Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

b8ee1ced3deb6f45911a266a433a7f92

  ກອງ​ປະ­ຊຸມ​ອົງ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ (ນວ) ຄັ້ງ​ທີ 24 ຈັດ​ຂຶ້ນ​ວັນ​ທີ 21-22 ພຶດ­ສະ­ພາ 2019 ທີ່​ຫ້ອງ​ວ່າ­ການ​ປົກ­ຄອງ ນວໂດຍ​ເປັນ​ປະ­ທານ​ຂອງ​ທ່ານ ສິນ​ລະ​ວົງ ຄຸດ​ໄພ­ທູນເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ມີ​ບັນ­ດາ​ຮອງ​ເຈົ້າ​ຄອງ ຫົວ­ໜ້າ​ພະ​ແນກ ແລະພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ກອງ​ປະ­ຊຸມ​ໄດ້​ຮັບ​ຟັງ​ລາຍ​ງານ ແລະໃຫ້​ທິດ​ຊີ້​ນຳ​ກ່ຽວ​ກັບ​ສະ­ພາບ​ພົ້ນ​ເດັ່ນ ປະ­ຈຳ​ເດືອນ​ພຶດ­ສະ­ພາ ແລະແຜນ​ວຽກ​ຈຸດ​ສຸມ​ເດືອນ​ມິ­ຖຸ­ນາ 2019 ຂອງ​ອົງ­ການ​ປົກ­ຄອງ ນວການ​ແບ່ງ­ປັນ​ຕົວ​ເລກ​ລົງ­ທຶນ ແລະ ງົບ­ປະ­ມານ​ຂອງ ນວ ປະ­ຈຳ​ປີ 2019 ພ້ອມ​ທັງ​ພິ­ຈາ­ລະ­ນາ​ຮ່າງ​ກຳ­ນົດຮ່າງ​ຂໍ້​ຕົກ­ລົງ​ວ່າ​ດ້ວຍ​ເປົ້າ​ໝາຍ​ການ​ສ້າງ ນວ ສີ­ຂຽວ ການ​ຄຸ້ມ​ຄອງ ແລະການ​ດຳ­ເນີນ​ກິດ­ຈະ­ການ​ຈາກ​ໂຮງ­ງານ​ອຸດ­ສາ­ຫະ­ກຳ​ປຸງ​ແຕ່ງ​ໄມ້ ແລະເຟີ​ນີ​ເຈີ ໂຮງ­ງານ​ຜະ­ລິດ​ໄມ້­ປ່ອງ ຢູ່​ເມືອງ​ສັງ​ທອງພ້ອມ​ທັງ​ພິ­ຈາ­ລະ­ນາ​ກ່ຽວ​ກັບ​ການ​ຈັດ​ກອງ​ປະ­ຊຸມ​ຄະ­ນະ​ຊີ້​ນຳ​ຄຸ້ມ​ຄອງ​ລາ­ຄາ​ສິນ­ຄ້າແລະ ບໍ­ລິ­ການຮ່າງ​ຂໍ້​ຕົກ­ລົງ​ວ່າ​ດ້ວຍ​ການ​ປະ­ສານ​ງານ​ລະ­ຫວ່າງ​ບັນ­ດາ​ພະ­ແນກ­ການອົງ­ການ​ລັດ​ທຽບ​ເທົ່າ ພະ​ແນກ ແລະອົງ­ການ​ປົກ­ຄອງ​ຂັ້ນ​ເມືອງ​ກັບ​ຫ້ອງ​ວ່າ­ການ ນວ.

    ສະ­ເພາະ​ເຫດ­ການ​ທີ່​ພົ້ນ​ເດັ່ນ ໃນ​ເດືອນ​ພຶດ­ສະ­ພາ​ຜ່ານ​ມາມາ​ຮອດ​ວັນ​ທີ 15 ພຶດ­ສະ­ພາ 2019 ສາ­ມາດ​ເກັບ​ລາຍ​ຮັບ​ເຂົ້າ​ງົບ­ປະ­ມານ​ໄດ້ 391.730.704 ກີບ ເທົ່າ​ກັບ 28,85% ໄດ້​ປຶກ­ສາ​ຫາ­ລື​ການ​ແກ້​ໄຂ​ບັນ­ຫາ​ໜີ້​ສິນ ການ​ປະ­ຕິ­ສັງ­ຂອນ​ພະ​ທາດ­ຫຼວງແລະ ຫໍ­ພະ­ແກ້ວ ບັນ­ຫາ​ການ​ເກັບ​ຄ່າ​ທາງ ພາ­ສີ​ທີ່​ດິນ ແລະລາຍ​ຮັບ​ຢູ່​ດ່ານ​ຂົວ​ມິດ­ຕະ­ພາບ​ລາວ-ໄທ 1 ພິ­ຈາ­ລະ­ນາ 9 ໂຄງ­ການຄົ້ນ­ຄວ້າ​ປຶກ­ສາ​ຫາ­ລື​ຫຼາຍ​ບັນ­ຫາ​ກ່ຽວ​ກັບ​ການ​ພັດ­ທະ­ນາ​ພື້ນ­ຖານ​ໂຄງ​ລ່າງພ້ອມ​ທັງ​ໄດ້​ຕິດ­ຕາມ​ຕົວ​ເລກ​ເກັບ​ກ່ຽວ​ເຂົ້າ­ນາ­ແຊງ​ປີ 2019 ໃນ​ແຜນ­ການ 15.900 ເຮັກ­ຕາ ປັກ​ດຳ​ໄດ້ 14.231 ເຮັກ­ຕາ ປັດ­ຈຸ­ບັນ​ເກັບ​ກ່ຽວ​ໄດ້ 14.222 ເຮັກ­ຕາ ເທົ່າ​ກັບ 99,9% ຕິດ­ຕາມ​ຕົວ​ເລກ​ການ​ຜະ­ລິດ​ພືດ​ອຸດ­ສາ­ຫະ­ກຳ​ລະ­ດູ­ແລ້ງ ເນື້ອ­ທີ່​ແຜນ­ການ 1.625 ເຮັກ­ຕາ ປະ­ຕິ­ບັດ​ໄດ້ 1.580 ເຮັກ­ຕາ ເທົ່າ​ກັບ 97,23% ຕິດ­ຕາມ​ການ​ຜະ­ລິດ​ພືດ​ຜັກ​ລະ­ດູ­ແລ້ງ​ເນື້ອ­ທີ່​ແຜນ­ການ 7.138 ເຮັກ­ຕາປະ­ຕິ­ບັດ​ໄດ້ 6.594 ເຮັກ­ຕາ ເທົ່າ​ກັບ 92,38% ກວດ­ກາ​ຫົວ­ໜ່ວຍ​ແຮງ​ງານ 3 ຫົວ­ໜ່ວຍ ມີ­ແຮງ​ງານ​ທັງ​ໝົດ 1.806 ຄົນ ໃນ​ນັ້ນ ແຮງ​ງານ​ລາວ 1.738 ຄົນ ແລະແຮງ​ງານ​ຕ່າງ­ປະ­ເທດ 68 ຄົນ ສຳ­ເລັດ​ການ​ອອກ​ໜັງ­ສື​ສະ­ເໜີຂໍ​ລາຍ​ຊື່​ພະ­ແນກ­ການ​ອ້ອມ​ຂ້າງ​ທີ່​ກ່ຽວ­ຂ້ອງເພື່ອ​ຂໍ​ລາຍ​ຊື່​ເປັນ​ອະ­ນຸ​ກຳ­ມະ­ການ ແລະໜັງ­ສື​ອະ­ນຸ­ຍາດ​ຈັດ​ງານ​ຕະ­ຫຼາດ­ນັດ​ພົບ​ແຮງ​ງານ​ປີ 2019 ແລະວຽກ​ງານ​ອື່ນໆ​ອີກ​ຈຳ­ນວນ​ໜຶ່ງ.

ຊຸກ­ຍູ້​ການ​ເກັບ​ລາຍ​ຮັບ​ໃຫ້​ໄດ້​ຕາມ​ແຜນ­ການໂດຍ​ໃຫ້​ສຳ​ຫຼວດ​ຫົວ­ໜ່ວຍ ແລະ ຄົ້ນ­ຄວ້າ​ວິ­ທີ​ການ​ເກັບ​ລາຍ​ຮັບ​ໃໝ່ທີ່​ແທດ­ເໝາະ​ກັບ​ສະ­ພາບ​ການ​ພັດ­ທະ­ນາ ນວສືບ­ຕໍ່​ກວດ­ກາ​ບັນ­ດາ​ໂຄງ­ການ​ສຳ​ປະ­ທານ​ດິນ​ລັດ 81 ໂຄງ­ການທີ່​ກະ­ຊວງ​ຊັບ­ພະ­ຍາ­ກອນ ທຳ​ມະ​ຊາດ ແລະ ສິ່ງ­ແວ­ດລ້ອມສະ­ເໜີ​ໃຫ້​ກວດ­ກາ​ຄືນ​ໂຄງ­ການ​ທີ່​ລັດ­ຖະ­ບານ​ທັກ​ທ້ວງ 16 ໂຄງ­ການໃຫ້​ສຳ­ເລັດ​ໂດຍ​ພື້ນ­ຖານ ສືບ­ຕໍ່​ຊຸກ­ຍູ້​ຕິດ­ຕາມ​ການ​ຜະ­ລິດ​ລະ­ດູ­ແລ້ງແລະ ວາງ​ແຜນ​ກະ­ກຽມ​ການ​ຜະ­ລິດ​ລະ­ດູ­ຝົນສືບ­ຕໍ່​ໂຄງ­ການ​ຜະ­ລິດ​ເປັນ​ສິນ­ຄ້າ ເປັນ­ຕົ້ນໂຄງ­ການ​ປູກ​ສາ­ລີ​ອາ­ຫານ​ສັດ​ເປັນ​ສິນ­ຄ້າໂຄງ­ການ​ສຶກ​ສາ​ຄວາມ​ເປັນ​ໄປ​ໄດ້​ໃນ​ການ​ປູກ​ໝາກ­ພ້າວ​ຫອມ​ເປັນ​ສິນ­ຄ້າໂຄງ­ການ​ລ້ຽງ​ງົວ​ຊີ້ນ​ເປັນ​ສິນ­ຄ້າ ໂດຍ​ໃຫ້​ຄົ້ນ­ຄວ້າ ແລະສົມ­ທົບ​ກັບ​ຂະ­ແໜງ­ການ ເພື້ອ​ຄົ້ນ­ຄວ້າ​ວິ­ເຄາະ​ວິ­ໄຈ​ດິນເພື່ອ​ຕອບ​ສະ­ໜອງ​ການ​ປູກ​ພືດ​ແຕ່​ລະ​ຊະ­ນິດສືບ­ຕໍ່​ຕິດ­ຕາມ​ກວດ­ກາ​ຊຸມ​ຊົນ​ເກົ່າ​ແກ່​ທີ່​ສ່ຽງ​ຈະ​ເກີດ​ອັກ­ຄີ​ໄພຕິດ­ຕາມ​ກວດ­ກາ​ການ​ກໍ່­ສ້າງ ແລະ ຕິດ​ຕັ້ງ​ເສົາ​ໄຟ​ເຍືອງ​ທາງເອົາ­ໃຈ­ໃສ່​ແກ້​ໄຂ​ບັນ­ຫາ​ວັດ­ທະ­ນະ­ທຳ-ສັງ­ຄົມ ການ​ຫຼີ້ນ​ກິນ​ຟຸມ​ເຟືອຍໂດຍ​ສະ­ເພາະ ພະ­ນັກ­ງານ-ນັກ­ຮຽນ-ນັກ​ສຶກ​ສາ ເອົາ­ໃຈ­ໃສ່​ວຽກ​ງານ​ສືບ​ຂ່າວແລະ ປ້ອງ​ກັນ​ຊາດ-ປ້ອງ​ກັນ​ຄວາມ​ສະ­ຫງົບ​ທົ່ວ ນວແກ້​ໄຂ​ປາ­ກົດ­ການ​ຫຍໍ້­ທໍ້​ຕ່າງໆ ສຸມ​ໃສ່​ສ້ອມ­ແປງ​ທາງອະ­ນາ­ໄມ​ປະ­ດັບ​ປະ­ດາກະ­ກຽມ​ຮັບ​ມື​ປ້ອງ​ກັນ​ສະ­ພາບ​ນ້ຳ​ຖ້ວມ​ອັ່ງ​ຂັງ​ໃນ​ລະ­ດູ­ຝົນ​ທີ່​ຈະ​ມາ​ເຖິງເອົາ­ໃຈ­ໃສ່​ປະ­ສານ​ກັບ​ແຂວງ​ວຽງ​ຈັນໃນ​ການ­ຈັດ­ຕັ້ງ​ຜັນ​ຂະ­ຫຍາຍ​ຜົນ​ກອງ​ປະ​ຊຼຸມພົບ​ປະ­ການ​ແກ້​ໄຂ​ບັນ­ຫາ​ເຂດ​ເຊື່ອມ​ຕໍ່​ລະ­ຫວ່າງ ນວກັບ​ແຂວງ​ວຽງ​ຈັນ​ໃຫ້​ສຳ­ເລັດ​ຕາມ​ທີ່​ໄດ້​ຕົກ­ລົງ​ກັນຄົ້ນ­ຄວ້າ​ນິ­ຕິ​ກຳ​ການ​ກຳ­ນົດ​ເທ­ສະ​ບານ ນວ ແລະ ບັນ­ດາ​ເມືອງ​ຕ່າງໆຕາມ​ມະ­ຕິ​ກອງ​ປະ­ຊຸມ​ໃຫຍ່​ຂອງ​ອົງ­ຄະ​ນະ​ພັກ ຄັ້ງ​ທີ VI ໄດ້​ກຳ­ນົດ​ໄວ້ແລະ ເອົາ­ໃຈ­ໃສ່​ກະ­ກຽມ​ວັນ​ປູກ​ຕົ້ນ­ໄມ້​ແຫ່ງ​ຊາດ ວັນ​ທີ 1 ມິ­ຖຸ­ນາວັນ​ງົດ​ສູບ­ຢາ​ໂລກ ແລະວັນ​ສິ່ງ­ແວ­ດລ້ອມ​ທີ່​ຈະ​ມາ​ເຖິງ​ໃຫ້​ເປັນ​ຂະ​ບວນ​ຟົດ­ຟື້ນ.

ທີ່ມາຂໍ້ມູນ: ໜັງສືພິມວຽງຈັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 51

ຈຳນວນຜູ້ເຂົ້າຊົມວານນີ້ 40

ຈຳນວນຜູ້ເຂົ້າຊົມອາທິດນີ້ 227

ຈຳນວນຜູ້ເຂົ້າຊົມເດືອນນີ້ 953

ຈຳນວນຜູ້ເຂົ້າຊົມທັງໝົດ 47477

Currently are 23 guests and no members online

ແຜນທີ່ນະຄອນຫຼວງວຽງຈັນ