13626427 289224934759373 7936020911144329728 n

ວັນທີ 5 ກໍລະກົດ 2016 ທີ່ຫ້ອງວ່າການປົກຄອງນະຄອນຫຼວງວຽງຈັນ (ນວ) ທ່ານ ປອ. ສິນລະວົງ ຄຸດໄພທູນ ເຈົ້າຄອງນະຄອນຫຼວງ ໄດ້ຕ້ອນຮັບການເຂົ້າຢ້ຽມຄຳນັບຂອງ ຄະນະຜູ້ແທນຊາວໜຸ່ມນະຄອນຫຼວງຮ່າໂນ້ຍ ສສ ຫວຽດນາມ ນຳໂດຍທ່ານ ຫງວຽນ ວັນຖັງ ຄະນະປະຈຳສູນກາງຊາວໜຸ່ມ ເລຂາຄະນະບໍລິຫານຊາວໜຸ່ມ ນະຄອນຫຼວງຮ່າໂນ້ຍ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ນະຄອນຫຼວງວຽງຈັນ ລະຫວ່າງວັນທີ 3-7 ກໍລະກົດ 2016.

ໂອກາດດັ່ງກ່າວ ທ່ານເຈົ້າຄອງນະຄອນຫຼວງ ຕີລາຄາສູງຕໍ່ຄະນະຜູ້ແທນດັ່ງກ່າວ ທີ່ເດີນທາງມາຢ້ຽມຢາມ ແລະ ເຮັດວຽກຢູ່ ນວ ຄັ້ງນີ້ ເຊິ່ງຈະເປັນການປະກອບສ່ວນສຳຄັນ ເຂົ້າໃນການເສີມສ້າງສາຍພົວພັນມິດຕະພາບ ແລະ ການຮ່ວມມືແບບພິເສດຮອບດ້ານ ລະຫວ່າງສອງພັກ-ສອງລັດ ເວົ້າລວມ ເວົ້າສະເພາະ ລະຫວ່າງຊາວໜຸ່ມສອງນະຄອນຫຼວງທີ່ມີມາແລ້ວນັ້ນ ໃຫ້ນັບມື້ແໜ້ນແຟ້ນຂຶ້ນເລື້ອຍໆ ພ້ອມທັງອວຍພອນໃຫ້ຄະນະຜູ້ແທນຈົ່ງປະສົບຜົນສຳເລັດ ໃນການຢ້ຽມຢາມ ແລະ ເຮັດວຽກຢູ່ ນວ ຄັ້ງນີ້ອີກດ້ວຍ.

ໂອກາດດຽວກັນ ທ່ານ ຫງວຽນ ວັນຖັງ ໄດ້ສະແດງຄວາມຂອບໃຈຕໍ່ທ່ານເຈົ້າຄອງນະຄອນຫຼວງ ທີ່ໄດ້ໃຫ້ກຽດຕ້ອນຮັບຢ່າງອົບອຸ່ນ ພ້ອມທັງລາຍງານຈຸດປະສົງການເດີນທາງມາຢ້ຽມຢາມ ແລະ ເຮັດວຽກຢູ່ ນວ ກໍ່ຄືຜົນສຳເລັດຂອງການພົບປະສອງຝ່າຍກັບຄະນະບໍລິຫານງານຊາວໜຸ່ມ ນວ ທັງນີ້ ກໍ່ເພື່ອເສີມຂະຫຍາຍການພົວພັນຮ່ວມມື ວຽກງານຊາວໜຸ່ມຂອງສອງນະຄອນຫຼວງ ໃຫ້ນັບມື້ກ້າວເຂົ້າສູ່ລວງເລິກ.

ໂດຍ: ວຽງຈັນໃໝ່

 

ທີ່ມາຂໍ້ມູນຈາກ: Vientiane-New-dayວຽງຈັນວັນໃໝ່

ຄົ້ນຫາ

ປະຕິທິນ

August 2021
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 20

ຈຳນວນຜູ້ເຂົ້າຊົມວານນີ້ 27

ຈຳນວນຜູ້ເຂົ້າຊົມອາທິດນີ້ 319

ຈຳນວນຜູ້ເຂົ້າຊົມເດືອນນີ້ 20

ຈຳນວນຜູ້ເຂົ້າຊົມທັງໝົດ 83954

Currently are 9 guests and no members online