Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຂ່າວເດັ່ນ

3 ຫຼຸດ 3 ເພີ່ມ 3 ຂະບວນການ
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
" ຮ່າງ " ຂໍ້ຕົກລົງ ວ່າດ້ວຍມາດຕະການຫຼຸດຜ່ອນອຸປະຕິເຫດ ແລະ ການຮັກສາຄວາມປອດໄພຕາມຖະໜົນ ທົ່ວນະຄອນຫຼວງວຽງຈັນ
ດໍາລັດ 177 ວ່າດ້ວຍການປະສານງານ ລະຫວ່າງກະຊວງ, ອົງການລັດທຽບເທົ່າກະຊວງ, ແຂວງ, ນະຄອນຫຼວງ ກັບສໍານັກງານນາຍົກລັດຖະມົນຕີ

ນິຕິກຳສຳຄັນ

ຂ່າວສານໜ້າສົນໃຈ

 a681545863f996adc2c76ab1c8699717

ພະ​ແນກ​ກະ­ສິ­ກຳ ແລະ ປ່າ­ໄມ້ ນະ­ຄອນ­ຫຼວງ​ວຽງ​ຈັນ (ນວ)ຈັດ​ສຳ​ມະ​ນາ​ການ​ປູກ​ເຂົ້າ​ຕາມ​ທິດ​ຫັນ​ເປັນ​ອຸດ­ສາ­ຫະ­ກຳ​ທັນ​ສະ­ໄໝ ແລະຫຼຸດ­ຜ່ອນ​ແຮງ​ງານ​ຊາວ­ນາ 10% ຂຶ້ນ​ວັນ​ທີ 10 ກໍ­ລະ­ກົດ 2019 ຢູ່​ຫ້ອງ​ວ່າ­ການ​ປົກ­ຄອງ​ເມືອງ​ຫາດ​ຊາຍ​ຟອງ ໂດຍ​ມີ​ທ່ານ ສິນ​ລະ​ວົງຄຸດ​ໄພ­ທູນ ເຈົ້າ​ຄອງ ນວ ທ່ານ ວົງ​ເດືອນ ບຸນ​ຍະ​ແສງເຈົ້າ­ເມືອງ​ຫາດ​ຊາຍ​ຟອງ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ຫຼ້າ​ສາຍ ນວນ​ທາ​ສິງ ຫົວ­ໜ້າ​ພະ​ແນກ​ກະ­ສິ­ກຳ ແລະ ປ່າ­ໄມ້ ນວກ່າວ​ວ່າ: ພະ​ແນກ​ກະ­ສິ­ກຳ ແລະ ປ່າ­ໄມ້ ນວ ໄດ້​ນຳ​ເອົາ​ນະ­ໂຍ­ບາຍ​ຂອງ ນວມາ​ຈັດ​ຕັ້ງ​ຜັນ​ຂະ­ຫຍາຍ​ສູ່​ການ​ປະ­ຕິ­ບັດ​ຕົວ​ຈິງໂດຍ​ຫັນ​ມາ​ເປັນ​ໂຄງ­ການ​ຊຸກ­ຍູ້​ການ​ປູກ​ເຂົ້າຕາມ​ທິດ​ຫັນ​ເປັນ​ອຸດ­ສາ­ຫະ­ກຳ​ທັນ​ສະ­ໄໝ ແລະຜະ­ລິດ​ເຂົ້າ​ເປັນ​ສິນ­ຄ້າ​ຢູ່​ເຂດ​ທີ່​ມີ​ເງື່ອນ­ໄຂ​ເໝາະ​ສົມ ນັບ​ແຕ່​ປີ 2012 ເປັນ­ຕົ້ນ​ມາ ເຊິ່ງ​ປະ­ກອບ​ມີ 3 ຮູບ​ແບບ ຄື:ຊຸກ­ຍູ້​ຜູ້​ປະ­ກອບ​ການ​ລົງ­ທຶນ ສ້າງ​ຈຸດ​ບໍ­ລິ­ການ​ກົນ​ຈັກ​ກະ­ສິ­ກຳຊຸກ­ຍູ້​ຊາວ​ກະ­ສິ­ກອນ​ຈັດ​ຕັ້ງ​ເປັນ​ກຸ່ມ​ຜະ­ລິດ​ນຳ​ໃຊ້​ກົນ​ຈັກ​ພາຍ​ໃນ​ກຸ່ມແລະ ຊຸກ­ຍູ້​ຊາວ​ກະ­ສິ­ກອນ​ທີ່​ມີ​ເງື່ອນ­ໄຂ​ຊື້​ກົນ​ຈັກມາ​ນຳ​ໃຊ້​ພາຍ​ໃນ​ຟາມ​ຂອງ​ຕົນ ພ້ອມ​ທັງ​ບໍ­ລິ­ການ​ພາຍ​ໃນ​ບ້ານ​ຂອງ​ຕົນຜ່ານ​ການ​ປະ­ຕິ­ບັດ​ມາ​ຮອດ​ປັດ­ຈຸ­ບັນ ມີ​ການ​ນຳ​ໃຊ້​ກົນ​ຈັກ ເປັນ­ຕົ້ນລົດ​ໄຖ​ໃຫຍ່ ແລະ ກາງ 348 ຄັນ ລົດ​ດຳ­ນາ 23 ຄັນ ສາ­ມາດ​ດຳ​ໄດ້ 2.070 ເຮັກ­ຕາ​ຕໍ່​ລະ­ດູ ລົດ​ໄຖ​ນາ​ເດີນ​ຕາມ 15.967 ຄັນ ລົດ​ກ່ຽວ​ເຂົ້າ​ໃຫຍ່ 20 ຄັນ ລົດ​ກ່ຽວ​ເຂົ້າ​ນ້ອຍ 13 ຄັນສ້າງ​ຟາມ​ຕົວ​ແບບ​ນຳ​ໃຊ້​ກົນ​ຈັກ​ປະ­ກອບ​ມີ​ຟາມ​ພັນ​ເພັດ ບ້ານ​ໜອງ​ແຫ້ວທ່ານ ຜາຍ ບ້ານ​ທ່າ​ສົມ​ມໍ ເມືອງ​ໄຊ​ທາ­ນີ ຟາມ​ແຈ້ງ​ສະ­ຫວ່າງ (ສ້າງ​ຕົວ​ແບບ​ນາ​ໄຮ່​ໃຫຍ່) ບ້ານ​ນາ​ຊອນ ເມືອງ​ປາກ​ງື່ມ ມີ​ເນື້ອ​ທີ 61 ເຮັກ­ຕາ ພາ​ຖາດ 7.000 ອັນ ຕົກ­ກ້າ​ໄດ້ 23 ເຮັກ­ຕາ​ຕໍ່​ຮອບ ລົດ​ດຳ­ນາ 3 ຄັນແລະ ລົດ​ກ່ຽວ​ເຂົ້າ 5 ຄັນ.

    ແຜນ­ການ​ປີ 2019 ຈະ​ສູ້​ຊົນ​ປູກ​ເຂົ້າ​ໃຫ້​ໄດ້ 52.373 ເຮັກ­ຕາຄາດ​ຄະ­ເນ​ຜົນ​ຜະ­ລິດ 237.065 ໂຕນ ໃນ​ນີ້ ມີ­ນາ​ດຳ​ດ້ວຍ​ກົນ​ຈັກ 800 ເຮັກ­ຕາ ນາ­ຫວ່ານ+ນາ​ຢອດ 27.000 ເຮັກ­ຕາ ຄາດ​ຄະ­ເນ​ຫຼຸດ­ຜ່ອນ​ແຮງ​ງານ 16.500 ຄົນ ເທົ່າ​ກັບ 51,55% ສາ­ທິດ​ການ​ປູກ​ເຂົ້າ​ດ້ວຍ​ກົນ​ຈັກ 4 ຄອບ­ຄົວເນື້ອ­ທີ່ 2,56 ເຮັກ­ຕາ ຢູ່​ເມືອງ​ຫາດ​ຊາຍ​ຟອງ ເມືອງ​ປາກ​ງື່ມເມືອງ​ໄຊ​ທາ­ນີ ແລະ ເມືອງ​ນາ​ຊາຍ​ທອງຈັດ​ເຝິກ­ອົບ­ຮົມ​ການ​ນຳ​ໃຊ້​ກົນ​ຈັກ​ໃນ​ການ​ປັກ​ດຳ ແລະ ເກັບ​ກ່ຽວ​ເຂົ້າການ​ເຮັດ​ນາ­ຫວ່ານ ແລະ ນາ​ຢອດ​ໃຫ້​ໄດ້ 2 ຄັ້ງທັດ­ສະ­ນະ​ສຶກ​ສາ​ຢ້ຽມ­ຢາມ​ຟາມ​ຕົວ​ແບບ​ພັນ​ເພັດ ປູກ​ເຂົ້າ​ດ້ວຍ​ກົນ​ຈັກຊຸກ­ຍູ້-ສົ່ງ­ເສີມ​ຜູ້​ປະ­ກອບ​ການ ກຸ່ມ​ຜູ້​ຜະ­ລິດ ແລະຊາວ​ກະ­ສິ­ກອນ​ທີ່​ມີ​ເງື່ອນ­ໄຂ​ຫັນ​ມາ​ໃຊ້​ກົນ​ຈັກ ແລະບໍ­ລິ­ການ​ກົນ​ຈັກ​ໃນ​ການ​ຜະ­ລິດ​ກະ­ສິ­ກຳ​ຢ່າງ​ແຂງ­ແຮງຊຸກ­ຍູ້​ຊາວ​ກະ­ສິ­ກອນ​ປູກ​ເຂົ້າ​ຕາມ​ມາດ­ຕະ­ຖານ​ກະ­ສິ­ກຳ​ທີ່​ດີຢູ່​ເມືອງ​ນາ​ຊາຍ​ທອງ ໄຊ​ທາ­ນີ ປາກ​ງື່ມ ຫາດ​ຊາຍ​ຟອງ ໃຫ້​ໄດ້ 200 ເຮັກ­ຕາ 200 ຄອບ­ຄົວ ຕິດ​ພັນ​ກັບ​ການ​ນຳ​ໃຊ້​ກົນ​ຈັກ ແລະນຳ​ໃຊ້​ເຕັກ​ໂນ​ໂລ​ຊີ​ທີ່​ມີ​ປະ­ສິດ­ທິ­ພາບ​ສູງຊຸກ­ຍູ້​ຜູ້​ປະ­ກອບ​ການ​ທີ່​ຈຳ­ໜ່າຍ​ກົນ​ຈັກ ແລະ ນຳ​ໃຊ້​ເຕັກ​ໂນ​ໂລ​ຊີ​ສູງຫັນ​ມາ​ສ້າງ​ຈຸດ​ບໍ­ລິ­ການ​ກົນ​ຈັກ ແລະ ບໍ­ລິ­ການ​ເຕັກ­ນິກ​ໃຫ້​ຫຼາຍ​ຂຶ້ນ.

ໂອ­ກາດ​ນີ້ ທ່ານ​ເຈົ້າ​ຄອງ ນວ ກໍ​ໄດ້​ເນັ້ນ​ວ່າ:ເພື່ອ​ປົດ​ປ່ອຍ​ແຮງ​ງານ​ຊາວ​ກະ­ສິ­ກອນ ອອກ​ຈາກ​ການ​ຜະ­ລິດ​ແບບ​ທຳ​ມະ​ຊາດໄປ​ສູ່​ລະ­ບົບ​ການ​ປູກ​ເຂົ້າ ຕາມ​ທິດ​ຫັນ​ເປັນ​ອຸດ­ສາ­ຫະ­ກຳ​ທັນ​ສະ­ໄໝໂດຍ​ນຳ​ໃຊ້​ກົນ​ຈັກ ແລະ ເຕັກ­ນິກ​ໃໝ່​ໃນ​ການ​ຜະ­ລິດເພື່ອ​ຫຼຸດ­ຜ່ອນ​ຕົ້ນ​ທຶນ ຍົກ​ລະ­ດັບ​ຄຸນ​ນະ​ພາບເພີ່ມ​ຜົນ​ຜະ­ລິດ​ໃຫ້​ໄດ້​ຫຼາຍສາ­ມາດ​ສົ່ງ​ເຂົ້າ​ທີ່​ມີ​ຄຸນ​ນະ​ພາບ​ອອກ​ຂາຍ​ຢູ່​ຕ່າງ­ປະ­ເທດຮັບ­ປະ­ກັນ​ການ​ຜະ­ລິດ​ທັງ​ລະ­ດູ­ແລ້ງ ແລະລະ­ດູ­ຝົນ​ໃຫ້​ປະ­ກົດ​ຜົນ​ເປັນ​ຈິງ.

ທີ່ມາຂໍ້ມູນ: ໜັງສືພິມວຽງຈັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 26

ຈຳນວນຜູ້ເຂົ້າຊົມວານນີ້ 41

ຈຳນວນຜູ້ເຂົ້າຊົມອາທິດນີ້ 26

ຈຳນວນຜູ້ເຂົ້າຊົມເດືອນນີ້ 823

ຈຳນວນຜູ້ເຂົ້າຊົມທັງໝົດ 48683

Currently are 16 guests and no members online

ແຜນທີ່ນະຄອນຫຼວງວຽງຈັນ