Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

 DSC00498DSC00488DSC00499

   ນະຄອນຫຼວງ​ວຽງ​ຈັນ ເປັນໃຈກາງ​ທາງ​ດ້ານ​ການເມືອງເສດຖະກິດ-ວັດທະນະທຳ-ສັງຄົມ ນະຄອນ​ຫຼວງ​ວຽງ​ຈັນ ມີ​ຊາຍ​ແດນຕິດ​ກັບ​ຣາ​ຊະ​ອານາຈັກ​ໄທ 187 ກິໂລແມັດ ມີ 6 ເມືອງ 84 ບ້ານ 4 ດ່ານ​ປະເພນີ ແລະ 2 ດ່ານສາກົນ ເຊິ່ງ​ຈາກ​ສະພາບ​ພູມ​ສັນຖານ​ດັ່ງກ່າວ ມັນ​ໄດ້​ສ້າງ​ຄວາມສະດວກ​ສະບາຍ ໃນ​ການ​ຕິດຕໍ່ພົວພັນ​ຄ້າຂາຍ​ກັບ​ປະເທດ​ເພື່ອນບ້ານ ແຕ່​ກໍ່​ປາສະຈາກ​ບໍ່​ໄດ້ ​ການເກີດ​ບັນຫາ​ປາກົດການ​ຫຍໍ້ທໍ້​ທີ່ມັກ​ຈະ​ເກີດ​ຂຶ້ນ​ໃນ​ເຂດ​ຊາຍ​ແດນ ທີ່​ອຳນາດ​ການ​ປົກຄອງ ກຳລັງປ້ອງ​ກັນ​ຊາດ-ປ້ອງ​ກັນ​ຄວາມສະຫງົບ ຕະຫຼອດ​ຮອດ​ປະຊາຊົນ ຕ້ອງ​ເປັນ​ເຈົ້າ​ການ​ຕິດຕາມ ກວດກາ ແລະ ເພີ່ມ​ຄວາມ​ຮັບ​ຜິດຊອບ​ໃນ​ການ​ປ້ອງ​ກັນ​ບັນຫາຕ່າງໆ ດ້ວຍ​ຄວາມ​ຮັບຜິດຊອບສູງ.

 

ຫ້ອງການ​ຄະນະ​ກຳມະການ ​ປກຊ-​ປກສ ນະຄອນຫຼວງ​ວຽງຈັນ ໄດ້​ຈັດ​ກອງ​ປະຊຸມ​ທົບ​ທວນ ສະພາບ​ຄວາມ​ບໍ່​ສະຫງົບ​ຊາຍແດນ​ຕາມ​ລຳ​ແມ່ນ້ຳ​ຂອງ ໃນ​ນະຄອນ​ຫຼວງ​ວຽງ​ຈັນ​ຂຶ້ນ ວັນ​ທີ 13 ພຶດສະພາ 2016 ຢູ່​ທີ່​ຫ້ອງ​ວ່າການ​ປົກຄອງ​ນະຄອນຫຼວງ ໂດຍການ​ເຂົ້າ​ຮ່ວມ​ຂອງ​ທ່ານ ​ປອ. ສິນ​ລະ​ວົງ ຄຸດ​ໄພທູນ ເຈົ້າ​ຄອງນະຄອນຫຼວງ ພ້ອມ​ດ້ວຍ​ບັນດາຄະນະ​ກຳມະການ ​ປກຊ-​ປກສ ອຳນາດ​ການ​ປົກຄອງ​ເມືອງ-ບ້ານ ແລະ ພາກສ່ວນ​ກ່ຽວຂ້ອງ.

   ທ່ານ ​ພັອ.​ປອ. ຄຳ​ພອນ ເທບ​ພະ​ວົງ ຫົວໜ້າ​ກອງ​ບັນຊາການ​ທະຫານ ນະຄອນຫຼວງ​ວຽງຈັນ ໄດ້​ຜ່ານ​ບົດ​ສະຫຼຸບ​ທົບ​ທວນຄວາມ​ບໍ່​ສະຫງົບ​ຕາມ​ຊາຍ​ແດນແມ່ນ້ຳ​ຂອງ ແລະ ແຜນ​ຈັດ​ຕັ້ງປະຕິບັດ​ວຽກ​ງານ​ໃນຕໍ່ໜ້າ ເຊິ່ງ​ປີຜ່ານມາ ສະພາບ​ຕາມ​ຊາຍ​ແດນລຳ​ແມ່ນ້ຳ​ຂອງ ແມ່ນ​ມີ​ຄວາມສະຫງົບ​ໂດຍ​ພື້ນຖານ ປະຊາຊົນສອງ​ຊາດ​ລາວ-ໄທ ໄດ້​ໄປ​ມາ​ຫາສູ່ ແລະ ຄ້າຂາຍເປັນ​ປົກກະຕິ ແຕ່​ເຖິງ​ຢ່າງໃດ​ກໍ່​ຕາມ ບັນຫາ​ທີ່ເກີດ​ຂຶ້ນ​ຕາມ​ລຽບ​ຊາຍ​ແດນ​ແມ່ນ້ຳຂອງ ກໍ່​ຍັງ​ມີ​ປາກົດການ​ຫຍໍ້ທໍ້​ເກີດ​ຂຶ້ນ​ຢ່າງ​ຕໍ່​ເນື່ອງ ໂດຍ​ສະເພາະແມ່ນ ​ບັນຫາ​ການ​ລັກລອບເຂົ້າ​ເມືອງ​ຜິດ​ກົດໝາຍ ເຊິ່ງ​ປີຜ່ານ​ມາ​ ກຳລັງ​ເຈົ້າ​ໜ້າທີ່​ລາວສາມາດ​ຈັບ​ຕົວ​ຜູ້​ກະທຳ​ຜິດໄດ້ທັງ​ໝົດ 80 ຄົນ/ຍິງ 21 ຄົນ ໃນນັ້ນ ມີ​ສັນຊາດ​ໄທ 39 ຄົນ/ຍິງ 21 ຄົນ ຫວຽດນາມ 6 ຄົນ ສ ເກົາຫຼີ 4 ຄົນ ແລະ ບໍ່​ຮູ້​ສັນຊາດອີກ​ຈຳນວນ​ໜຶ່ງ ບັນຫາ​ການແລ່ນ​ເຮືອ​ກາຍ​ເຂດ​ໜ້ານ້ຳ ແລະ ບັນຫາ​ການ​ດູດ​ຫີນ-ຊາຍ​ຢູ່​ຕາມລຳ​ແມ່ນ້ຳ​ຂອງ ເຊິ່ງ​ຕໍ່​ກັບ​ບັນຫາດັ່ງກ່າວ ທາງ​ເຈົ້າ​ໜ້າທີ່​ສອງ​ປະເທດ ລາວ-ໄທ ໄດ້​ເອົາໃຈໃສ່ຮ່ວມ​ມື​ແກ້​ໄຂ​ສະພາບ​ປາກົດການ​ຫຍໍ້ທໍ້​ໃຫ້​ນັບ​ມື້​ຫຼຸດ​ ໜ້ອຍຖ້ອຍ​ລົງ ເພື່ອ​ສົ່ງເສີມ​ການ​ຮ່ວມມື​ທາງ​ດ້ານ​ການ​ຄ້າ ແລະ ແລກປ່ຽນ​ວັດທະນະທຳ ຄຽງ​ຄູ່​ກັບການ​ສົ່ງເສີມ​ການທ່ອງທ່ຽວ​ສອງຊາດ ເປັນຕົ້ນແມ່ນ​ຂອງ​ນະຄອນຫຼວງ​ວຽງ​ຈັນ ແລະ ບັນດາ​ແຂວງທາງ​ພາກ​ອີສານ​ຂອງ​ໄທ ​ໃຫ້​ນັບ​ມື້ຂະຫຍາຍຕົວ ໂດຍໃນ​ປີຜ່ານມາ ຢູ່​ຕາມ​ດ່ານ​ຊາຍ​ແດນ​ມີ​ຄົນເຂົ້າ-ອອກ (3 ດ່ານ​ປະເພນີ) ຄົນ​ເຂົ້າທັງ​ໝົດ 2.034.354 ຄົນ ແລະ ອອກ 2.050.000 ຄົນ.

   ໂອກາດ​ດັ່ງກ່າວ ທ່ານ​ເຈົ້າຄອງ​ນະຄອນຫຼວງ ໄດ້​ສະແດງຄວາມ​ຍ້ອງຍໍ-ຊົມເຊີຍ ຕໍ່​ກຳລັງປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບ ທີ່​ໄດ້​ເອົາໃຈໃສ່​ປະກອບສ່ວນ​ຢ່າງ​ຕັ້ງໜ້າ​ ເຂົ້າ​ໃນ​ການ​ປະຕິ​ບັດ​ໜ້າທີ່​ຂອງ​ຕົນ​ດ້ວຍ​ຄວາມຮັບຜິດຊອບ​ສູງ ອັນ​ໄດ້​ເຮັດ​ໃຫ້​ສະພາບ​ໂດຍ​ລວມ​ຂອງ​ຊາຍ​ແດນ​ ມີຄວາມ​ສະຫງົບ​ປອດ​ໄພ​ໂດຍ​ພື້ນຖານ ໄດ້​ສ້າງ​ກາລະ​ໂອກາດ​ອັນດີ​ໃຫ້​ແກ່​ປະຊາຊົນສອງ​ປະເທດ ໄປມາຫາສູ່ ຄ້າຂາຍ ລວມ​ທັງການ​ແລກປ່ຽນ​ບົດຮຽນ​ຮ່ວມກັນ​ຫຼາຍ​ດ້ານ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 28

ຈຳນວນຜູ້ເຂົ້າຊົມວານນີ້ 60

ຈຳນວນຜູ້ເຂົ້າຊົມອາທິດນີ້ 160

ຈຳນວນຜູ້ເຂົ້າຊົມເດືອນນີ້ 924

ຈຳນວນຜູ້ເຂົ້າຊົມທັງໝົດ 27723

Currently are 52 guests and no members online

ແຜນທີ່ນະຄອນຫຼວງວຽງຈັນ