Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

b32e15d8b1d5cde4e81ef9af77b9d4e6

 

     ທ່ານພູ​ວົງ ວົງ​ຄຳ​ຊາວ ຫົວໜ້າ​ຫ້ອງ​ວ່າການ ນະຄອນຫຼວງວຽງ​ຈັນ (ນວ) ແລະ ທ່ານພັນໂທ ຈັນ​ຫອມ ແກ້ວ​ສຸລະ​ໄຊ ຫົວໜ້າ​ຫ້ອງ​ຕຳຫຼວດກອງ​ບັນຊາການ​ປ້ອງ​ກັນ​ຄວາມ​ສະຫງົບ ນວ ໄດ້​ໃຫ້​ຖະແຫຼງ​ຂ່າວ​ຕໍ່​ສື່​ມວນ​ຊົນໃນ​ວັນ​ທີ 18 ກໍລະກົດ 2017 ທີ່ຫ້ອງ​ວ່າການ​ປົກຄອງ ນວ ວ່າ: ໃນ​ເວລາ​ປະມານ 17:30 ໂມງຂອງ​ວັນ​ທີ 14 ກໍລະກົດ 2017 ໄດ້ເກີດ​ໄຟ​ໄໝ້​ສູນ​ການ​ຄ້າ​ສາກົນ​ຊັ່ງຈ່ຽງພາຍຫຼັງ​ທີ່​ໄດ້​ຮັບ​ແຈ້ງ​ເຫດເຈົ້າ​ໜ້າທີ່​ມອດ​ໄຟ ນວໄດ້​ສົ່ງລົດ​ມອດ​ໄຟ​ໄປ​ມອດ ໃນ​ເວລາ 10 ນາທີ​ຕໍ່​ມາແຕ່​ໄຟ​ໄດ້​ລຸກລາມຢ່າງ​ໄວວາຍ້ອນ​ມີ​ສິນຄ້າ​ທີ່​ເປັນວັດຖຸ​ໄວ​ໄຟ​ຢ່າງ​ຫຼວງຫຼາຍ ແລະ ການ​ມອດ​ໄຟ​ຄັ້ງ​ນີ້ເຈົ້າ​ໜ້າທີ່​ໄດ້ໃຊ້​ລົດ 16 ຄັນ ໃນ​ນີ້ ລວມ​ທັງ​ລົດມອດ​ໄຟ​ຈາກ​ກະຊວງ ​ປກສກອງບັນຊາ​ການ​ທະຫານ ນວ ລົດມອດ​ໄຟ​ສະໜາມ​ບິນ​ສາກົນ​ວັດໄຕ ແລະລົດ​ນ້ຳ​ຫ້ອງການ​ຄຸ້ມຄອງ ແລະ ບໍລິການ​ຕົວ​ເມືອງວຽງ​ຈັນ ແລະ ໜ່ວຍ​ກູ້​ໄພ 07 ໃຊ້​ເວລາ​ປະມານ 4 ຊົ່ວໂມງ ຈຶ່ງສາມາດ​ຄວບ​ຄຸມ​ໄຟ​ໄດ້.

     ສູນ​ການ​ຄ້າ​ແຫ່ງ​ນີ້ ແມ່ນ​ນັກລົງທຶນຈາກ​ຈີນ​ເຮັດ​ສັນຍາ​ເຊົ່າເນື້ອທີ່​ດິນ​ທັງ​ໝົດ 17 ເຮັກຕາ ນຳກະຊວງ​ປ້ອງ​ກັນ​ປະເທດ ເປັນ​ເວລາ 50 ປີເນື້ອທີ່​ຖືກ​ໄໝ້ທັງ​ໝົດ 15.600 ຕາ​ແມັດ ມີ​ຫ້ອງ​ຂາຍເຄື່ອງ 430 ຫ້ອງທີ່​ຂາຍເຄື່ອງປະເພດ​ເຄື່ອງນຸ່ງ​ຫົ່ມ ເກີບ ກະເປົາ ເຄື່ອງ​ຫຼິ້ນ​ເດັກນ້ອຍຜ້າກັ້ງ ພົມປູ​ພື້ນ ເຄື່ອງ​ຜ້າໄໝ ແລະ ເຄື່ອງໃຊ້​ປະຈຳ​ວັນ​ອື່ນໆນັບ​ແຕ່​ມື້​ເກີດເຫດ ນວ ໄດ້​ສົ່ງ​ກຳລັງ​ເຈົ້າ​ໜ້າທີ່ທະຫານ ​ປກສ ຂອງ​ຕົນເມືອງ​ສີໂຄດ​ຕະບອງ ​ປກສ ກຸ່ມ ແລະບ້ານ​ກ່ຽວຂ້ອງ​ລົງ​ສົມທົບ​ກັບ​ກຳລັງ​ຂອງ​ກະຊວງ​ປ້ອງ​ກັນ​ປະເທດ ແລະ ກະຊວງ​ປກສ ເຂົ້າ​ຄວບຄຸມຮັກສາ​ຄວາມ​ສະຫງົບ​ທົ່ວພື້ນ​ທີ່​ບໍລິເວນ​ອ້ອມ​ຮອບ.

     ເຫດການ​ຄັ້ງ​ນີ້ ນວ ກໍ່​ຄືລັດ​ຖະບານ​ບໍ່​ໄດ້​ນິ້ງ​ນອນ​ໃຈພວມ​ພະຍາ​ຍາມ​ຊອກ​ຫາ​ທຸກ​ວິທີ​ທາງເພື່ອ​ຊ່ວຍເຫຼືອຜູ້​ທີ່​ໄດ້​ຮັບ​ຜົນ​ກະທົບ​ຈົນ​ສຸດ​ຄວາມ​ສາມາດ ປັດ​ຈຸບັນລັດຖະບານ​ໄດ້​ມອບ​ໃຫ້​ກະຊວງ ​ປກສ ສົມທົບ​ກັບ​ກະຊວງປ້ອງ​ກັນ​ປະເທດ ແລະ ນວຮີບຮ້ອນ​ດຳເນີນ​ການ​ສືບສວນ-ສອບສວນ​ຫາ​ຕົ້ນ​ປາຍ​ສາເຫດ​ທີ່ແທ້ຈິງ​ທີ່​ພາໃຫ້​ເກີດ​ອັກຄີ​ໄພ ລວມທັງ​ຊອກ​ຫາ​ພາກສ່ວນ ແລະຜູ້ກ່ຽວຂ້ອງ​ຮັບຜິດຊອບ​ທັງ​ທາງ​ກົງ ແລະທາງ​ອ້ອມ​ຕໍ່​ເຫດການ​ທີ່ເກີດ​ຂຶ້ນ​ຄັ້ງ​ນີ້ ປັດຈຸບັນເຈົ້າ​ໜ້າທີ່​ໄດ້​ຕັ້ງ​ສູນ​ຢູ່​ກັບ​ທີ່ ເພື່ອ​ດຳເນີນການ​ສືບສວນ-ສອບ​ສວນ ແລະຮັບ​ແຈ້ງ​ຈາກ​ຊາວ​ຄ້າຂາຍ​ທັງພາຍ​ໃນ ແລະ ຕ່າງປະເທດ ທີ່​ໄດ້ຮັບ​ຜົນ​ກະທົບສະນັ້ນ ໃຫ້​ຜູ້​ທີ່​ໄດ້ຮັບ​ຜົນ​ກະທົບ​ທັງ​ໝົດ​ເຂົ້າ​ແຈ້ງຜົນ​ເສຍ​ຫາຍ​ຂອງ​ຮ້ານ​ຕົນ​ຕໍ່​ເຈົ້າໜ້າທີ່​ໄດ້​ຕາມ​ໂມງ​ເວລາ​ລັດ​ຖະການ ສ່ວນ​ສາເຫດ ແລະ ປະເມີນ​ຜົນ​ເສຍ​ຫາຍ​ນັ້ນທາງ​ຄະນະຮັບຜິດຊອບ​ຈະແຈ້ງ​ໃຫ້​ຊາບ​ຕາມ​ພາຍຫຼັງ.

 

ຂໍ້ມູນຈາກ: ໜັງສືວຽງຈັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 22

ຈຳນວນຜູ້ເຂົ້າຊົມວານນີ້ 117

ຈຳນວນຜູ້ເຂົ້າຊົມອາທິດນີ້ 423

ຈຳນວນຜູ້ເຂົ້າຊົມເດືອນນີ້ 1303

ຈຳນວນຜູ້ເຂົ້າຊົມທັງໝົດ 34291

Currently are 47 guests and no members online

ແຜນທີ່ນະຄອນຫຼວງວຽງຈັນ