Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ການຈັດຕັ້້ງປະຕິບັດຄຳຂັວນ 5 ຮ່ວມແມ່ນມີຄວາມຈຳເປັນ ແລະ ສຳຄັນທີ່ສຸດເນື່ອງຈາກວ່ານະຄອນຫຼວງວຽງຈັນເປັນທີ່ຕັ້ງຍຸດທະສາດທີ່ສຳຄັນ, ເປັນໃຈກາງທາງດ້ານການ ເມືອງ, ເສດຖະກິດ, ວັດທະນາ ທຳສັງຄົມ, ການປ້ອງກັນຊາດ-ປ້ອງກັນຄວາມສະຫງົບ ແລະ ການຕ່າງປະເທດ, ເປັນໃບໜ້າ ໃບຕາຂອງ ປະເທດ; 5 ຮ່ວມປະກອບດ້ວຍເນື້ອໃນ ດັ່ງນີ້:

1.ຮ່ວມຢູ່ນະຄອນຫຼວງ: ແມ່ນການຢູ່ຮ່ວມກັນ ຢ່າງມີຄວາມສາມັກຄີປອງດອງໂດຍບໍ່ຈຳແນກຊົນຊາດ, ຊົນເຜົ່າ ແລະ ເພດໄວ, ບົນພື້ນຖານການເຄົາລົບ ແລະ ປະຕິບັດຕາມລັດຖະທຳທະນູນ, ກົດໝາຍ ແລະ ລະບຽບການຂອງລັດ, ຢູ່ຮ່ວມກັນຢ່າງກັນຢ່າງມີຄວາມສີວິໄລທາງດ້ານວັດຖຸ ແລະ ຈິດໃຈ, ບົນພື້ນຈິດໃຈຮັດຊາດ, ຮັກບ້ານເກີດເມືອງນອນຂອງຕົນ, ຊ່ວຍເຫຼື່ອກັນໃນຍາມທຸກຍາກຂາດເຂີນ ຫຼື ຍາມເກີດໄພພິບັດຕ່າງໆ ແລະ ໃຫ້ການບໍລິການຕ້ອນຮັບແຂກບ້ານ, ແຂກເມືອງດ້ວຍຮອຍຍີ້ມ, ມີສົມມາຄາລະວະ ແລະ ເປັນມິດທີ່ດີຕໍ່ກັນ, ໃຫ້ບໍລິການທີ່ດີ ບໍເອົາປຽບລູກຄ້າວ່ອງໄວທັນການ, ມີຄວາມຮັບຜິດຊອບສູງ ຫຼື ມີສະຕີຕໍ່ການຈັດຕັ້ງ ເຂົ້າຮ່ວມໃນຂະບວນການດ້ານຕ່າງໆທີ່ຈັດຂື້ນຢູ່ນະຄອນຫຼວງຢ່າງເປັນເຈົ້າການ, ຮັກສາກຽດສັກສີໃນ ຖານະນາມເປັນຄົນນະຄອນຫຼວງວຽງຈັນ, ມືຄວາມຊື່ສັດບໍລິສຸດ, ໂປ່ງໃສ ແລະ ມີຄວາມກະຕືລືລົ້ນໃນການສ້າງເສດຖະກິດຄອບຄົວ ຫຼື ການດຳເນີນທຸລະກິດທີ່ຖືກຕ້ອງຕາມກົດໝາຍ ເພືອເຮັດໃຫ້ລາຍຮັບຄອບຄົວສູງຂື້ນເລື້ອຍໆ.

2.ຮ່ວມປົກປັກຮັກສາ: (ຮັກສາຄວາມສະອາດ,ຮັກສາເອກະລັກສະເພາະວັດທະນະທຳດັ່ງເດີມຂອງນະຄອນຫຼວງວຽງຈັນ ແລະ ຄວາມສະຫງົບ-ຄວາມເປັນ ລະບຽບຮຽບຮ້ອຍ)

ໝາຍຄວາມວ່າພວກເຮົາທຸກຄົນຊາວນະຄອນຫຼວງວຽງຈັນຕ້ອງສືບຕໍ່ ຈັດຕັ້ງປະຕິບັດນະໂຍບາຍ 6 ສ ທີ່ນະຄອນຫຼວງວຽງຈັນວາງອອກເປັນອອກເປັນຕົ້ນ ແມ່ນ ສ ສະອາດ, ສ ຫະຫງົບ...

     -ຮັກສາຄວາມສະອາດ ໝາຍເຖີງທຸກຄົນຕ້ອງເປັນເຈົ້າການໃນການຮັກສາອານາໄມອາຄານສະຖານທີ່ຂອງລັດ ແລະ ຂອງນິຕີບຸກຄົນ, ຖະໜົນຫົນທາງ, ສວນສາທາລະນະ, ທີ່ດີນເປົ່າຫວ່າງ ແລະ ບ້ານເຮືອນ ຂອງຕົນ (ບໍ່ຖີ້ມຂີ້ເຫຍື້ອຊະຊາຍ ຫຼື ນຳສີ່ງເປື້ອເປິມາໃສ່) ແລະ ເປັນເຈົ້າການປະກອບສ່ວນທາງດ້ານວັດຖຸເງິນຄໍຳ ໃນການຮັກສາຄວາມສະອາດ ໃຫ້ກາຍເປັນພັນທະໜ້າທີ່ຂອງຊາວນະຄອນຫຼວງວຽງຈັນໝົດທູກ ຄົນ; ໄປຄຽງຄູ່ກັນນັ້ນກໍ່ຕ້ອງພ້ອມກັນປົກປັກຮັກສາສີ່ງແວດລ້ອມ, ຮັກສາຕົ້ນໄມ້ທີ່ປະດັບເອ້ເສັ້ນທາງ ແລະ ສວນສາທາລະນະແຫ່ງຕ່າງໆໃຫ້ຍືນຍົງ, ໃຫ້ມີພື້ນທີ່ສີຂຽວປົກຫຸ້ມ ແລະ ສວຍງາມເປັນນະຄອນຫຼວງ ທີ່ໜ້າຢູ່, ການປຸກສ້າງກໍ່ຕ້ອງໄປຕາມຜັງເມືອງທີ່ໄດ້ກຳນົດໄວ້ເພື່ອຮັກສາເອກະລັກວັດທະນາທຳດັ່ງເດີມຂອງນະຄອນຫຼວງວຽງຈັນ, ຊາວນະຄອນຫຼວງວຽງຈັນທຸກຄົນຕ້ອງຍອມເສຍສະຫຼະ ແລະ ເຂົ້າຮ່ວມໃນການ ກໍ່ສ້າງພື້ນຖານໂຄງລ່າງຕາມແຜນຜັນ ຂະຫຍາຍຕົວເມືອງທີລັດຖະບານໄດ້ຮັບຮອງເອົາ;

-ຮ່ວມປົກປັກຮັກສາຄວາມສະຫງົບ ໝາຍເຖິງຕ້ອງປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກ, ໂດຍເລີ່ມຈາກຄອບຄົວຕ້ອງ ເປັນເຈົ້າການສືກສາອົບຮົມສະມາ ຊິກພາຍໃນຄອບຄົວຂອງຕົນບໍ່ໄປກະທຳຜິດຕໍ່ລະບຽບກົດໝາຍ, ເປັນຫູເປັນຕາໃຫ້ເຈົ້າໜ້າທີ່ລາຍງານກຸ່ມຄົນບໍ່ດີທີ່ມາລີ້ຊ່ອນ ເພື່ອກໍ່ຄວາມບໍ່ສະຫງົບຢູ່ໃນຂອບເຂດບ້ານຂອງຕົນ ແລະ ຢູ່ໃນຄວາມຮັບຜິດຊອບ ຂອງຕົນ (ໂຮງແຮມ, ເຮືອນພັກຂອງຕົນ) ເຂົ້າຮ່ວມຂະບວນການສະກັດກັ້ນ, ຕ້ານ ແລະ ປາບປາມຢາເສບ ຕິດຕາມຄຳສັ່ງເລທີ 27/ນຍ, ເລກທີ02/ຈ.ນວ ຂອງເຈົ້າຄອນນະຄອນຫຼວງວຽວຈັນ, ຢູ່ຂັ້ນບ້ານ, ໜ່ວຍ 10 ຫຼັງຄາເຮືອນ, ສຳນັກງານອົງການ ແລະ ຫົວໜ່ວຍທຸລະກິດຕ້ອງເຂົ້າ ຮ່ວມເຮັດວຽກງານປ້ອງກັນເວນຍາມ, ເຄົາປະຕິບັດກົດລະບຽບຈະລາຈອນຢ່າງເຂັ້ມງວດ.

3.ແກ້ໄຂບັນຫາ: ໝາຍເຖີງບັນຫາຕ່າງໆທີເກີດຂື້ນຢູ່ໃນນະຄອນຫຼວງຈັນຕ້ອງຖືເປັນພັນທະໜ້າທີ່ຄວາມຮັບຜິດຊອບຂອງຊາວນະຄອນຫຼວງວຽງຈັນໝົດທຸກຄົນ ຕ້ອງຮ່ວມ ກັນແກ້ໄຂເປັນຕົ້ນແມ່ນ: ການຈາລະຈອນແອອັດ, ເສັ້ນທາງເປ່ເພ່, ການຖິ້ມຂີ້ເຫຍື້ອຊະຊາບ, ອຸປະຕິດເຫດ, ນັກເລັງອັນຕະພານ, ການຄອບຄອງອາວຸດ ທາດລະເບີດ, ທາດແຕກ ທີ່ຜິດກົດໝາຍ, ກຸ່ມແກ້ງແຂ່ງລົດກວນເມືອງ, ປຸ້ນຈີ້, ຊິງຊັບ ແລະ ລັດຊັບພົນລະເມືອງ (ການກໍ່ອາຊະກຳທາງອາຍາ); ຮ້ານກິນດື່ມ, ຮ້ານບັນເທີງ ເປີດການໂມງເວລາ ແລະ ບັນຫາ ໂສເພນີອື່ນໆ... ທັງໝົດເລົ່ານີ້ລ້ວນແຕ່ແມ່ນພັນທະໜ້າທີ່ຂອງພົນລະເມືອງທຸກຄົນທີ່ດຳລົງຊີິວິດຢູ່ນະຄອນຫຼວງວຽງຈັນ ຕອ້ງໄດ້ຮ່ວມກັນແກ້ໄຂບັນຫາ.

4.ຮ່ວມສ້າງສາພັດທະນາ: ແມ່ນການຮ່ວມກັນເຮັດ ລະຫວ່າງລັດກັບປະຊາຊົນ, ເປັນຕົ້ນແມ່ນການກໍ່ສ້າງພື້ນຖານໂຄງລ່າງເຊັ່ນ: ການກໍ່ສ້າງໂຮງຮຽນ, ໂຮງໝໍ, ສຸກສາລາ, ນຳ້ປະປາ ຫຼື ນຳ້ສະອາດ, ການກໍ່ ສ້າງບູລະນະເສັ້ນທາງຮ່ອມ, ທາງຊອຍຢູ່ຕາມບໍລິເວນຄຸ້ມບ້ານແຫ່ງຕ່າງໆໃນທົ່ວນະຄອນຫຼວງວຽງຈັນ, ການປູກດອກໄມ້-ປູກຕົ້ນໄມປະດັບເອ້ ແລະ ໄປພ້ອມກັຍການບູລະນະຮັັັກສາ, ການຫັນຊັບສີນເປັນທືນຕ້ອງ ຮັບປະກັນໃຫ້ໄດ້ 3 ຜົນປະໂຫຍດ (ລັດ, ລວມໝູ່ ແລະ ປະຊາຊົນ) ຕ້ອງໄດ້ຮ່ວມກັນສ້າງສາພັດທະນາດ້ວຍ ຮູບການຕ່າງໆ (ຂຸດຄົ້ນທ່າແຮງຂອງທ້ອງຖິ່ນ ຫຼື ການສົບທົບທືນ).

5.ຮ່ວມກ້າວໄປສູ້ຄວາມວັດທະນາ: ແມ່ນການກ້າວໄປສູ່ຄວາມຈະເລີນວິໄລຕະຫຼອດໄປ, ຄວາມວັດທະນາໝາຍເຖີງຄວາມຍືນຍົງ ຫຼື ຄວາມສີວິໄລໃນແຕ່ລະດ້ານຂອງ ນະຄອນຫຼວງວຽງຈັນເຊີ່ງສະແດງ ອອກ:

-        ດ້ານວັດຖຸ: ເປັນນະຄອນທີ່ມີໂຄງລ່າງຄົມມະນາຄົມດີ, ເຄຫາສະຖານສວຍງາມ, ບໍ່ມີສະລຳ, ມີເສັ້ນທາງປູຢາງທຸກເສັ້ນ ແລະ ບໍ່ເປື້ອນເປິ, ມີສວນສາທາລະນະ ຫຼື ສະຖານທີ່ທ່ອງທ່ຽວທີ່ສະອາດ ແລະ ສວຍງາມ, ອາຄານບ້ານເຮືອນຂອງປະຊາຊົນ ແລະ ສຳນັກງານອົງການຕ່າງຂອງລັດ, ຂອງນິຕິບຸກຄົນການປຸກສ້າງໄປຕາມແຜນຜັງທີ່ໄດ້ກຳນົດ ໄວ້ ແມ່ນສີ່ງທີ່ພວກເຮົາທຸກຄົນຢາກໄດ້ ຫຼື ຢາກມີ.

-         ດ້ານສັງຄົມ: ເປັນຊຸມຊົນທີ່ສີວິໄລກ້າວໜ້າ, ສ້າງສັນສາມັກຄີປອງດອງຮັດໄຄ້ ບໍ່ຈຳແນກເພດ: ເຜົ່າ ແລະ ຊັ້ນຄົນ, ເປັນຄອບ, ບ້ານປອດຄະດີ ແລະ ຢູ່ດີມີຄວາມສຸກ, ພົວພັນກັນແບບສະໜິດສະໜົມ , ຊ່ວຍເຫຼືອເກື້ອກຸນກັນ ໃນຍາມທູກຍາກຂາດເຂີນ ຫຼື ຍາມເກີດໄພພິບັດຕ່າງໆ.

-           ດ້ານວັດທະນະທຳປະເພນີ: ວັດທະນະທຳຂອງຄົນນະຄອນຫຼວງວຽງຈັນ ແມ່ນການສັງລວມວັດທະນະທຳຂອງຄົນລາວທັງຊາດໃນທົ່ວປະເທດ ຢູ່ຮ່ວມກັນປະກອບມີ ຫຼາກຫຼາຍສິສັນທີ່ສວຍງາມເປັນ ເອກະລັກຂອງເຜົ່າຕ່າງໆ ທີ່ສືຍທອດກັນມາແຕ່ບັນພະບູດ, ເປັນກົນໄກປ້ອງກັນວັດທະນາທຳທີ່ບໍດີຂອງຕ່າງຊາດທີ່ເຂົາມາແຜ່ຂະຫຍາຍຢູ່ພາຍໃນປະ ເທດເຮົາ; ປະເພນີຂອງຊາວເມືອງຖືກຮັກສາໄວ້ ແລະ ເສີມຂະ ຫຍາຍ, ບໍ່ເຊື່ອຖືງົມງວຍໃນສີ່ງທີ່ບໍ່ທີເຫດຜົນ ແລະ ສີ່ງລາມມົກ.

-         ດ້ານຈິດໃຈ: ພົນລະເມືອງທຸກຄົນມີລະດັບການສືກສາ ບັນລຸຄວາມກ້າວໜ້າໃນລະດັບທີ່ແນ່ນອນ, ຮູ້ນຳໃຊ້ວິທະຍາສາດເຕັກໂນໂລຊີໃໝ່ໆເຂົ້າໃສ່ ການຜະລິດ ແລະ ຊີວິດປະຈຳວັນ, ເສດຖະກິດພູມ ປັນຍາ ເກີດຂື້ນຢ່າງແຜ່ຫຼາຍໃນກູ່ມຄົນປັນຍາຊົນ ແລະ ມະຫາຊົນ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 35

ຈຳນວນຜູ້ເຂົ້າຊົມວານນີ້ 16

ຈຳນວນຜູ້ເຂົ້າຊົມອາທິດນີ້ 35

ຈຳນວນຜູ້ເຂົ້າຊົມເດືອນນີ້ 930

ຈຳນວນຜູ້ເຂົ້າຊົມທັງໝົດ 29120

Currently are 11 guests and no members online

ແຜນທີ່ນະຄອນຫຼວງວຽງຈັນ