ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

40684248 666132350433393 7551848615828783104 n

     ທ່ານ ອາ­ນຸ­ພາບ ຕຸ​ນາ​ລົມ ປະ­ທານ​ສະ­ພາ​ປະ­ຊາ­ຊົນ ນະ­ຄອນ­ຫຼວງ​ວຽງ​ຈັນ (ນວ) ພ້ອມ​ດ້ວຍ​ຄະ­ນະ ລົງ​ຕິດ­ຕາມ​ສະ­ພາບ​ການ​ແກ້​ໄຂ​ບັນ­ຫາ​ນ້ຳ​ຖ້ວມ​ຢູ່​ເມືອງ​ປາກ​ງື່ມ ວັນ​ທີ 30 ສິງ­ຫາ 2018 ໂດຍ​ໄດ້​ຮັບ​ການ​ຕ້ອນ­ຮັບ​ຈາກ​ທ່ານ ວົງ​ເດືອນ ບຸນ​ຍະ​ແສງ ເຈົ້າ­ເມືອງ​ປາກ​ງື່ມ ແລະ ພາກ­ສ່ວນ​ກ່ຽວ­ຂ້ອງ.

ທ່ານ ວົງ​ເດືອນ ບຸນ​ຍະ​ແສງ ກ່າວ​ວ່າ: ເມືອງ​ປາກ​ງື່ມ ມີ 53 ບ້ານ ໃນ​ນີ້ ມີ 10 ບ້ານ ຕັ້ງ​ຢູ່​ລຽບ​ຕາມ​ແຄມ​ແມ່­ນ້ຳ​ງື່ມ ແລະ 14 ບ້ານ​ຕັ້ງ​ຢູ່​ລຽບ​ຕາມ​ແຄມ​ແມ່­ນ້ຳ​ຂອງ ເນື່ອງ​ຈາກ​ໄລ­ຍະ​ຜ່ານ​ມາ ໄດ້​ມີ​ຝົນ­ຕົກ​ຕິດ­ຕໍ່​ກັນ​ຫຼາຍ​ວັນ ເຮັດ​ໃຫ້​ຫຼາຍ​ບ້ານ​ໄດ້​ຮັບ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ ເຊິ່ງ​ມາ​ຮອດ​ວັນ​ທີ 28 ສິງ­ຫາ 2018 ອຳ­ນາດ​ການ​ປົກ­ຄອງ​ເມືອງ​ປາກ​ງື່ມ ສາ­ມາດ​ເກັບ​ກຳ​ຂໍ້​ມູນ​ຜົນ​ກະ­ທົບ​ຈາກ​ນ້ຳ​ຖ້ວມ 5 ບ້ານ​ຄື: ບ້ານ​ເວີນ​ແຄນ ປາກ​ກວາງ ຝັ່ງ​ແດງ ໂນນ​ຊາຍ ແລະ ບ້ານ​ໄຮ່ ມີ 400 ກວ່າ​ຄອບ­ຄົວ ເນື້ອ­ທີ່​ການ​ຜະ­ລິດ​ເສຍ​ຫາຍ 1.439 ເຮັກ­ຕາ ຈາກ​ເນື້ອ­ທີ່​ທັງ​ໝົດ 11.202 ເຮັກ­ຕາ.

ໂອ­ກາດ​ນີ້ ທ່ານ ອາ­ນຸ­ພາບ ຕຸ​ນາ​ລົມ ໄດ້​ສະ­ແດງ​ຄວາມ​ເປັນ​ຫ່ວງ​ເປັນ​ໄຍ​ຕໍ່​ຄອບ­ຄົວ​ຜູ້​ໄດ້​ຮັບ​ຜົນ​ກະ­ທົບ ພ້ອມ​ທັງ​ຮຽກ­ຮ້ອງ​ໃຫ້​ອຳ­ນາດ​ການ​ປົກ­ຄອງ​ເມືອງ ແລະ ບ້ານ ເອົາ­ໃຈ­ໃສ່​ຢ່າງ​ຕັ້ງ­ໜ້າ​ໃນ​ການ​ເກັບ​ກຳ​ຂໍ້​ມູນ ຄຽງ​ຄູ່​ກັບ​ການ​ປຸກ­ລະ­ດົມ​ທົ່ວ​ກຳ­ລັງ​ແຮງ​ໃນ​ສັງ­ຄົມ​ປະ­ກອບ­ສ່ວນ​ຊ່ວຍ­ເຫຼືອ ເພື່ອ​ບັນ­ເທົາ​ຄວາມ​ຫຍຸ້ງ­ຍາກ​ຄັ້ງ​ນີ້ ໃຫ້​ຜ່ານ​ພົ້ນ​ໄປ​ໂດຍ​ໄວ ເອົາ­ໃຈ­ໃສ່​ຕິດ­ຕາມ​ຢ່າງ​ໃກ້­ຊິດ​ກ່ຽວ​ກັບ​ການ​ຂຶ້ນ-ລົງ​ຂອງ​ນ້ຳ ເພື່ອ​ກຽມ​ຄວາມ​ພ້ອມ​ໃນ​ການ​ຍົກ­ຍ້າຍ​ພໍ່​ແມ່​ປະ­ຊາ­ຊົນ ເຄື່ອງ​ຂອງ ສັດ­ລ້ຽງ​ໄປ​ຢູ່​ສະ­ຖານ­ທີ່​ທີ່​ປອດ​ໄພ ພ້ອມ​ນີ້ ທ່ານ ອາ­ນຸ­ພາບ ຕຸ​ນາ​ລົມ ຍັງ​ໄດ້​ມອບ​ເຄື່ອງ​ອຸ­ປະ­ໂພກ-ບໍ­ລິ­ໂພກ​ຈຳ­ນວນ​ໜຶ່ງ ໃຫ້​ຄອບ­ຄົວ​ຜູ້​ໄດ້​ຮັບ​ຜົນ​ກະ­ທົບ​ຕື່ມ​ອີກ

ຂໍຂອບໃຈ: ພາບ ແລະ ຂ່າວ ຈາກ ເວັບໄຊໜັງສືພິມວຽງຈັນໃໝ່.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 77

ຈຳນວນຜູ້ເຂົ້າຊົມວານນີ້ 84

ຈຳນວນຜູ້ເຂົ້າຊົມອາທິດນີ້ 77

ຈຳນວນຜູ້ເຂົ້າຊົມເດືອນນີ້ 2060

ຈຳນວນຜູ້ເຂົ້າຊົມທັງໝົດ 62497

Currently are 18 guests and no members online