Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

34035368 580552032324759 392698802722570240 n

      ຕອນແລງຂອງວັນທີ 31 ພຶດສະພາ 2018 ທີ່ສະໜາມຂອງສຳນັກງານປົກຄອງນະຄອນຫຼວງວຽງຈັນ ໄດ້ຈັດກິດຈະກຳປູກຕົ້ນໄມ້ ເນື່ອງໃນໂອກາດວັນປູກຕົ້ນໄມ້ແຫ່ງຊາດ ແລະ ວັນເດັກສາກົນ 1/6. ໂດຍພາຍໃຕ້ຫົວຂໍ້ "ເຊີນຊວນທຸກຄົນປູກຕົ້ນໄມ້ ຜູ້ໜື່ງໃຫ້ໄດ້ 2 ຕົ້ນຕໍ່ປີ ເນື່ອງໃນວັນປູກຕົ້ນໄມ້ແຫ່ງຊາດ". ເຂົ້າຮ່ວມກິດຈະກຳດັ່ງກ່າວໂດຍ ທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ທ່ານ ພູວົງ ວົງຄຳຊາວ ຫົວໜ້າຫ້ອງວ່າການ ນວ, ມີຄະນະບໍລິຫານງານຊາວໜຸ່ມ ນວ, ບັນດາພະນັກງານຫ້ອງການ ແລະ ນ້ອງນ້ອຍເຍົາວະຊົນເຂົ້າຮ່ວມ.

 

  33980143 580548218991807 3392378651730247680 n

   ຫ້ອງ​ວ່າການ​ປົກຄອງ​ນະຄອນຫຼວງ​ວຽງ​ຈັນ ຮ່ວມ​ກັບ​ຄະນະ​ບໍລິຫານ​ງານ​ຊາວ​ໜຸ່ມ ປະຊາຊົນ ປະຕິວັດ​ລາວ ນະຄອນຫຼວງ​ວຽງ​ຈັນ ຈັດ​ກິດຈະກຳ​ປູກ​ຕົ້ນໄມ້ ເນື່ອງ​ໃນ​ໂອກາດ​ວັນ​ປູກ​ຕົ້ນໄມ້​ແຫ່ງ​ຊາດ ແລະ ວັນເດັກນ້ອຍ​ສາກົນ 1 ມິຖຸນາ ຂຶ້ນ​ໃນ​ວັນ​ທີ 31 ພຶດສະພາ 2018 ທີ່​ຫ້ອງ​ວ່າການ​ປົກຄອງ​ນະຄອນຫຼວງ​ວຽງ​ຈັນ ນຳ​ໂດຍ​ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ ມີ​ບັນດາ​ຫ້ອງການ ຂະແໜງການ ອົງ​ການຈັດຕັ້ງ​ມະຫາຊົນ ຊາວ​ໜຸ່ມ ແລະ ນ້ອງ​ນັກຮຽນ​ເຂົ້າ​ຮ່ວມ.

        ເບ້ຍ​ໄມ້​ທີ່​ນຳ​ມາ​ປູກ​ຄັ້ງ​ນີ້​ປະກອບ​ມີ 3 ຕົ້ນ ທັງ​ນີ້​ກໍ່​ເພື່ອ​ເປັນ​ການ​ປູກ​ຈິດ​ສຳນຶກ​ໃຫ້​ລູກ​ຫຼານ​ໃຫ້​ຮູ້ຈັກ​ປູກ​ໄມ້​ໃຫ້​ເປັນ​ປ່າ ພ້ອມ​ທັງ​ຮັກສາ​ສິ່ງແວດລ້ອມ ແລະ ຍັງ​ເປັນ​ການ​ປະຕິບັດ​ນະໂຍບາຍ 6 ສ ໂດຍ​ສະເພາະ ສ ສີຂຽວ ແນໃສ່​ເຮັດ​ໃຫ້​ຫ້ອງ​ວ່າການ​ປົກຄອງ​ນະຄອນຫຼວງ​ວຽງ​ຈັນ​ ມີ​ສະພາບ​ແວດ​ລ້ອມ​ທີ່​ດີ ແລະ ເປັນ​ທີ່​ໜ້າ​ຢູ່​ຂອງ​ໝົດ​ທຸກ​ຄົນ ນອກຈາກ​ນີ້​ແລ້ວ​ຍັງ​ມີ​ກິດຈະກຳ​ແຈກ​ຂອງຂວັນ  ນຳພາ​ລູກ​ຫຼານ ແລະ ພະນັກງານ ຂີ່​ລົດ​ທ່ອງ​ທ່ຽວ​ຊົມ​ນະຄອນຫຼວງ​ວຽງ​ຈັນ​ໃນ​ຍາມ​ລາຕີ​ຕື່ມ​ອີກ.

33990064 580549872324975 3765106165764063232 n

        ໃນ​ປີ 2018 ຄະນະ​ພັກ ອົງການ​ປົກຄອງ ນວ ໄດ້​ມີ​ທິດ​ຊີ້​ນຳ​ໃຫ້​ພະ​ແນກ​ກະສິກຳ ແລະ ປ່າໄມ້ ນວ ສົມທົບ​ກັບ​ບັນດາ​ເມືອງ​ສຸມ​ໃສ່​ນຳພາ​ການ​ປູກ​ໄມ້​ຕາມ​ເສັ້ນທາງ​ສາຍ​ຫຼັກ ເປັນຕົ້ນ ຖະໜົນ 450 ປີ ໃນ​ສອງ​ຟາກ​ໃຫ້​ປູກ​ໄມ້​ຫຳ​ງົວ ສ່ວນ​ຄູ​ກາງ​ແມ່ນ​ປູກ​ດອກ​ຈຳປາ ແລະ ດອກ​ເຈ້ຍ ເສັ້ນທາງ​ເລກ​ທີ 13 ໃຕ້ (ເມືອງ​ໄຊ​ທານີ-ປາກ​ງື່ມ) ເສັ້ນທາງ​ເລກ​ທີ 13 ເໜືອ (ບ້ານ​ໄຊ​ມຸງຄຸນ-ນາ​ດີ ເມືອງ​ນາ​ຊາຍ​ທອງ) ແລະ ເສັ້ນທາງ​ເລກ​ທີ 11 (ເມືອງ​ສີ​ໂຄດ​ຕະບອງ-ເມືອງ​ສັງ​ທອງ) ຈະ​ເນັ້ນ​ປູກ​ຕົ້ນ​ຄູນ ຕົ້ນ​ຈານ ຕົ້ນ​ກາກະເລົາ ຕົ້ນ​ຝາງ​ຫາງ​ນົກ​ຍຸງ ເສັ້ນທາງ​ເລກ​ທີ 10 (ບ້ານ​ດອນ​ຕິ້ວ-ບ້ານ​ລາດ​ຄວາຍ) ແມ່ນ​ມອບ​ໃຫ້​ເມືອງ​ໄຊ​ທານີ​ສົມທົບ​ກັບ​ບໍລິສັດ​ຮັບ​ເໝົາ​ກໍ່ສ້າງ​ທາງ​ປູກ ໂດຍ​ເນັ້ນ​ປູກ​ໄມ້ແຄນ ເສັ້ນທາງ​ຫຼັກ 21-ນາ​ຄວາຍ ເມືອງ​ໄຊ​ເຊດ​ຖາ ເນັ້ນ​ໃສ່​ປູກ​ໄມ້​ປະດັບ ເຊິ່ງ​ຈະ​ໃຊ້​ເບ້ຍ​ໄມ້​ເພື່ອ​ປູກ​ໃນ​ວັນ​ທີ 1 ມິຖຸນາ 2018 ປະມານ 15.000 ເບ້ຍ ນອກ​ນີ້ ຍັງ​ຈະ​ສົ່ງເສີມ​ການ​ປູກ​ໄມ້​ອຸດສາຫະກຳ​ໃຫ້​ໄດ້ 300 ເຮັກຕາ.

#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ຂໍຂອບໃຈ: ນສພ ວຽງຈັນໃໝ່.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 27

ຈຳນວນຜູ້ເຂົ້າຊົມວານນີ້ 60

ຈຳນວນຜູ້ເຂົ້າຊົມອາທິດນີ້ 159

ຈຳນວນຜູ້ເຂົ້າຊົມເດືອນນີ້ 923

ຈຳນວນຜູ້ເຂົ້າຊົມທັງໝົດ 27722

Currently are 47 guests and no members online

ແຜນທີ່ນະຄອນຫຼວງວຽງຈັນ