Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !
  1. ຮັບປະກັນເຮັດໃຫ້ນະຄອນວຽງຈັນ ມີສະຖຽນລະພາບທາງດ້ານການເມືອງ, ມີຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍທາງດ້ານສັງຄົມໜັກແໜ້ນ, ແກ້ໄຂປາກົດການຫຍໍ້ທໍ້ຕ່າງໆໃນສັງຄົມໃຫ້ຫລຸດລົງ, ຕີ​ຖອຍ​ໄພ​ອັນຕະລາຍ​ຂອງ​ຢາ​ເສບ​ຕິດ​ໃນ​ເກນ​ຕໍ່າ​ສຸດ, ຢັບຢັ້ງປາກົດການລົດຕິດ, ສະກັດກັ້ນ ແລະ ປ້ອງກັນໄພພິບັດທຳມະຊາດໃຫ້ໄດ້ໃນລະດັບສູງ.
  2. ສູ້ຊົນສ້າງໜ່ວຍພັກເຂັ້ມແຂງ - ຮູ້ນໍາພາຮອບດ້ານ​ ໃນ​ແຕ່ລະ​ປີໃຫ້ໄດ້ 80% ຂອງຈໍານວນໜ່ວຍພັກທັງໝົດ; ສ້າງ​ສະມາຊິກ​ພັກ​ແຂງ​-ຮູ້​ນໍາພາ​ຮອບດ້ານ​ ໃນ​ແຕ່ລະ​ປີ​ໃຫ້​ໄດ້75% ຂອງ​ຈໍານວນ​ສະມາ ຊິກ​ພັກ​ທັງ​ໝົດ.
  3. ສູ້ຊົນເຮັດໃຫ້ຍອດຜະລິດຕະພັນພາຍ​ໃນ ຂອງນະຄອນຫລວງວຽງຈັນ ເພີ່ມ​ຂຶ້ນສະເລ່ຍບໍ່ຫລຸດ11% ຕໍ່ປີ. ໂຄງປະກອບເສດຖະກິດມີການຫັນປ່ຽນຕາມກົນໄກເສດຖະກິດຕະຫລາດ ແລະ ບັນລຸໄດ້ຄາດໝາຍ: ກະສິກໍາ ເພີ່ມຂຶ້ນ 7%, ກວມເອົາ 14%, ອຸດສາຫະກໍາ ເພີ່ມຂຶ້ນ 16%, ກວມເອົາ 49% ແລະ ການບໍລິການ ເພີ່ມຂຶ້ນ 11%, ກວມເອົາ 37% ຂອງ GDP.
  4. ຍົກ​ຖານະ​ຊີວິດ​ການ​ເປັນ​ຢູ່​ຂອງ​ຊາວ​ເມືອງ ໃຫ້​ເພີ່ມ​ຂຶ້ນສະ​ເລ່ຍ 68% ເທົ່າ​ກັບ 6.500 ໂດລາສະຫະລັດ (ຮອດປີ 2020 ພົນລະເມືອງນະຄອນວຽງຈັນ ຈະມີປະມານ 1,06 ລ້ານຄົນ).
  5. ຕັ້ງໜ້າຂຸດຄົ້ນແຫລ່ງທຶນ ເຂົ້າໃນການພັດທະນາໃນ 5 ປີ ໃຫ້ໄດ້ປະມານ 35-36% ຂອງ GDP ຫລື ປະມານ ຕື້ກີບ, ສູ້ຊົນຂຸດຄົ້ນແຫລ່ງລາຍຮັບງົບປະມານໃຫ້ໄດ້ 28-30% ຂອງ GDP; ແກ້​ໄຂ​ໜີ້​ສິນ​ເກົ່າ (ກ່ອນປີ 2015) ຫລຸດ​ລົງມາໃນລະດັບ 40% ແລະ ຢັບຢັ້ງການ​ສ້າງ​ໜີ້​ໃໝ່​ໃຫ້​ໄດ້.
  6. ນໍາໃຊ້ລະບົບ ICT ເຂົ້າໃນການຄຸ້ມຄອງວຽກງານການເງິນ (E-Finance) ໃຫ້ໄດ້ 60%, ສໍາເລັດການບໍລິຫານແບບອີເລັກໂຕນິກ (E-Government) ໃນທົ່ວອົງການປົກຄອງ ນະຄອນຫລວງວຽງຈັນ.
  7. ປັບປຸງ ແລະ ຂະຫຍາຍຫົວໜ່ວຍທຸລະກິດ, ຜູ່​ປະກອບ​ການເພີ່ມຂຶ້ນ, ກຳນົດມາດຖານສິນຄ້າໃໝ່ ມີ (ISO) ໃຫ້ໄດ້ 50%, ທັງກາຍເປັນຫົວໜ່ວຍທຸລະກິດ5 ດີ, “ພັດທະນາ​ດີ, ນຳໃຊ້ແຮງງານລາວ-ເຕັກໂນໂລຊີໃໝ່ດີ, ຖືບັນຊີຕາມກົດໝາຍດີ, ເສຍພັນທະດີ, ນຳໃຊ້ວັດຖຸດິບປະຢັດ  ​ແລະ ຮັກສາສິ່ງແວດລ້ອມດີ.
  8. ພົນລະເມືອງໃນເກນອາຍຸຮຽນ ມີລະດັບການສຶກສາຈົບມັດທະຍົມຕອນປາຍໂດຍພື້ນຖານ, ຮູ້​ພາສາ​ສາກົນ 30%, ຮູ້​ນໍາ​ໃຊ້​ຄອມ​ພິວ​ເຕີ 50%.
  9. ອາຍຸຍືນສະເລ່ຍຂອງພົນລະເມືອງໃຫ້ບັນລຸໄດ້ຫລາຍກວ່າ 75 ປີ; ສູ້ຊົນຫລຸດຜ່ອນອັດຕາການຕາຍຂອງເດັກ ທີ່ມີອາຍຸລຸ່ມ 5 ປີ ໃຫ້​ຍັງ​ເຫລືອ 25/1.000 ຄົນ, ກໍາ​ຈັດ ແລະ ແກ້​ໄຂ​ພະຍາດ​ອັນຕະລາຍ 6 ປະການ​ຄື: ໂຣກເອດ,​ມະເຮັງ, ໄຂ້ຫວັດສັດປີກ, ໄຂ້ເລືອດອອກ, ພະຍາດຖອກທ້ອງ ແລະ ໂຣກຫົວໃຈ ໃຫ້​ໄດ້​ໃນ​ເກນ​ສູງ​ສຸດ.
  10. ເສີມ​ສ້າງ​ຄອບຄົວ​ຜາ​ສຸກ, ບ້ານ​ວັດທະນະທໍາ​ໃໝ່, ຫລຸດຜ່ອນການຢ່າຮ້າງ ແລະ ໄພ​ສັງຄົມ​ໃນ​ເກນ​ຕໍ່າ.
  11. ສູ້ຊົນສໍາຫລວດ ແລະ ຂຶ້ນ​ທະບຽນ​ອອກ​ໃບ​ຕາດິນ ໃຫ້​ໄດ້ 100.000 ຕອນ ​​ເພື່ອ​ແນ່​ໃສ່ຫລຸດ​ຂໍ້​ຂັດ​ແຍ່ງ​ດ້ານ​ທີ່​ດິນ​ໃຫ້​ໄດ້​ໃນ​ລະດັບ​ສູງ; ຟື້ນ​ຟູ​ປ່າ​ສະຫງວນ, ປ່າ​ປ້ອງ​ກັນ...​ເຮັດໃຫ້ມີເນື້ອທີ່ສີຂຽວປົກຫຸ້ມ ກວມ 70%ແລະປູກ​ຕົ້ນ​ໄມ້ 2 ຕົ້ນ/ຄົນ/ປີ.
  12. ປົດ​ປ່ອຍ​ແຮງ​ງານ​ຊາວ​ກະສິກອນຈາກການດໍານາ ແລະ ກ່ຽວ​ເຂົ້າ​ດ້ວຍມືໃຫ້​ໄດ້ 10%ຕໍ່ປີ, ຄຸ້ມຄອງແຮງງານຊາວຕ່າງປະເທດໃຫ້ໄດ້ 95%.
  13. ສ້າງ​ເຂດເມືອງໃໝ່ (ຄຸ້ມເມືອງ​ໃໝ່) ໃຫ້ປາກົດພົ້ນເດັ່ນຂຶ້ນ ເຊັ່ນ: ເຂດພັດທະນາບຶງທາດຫລວງ, ເຂດອຸດສາຫະກໍາ​ໄຊ​ເສດ​ຖາ (ຫລັກ 21), ເຂດ​ພັດທະນາ​ອະ​ສັງຫາລິມະ​ຊັບ(ຖະໜົນ 450 ປີ...).
  14. ສ້າງເທດສະບານ 4 ຕົວເມືອງ ໃຫ້​ເປັນ​ຮູບ​ເປັນ​ຮ່າງ: ບ້ານເພຍ​ລາດ (ເມືອງ​ສັງ​ທອງ), ບ້ານ​ໄຮ່ (ເມືອງ​ປາກ​ງຶ່​ມ), ທ່າ​ເດື່ອ (ເມືອງ​ຫາດ​ຊາຍ​ຟອງ), ເຂດດົງ​ໝາກຄາຍ (ເມືອງໄຊ​ທານີ) ແລະ ສ້າງບ້ານໃຫຍ່ໃຫ້ເປັນຕົວເມືອງນ້ອຍ ໃຫ້ໄດ້ 3 ແຫ່ງຂຶ້ນໄປ.
  15. ສົ່ງ​ເສີມ ແລະ ຮຽກ​ການ​ລົງທຶນ​ພັດທະນາແຫລ່ງທ່ອງ​ທ່ຽວທໍາ​ມະ​ຊາດ ຕິ​ດພັນ​ກັບ​ແຫລ່ງທ່ອງ​ທ່ຽວກະ​ເສດ​ໃໝ່ເຊັ່ນ: ພູ​ເຂົາ​ຄວາຍ-ນໍ້າງຶ່ມ, ພູ​ພະນັງ-ຫ້ວຍ​ຊອນ-ຫ້ວຍ​ຊົ້ວ, ໜອງ​ແປນ, ບຶງທາດຫລວງ ແລະ ດອນ​ກາງຂອງ ​- ປາກ​ຕອນ, ເພື່ອດຶງດູດນັກທ່ອງທ່ຽວເຂົ້າມາທ່ຽວນະຄອນຫລວງວຽງຈັນບໍ່ໃຫ້ຫລຸດ 2 ລ້ານຄົນຕໍ່ປີ.
  16. ສ້າງພະ​ແນກ​ການ ​ແລະ ​ເມືອງ​ 5 ​ດີໃຫ້​ໄດ້ 30% (ພະ​ແນ​ກການ 5​ດີ:​ ເປັນ​ຫົວໜ່ວຍ​ຄຸ້ມ​ຄອງ​ ​ແລະ ​ເປັນ​ພະ​ແນກ​ການ​ທີ່​ມີ​ພະນັກງານ​ບໍລິການຮັບ​ໃຊ້​ປະຊາຊົນ​ດີ, ​ປະຕິບັດ​ລາຍ​ຮັບ​ວິຊາ​ການ​ດີ, ລົງ​ຮາກ​ຖານ​ດີ, ລັດຖະກອນ​ດີ, ​ເປັນ​ພະ​ແນ​ກປະ​ຢັດ​ດີ), ​ເຮັດ​ທົດ​ລອງ 2 ພະ​ແນ​ກການມອບ​ເໝົາ​ຄັງ​ເງິນ​ເດືອນ, ສ້າງ​​ເມືອງ​ໃຫ້​ເປັນ​ຫົວ​ໜ່ວຍ​ເຂັ້ມ​ແຂງ​ຮອບດ້ານ (5 ດ້ານດີຕາມ​ຄໍາ​ສັ່ງ​ນາຍົກລັດຖະມົນຕີສະບັບ​ເລກທີ 16/ນຍ) ຢ່າ​ງໜ້ອຍໃຫ້​ໄດ້ 5 ​ເມືອງ​ຄື: ​ເມືອງ​ຈັນທະ​ບູລີ, ​ເມືອງ​ສີ​ສັດຕະ​ນາກ, ​ເມືອງສັງ​ທອງ, ເມືອງໄຊເຊດຖາແລະເມືອງສີໂຄດຕະບອງ; ສ້າງ​ບ້ານ​ໃຫ້​ເປັນ​ຫົວໜ່ວຍ​ພັດທະນາ​ໃຫ້​ໄດ້ 100% ຂອງ​ຈໍານວນ​ບ້ານ​ທັງ​ໝົດ; ທຸກ​ເມືອງ ແລະ ທຸກ​ພະ​ແນ​ກການ-ອົງການ​ທຽບ​ເທົ່າ​ອ້ອມ​ຂ້າງ​ນະຄອນວຽງຈັນສາມາດ​ປະຕິບັດ​ກົນໄກ​ບໍລິການ​ປະຊາຊົນຜ່ານ “ປະຕູ​ດຽວ” ​ໂດຍ​ພື້ນຖານ.
  17. ຮັບປະກັນ​ໃຫ້ການ​ເຄື່ອນ​ໄຫວ​ຂອງສະພາປະຊາຊົນ ນະຄອນວຽງຈັນ ຕາມ​ລັດຖະທໍາ​ມະນູນ ແລະ ກົດໝາຍ ກາຍ​ເປັນ​ອົງການ​ນິຕິ​ບັນ​ຍັດຂັ້ນນະຄອນທີ່​ມີ​ປະສິດທິ​ຜົນ.
  18. ຮັກສາການພົວພັນຮ່ວມມືກັບບັນດານະຄອນຫລວງ, ນະຄອນ ແລະ ແຂວງຂອງປະເທດເພື່ອນມິດ, ນະຄອນ​ໃຊ້​ພາສາ​ຝຣັ່ງ ແລະ ອົງການຈັດຕັ້ງສາກົນທີ່​ມີ​ແລ້ວ​ໃຫ້​ດີ ແລະ ປະຕິບັດ​ພັນທະ​ການ​ເຂົ້າ​ເປັນ​ສະມາຊິກ ຢ່າງຄົບຖ້ວນ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 27

ຈຳນວນຜູ້ເຂົ້າຊົມວານນີ້ 60

ຈຳນວນຜູ້ເຂົ້າຊົມອາທິດນີ້ 159

ຈຳນວນຜູ້ເຂົ້າຊົມເດືອນນີ້ 923

ຈຳນວນຜູ້ເຂົ້າຊົມທັງໝົດ 27722

Currently are 47 guests and no members online

ແຜນທີ່ນະຄອນຫຼວງວຽງຈັນ