ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ຈາກ

    ກອງ​ປະ­ຊຸມ​ຄົບ​ຄະ­ນະ​ບໍ­ລິ­ຫານ​ງານ​ພັກ ຮ່ວມ​ກັບ​ອົງ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ (ນວ) ຈັດ​ຂຶ້ນ​ວັນ​ທີ 22-23 ມັງ­ກອນ 2019 ຢູ່​ຫ້ອງ​ວ່າ­ການ​ປົກ­ຄອງ ນວ ໂດຍ​ເປັນ​ປະ­ທານ​ຂອງ​ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ ນວ ມີ​ບັນ­ດາ​ຄະ­ນະ​ປະ­ຈຳ​ພັກ ຄະ­ນະ​ພັກ ນວ ຫົວ­ໜ້າ​ພະ­ແນກ­ການ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ກອງ​ປະ­ຊຸມ​ຄັ້ງ​ນີ້ ໄດ້​ຮັບ​ຟັງ​ການ​ລາຍ​ງານ ແລະ ພິ­ຈາ­ລະ­ນາ​ຫຼາຍ​ບັນ­ຫາ​ສຳ­ຄັນ​ຂອງ ນວ ເປັນ­ຕົ້ນ ຜົນ​ການ­ຈັດ­ຕັ້ງ​ເຊື່ອມ​ຊຶມ ແລະ ຜັນ​ຂະ­ຫຍາຍ​ມະ­ຕິ 7 ສະ­ໄໝ​ທີ X ຂອງ​ສູນ​ກາງ​ພັກ ທີ່​ສະ­ເໜີ​ໂດຍ​ທ່ານ ເຂັມ​ເພັດ ແພງ​ດວງ​ຈັນ ຫົວ­ໜ້າ​ຄະ­ນະ​ໂຄ­ສະ­ນາ​ອົບ­ຮົມ ນວ ເຊິ່ງ​ຜົນ​ການ​ເຊື່ອມ​ຊຶມ​ບັນ­ດາ​ສະ­ຫາຍ​ສະ­ມາ­ຊິກ​ພັກ​ທຸກ​ຂັ້ນ ສາ­ມາດ​ກຳ​ໄດ້​ທັດ­ສະ­ນະ​ອັນ​ເປັນ​ຫຼັກ­ການ​ຂອງ​ພັກ​ທີ່​ຖື​ເອົາ​ປະ­ຊາ­ຊົນ​ເປັນ​ກົກ ເປັນ​ກຳ­ລັງ​ແຮງ​ຂອງ​ການ​ປະ­ຕິ­ວັດ ແລະ ການ​ກໍ່­ສ້າງ​ປັບ­ປຸງ​ຮາກ​ຖານ​ການ­ເມືອງ ຕິດ​ພັນ​ກັບ​ການ​ພັດ­ທະ­ນາ​ຊົນ­ນະ­ບົດ ລຶ­ບລ້າງ​ຄວາມ­ທຸກ​ຍາກ​ຂອງ​ປະ­ຊາ­ຊົນ ເປັນ​ຍຸດ​ທະ​ສາດ ແລະ ມາດ­ຕະ­ຖານ​ໃນ​ການ­ຈັດ­ຕັ້ງ​ປະ­ຕິ­ບັດ​ແນວ­ທາງ ແຜນ​ນະ­ໂຍ­ບາຍ ກົດ­ໝາຍ ລະ­ບຽບ​ການ​ຂອງ​ພັກ ເພື່ອ​ສ້າງ​ຄວາມ​ເຂັ້ມ­ແຂງ​ໃຫ້­ການ​ພັດ­ທະ­ນາ​ຈາກ​ຂັ້ນ​ຮາກ​ຖານ​ຂຶ້ນ​ມາ​ຢ່າງ​ເປັນ​ລະ­ບົບ​ຕໍ່​ເນື່ອງ.

    ນອກ​ນີ້​ຍັງ​ໄດ້​ຮັບ​ຟັງ​ການ​ລາຍ​ງານ ແລະ ພິ­ຈາ­ລະ­ນາ ປະ­ກອບ​ຄຳ​ເຫັນ​ໃສ່​ແຜນ­ການ​ເຜີຍ­ແຜ່​ຜົນ­ສຳ­ເລັດ​ຂອງ​ກອງ​ປະ­ຊຸມ​ສະ­ໄໝ​ສາ­ມັນ ເທື່ອ​ທີ 6 ຂອງ​ສະ­ພາ​ປະ­ຊາ­ຊົນ ນວ ໃຫ້​ທິດ​ຊີ້​ນຳ​ກ່ຽວ​ກັບ​ການ​ກະ­ກຽມ​ດຳ­ເນີນ​ຊີ­ວິດ​ການ­ເມືອງ​ຂອງ​ອົງ­ຄະ​ນະ​ພັກ ນວ ປະ­ຈຳ​ປີ 2019 ຮ່າງ​ຂໍ້​ຕົກ­ລົງ​ວ່າ​ດ້ວຍ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແຜນ​ງົບ­ປະ­ມານ ປະ­ຈຳ​ປີ 2019 ປະ­ກອບ​ຄຳ​ເຫັນ​ຕໍ່​ເອ­ກະ­ສານ​ຂອງ​ກະ­ຊວງ​ການ​ເງິນ ກ່ຽວ​ກັບ​ຮ່າງ​ນິ­ຕິ​ກຳ 3 ສ້າງ​ຂອງ​ຂະ­ແໜງ­ການ​ເງິນ ແລະ ແຈ້ງ​ການ​ຂອງ​ກະ­ຊວງ​ການ​ເງິນ​ກ່ຽວ​ກັບ​ການ​ເງິນ​ຂັ້ນ​ບ້ານ ໃຫ້​ທິດ​ຊີ້​ນຳ​ກ່ຽວ​ກັບ​ແຜນ​ຈັດ​ຕັ້ງ​ປະ­ຕິ­ບັດ​ຄຳ​ສັ່ງ​ວ່າ​ດ້ວຍ​ການ​ປັບ­ປຸງ​ບັນ­ດາ​ລະ­ບຽບ​ການ ແລະ ກົນ​ໄກ​ປະ­ສານ​ງານ​ໃນ​ການ​ດຳ­ເນີນ​ທຸ­ລະ​ກິດ​ຢູ່​ລາວ ການ​ສະ­ເໜີ​ພິ­ຈາ­ລະ­ນາ ຮັບ­ຮອງ​ເອົາ​ແຜນ​ແມ່​ບົດ ແລະ ແຜນ­ຜັງ​ການ​ພັດ­ທະ­ນາ ສະ­ເພາະ​ບຶງ​ທາດ­ຫຼວງ ເມືອງ​ໄຊ​ເຊດ​ຖາ ແລະ ເມືອງ​ສີ​ສັດ­ຕະ​ນາກ ລວມ​ທັງ​ການ­ຈັດ­ຕັ້ງ​ປະ­ຕິ­ບັດ​ຂໍ້​ຕົກ­ລົງ​ວ່າ​ດ້ວຍ​ການ​ຈັດ​ສັນ​ຄວາມ​ບໍ່​ເປັນ​ລະ­ບຽບ​ຮຽບ​ຮ້ອຍ​ໃນ​ຕົວ​ເມືອງ ແລະ ຊານ­ເມືອງ ໃຫ້​ທິດ​ຊີ້​ນຳ​ກ່ຽວ​ກັບ​ຮ່າງ​ບົດ​ສະ­ຫຼຸບ​ການ​ຊີ້​ນຳ-ນຳ­ພາ​ວຽກ​ງານ​ຮອບ­ດ້ານ​ຂອງ​ອົງ­ຄະ​ນະ​ພັກ ນວ ໃນ​ໄລ­ຍະ 1 ປີ­ຜ່ານ­ມາ ແຜນ​ວຽກ​ຈຸດ​ສຸມ​ປີ 2019 ແລະ ການ​ຊີ້​ນຳ​ວຽກ​ງານ​ພັກ-ພະ­ນັກ­ງານ​ຈຳ­ນວນ​ໜຶ່ງ​ໃຫ້​ມີ​ຄວາມ​ເຂັ້ມ­ແຂງ​ຂຶ້ນ​ເລື້ອຍໆ.

 

ທີ່ມາຂໍ້ມູນຈາກ: ໜັງສືພິມວຽງຈັນໃໝ່

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 11

ຈຳນວນຜູ້ເຂົ້າຊົມວານນີ້ 62

ຈຳນວນຜູ້ເຂົ້າຊົມອາທິດນີ້ 158

ຈຳນວນຜູ້ເຂົ້າຊົມເດືອນນີ້ 589

ຈຳນວນຜູ້ເຂົ້າຊົມທັງໝົດ 51665

Currently are 21 guests and no members online