Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !
  1. ພັດທະນານະຄອນວຽງຈັນ ໃຫ້ສົມກັບເປັນໃຈກາງທາງດ້ານການເມືອງຂອງປະເທດ ຊຶ່ງມີລະບົບການເມືອງ ປະຊາທິປະ​ໄຕ ​ປະຊາຊົນ ແຕ່ຂັ້ນນະຄອນຫລວງຮອດຂັ້ນບ້ານຢ່າງ​ເປັນລະບົບ​ຄົບ​ຊຸດ​ແລະ ສາມາດ​ຮັບປະກັນ​ຄວາມ​ໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງດ້ານສັງຄົມຢ່າງໜັກແໜ້ນ.
  2. ​ນະຄອນວຽງຈັນ ​ເປັນນະຄອນພັດທະນາລະດັບປານກາງຮັກສາ​ບົດບາດ​ເປັນ​ຫົວ​ຈັກ​ແລະ​ເປັນ​ໃຈກາງ​ຂອງ​ເສດຖະກິດ​, ນໍາ​ໜ້າ​ແລະ ຊ່ວຍ​ໜູນ​ແຂວງ​ຕ່າງໆຂອງ​ປະ​ເທດ, ມີ​ຖານ​ເສດຖະກິດ​ຂະຫຍາຍ​ຕົວຕາມ​ທິດ​ຍືນ​ຍົງ, ມີໂຄງປະກອບດ້ານ​ກະສິກໍາ-ອຸດສາຫະກໍາ-ບໍລິການທີ່​ກົມກຽວ. ມູນຄ່າ​ລວມຍອດ​ຜະລິດ​ຕະພັນ​ພາຍ​ໃນບັນລຸ​ໄດ້​ຫລາຍ​ກວ່າ​ປີ 2015 ສາມເທົ່າ (ປະມານ 13.000-15.000 ໂດລາສະຫະລັດ). ປະຊາຊົນ​ສ່ວນ​ໃຫຍ່ດໍາລົງຊີວິດ​ດ້ວຍຄວາມຜາສຸກ, ຢູ່ດີ, ກິນ​ດີ, ເສດຖະກິດຕະຫລາດ​ຕາມ​ທິດສັງຄົມ​ນິຍົມ, ການຫັນເປັນອຸດສາຫະກໍາ ແລະ ທັນສະໄໝ; ​ເສດຖະກິດສີຂຽວ​ແລະ ເສດຖະກິດພູມປັນຍາກາຍ​ເປັນ​ທ່າ​ອ່ຽງຂະຫຍາຍຕົວ ແລະ​ ເປັນຮາກຖານຂອງ​ເສດຖະກິດນະຄອນຫລວງ, ສາມາດ​ຢັບຢັ້ງສະພາບລົດ​ຕິດ​ແລະ ພັດທະນາ​ລະບົບ​ສາທາລະນະ​ປະ​ໂຫຍ​ດພຽງພໍ​ຄວາມ​ຕ້ອງການ​ຈໍາ​ເປັນ​ຂອງ​ຊາວ​ເມືອງ.
  3. ຮັກສາແລະ​ເຊີດ​ຊູ​ຖານະ​ບົດບາດເປັນໃຈກາງທາງດ້ານວັດທະນະທໍາຂອງຊາດ, ເປັນສູນລວມຈິດໃຈ​ແລະ ອະລິຍະ​ທໍ​າຂອງ​ຊາດ​ລາວ​ເອກະ​ພາບ​ທີ່ນັບ​ມື້ ອຸດົມຮັ່ງມີຍິ່ງຂຶ້ນ; ວັດຖຸບູຮານ, ປູຊະນີຍະສະຖານທີ່​ເປັນ​ມໍລະດົກຖືກ​ປະຕິສັງຂອນ​ແລະ ອະນຸລັກ​ຮັກສາ​ໄວ້ໃຫ້ໝັ້ນຄົງຍາວ​ນານ. ສ້າງເງື່ອນໄຂໃຫ້ຄົນໃນສັງຄົມໄດ້ຮຽນຮູ້ ແລະ ເຝິກຝົນທາງດ້ານຄຸນສົມບັດສິນທໍາ ແລະ ອະລິຍະທໍາ, ມີຊີວະທັດ ແລະ ໂລກະທັດທີ່ກ້າວໜ້າ, ສ້າງຄວາມສີວິໄລທາງດ້ານຈິດໃຈ, ດໍາລົງຊີວິດແບບມີວິທະຍາສາດ, ບໍ່ງົມງວາຍ​ເປັນ​ສ່ວນ​ໃຫຍ່; ທຸກ​ຄອບຄົວ, ທຸກ​ຄົນ​ມີ​ເຮືອນ​ຢູ່​ຖາວອນ, ນຸ່ງ​ງາມ, ກິນ​ມີ​ຄຸນ​ນະພາ​ບ.
  4. ຮັກສາແລະ ຢຶດໝັ້ນ​ຖານະເປັນໃຈກາງທາງດ້ານການສຶກສາ, ວິທະຍາສາດ-ເຕັກໂນໂລຊີ​ແລະ​ເລີ່​ມ​ໄວ​ກວ່າ​ໝູ່​ຫັນ​ສູ່ຄວາມ​ເປັນ​ທັນ​ສະ​ໄໝ​ແລະ ເສດຖະກິດ​ພູມ​ປັນຍາ, ສ້າງພົນລະເມືອງໃນເກນອາຍຸຮຽນໄດ້ມີລະດັບການສຶກສາຈົບຊັ້ນມັດທະຍົມຕອນປາຍ; ພົນລະເມືອງທຸກຄົນມີລະດັບພາສາສາກົນຢ່າງໜ້ອຍ 1 ພາສາ, ດັດ​ສະ​ນີໝາຍຊັບພະຍາກອນມະນຸດ​ໃນ​ລະດັບສູງ​ກວ່າ​ໝູ່​ຂອງສປປລາວ, ມີ​ຖັນ​ແຖວນັກວິຊາການ, ຊ່ຽວຊານຕອບສະໜອງ​ໂດຍ​ພື້ນຖານ​ກັບ​ຍຸດ​ທະ​ສາດ​ການ​ພັດທະນາ​ເສດຖະກິດ-ສັງຄົມ,ມີສະ​ຖາ​ບັນຄົ້ນຄວ້າວິທະຍາສາດ ແລະ ພຶດຕິ​ກໍາ, ສາມາດນໍາໃຊ້​ແລະ ບໍລິການຜົນສໍາເລັດໃໝ່ທາງດ້ານວິທະຍາສາດ, ວິທະຍາການເຂົ້າໃນການ​ຜະລິດ, ທຸລະ​ກິດ.
  5. ສ້າງນະຄອນວຽງຈັນໃຫ້ເປັນພື້ນ​ທີ່​ໜຶ່ງ​ທີ່​ເປັນຕົວຢ່າງ​ຂອງການ​ອະນຸລັກ​ຮັກສາສິ່ງແວດລ້ອມຕາມທິດຍືນຍົງ, ​ເປັນ​ພື້ນ​ທີ່​ສີຂຽວ​ແລະ​ກາຍເປັນ Eco-City ໃນອະນາຄົດ. ໂດຍ​ມີເນື້ອທີ່ສີຂຽວປົກຫຸ້ມ ກວມ 75% , ຮັກສາ​ແລະ ຟື້ນ​ຟູ​ພູ​ພະນັງ, ພູ​ເຂົາ​ຄວາຍ, ສາຍ​ນໍ້າ​ງຶ່​ມ, ນໍ້າຂອງ, ໜອງແລະບຶງ​ໃຫຍ່​ລະດັບ 10 ​ເຮັກຕາຂຶ້ນ​ໄປ​ໃຫ້ນໍາ​ໃຊ້​ແລະ ຮັກສາ​ຕາມ​ແຜນຜັງ​ຂອງ​ທາງ​ການ​ກໍານົດ​ໂດຍ​ໃຫ້​ຄົງ​ຢູ່​ຢ່າງ​ຍືນຍາວ​ແລະ ທ້ອງຟ້າ​ອາ​ກາດ​ສະອາດ.
  6. ເສີມຂະຫຍາຍຄຸນ​ປະ​ໂຫຍ​ດດ້ານ​ທີ່​ຕັ້ງພູມສາດ ແລະ ທີ່ຕັງເປັນໃຈກາງຂອງການພົວພັນຮ່ວມມື, ເຊື່ອມໂຍງກັບສາກົນ ແລະ ອະນຸພາກພື້ນສາກົນ ແລະ ອະນຸພາກພື້ນທີ່ມີມາແລ້ວ​ເປັນ​ທາງ​ຜ່ານ (​ໃຈກາງ​ຂອງໃຈກາງ) ຂອງອະນຸ​ພາກ​ພື້ນໃຫ້​ໄດ້​ໃນ​ລະດັບ​ສູງ, ປັບປຸງ​ແລະນໍາ​ໃຊ້ລະບົບການບໍລິການຂົນສົ່ງທາງອາກາດ, ທາງບົກ, ທາງລົດໄຟ, ລະບົບສື່ສານ, ດາວທຽມ, ຍົກ​ລະດັບ​ການ​ເຊື່ອມ​ໂຍງກັບ​ສາກົນນໍາໜ້າ​ແຂວງ​ອື່ນ​ໆ ແລະ ຍັບເຂົ້າໃກ້ກັບນະຄອນ ຫຼວງຂອງອາຊຽນ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 35

ຈຳນວນຜູ້ເຂົ້າຊົມວານນີ້ 16

ຈຳນວນຜູ້ເຂົ້າຊົມອາທິດນີ້ 35

ຈຳນວນຜູ້ເຂົ້າຊົມເດືອນນີ້ 930

ຈຳນວນຜູ້ເຂົ້າຊົມທັງໝົດ 29120

Currently are 7 guests and no members online

ແຜນທີ່ນະຄອນຫຼວງວຽງຈັນ