Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

22448267 483902888656341 6760026905702911542 n

     ພິທີ​ມອບ-ໂອນ​ວຽກ​ງານ​ສູນປິ່ນປົວ ແລະ ເຝິກ​ວິຊາ​ຊີບ​ຜູ້​ຕິດຢາ​ເສບ​ຕິດ ນະຄອນຫຼວງ​ວຽງ​ຈັນ ຈັດ​ຂຶ້ນ​ວັນ​ທີ 13 ຕຸລາ 2017 ທີ່ສູນ​ດັ່ງກ່າວ (ບ້ານ​ສົມ​ສະຫງ່າ) ໂດຍ​ຕາງໜ້າ​ມອບ​ຂອງ​ທ່ານນາງ ບົວ​ວອນ ສຸກ​ລາ​ແສງ ຮອງຫົວໜ້າ​ຫ້ອງ​ວ່າການ​ປົກຄອງ ນະຄອນ​ຫຼວງ​ວຽງ​ຈັນ ແລະ ຕາງໜ້າ​ຮັບ​ຂອງ​ທ່ານ​ພົນ​ຈັດຕະວາ ບຸບຜາ ສີ​ພົມມາ ຫົວໜ້າ​ກອງບັນຊາ​ການ ​ປກສ ນະຄອນຫຼວງ ມີ​ທ່ານ ສີ​ຫຸນ ສິດທິ​ລື​ໄຊ ຮອງເຈົ້າ​ຄອງ​ນະຄອນຫຼວງ ແລະ ທ່ານ ຖະໜອມ ທຳ​ທອງ ເຈົ້າເມືອງ​ໄຊ​ເຊດ​ຖາ ພ້ອມ​ດ້ວຍ​ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

    ການ​ມອບ​ຄັ້ງ​ນີ້ ເປັນ​ການ​ປະຕິ​ບັດ​ຕາມ​ຂໍ້​ຕົກລົງ​ຂອງ​ນາຍົກລັດຖະມົນຕີ ວ່າ​ດ້ວຍ​ການ​ສັບຊ້ອນ​ບາງ​ວຽກ​ງານ​ຂອງ​ລັດ​ຖະບານ ແຈ້ງ​ການ​ຂອງ​ລັດ​ຖະ​ມົນຕີ​ກະຊວງ​ພາຍ​ໃນ ​ກ່ຽວ​ກັບ​ການປັບປຸງ​ສັບ​ຊ້ອນ​ບາງ​ວຽກ​ງານ ຕາມ​ຂະແໜງການ​ຢູ່​ຂັ້ນ​ທ້ອງຖິ່ນ ຂໍ້​ຕົກລົງ​ຂອງ​ເຈົ້າ​ຄອງ​ນະຄອນຫຼວງ​ວຽງ​ຈັນ ວ່າ​ດ້ວຍ​ການ​ມອບໂອນ​ວຽກ​ຂອງ​ສູນ​ປິ່ນປົວ ແລະ ເຝິກ​ວິຊາ​ຊີບ​ຜູ້​ຕິດ​ຢາ​ເສບ​ຕິດ ນະຄອນ​ຫຼວງ​ວຽງ​ຈັນ ພ້ອມ​ດ້ວຍພະນັກງານ ຈຳນວນ 20 ທ່ານ ໄປ​ຂຶ້ນ​ກັບ​ກອງ​ບັນຊາ​ການ ​ປກສ ນະຄອນຫຼວງ​ວຽງ​ຈັນ ແນໃສ່​ເຮັດໃຫ້ການ​ຄຸ້ມ​ຄອງ​ສູນ​ດັ່ງກ່າວ​ມີຄວາມ​ສະດວກ​ສະບາຍ ຮັບ​ປະກັນ​ໄດ້​ຄວາມ​ສະຫງົບປອດ​ໄພ ພ້ອມ​ທັງ​ຮັບ​ໃຊ້​ປິ່ນປົວ ແລະ ເຝິກວິຊາ​ຊີບ​ໃຫ້​ແກ່​ຜູ້​ຕິດ​ຢາ​ເສບ​ຕິດໃຫ້​ມີ​ປະ​ສິດທິ​ຜົນ​ຂຶ້ນ​ເປັນ​ກ້າວໆ ເຊິ່ງ​ສູນ​ດັ່ງກ່າວ​ໄດ້​ຮັບ​ການ​ສ້າງຕັ້ງ​ຂຶ້ນໃນ​ປີ 1996 ຢູ່​ບ້ານ​ສົມ​ສະຫງ່າ ເມືອງ​ໄຊ​ເຊດ​ຖາ ນະຄອນຫຼວງ​ວຽງ​ຈັນ ມີ​ພາລະ​ບົດບາດຮັບ​ເອົາ​ຜູ້​ເຄາະ​ຮ້າຍ​ຈາກ​ສິ່ງ​ເສບຕິດ​ປະເພດ​ຢາ​ບ້າ ເຫຼົ້າ ຝິ່ນ ເຂົ້າປິ່ນປົວ ບຳບັດ ຟື້ນ​ຟູ ສຸຂະພາບ ທາງ​ດ້ານ​ຮ່າງກາຍ-ຈິດໃຈ ແລະ ເຝິກ​ວິຊາ​ຊີບ​ພ້ອມ​ພັດທະນາ​ດ້ານອາຊີບ ​ດ້ວຍ​ການ​ສ້າງ​ເພີ່ມ​ພູນ​ຜະລິດ​ຜົນ​ການ​ປູກຝັງ-ລ້ຽງສັດ ແລະ ອື່ນໆ ນັບ​ແຕ່​ປີ 1999 ເຖິງປັດຈຸບັນ ມີ​ຜູ້​ຖືກ​ເຄາະ​ຮ້າຍ​ຈາກຢາ​ເສບ​ຕິດ ສິ່ງ​ເສບ​ຕິດ​ຕ່າງໆ ເຂົ້າ​ມາ​ບຳບັດ ປິ່ນປົວ ຟື້ນ​ຟູ​ສຸ​ຂະພາບ​ລວມ​ທັງ​ໝົດ 37.099 ຄົນ ຍິງ 1.494 ຄົນ ໃນ​ນີ້ ມາ​ຈາກຕ່າງ​ແຂວງ 6.881 ຄົນ ຍິງ 781 ຄົນ.

ຂໍຂອບໃຈ: ນສພ ວຽງຈັນໃໝ່.
#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 25

ຈຳນວນຜູ້ເຂົ້າຊົມວານນີ້ 55

ຈຳນວນຜູ້ເຂົ້າຊົມອາທິດນີ້ 149

ຈຳນວນຜູ້ເຂົ້າຊົມເດືອນນີ້ 675

ຈຳນວນຜູ້ເຂົ້າຊົມທັງໝົດ 30177

Currently are 28 guests and no members online

ແຜນທີ່ນະຄອນຫຼວງວຽງຈັນ