ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

 

  ກອງ​ປະຊຸມ​ຄັ້ງ​ປະຖົມ​ມະລຶກຂອງ​ສະພາ​ແຫ່ງ​ຊາດ ຊຸດ​ທີ VIII ໃນ​ວັນ​ທີ 20 ເມສາ 2016 ທີ່​ສະພາ​ແຫ່ງ​ຊາດ ເຊິ່ງ​ມີ​ຫຼາຍ​ບັນຫາ​ທີ່​ໜ້າ​ສົນໃຈ ໂດຍ​ສະເພາະ​ກ່ຽວກັບ​ວິໄສ​ທັດ ແລະ ຍຸດ​ທະ​ສາດການ​ພັດທະນາ​ຂອງ ​ສປປ ລາວ ໃນ​ຊຸມ​ປີ​ຕໍ່ໜ້າ.

  ໂອກາດ​ນີ້ ທ່ານ ທອງລຸນ ສີສູລິດ ​ນາຍົກ​ລັດຖະ​ມົນຕີ ໄດ້​ສະເໜີ​ໂດຍ​ສັງເຂບວິໄສ​ທັດ​ເຖິງ​ປີ 2030 ແລະ ຍຸດທະ​ສາດ​ພັດທະນາ​ປະເທດ​ເຮົາເຖິງ 2025 ຄື: ໄລຍະ​ແຕ່​ນີ້​ເຖິງ 2030 ຕ້ອງ​ສ້າງ​ບາດ​ລ້ຽວ​ໃໝ່ ໃຫ້​ລາວ​ເປັນ​ປະເທດ​ກຳລັງ​ພັດທະ​ນາ ທີ່​ມີ​ລາຍ​ຮັບ​ປານ​ກາງ-ສູງຕາມ​ທິດ​ເສດຖະກິດ​ພູມ​ປັນຍາ​ສີຂຽວ ແລະ ຍືນ​ຍົງ ສ່ວນ​ຍຸດທະ​ສາດ​ຮອດ 2025 ຕ້ອງ​ເຮັດໃຫ້​ພື້ນຖານ​ເສດຖະກິດ-ສັງຄົມ ມີ​ຄວາມ​ໜັກ​ແໜ້ນ​ເຂັ້ມແຂງ GDP ສະເລ່ຍຕໍ່​ຫົວ​ຄົນ​ໃຫ້​ເພີ່ມຂຶ້ນ​ເປັນ 2 ເທົ່າ (ທຽບໃສ່ 2015) ບັນລຸ​ເປົ້າ​ໝາຍ​ໃນ 17 ເປົ້າ​ໝາຍ GDP (ພັດທະນາ​ແບບ​ຍືນ​ຢົງຂອງ​ອົງການ​ສະຫະ​ປະຊາ​ຊາດ).

ຍຸດ​ທະ​ສາດ​ໄລຍະ​ຍາວ​ຂອງປະເທດ ແຜນ​ພັດທະນາ​ເສດ​ຖະກິດ-ສັງຄົມ 5 ປີ ສະບັບ​ທີ VIII (2016-2020) ເອົາ​ປະເທດ​ຫຼຸດພົ້ນ​ອອກ​ຈາກ​ຄວາມ​ດ້ອຍ​ພັດ​ທະນາ ຊຸກຍູ້​ໃຫ້​ເສດຖະກິດ​ມີ​ການຂະຫຍາຍຕົວ​ຢ່າງ​ຕໍ່​ເນື່ອງ ບໍ່​ໃຫ້ຫຼຸດ 7,5% ຕໍ່​ປີ GDP ຕໍ່​ຫົວ​ຄົນ ໃນ​ປີ 2020 ໃຫ້​ບັນລຸ 3.190 ໂດລາ ລາຍ​ຮັບ​ງົບປະມານ​ບໍ່​ໃຫ້​ຫຼຸດ 23-25% ຂອງ GDP ໃນ​ມູນຄ່າ​ສົ່ງ​ອອກ ໃຫ້​ຂະຫຍາຍຕົວ​ບໍ່ຫຼຸດ 15% ອັດຕາ​ຄວາມທຸກ​ຍາກຂອງ​ປະຊາກອນ​ໃຫ້​ຫຼຸດ 10% ແລະ ຕົວ​ເລກ​ທາງ​ສັງຄົມ​ອື່ນໆ.

 

  ເພື່ອ​ບັນລຸ​ບັນດາ​ໂຕ​ເລກ​ຄາດໝາຍ​ດັ່ງກ່າວ​ນັ້ນ ແຜນ 5 ປີ ໄດ້ວາງ 3 ເປົ້າ​ໝາຍ​ໃຫຍ່ຄື: ໃຫ້ເສດຖະກິດ​ແຫ່ງ​ຊາດ​ເຕີບ​ໂຕ​ຕໍ່ເນື່ອງ ໝັ້ນ​ທ່ຽງ ແລະ ສົມ​ດູນພັດທະນາ​ຊັບພະຍາກອນ​ມະນຸດ ພັດທະນາ​ວັດທະນະທຳສັງຄົມ ໃຫ້​ມີ​ຄຸນະພາບແກ້​ໄຂ​ຄວາມທຸກຍາກ​ໃຫ້​ເປັນ​ຮູບ​ປະ​ທຳ ສ້າງຄວາມ​ສະເໝີພາບ​ລະຫວ່າງ​ຍິງ-ຊາຍຊົນເຜົ່າ ຢ່າງ​ທົ່ວ​ເຖິງ ແລະ ເປົ້າ​ໝາຍ​ທີ 3 ແມ່ນ​ຊັບ​ພະຍາກອນ​ທຳ​ມະ​ຊາດ ແລະ ສິ່ງ​ແວດລ້ອມ ໄດ້​ຮັບ​ການ​ປົກ​ປັກ​ຮັກສາ ແລະ ນຳ​ໃຊ້​ຢ່າງ​ມີ​ປະ​ສິດທິ​ຜົນຕາມ​ທິດ​ສີຂຽວ ແລະ ຍືນ​ຍົງກຽມພ້ອມ​ຮັບ​ມື​ກັບ​ໄພພິບັດ​ທຳມະ​ຊາດ ແລະ ການ​ປ່ຽນແປງຂອງ​ດິນ​ຟ້າ​ອາກາດ ທີ່​ອາດ​ຈະເກີດ​ຂຶ້ນ​ຢ່າງ​ມີ​ປະສິດທິພາບ.

  ໃນ 3 ເປົ້າ​ໝາຍ ໄດ້​ມີ 20 ແຜນ​ງານ​ຈຸດ​ສຸມ ເພື່ອ​ຈັດ​ຕັ້ງ​ປະຕິ​ບັດ ນອກ​ນີ້ຍັງ​ມີ​ວຽກ​ງານ​ຈຸດສຸມ​ປິ່ນ​ອ້ອມ​ທີ່​ພົວພັນ​ກັບ​ຫຼາຍ​ຂະແໜງ ເຊັ່ນ: ເພີ່ມ​ທະວີ​ປະ​ສິດທິພາບ​ຂອງ​ການ​ຄຸ້ມ​ຄອງ​ບໍລິຫານລັດ ສົ່ງເສີມ​ຄວາມ​ຮູ້​ພູມ​ປັນຍາການ​ຄົ້ນຄວ້າ​ວິທະຍາສາດ ການວິໄຈ ການ​ນຳ​ໃຊ້​ເຕັກ​ໂນ​ໂລ​ຊີ ນະວັດຕະ​ກຳ ແລະ ການ​ສື່ສານ ແລະ ການ​ພັດທະນາການ​ສົ່ງເສີມ​ເພດ​ຍິງ ເຍົາວະ​ຊົນ ແລະ ໄວ​ໜຸ່ມ.

  ເພື່ອ​ເຮັດ​ໃຫ້ການ​ປະຕິບັດໜ້າທີ່​ຂອງ​ລັດຖະບານ ຊຸດ​ທີ VIII ໄດ້​ດຳເນີນ​ການ​ບໍລິຫານ​ປະເທດ ມີ​ຜົນສຳເລັດ ແກ້​ໄຂ​ບັນດາ​ບັນຫາ​ທີ່​ຄົງ​ຄ້າງ​ໃຫ້​ລຸ​ລ່ວງ​ໄປ​ແຕ່ລະ​ກ້າວ ປະຕິບັດ​ມະຕິ​ກອງ​ປະຊຸມ​ໃຫຍ່ ​ຄັ້ງ​ທີ X ຂອງ​ພັກ ແລະ ແຜນ​ພັດທະນາ​ເສດຖະກິດ-ສັງຄົມ 5 ປີ ສະບັບ​ທີ VIII ໃຫ້​ມີ​ຜົນສຳເລັດ​ເປັນ​ຢ່າງ​ດີ ສືບຕໍ່​ນຳ​ເອົາປະເທດ​ຊາດ​ຂອງ​ເຮົາ​ໄປ​ສູ່​ຈຸດໝາຍ​ທີ່​ວາງ​ໄວ້​ນັ້ນ ຮຽກຮ້ອງ​ມາຍັງ​ການ​ນຳ​ພັກ-ລັດ ສະພາ​ແຫ່ງຊາດ ອົງ​ການຈັດຕັ້ງ​ທຸກ​ພາກສ່ວນ ລວມ​ທັງ​ພໍ່​ແມ່​ປະຊາຊົນບັນດາເຜົ່າ​ໃນ​ທົ່ວ​ປະເທດ ຈົ່ງ​ໃຫ້ການ​ສະໜັບສະໜູນ​ຊ່ວຍເຫຼືອ ການ​ປະຕິບັດ​ໜ້າທີ່​ຂອງ​ລັດ​ຖະບານ ໃຫ້​ສຳເລັດ​ພາລະກິດ​ໃຫຍ່ຫຼວງ​ທີ່​ພັກ ສະພາ​ແຫ່ງ​ຊາດ ແລະ ປະຊາຊົນ​ມອບ​ໝາຍ​ໃຫ້.

ຄົ້ນຫາ

ປະຕິທິນ

August 2020
S M T W T F S
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 81

ຈຳນວນຜູ້ເຂົ້າຊົມວານນີ້ 81

ຈຳນວນຜູ້ເຂົ້າຊົມອາທິດນີ້ 332

ຈຳນວນຜູ້ເຂົ້າຊົມເດືອນນີ້ 1018

ຈຳນວນຜູ້ເຂົ້າຊົມທັງໝົດ 69150

Currently are 10 guests and no members online