ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

94f2bc173abbc0b86c80224560230e35

     ກອງ​ປະຊຸມ​ຄົບ​ຄະນະ​ບໍລິຫານງານ​ພັກ ນະຄອນຫຼວງ​ວຽງ​ຈັນ ຄັ້ງ​ທີ 9 ສະໄໝ​ທີ VI ຈັດ​ໃນວັນ​ທີ 22 ກັນຍາ 2017 ທີ່​ຫ້ອງວ່າການ​ປົກຄອງ ນວ ໂດຍ​ເປັນປະທານ​ຂອງ ສະຫາຍ ສິນ​ລະ​ວົງ ຄຸດ​ໄພທູນ ກຳມະການ​ກົມ​ການເມືອງ​ສູນ​ກາງ​ພັກ ເລຂາ​ຄະນະພັກ ເຈົ້າ​ຄອງ​ນະຄອນຫຼວງ​ວຽງຈັນ ມີ​ບັນດາ​ຄະນະ​ປະຈຳ​ພັກ ກຳມະ​ການ​ພັກ ນວ ແລະ ພາກສ່ວນກ່ຽວຂ້ອງ​ເຂົ້າ​ຮ່ວມ.

     ກອງ​ປະຊຸມ​ໄດ້​ຮັບ​ຟັງ​ການເຜີຍແຜ່ ​ມະຕິ​ກອງ​ປະຊຸມຄົບ​ຄະນະ​ບໍລິຫານ​ງານ​ສູນ​ກາງ​ພັກ​ ຄັ້ງທີ 4 ແລະ ຄັ້ງ​ທີ 5 ສະໄໝ​ທີ X ໂດຍ​ສະຫາຍ ອານຸພາບ ຕຸ​ນາລົມ ກຳມະການ​ສູນ​ກາງ​ພັກ ຮອງ​ເລຂາ​ຄະນະ​ພັກ ນວ ປະທານ​ສະພາ​ປະຊາຊົນ ນວ ເຊິ່ງກອງ​ປະຊຸມ​ໄດ້​ພ້ອມ​ກັນ​ຄົ້ນຄວ້າປຶກສາ​ຫາລື ກ່ຽວ​ກັບ​ການ​ຕີ​ລາຄາ​ຜົນ​ການຈັດຕັ້ງ​ປະຕິບັດ​ ມະຕິ​ກອງ​ປະຊຸມ​ຄົບ​ຄະນະ ຄັ້ງ​ທີ 3 ສະໄໝ​ທີ X ແລະ ບາງ​ວຽກງານ​ຈຸດ​ສຸມ​ໃນຕໍ່ໜ້າ ພ້ອມ​ທັງຕີ​ລາຄາ​ການຈັດຕັ້ງ​ປະຕິບັດວຽກ​ງານ​ຈຸດ​ສຸມ​ຂອງ​ລັດ​ຖະບານ ໃນ​ໄລຍະ 6 ເດືອນ​ຜ່ານມາ ແລະ ທິດ​ທາງ​ຕໍ່ໜ້າ ບັນຫາການ​ຄຸ້ມ​ຄອງ ແລະ ພັດທະນາທີ່​ດິນ ໃນ​ໄລຍະ​ໃໝ່ ການ​ປະຕິບັດນະໂຍບາຍ​ສົ່ງເສີມ​ວິ​ສາ​ຫະ​ກິດຂະໜາດ​ນ້ອຍ ແລະ ກາງ (SMEs).

     ກອງ​ປະຊຸມ​ຄັ້ງ​ນີ້ ຍັງ​ໄດ້​ຮັບການ​ລາຍ​ງານ ແລະ ທິດ​ຊີ້​ນຳກ່ຽວ​ກັບ​ການ​ຕີ​ລາຄາ​ຜົນ​ການນຳພາ-ຈັດ​ຕັ້ງ​ປະຕິບັດ​ວຽກ​ງານອັນ​ພົ້ນ​ເດັ່ນ​ຮອບດ້ານຂອງ​ອົງຄະນະ​ພັກ ນວ ໃນ​ໄລຍະ 9 ເດືອນ​ທ້າຍ​ປີ ແລະ ທິດ​ທາງ​ຈຸດສຸມ 3 ເດືອນ​ທ້າຍ​ປີ 2017 ແລະ ບັນດາ​ໂຄງການ​ຊອກ​ຄົ້ນ ແລະ ສຳ​ຫຼວດ​ເກືອ​ກາລີຢູ່​ບ້ານ​ພ້າວ ເມືອງ​ປາກ​ງື່ມ ນວ ເນື້ອທີ່ 180 ກິໂລ​ຕາ​ແມັດຂອງ​ບໍລິສັດ​ ສີ​ສວນອາ​ໂບບແອດ​ເວັນ​ໂລ​ມອນມາຍມີ້ງ (ລາວ) ຈຳກັດ​ຜູ້​ດຽວ ແລະ ພິຈາລະນາ​ວຽກ​ບຸ​ຄະລາ​ກອນ ໃນ​ກົງຈັກ​ອົງການ​ປົກຄອງ ນວ ລວມ​ທັງ​ວຽກ​ງານ​ອື່ນໆ​ອີກ​ຈຳນວນ​ໜຶ່ງ.

 

ຂໍ້ມູນຈາກ: ໜັງສືພິມວຽງຈັນໃໝ່.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 77

ຈຳນວນຜູ້ເຂົ້າຊົມວານນີ້ 84

ຈຳນວນຜູ້ເຂົ້າຊົມອາທິດນີ້ 77

ຈຳນວນຜູ້ເຂົ້າຊົມເດືອນນີ້ 2060

ຈຳນວນຜູ້ເຂົ້າຊົມທັງໝົດ 62497

Currently are 26 guests and no members online