ໄດ້​ເອົາໃຈໃສ່​ບູລະນະ​ປະຕິ​ສັງຂອນ​ພະ​ທາດຫຼວງ​ຄືນໃໝ່​ຫຼາຍຄັ້ງ ເຊິ່ງ​ຄັ້ງ​ໃຫຍ່​ແມ່ນ​ມີ 3 ຄັ້ງ​ຄື: ປີ ​ຄສ 1819 ໃນ​ສະໄໝ​ລາຊະການ​ເຈົ້າ​ອະນຸວົງ ສ້ອມແປງທາດ​ໃຫຍ່ ແລະ ນ້ອຍ ສ້າງ​ກົມມະ​ລຽນອ້ອມ​ຮອບ ແລະ ປະຕູໂຂງ​ທັງ​ສີ່​ດ້ານ ປີ ​ຄສ 1930-1935 ພະສົງ​ອົງຄະ​ເຈົ້າ ຜູ້​ຊົງ​ຄຸນວຸດ​ທິ ແລະ ນາຍ​ຊ່າງ​ໄດ້​ຕົບແຕ່ງ​ຊົງ​ສິລະ​ປະ​ລາວ ປີ ​ຄສ 1976 ຫຼໍ່​ທອງ​ໃສ່​ຍອດ​ພະທາດເສີມ​ສາຍ​ກັນ​ຟ້າຜ່າທັບ​ປະທາຍເກົ່າ​ທີ່​ຜຸ​ແຕກ​ອອກ​ໂບກ​ຄືນໃໝ່ ທາສີ​ຄຳ​ພະທາດ​ໃຫຍ່ ແລະ ພະທາດ​ນ້ອຍ ປັດຈຸບັນ​ອົງ​ພະທາດເຕົ້າ​ທາດ (ໂອ​ຂ້ວມ) ພື້ນ​ພະທາດພະທາດ​ນ້ອຍ​ແຈ​ກຳແພງ​ຖ້ານ​ທີ 1 ແລະ ກົມ​ມະ​ລຽນອ້ອມ​ຮອບທັງ​ສີ່​ດ້ານ​ມີ​ຮອຍ​ແຕກ​ແຫງ ປະທາຍ​ຜຸ່ຍ​ຂຸ​ອອກ ຫໍ​ໄຫວ້​ທັງ​ສີ່ເບື້ອງ​ສັນ​ຂຸ​ຊຳ​ລຸດ ວັນ​ແລ່ນ​ແຕກຫັກ ດິນຂໍ​ແຕກ​ເປັນ​ບາງ​ຈຸດ ໄມ້ອົກໄກ່ ຂ້າວ ກອນ ແກ ໄມ້ປ້ານລົມ ຈຳນວນ​ໜຶ່ງ​ໂດກ ພ້ອມດຽວ​ກັນ​ນັ້ນ ຊຸ້ມ​ປະຕູ​ທັງ 4 ເບື້ອງ ໄມ້​ບານ​ປະຕູ 8 ແຜ່ນ ມີ​ຮອຍແຕກ​ແຫງ ດອກ​ດວງ​ລະບາຍ​ສີຈືດຈາງ ໄມ້​ຢັນ​ຂ້າວ​ບໍ່​ແໜ້ນ ຜະນັກ​ລະບຽງ ຫົວ​ເສົາ​ແຕກ ນອກຈາກ​ນັ້ນ ຮ່ອງ​ລະບາຍ​ນ້ຳ​ລະບາຍ​ນ້ຳ​ບໍ່​ທັນ ໄຟຟ້າ​ໃຫ້​ແສງ​ສະຫວ່າງ​ຍັງ​ບໍ່​ທັນ​ພຽງພໍ ສະນັ້ນ ຈຶ່ງ​ມີ​ຄວາມ​ຈຳເປັນ​ຕ້ອງ​ບູລະນະປະຕິສັງຂອນ​ພະ​ທາດຫຼວງ​ມໍ​ລະດົກ​ແຫ່ງ​ຊາດ ທາງ​ດ້ານ​ປະຫວັດສາດ ​ໃຫ້​ຢູ່​ໃນ​ສະພາບ​ດີ ແລະ ຮັກສາ​ຄຸນ​ລັກສະນະ​ດັ່ງ​ເດີມ.

ຂໍ້ມູນຈາກ:Vientiane New day/ວຽງຈັນວັນໃໝ່

ຄົ້ນຫາ

ປະຕິທິນ

June 2021
S M T W T F S
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 44

ຈຳນວນຜູ້ເຂົ້າຊົມວານນີ້ 48

ຈຳນວນຜູ້ເຂົ້າຊົມອາທິດນີ້ 200

ຈຳນວນຜູ້ເຂົ້າຊົມເດືອນນີ້ 785

ຈຳນວນຜູ້ເຂົ້າຊົມທັງໝົດ 81906

Currently are 41 guests and no members online