ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

DSC 0039 DSC 0061 DSC 0074 DSC 0152

  ທ່ານ ຈູມ​ມາລີ ໄຊ​ຍະ​ສອນ ປະທານ​ປະເທດ ແຫ່ງ ​ສປປ ລາວ ໄດ້​ລົງ​ຢ້ຽມຢາມ ແລະ ໂອ້ລົມ​ການ​ນຳ ແລະ ພະນັກງານຫຼັກ​ແຫຼ່ງ​ນະຄອນຫຼວງ​ວຽງ​ຈັນ ໂດຍ​ເປັນ​ກຽດ​ຕ້ອນຮັບ​ຂອງ​ທ່ານ ​ດຣ. ສິນ​ລະ​ວົງ ຄຸດ​ໄພທູນ ເຈົ້າຄອງ​ນະຄອນຫຼວງ ໂດຍ​ມີ​ການນຳ​ນະຄອນຫຼວງ​ເຂົ້າ​ຮ່ວມ ເຊິ່ງການ​ລົງ​ໄປ​ຢ້ຽມຢາມ​ໃນ​ຄັ້ງ​ນີ້ ​ໄດ້ມີ​ຂຶ້ນ​ໃນ​ວັນ​ທີ 7 ເມສາ 2016 ທີ່ຫ້ອງ​ວ່າການ​ປົກຄອງ​ນະຄອນຫຼວງ.

  ໃນ​ໂອກາດ​ນີ້ ທ່ານ​ເຈົ້າ​ຄອງນະຄອນຫຼວງ​ວຽງ​ຈັນ ​ໄດ້​ລາຍງານ​ໝາກຜົນ​ສຳຄັນ​ທີ່​ນະຄອນຫຼວງ​ຍາດ​ມາ​ໄດ້​ໃນ 6 ເດືອນ​ຕົ້ນສົກ​ປີ 2015-2016 ວ່າ: ສະພາບເສດຖະກິດ​ໃນ​ນະຄອນຫຼວງ​ ຂະຫຍາຍ​ຕົວຢ່າງ​ຕໍ່​ເນື່ອງ​ຢູ່​ໃນ​ລະດັບ​ດີ​ສົມຄວນ ການ​ລົງທຶນ​ທົ່ວສັງຄົມ ​ປະຕິບັດ​ໄດ້​ລື່ນ​ຄາດໝາຍ ລາຍ​ຮັບ​ງົບປະມານ​ປະຕິບັດ​ໄດ້ 341 ຕື້​ກວ່າ​ກີບ ເທົ່າ​ກັບ 40,40% ຂອງ​ແຜນການ​ປີ ແລະ ລາຍ​ຈ່າຍ​ປະຕິບັດ​ໄດ້ 296 ຕື້​ກວ່າ​ກີບ​ຂອງ​ແຜນການ​ປີ ສິ່ງ​ທີ່ພົ້ນ​ເດັ່ນ​ອີກ​ອັນ​ໜຶ່ງ​ແມ່ນ ນວ ສາມາດ​ຜະລິດ​ສະບຽງ​ອາຫານ​ພຽງພໍ​ກັບ​ຄວາມ​ຕ້ອງການ​ຂັ້ນ​ຕົ້ນ ການ​ຜະລິດ​ສິນຄ້າ ການ​ຄຸ້ມ​ຄອງປ່າໄມ້ ການ​ຄຸ້ມ​ຄອງ ແລະ ພັດທະ​ນາ​ທີ່​ດິນ​ກະສິກຳ ​ໄດ້​ຮັບ​ການຈັດ​ຕັ້ງ​ປະຕິບັດ​ຢ່າງ​ແຂ່ງຂັນ ໂດຍສະເພາະແມ່ນ​ ໂຄງການ​ລ້ຽງງົວ​ພັນ​ຊີ້ນ-ປູກ​ຫຍ້າ ໂຄງການປູກ​ເຂົ້າ ແລະ ສາລີ ໂຄງການ​ປູກພືດ​ຜັກ​ປອດ​ສານພິດ ແລະ ໂຄງການ​ດ້ານ​ກະສິກຳ​ອື່ນໆ ໂດຍເນັ້ນ​ໃສ່​ເມືອງ​ປາກ​ງື່ມ ໄຊ​ທານີ ສັງ​ທອງ ນາ​ຊາຍ​ທອງ ແລະ ເມືອງ​ອື່ນໆ ແລະ ໄດ້​ສ້າງ​ບ້ານພັດທະນາ​ໄດ້ 353 ບ້ານ ເທົ່າ​ກັບ 73% ຂອງ​ຈຳນວນ​ບ້ານ​ທັງໝົດ ບ້ານ​ພັດທະນາ​ຕົວ​ເມືອງ ແລະ ຊານເມືອງ​ໄດ້​ມີ​ບາດກ້າວໃໝ່ ໄດ້​ບູລະນະ​ເມືອງເກົ່າ ​ໃຫ້ເປັນ​ເມືອງ​ທ່ອງ​ທ່ຽວ​ທາງ​ປະຫວັດ​ສາດ ສ້າງ​ຕົວ​ເມືອງ​ໃຫ້​ໜ້າຢູ່​ຕາມ​ນະໂຍບາຍ 6 ສ ໄດ້​ປະກອບ​ສ່ວນ​ຢ່າງ​ຕັ້ງໜ້າ​ ໃນ​ການປະຕິບັດ​ນະໂຍບາຍ​ຂອງ​ລັດ​ຖະບານ ​ໃນ​ການ​ສ້າງ​ຄຸ້ມ​ຄອງ​ເມືອງໃໝ່ ແລະ ເຂດ​ພັດທະນາ​ຕ່າງໆໃຫ້​ປາກົດ​ຂຶ້ນ ທັງ​ໄດ້​ສຸມ​ໃສ່​ແກ້ໄຂ​ປາກົດການ​ຫຍໍ້ທໍ້​ໃນ​ສັງຄົມ ແລະ ບັນຫາ​ພົ້ນ​ເດັ່ນ​ອື່ນໆ​ອີກ ພ້ອມ​ນັ້ນ​ກໍ່​ໄດ້​ສະເໜີ​ທິດ​ທາງແຜນການ​ໃນຕໍ່ໜ້າ ​ໃນ​ແຕ່​ລະດ້ານ.

  ໃນ​ໂອກາດ​ນີ້ ​ທ່ານ​ປະທານ​ປະເທດ ​ໄດ້​ໃຫ້ການ​ໂອ້​ລົມ​ຕໍ່​ພະນັກງານ​ຫຼັກ​ແຫຼ່ງ ນວ ໂດຍ​ໄດ້​ເນັ້ນໃຫ້ການ​ນຳ​ນະຄອນຫຼວງ​ເອົາໃຈໃສ່​ ຜັນ​ຂະຫຍາຍ​ມະຕິ X ຂອງ​ພັກ ແລະ ມະຕິ​ຂອງ​ອົງຄະ​ນະ​ພັກຂອງ​ຕົນ​ຢ່າງ​ຕັ້ງໜ້າ​ ພ້ອມ​ທັງກວດຄືນ​ຜົນ​ຂອງ​ການຈັດຕັ້ງ​ປະຕິບັດ ​ວຽກ​ງານ​ໃນ​ໄລຍະ​ຜ່ານ​ມາ ແລະ ເສີມ​ຂະຫຍາຍ​ຈຸດ​ດີ ແລະ ແກ້​ໄຂ​ຂໍ້ຄົງຄ້າງ ພ້ອມ​ທັງ​ເອົາໃຈ​ໃສ່​ໃນ​ການຈັດຕັ້ງ​ປະຕິບັດ ວຽກ​ງານ​ສາມ​ສ້າງ​ໃຫ້​ປາກົດ​ຜົນເປັນ​ຈິງ ເອົາ​ໃສ່ໃຈ​ໃນ​ການ​ສ້າງຕົວ​ແບບ​ຜະລິດ​ເປັນ​ສິນຄ້າ​ໃຫ້ຫຼາຍ​ຂຶ້ນ ແລະ ສ້າງ​ຕົວ​ແບບ​ທີ່ມີ​ຢູ່​ແລ້ວ​ ໃຫ້​ເປັນ​ຕົວ​ແບບ​ທີ່​ຍືນຍົງ ເລັ່ງ​ໃສ່​ການ​ຜະລິດ​ກະສິກຳ ແລະ ອຸດ​ສະຫະ​ກຳ ຄຽງ​ຄູ່​ກັບການ​ເອົາໃຈໃສ່​ໃນ​ການ​ສ້າງເມືອງ​ໜ້າ​ຢູ່​ຕາມ​ນະໂຍບາຍ 6 ສ ແລະ ບູລະນະ​ສະຖານທີ່​ທ່ອງທ່ຽວ​ໃຫ້​ມີ​ຄວາມ​ຍືນ​ຍົງ ແລະ ໃຫ້​ພາກສ່ວນ​ທີ່​ກ່ຽວຂ້ອງ​ເອົາໃຈໃສ່ ​ເພີ່ມ​ທະວີ​ໃນ​ການ​ຄຸ້ມ​ຄອງ​ລາຄາ​ສິນຄ້າ ສືບຕໍ່​ອະນາໄມ​ປະດັບປະດາ​ຕົວ​ເມືອງ ຈັດ​ສັນ​ຄວາມເປັນ​ລະບຽບ​ຮຽບ​ຮ້ອຍ​ຕົວ​ເມືອງ ເຂັ້ມ​ງວດ​ກວດກາ​ໃນ​ການ​ປຸກສ້າງ ແລະ ບັນຫາ​ອື່ນໆ​ອີກ​ຈຳນວນ​ໜຶ່ງ.

ຄົ້ນຫາ

ປະຕິທິນ

August 2020
S M T W T F S
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 84

ຈຳນວນຜູ້ເຂົ້າຊົມວານນີ້ 81

ຈຳນວນຜູ້ເຂົ້າຊົມອາທິດນີ້ 335

ຈຳນວນຜູ້ເຂົ້າຊົມເດືອນນີ້ 1021

ຈຳນວນຜູ້ເຂົ້າຊົມທັງໝົດ 69153

Currently are 11 guests and no members online