ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

 

  ທ່ານ ​ດຣ. ສຸພັນ ແກ້ວ​ມີ​ໄຊ ລັດຖະມົນຕີ​ວ່າການ​ກະຊວງແຜນການ ແລະ ການ​ລົງທຶນ ໄດ້ສະເໜີ​ວິໄສ​ທັດ ຮອດ​ປີ 2030 ຍຸດ​ທະ​ສາດ ຮອດ​ປີ 2025 ແຜນພັດທະນາ​ເສດຖະກິດ-ສັງຄົມແຫ່ງ​ຊາດ 5 ປີ ຄັ້ງ​ທີ VIII (2016 -2020) ພາຍ​ໃຕ້​ຄຳ​ຂວັນ ສູ້​ຊົນພັດທະນາ​ປະເທດ​ເຮົາ​ໃຫ້​ຫຼຸດພົ້ນ​ອອກ​ຈາກ​ສະຖານະ​ພາບດ້ອຍ​ພັດທະນາ ໃນ​ປີ 2020

ກ້າວ​ໄປ​ສູ່​ປະເທດ​ກຳລັງ​ພັດ​ທະນາ ມີ​ລາຍ​ຮັບ​ປານ​ກາງ-ສູງ ຕາມ​ທິດ​ການ​ພັດທະນາ​ສີຂຽວ ແລະ ຍືນ​ຍົງ ເມື່ອ​ເຖິງ​ປີ 2030 ຕໍ່​ກອງ​ປະຊຸມ​ຄັ້ງ​ປະຖົມ​ມະລຶກຂອງ​ສະພາ​ແຫ່ງ​ຊາດ ຊຸດ​ທີ VIII ໃນ​ວັນ​ທີ 20 ເມສາ 2016 ເພື່ອໃຫ້​ສະມາຊິກ​ສະພາ​ແຫ່ງ​ຊາດ ພິຈາລະນາ ແລະ ຮັບຮອງ.

ເມື່ອ​ຮອດ​ປີ 2030 ຕ້ອງ​ສືບຕໍ່​ຮັບປະກັນ​ໃຫ້​ປະເທດ​ຊາດ ​ມີ​ສະຖຽນ​ລະ​ພາບ​ທາງ​ດ້ານ​ການເມືອງ​ທີ່​ໝັ້ນຄົງ ແລະ ມີ​ຄວາມສະຫງົບ​ປອດ​ໄພ​ທາງ​ສັງຄົມ​ຢ່າງໜັກ​ແໜ້ນ ລວມ​ຍອດ​ມູນ​ຄ່າ​ຜະລິດ​ຕະ​ພັນ​ພາຍ​ໃນ (GDP) ຫຼາຍກວ່າ​ປີ 2015 4 ເທົ່າ ມີ​ຄວາມສາມາດ​ເປັນ​ເຈົ້າ​ຕົນ​ເອງ​ທາງດ້ານ​ການ​ເງິນ ລະບົບ​ການ​ເງິນ-ເງິນຕາ ມີ​ຄວາມ​ຄ່ອງ​ຕົວ ແລະ ເອື້ອ​ອຳນວຍ​ແກ່​ການ​ບໍລິການດ້ານ​ການ​ເງິນ ການ​ລົງທຶນ ແລະ ການ​ຜະລິດ​ທຸລະ​ກິດ ການ​ພັດ​ທະນາ​ເສດຖະກິດ​ໄປ​ຕາມ​ທິດ​ພູມປັນຍາ ຫັນ​ເປັນ​ອຸດສາຫະກຳ ແລະ ທັນ​ສະໄໝ ຕາມ​ທິດ​ສີຂຽວ ແລະ ເປັນ​ມິດ​ກັບ​ສິ່ງແວດລ້ອມປະຊາຊົນ​ສ່ວນ​ໃຫຍ່​ມີ​ຊີວິດ​ການເປັນ​ຢູ່​ດີ​ຂຶ້ນ ແລະ ມີ​ຄວາມ​ຜາ​ສຸກ ການ​ພັດທະນາ​ເສດຖະກິດ​ໃຫ້​ມີຄວາມ​ສົມ​ດູນ ​ກັບ​ການ​ພັດທະນາວັດທະນະທຳ-ສັງຄົມ ສາມາດຮັບ​ມື​ກັບ​ການ​ປ່ຽນແປງ​ຂອງ​ດິນຟ້າ​ອາກາດ ພົນລະເມືອງ​ມີຄວາມ​ຮັບປະກັນ​ດ້ວຍ​ກົດໝາຍທີ່​ສັກສິດ ຊັບພະຍາກອນ​ມະນຸດ ໄດ້​ຮັບ​ການ​ພັດທະນາ​ໃກ້​ຄຽງ​ກັບພາກ​ພື້ນ ແລະ ສາກົນ.

  ຮອດ​ປີ 2025 ປະເທດ​ຈະ​ມີລາຍ​ຮັບ​ປານ​ກາງ GDP ຈະ​ລື່ນປີ 2015 ສອງ​ເທົ່າ ປະຊາຊົນສ່ວນ​ໃຫຍ່​ມີ​ຖານະ​ພໍ​ກິນ​ພໍໃຊ້ ແລະ ບັນລຸ​ຄາດໝາຍ​ສະຫັດ​ສະວັດ​ດ້ານ​ການ​ພັດທະນາ​ຢ່າງ​ສົມບູນ ສັງຄົມ​ມີ​ຄວາມ​ສະຫງົບ ແລະ ເປັນ​ລະບຽບ​ຮຽບ​ຮ້ອຍ​ດີກວ່າ​ເກົ່າ ​ສປປ ລາວ ສາມາດເຂົ້າ​ຮ່ວມ ແລະ ເພີ່ມ​ທະວີ​ການແຂ່ງຂັນ ​ໃນ​ຂະ​ບວນ​ວິວັດ​ແຫ່ງການ​ເຊື່ອມ​ໂຍງ​ກັບ​ພາກ​ພື້ນ ແລະ ສາກົນ​ຢ່າງ​ເປັນ​ເຈົ້າ​ການ ສຳລັບ 5 ປີ​ຕໍ່ໜ້າ ພັກ​ໄດ້​ກຳນົດທິດ​ທາງ​ໜ້າທີ່​ລວມ ແລະ ຄາດໝາຍ​ໃຫຍ່​ຈຳນວນ​ໜຶ່ງ ໂດຍ​ຢຶດໝັ້ນ ແລະ ເສີມ​ຂະຫຍາຍ​ແນວທາງ​ປ່ຽນແປງ​ໃໝ່​ຮອບດ້ານ ແລະ ມີ​ຫຼັກການ​ຂອງ​ພັກ​ໃຫ້​ເລິກເຊິ່ງ​ເຖິງ​ຖອງ ​ດ້ວຍ​ການ​ສືບຕໍ່​ສ້າງບາດກ້າວ​ບຸກ​ທະລຸ​ທັງ 4 ດ້ານຢ່າງ​ແຂງແຮງ​ເປັນ​ຮູບ​ປະ​ທຳ ບູລະນະ​ອຳນາດ​ແຫ່ງ​ລັດ ກໍ່​ຄືການ​ຄຸ້ມ​ຄອງ​ບໍລິຫານ ຕາມ​ທິດສ້າງ​ລັດ​ປະຊາທິປະໄຕ​ປະຊາຊົນທີ່​ປົກຄອງ​ດ້ວຍ​ກົດໝາຍ ຮອດ​ປີ 2020 ຫຼື 5 ປີ​ຕໍ່ໜ້າ ຈະ​ສາມາດແກ້​ໄຂ​ຄວາມທຸກ​ຍາກ​ຂອງ​ປະຊາ​ຊົນ ທັງ​ເຮັດ​ໃຫ້​ປະເທດ​ຊາດຫຼຸດ​ພົ້ນ​ອອກ​ຈາກ​ຄວາມ​ດ້ອຍ​ພັດທະ​ນາ ລາຍ​ຮັບ GDP ລື່ນ​ປີ 2015 ປະມານ 1,6 ເທົ່າ ໂຄງ​ປະກອບ​ເສດຖະກິດ​ແຫ່ງ​ຊາດ ມີການ​ຫັນປ່ຽນ​ຕາມ​ທິດ​ຫັນ​ເປັນອຸດສາຫະກຳ-ທັນ​ສະໄໝ ແລະ ມີ​ຄວາມ​ຍືນ​ຍົງ.

ຄົ້ນຫາ

ປະຕິທິນ

August 2020
S M T W T F S
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 84

ຈຳນວນຜູ້ເຂົ້າຊົມວານນີ້ 81

ຈຳນວນຜູ້ເຂົ້າຊົມອາທິດນີ້ 335

ຈຳນວນຜູ້ເຂົ້າຊົມເດືອນນີ້ 1021

ຈຳນວນຜູ້ເຂົ້າຊົມທັງໝົດ 69153

Currently are 9 guests and no members online