ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

WhatsApp Image 2019 10 l10 at 9.06.43 PM

ໃນເວລາ 14:00 ໂມງ ຂອງວັນທີ 10 ຕຸລາ 2019, ຄະນະຮັບຜິດຊອບຄົ້ນຄວ້າປັບປຸງກົງຈັກການຈັດຕັ້ງ ແລະ ບຸກຄະລາກອນຂອງດ່ານຊາຍແດນ ແລະ ສະໜາມບິນສາກົນ ຕາມດໍາລັດ ວ່າດ້ວຍດ່ານຊາຍແດນ ແລະ ສະໜາມບິນສາກົນ ສະບັບເລກທີ 558/ລບ, ລົງວັນທີ 31 ທັນວາ 2018 ໄດ້ຈັດພິທີປະກາດການຈັດຕັ້ງຄະນະຄຸ້ມຄອງດ່ານສາກົນຂົວມິດຕະພາບ ລາວ-ໄທ 1 ນະຄອນຫຼວງວຽງຈັນ ຢູ່ຫ້ອງການຂອງຄຸ້ມຄອງ ດ່ານສາກົນຂົວມິດຕະພາບ ລາວ-ໄທ 1 ໂດຍພາຍໃຕ້ການເປັນປະທານຮ່ວມຂອງທ່ານ ຄໍາມູນ ວິພົງໄຊ, ຮອງລັດຖະມົນຕີກະຊວງພາຍໃນ, ທ່ານ ປອ. ອາດສະພັງທອງ ສີພັນດອນ, ຮອງເຈົ້າຄອງນະຄອນຫຼວງວຽງຈັນ ແລະ ທ່ານ ພົຕ ວັນທອງ ກອງມະນີ, ຫົວໜ້າກົມກົມໃຫຍ່ການເມືອງ, ກະຊວງປ້ອງກັນຄວາມສະຫງົບ ເຊິ່ງມີຂະແໜງການອ້ອມຂ້າງຂອງສູນກາງ ແລະ ນະຄອນຫຼວງວຽງຈັນ ເຂົ້າຮ່ວມຢ່າງພ້ອມໜ້າ.

 WhatsApp Image 2019 10 10 at 9.06.43 PM

ການປັບປຸງກົງຈັກໃນຄັ້ງນີ້, ຄະນະສະເພາະກິດ ກໍ່ຄືລັດຖະບານ ແມ່ນມີຈຸດປະສົງເພື່ອປັບປຸງກົງຈັກໃນການບໍລິຫານຄຸ້ມຄອງ ແລະ ອໍານວຍຄວາມສະດວກໃນການບໍລິການ ຢູ່ພາຍໃນດ່ານສາກົນຂົວມິດຕະພາບ ລາວ-ໄທ 1 ຄືນໃໝ່ ໃຫ້ມີຄວາມວ່ອງໄວ ແລະ ມີປະສິດທິພາບຂຶ້ນຕື່ມ, ເຊິ່ງໄດ້ສ້າງຕັ້ງຄະນະພັກຮາກຖານດ່ານ ໃນການຊີ້ນໍາ-ນໍາພາ ໃຫ້ລວມສູນ ໃນການເຄື່ອນໄຫວວຽກງານຂອງແຕ່ລະຂະແໜງການ, ພ້ອມທັງໄດ້ປັບປຸງກົງຈັກພາຍໃນຄະນະຄຸ້ມຄອງດ່ານສາກົນຂົວມິດຕະພາບ ລາວ-ໄທ 1 ຄືນໃໝ່, ເຊິ່ງປະກອບມີບັນດາທ່ານ ດັ່ງນີ້:

1.ແຕ່ງຕັ້ງທ່ານ ພັອ ປອ ຄໍາພອນ ເທບພະວົງ, ຮອງຫົວໜ້າກອງບັນຊາການ ປກສ ນະຄອນຫຼວງວຽງຈັນ ເປັນຫົວໜ້າຄະນະ;

2.ແຕ່ງຕັ້ງທ່ານ ບຸນແອງ ພັນທະວົງ, ຫົວໜ້າພາສີປະຈໍາຂົວມິດຕະພາບ ລາວ-ໄທ 1 ມາເປັນຫົວໜ້າດ່ານພາສີສາກົນຂົວມິດຕະພາບ 1;

3.ແຕ່ງຕັ້ງທ່ານ ວິໄຊ ມະນີແສງ, ຮອງຫົວໜ້າຫ້ອງການຄຸ້ມຄອງ ແລະ ບໍລິການດ່ານສາກົນຂົວມິດຕະພາບ ລາວ-ໄທ 1 ມາເປັນຮອງຫົວໜ້າຄະນະ;

4.ແຕ່ງຕັ້ງທ່ານ ສົມໃຈ ປຣະພາສິຣິ, ຫົວໜ້າໜ່ວຍງານວີຊາກັບດ່ານ ຂອງກົມກົງສູນກະຊວງການຕ່າງປະເທດ ປະຈໍາດ່ານສາກົນຂົວມິດຕະພາບ 1 ມາເປັນຮອງຫົວໜ້າຄະນະ;

5.ແຕ່ງຕັ້ງທ່ານ ດາວທຽມ ຈັນທະລັງສີ, ຫົວໜ້າວຽກງານກັກກັນພືດ ແລະ ສັດ, ພະແນກກະສິກໍາ ແລະ ປ່າໄມ້ ນະຄອນຫຼວງວຽງຈັນ ມາເປັນຮອງຫົວໜ້າຄະນະ.

WhatsApp Image 2019 10 10 at 9.06.44 PM WhatsApp Image 2019 10 10 at 9.06.44jj PM

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 30

ຈຳນວນຜູ້ເຂົ້າຊົມວານນີ້ 14

ຈຳນວນຜູ້ເຂົ້າຊົມອາທິດນີ້ 30

ຈຳນວນຜູ້ເຂົ້າຊົມເດືອນນີ້ 461

ຈຳນວນຜູ້ເຂົ້າຊົມທັງໝົດ 51537

Currently are 31 guests and no members online