13686548 300188610329672 4187580971640442907 n

ວັນ​ທີ 27 ກໍ­ລະ­ກົດ 2016 ນີ້​ທີ່​ບ້ານ​ນາ​ໄຊ ເມືອງ​ໄຊ​ເຊດ​ຖາ ນະ­ຄອນ­ຫຼວງ​ວຽງ​ຈັນ ທ່ານ  ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະຄອນ​ຫຼວງ​ວຽງ​ຈັນ ພ້ອມ​ດ້ວຍ​ການ​ນຳ​ນະ­ຄອນ­ຫຼວງ ລົງ​ຢ້ຽມຢາມ​ພົບ​ປະ​ອຳ­ນາດ​ການ​ປົກ­ຄອງ ພໍ່​ແມ່​ປະ­ຊາ­ຊົນ ໃນ​ການ­ຈັດ­ຕັ້ງ​ປະຕິ​ບັດ​ການ​ລົງ​ສຳ​ຫຼວດ​ເກັບ​ກຳ​ຂໍ້​ມູນ​ພື້ນ­ຖານ​ທຸ­ລະ​ ກິດ ຫົວ­ໜ່ວຍ​ທຸ­ລະ​ກິດ ທີ່​ດິນ  ແລະ ຊັບ​ສິນ ໂດຍໃຫ້​ກຽດ​ຕ້ອນ­ຮັບ​ຂອງ​ທ່ານ​ຖະ­ໜອມ ທຳ​ທອງ ເຈົ້າ­ເມືອງ​ໄຊເຊດ​ຖາ ມີ​ຮອງ​ເຈົ້າ­ເມືອງ ຫົວ­ໜ້າ​ຫ້ອງ­ການ ພະ­ນັກ­ງານ ເລ­ຂາ​ພັກ​ບ້ານ ນາຍ­ບ້ານ​ອ້ອມ​ຂ້າງ ປະ­ຊາຊົນ​ພາຍ​ໃນ​ບ້ານ​ເຂົ້າ​ຮ່ວມ.

   ທ່ານ​ເຈົ້າ​ຄອງ ​ໄດ້​ຮັບ​ຟັງ​ການລາຍ​ງານ​ສະ­ພາບ​ລວມບ້ານ​ນາ​ໄຊ ​ເປັນ​ບ້ານ​ໜຶ່ງ​ທີ່​ນອນ​ໃນ 48 ບ້ານຂອງ​ເມືອງ​ໄຊເຊດ​ຖາ ແລະ  ເປັນ​ບ້ານ​ທີ່​ຈັດ​ຢູ່​ໃນ 17 ບ້ານ ໃນ​ເຂດ​ຕົວ​ເມືອງ ປະ­ກອບ​ມີ 41 ໜ່ວຍ 485 ຫຼັງ­ຄາ​ເຮືອນ 341 ຄອບ­ຄົວ ມີ​ພົນ­ລະ­ເມືອງ​ທັງ​ໝົດ 1.844 ຄົນ ຍິງ 967 ຄົນ ຜ່ານ​ການ​ລົງ​ສຳ​ຫຼວດ​ຕົວ​ຈິງ ສາ­ມາດ​ເກັບ​ກຳ​ຂໍ້​ມູນ​ທີ່​ດິນ​ໄດ້ 488 ຕອນ ມີ​ເນື້ອ­ທີ່ 319.537 ຕາ​ແມັດ ເປັນ​ເງິນ​ພາ­ສີ​ທີ່​ດິນ 49.035.000 ກີບ ຖ້າ​ທຽບ­ໃສ່​ຂໍ້​ມູນ​ກ່ອນ​ລົງ ​ແມ່ນ​ເພີ່ມ 24 ຕອນ ເປັນ​ເງິນ 2.920.000 ກີບ ຫົວ­ໜ່ວຍ​ທຸ­ລະ​ກິດ ສາ­ມາດ​ເກັບ​ກຳ​ຫົວ­ໜ່ວຍ​ທຸລະ​ກິດ​ໄດ້ 139 ຫົວ­ໜ່ວຍ ທຽບ­ໃສ່​ຂໍ້​ມູນ​ກ່ອນ​ລົງ 131 ຫົວ­ໜ່ວຍ ແມ່ນ​ເພີ່ມ 8 ຫົວ­ໜ່ວຍ ເປັນ​ເງິນ​ອາ­ກອນ 5.350.000 ກີບ ໃນ​ນັ້ນ ຂຶ້ນ​ກັບ​ນະ­ຄອນ­ຫຼວງ 3 ຫົວ­ໜ່ວຍ ເປັນ​ເງິນ​ອາ­ກອນ 516.417.000 ກີບ ຂຶ້ນ​ກັບ​ເມືອງ 56 ຫົວ­ໜ່ວຍ ເພີ່ມ​ຂຶ້ນ 3 ຫົວ­ໜ່ວຍ ເປັນ​ເງິນ​ອາ­ກອນ 5.350.000 ກີບ ສາ­ເຫດ​ເປີດໃໝ່ ແລະ ໄດ້​ຕັ້ງ​ອາ­ກອນ​ໃຫ້​ແລ້ວຂຶ້ນ​ກັບ​ບ້ານ 36 ຫົວ­ໜ່ວຍ ເປັນ​ເງິນ​ອາ­ກອນ 21.000.000 ກີບ ປີ 2016 ຫົວ­ໜ່ວຍ​ເປີດ​ໃໝ່ 44 ຫົວ­ໜ່ວຍ ເພີ່ມ​ຂຶ້ນ 2 ຫົວ­ໜ່ວຍ ແຕ່​ບໍ່​ທັນ​ໄດ້​ຕັ້ງ​ອາ­ກອນ​ໃຫ້ ແລະ ບໍ່​ທັນ​ໄດ້​ແບ່ງ​ຂັ້ນ​ຄຸ້ມ​ຄອງ ຫົວ­ໜ່ວຍ​ໃຫ້​ເຊົ່າ ສາ­ມາດ​ເກັບ​ກຳ​ຫົວ­ໜ່ວຍ​ໃຫ້​ເຊົ່າ​ໄດ້ 150 ຫົວ­ໜ່ວຍ ເປັນ​ເງິນ​ອາ­ກອນ 538.126.000 ກີບ ຖ້າ​ທຽບ­ໃສ່​ຂໍ້​ມູນ​ກ່ອນ​ລົງ 146 ຫົວ­ໜ່ວຍ ແມ່ນ​ເພີ່ມ​ຂຶ້ນ 4 ຫົວ­ໜ່ວຍ ເປັນ​ເງິນ​ອາ­ກອນ 19.200.000 ກີບ.

   ຈາກ​ນັ້ນ ທ່ານ​ເຈົ້າ​ຄອງ ​ໄດ້​ສະ­ແດງ​ຄວາມ​ຍ້ອງ­ຍໍ​ຊົມ­ເຊີຍ​ການ­ຈັດ­ຕັ້ງ​ຂອງ​ບ້ານ ແລະ ພ້ອມ​ກັນ​ສືບ­ຕໍ່​ພັດ­ທະ­ນາ​ບ້ານ​ໃຫ້​ມີ​ຄວາມເຂັ້ມ­ແຂງ​ກວ່າ​ເກົ່າ ເອົາ­ໃຈ­ໃສ່​ການ​ຈັດ​ເກັບ​ລາຍ​ຮັບ​ເຂົ້າ​ງົບ​ປະມານ​ໃຫ້​ໄດ້​ຕາມ​ແຜນ­ການ​ທີ່ ​ວາງ​ໄວ້ ເອົາ­ໃຈ­ໃສ່​ປ້ອງ​ກັນ​ກະ­ກຽມ​ກອງ​ປະ­ຊຸມ​ສຸດ​ຍອດ​ອາ​ຊຽນ​ ຄັ້ງ​ທີ 28 ແລະ 29 ທີ່ ສປປ ລາວ ເປັນ​ເຈົ້າ­ພາບ ກອງ​ປະ­ຊຸມ​ເຈົ້າຄອງ​ນະ­ຄອນ​ອາ​ຊຽນ ແລະ ວັນ​ສຳຄັນ​ຕ່າງໆ​ຂອງ​ຊາດ ຂອງ​ພັກ ໃຫ້​ມີ​ຄວາມ​ເປັນ​ລະ­ບຽບ​ຮຽບ​ຮ້ອຍ​ໂດຍ​ພື້ນ­ຖານ.

 

ທີ່ມາຈາກ: ໜັງສືພີມວຽງຈັນໃໝ່.

ຄົ້ນຫາ

ປະຕິທິນ

June 2021
S M T W T F S
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 44

ຈຳນວນຜູ້ເຂົ້າຊົມວານນີ້ 48

ຈຳນວນຜູ້ເຂົ້າຊົມອາທິດນີ້ 200

ຈຳນວນຜູ້ເຂົ້າຊົມເດືອນນີ້ 785

ຈຳນວນຜູ້ເຂົ້າຊົມທັງໝົດ 81906

Currently are 45 guests and no members online