ກອງປະຊຸມຄົບຄະນະບໍລິຫານງານພັກນະຄອນຫຼວງວຽງຈັນ (ນວ) ສະໄໝທີ VII ຄັ້ງທີ 3 ຈັດຂຶ້ນວັນທີ 15-16 ມີນາ 2021 ທີ່ຫ້ອງວ່າການປົກຄອງ ນວ ເປັນປະທານຂອງສະຫາຍ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ ເລຂາຄະນະພັກ ເຈົ້າຄອງ ນວ ມີສະມາຊິກອົງການປົກຄອງ ນວ ເຂົ້າຮ່ວມ.

    ໃນວັນເສົາ ວັນທີ 5/12/2020 ຄະນະການນຳນະຄອນຫລວງວຽງຈັນ ນຳໂດຍທ່ານ ປອ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ.​ເລຂາຄະນະພັກ-ເຈົ້າຄອງນະຄອນຫລວງວຽງຈັນ,​ ມີຄະນະປະຈຳພັກ ນວ,​ ຄະນະປະຈຳສະພາປະຊາຊົນ ນວ ແລະ ພາກສ່ວນກ່ຽວຂ້ອງຮ່ວມເປັນຄະນະ ໃນໂອກາດລົງເຄື່ອນໄຫວ ແລະ ເຮັດວຽກຢູ່ພາກເໜືອ ລະຫວ່າງວັນທີ 5-9/12/2020,​ ເຊີ່ງໃນຕອນເຊົ້າມື້ນີ້ ຄະນະການນຳຂອງ ນວ ໄດ້ຢ້ຽມຊົມສະຖານທີ່ທ່ອງທ່ຽວມໍລະດົກໂລກ ທົ່ງໄຫຫີນ ແລະ ຕອນຄ່ຳຂອງວັນດຽວກັນ ກໍໄດ້ ເຂົ້າຮ່ວມພົບປະກັບຄະນະການນຳຂອງແຂວງຊຽງຂວາງ ຕ້ອນຮັບໂດຍ ທ່ານ ບຸນຕົ້ນ ຈັນທະພອນ ເຈົ້າແຂວງຊຽງຂວາງ ພ້ອມດ້ວຍຄະນະ ແລະ ໂອກາດດັ່ງກ່າວ ນະຄອນຫລວງວຽງຈັນ ກໍໄດ້ມອບເຄື່ອງຊ່ວຍເຫລືອ ໃຫ້ແຂວງຊຽງຂວາງ ມີຄອມພິວເຕີ,​ ປລິນເຕີ ແລະ ເຄື່ອງນຸ່ງຫົ່ມ ກັນໜາວລວມມູນຄ່າ ທັງໝົດ 33.000.000 ກີບ.

ຕອນບ່າຍ ຂອງວັນທີ 19 ກັນຍາ 2019, ທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະ ໄດ້ມອບເຄື່ອງຊ່ວຍເຫຼືອໃຫ້ແກ່ຜູ້ປະສົບໄພນ້ຳຖ້ວມ ປະກອບມີ ເຄື່ອງອຸປະໂພກ-ບໍລິໂພກ ລວມເປັນ ເງິນ 33,7ລ້ານກ່ວາກີບ ພ້ອມດ້ວຍເງິນສົດ ຈຳນວນ 40 ລ້ານກີບ ລວມເປັນເງິນທັງໝົດ 73.700.000 ກີບ. ຕາງໜ້າອົງການປົກຄອງແຂວງຄຳມ່ວນ ຮັບໂດຍທ່ານ ໂອໄດ ສຸດາພອນ ເຈົ້າແຂວງຄຳມ່ວນ ພ້ອມດ້ວຍຄະນະ.

ຕາງໜ້າຄະນະບໍລິຫານງານພັກ, ອົງການປົກຄອງ, ສະພາປະຊາຊົນ ແລະ ປະຊາຊົນຊາວ ນະຄອນຫຼວງວຽງຈັນ, ຂໍສະແດງຄວາມເຫັນອົກເຫັນໃຈ ເປັນຢ່າງຍິ່ງ ມາຍັງອົງຄະນະພັກອົງການປົກຄອງ ແຂວງຄຳມ່ວນ ໂດຍສະເພາະ ຄອບຄົວຜູ້ທີ່ຖືກຜົນກະທົບຈາກໄພນໍ້າຖ້ວມໃນຄັ້ງນີ້ ແລະ ກໍ່ເຊື່ອໝັ້ນວ່າ ພາຍໃຕ້ການນຳພາ ຂອງອົງຄະນະພັກ, ອົງການປົກຄອງແຂວງຄຳມ່ວນ ໃນການຮັບມືກັບໄພພິບັດໃນຄັ້ງນີ້ ຈະສາມາດຜ່ານເວລາອັນຫຍຸ້ງຍາກ ແລະ ຊີວິດການ ເປັນຢູ່ຂອງປະຊາຊົນ ຈະໄດ້ຮັບການຟື້ນຟູກັບສູ່ສະພາບປົກກະຕິໂດຍໄວ.