ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

f29ade8bc247ce50e4f7ba752e27da33

     ເມື່ອ​ຮອດ​ລະດູຝົນ ຈຳນວນ​ກໍລະ​ນີ​ຂອງ​ພະຍາດໄຂ້ຍຸງ​ລາຍ ຫຼື ໄຂ້ເລືອດອອກກໍ່​ຈະ​ເພີ່ມ​ຂຶ້ນ​ຫຼາຍ ແຕ່​ຖ້າ​ເຮົາ​ມີ​ມາດ​ຕະການ​ຄວບຄຸມ​ທີ່​ດີ ມັນ​ກໍ່​ຈະ​ສາມາດ​ສະກັດກັ້ນ​ໄດ້​ໃນ​ລະດັບ​ໃດ​ໜຶ່ງ ວັນ​ທີ 5 ກໍລະກົດ 2017 ນະຄອນຫຼວງວຽງ​ຈັນ ໄດ້​ຈັດ​ກອງ​ປະຊຸມ​ຄະນະກຳມະການ​ຄວບ​ຄຸມພະ​ຍາດ​ຕິດຕໍ່​ຂັ້ນ ນວ ຂຶ້ນທີ່​ຫ້ອງ​ວ່າການ ນວ ເປັນ​ປະທານ​ຂອງ​ທ່ານ ສີ​ຫຸນ ສິດທິ​ລື​ໄຊ ຮອງ​ເຈົ້າ​ຄອງ ທັງ​ເປັນປະທານ​ຄະນະ​ກຳມະການ​ຄວບຄຸມພະ​ຍາດ​ຕິດຕໍ່​ຂັ້ນ​ນະຄອນຫຼວງ ມີ​ຄະນະ​ກຳມະການ​ຄວບຄຸມພະ​ຍາດ​ຕິດຕໍ່​ຂັ້ນ ນວ ແລະ ຂັ້ນ​ເມືອງ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

 

     ທ່ານ ສີ​ຫຸນ ສິດທິ​ລື​ໄຊ ກ່າວວ່າ: ໃນ 6 ເດືອນ​ຜ່ານ​ມາ ຄະນະກຳມະການ​ໄດ້​ຕິດຕາມ​ຢ່າງ​ໃກ້ຊິດ ແລະ ຮັບ​ລາຍ​ງານ​ຈາກ​ທາງກອງ​ເລຂາ ເບິ່ງ​ຄວາມ​ຄືບ​ໜ້າຂອງ​ການ​ຄວບ​ຄຸມພະ​ຍາດ​ດັ່ງກ່າວ ຊຶ່ງ​ມາ​ຮອດ​ປັດຈຸບັນ ຢູ່​ໃນນະຄອນຫຼວງແມ່ນ​ມີ​ກໍລະນີລາຍ​ງານເກືອບ​ເຖິງ 700 ກໍລະນີແລ້ວ ໃນ​ນັ້ນ ເສຍ​ຊີວິດ 1 ກໍລະນີ ແຕ່​ເມື່ອ​ທຽບໃສ່​ປີ 2013 ເຫັນວ່າຍັງ​ສາມາດ​ຄວບ​ຄຸມ​ໄດ້ ແຕ່ຖ້າ​ທຽບໃສ່​ທຸກ​ແຂວງ​ໃນ​ທົ່ວ​ປະເທດ ນວ ຍັງ​ເປັນ​ອັນ​ດັບ 1 ຂອງແຂວງ ທີ່​ຈຳນວນ​ກໍລະນີ​ຫຼາຍກວ່າ​ໝູ່ ຍ້ອນ​ແນວ​ນັ້ນ ທາງ​ລັດຖະ​ບານ​ມີ​ຄວາມ​ເປັນ​ຫ່ວງ​ເປັນໃຍ​ຕໍ່​ສະຖານະ​ການ​ດັ່ງກ່າວ ຢ້ານ​ຈະ​ມີ​ການ​ລະບາດ​ຄື​ກັນ​ກັບປີ 2013 ຈຶ່ງ​ໄດ້​ອອກ​ຄຳ​ສັ່ງ​ຂອງນາຍົກລັດຖະມົນຕີ ສະບັບ​ເລກ​ທີ 08/​ນຍ ລົງ​ວັນ​ທີ 19/5/2017 ວ່າ​ດ້ວຍ​ການ​ປ້ອງ​ກັນ ແລະ ສະກັດ​ກັ້ນ​ການ​ລະບາດ​ຂອງ​ພະຍາດໄຂ້ຍຸງ​ລາຍ ໃນ​ປີ 2017 ໃນ​ເນື້ອໃນ​ຄຳ​ສັ່ງ​ດັ່ງກ່າວ ກໍ່​ໄດ້​ເນັ້ນ​ໃຫ້ອຳນາດ​ການ​ປົກຄອງ ບັນດາແຂວງ ເມືອງ ບ້ານ ອາສາ​ສະໝັກ​ບ້ານ ມີ​ແຜນ​ກຽມພ້ອມ​ແຕ່ຫົວທີ ເພື່ອ​ສະກັດ​ກັ້ນ​ການ​ແຜ່​ລະບາດ​ຂອງ​ພະຍາດ​ດັ່ງກ່າວ ໃຫ້ເອົາໃຈໃສ່​ຈັດ​ຕັ້ງ​ໂຄສະນາ​ປະຊາສຳພັນ ເພື່ອ​ໃຫ້​ສັງຄົມ​ມີ​ຄວາມເຂົ້າໃຈ ແລະ ປ່ຽນແປງ​ພຶດຕິ​ກຳໃນ​ການ​ປ້ອງ​ກັນ​ຕົນ​ເອງ ຕໍ່​ການເປັນ​ພະຍາດ​ດັ່ງກ່າວ ໂດຍ​ສະເພາະ ການຈັດຕັ້ງ​ປະຕິບັດ​ຫຼັກການ 5ປ ຄື: ປິດ​ຝາ​ພາຊະນະນ້ຳ​ໃຊ້​ໃນ​ເຮືອນ ແລະ ນອກເຮືອນ​ເພື່ອ​ບໍ່​ໃຫ້​ຍຸງ​ມາ​ໄຂ່​ໃສ່ປ່ຽນ​ນ້ຳ​ໃນ​ພາຊະນະ ເຊັ່ນ: ເຕົ້າດອກ​ໄມ້ ນ້ຳ​ຮອງ​ຕີນ​ຕູ້ ຖານ​ຮອງຈອກ​ນ້ຳ ປ່ອຍ​ປາ​ຫາງ​ນົກ​ຍຸງເພື່ອ​ກິນ​ໜອນ​ນ້ຳ​ຍຸງ​ລາຍ ປັບປຸງໂດຍ​ການ​ອະ​ນະ​ໄມ​ສິ່ງແວດລ້ອມອ້ອມ​ຂ້າງ​ເຮືອນ ບໍ່​ໃຫ້​ມີ​ກະໂປະກະ​ປອງ ແລະ ຢາງ​ຕີນລົດ​ທີ່​ມີ​ນ້ຳຂັງ ປະຕິບັດ​ໃຫ້​ເປັນ​ນິ​ໃສ.

    ໃນ 5 ຫຼັກການ​ທີ່​ກ່າວ​ມາ​ນີ້ ຄະນະ​ກຳມະການ​ຂອງ​ພວກ​ເຮົາ ກໍ່​ແມ່ນ​ໄດ້​ເຮັດ​ມາ​ຢ່າງ​ຂະຫຍັນຂັນ​ແຂງ ແຕ່​ກໍລະນີ​ມັນ​ກໍ່​ຍັງ​ເພີ່ມຂຶ້ນ ສະນັ້ນ ກອງ​ປະຊຸມ​ໃນ​ຄັ້ງ​ນີ້ ຈຶ່ງ​ໄດ້​ເພີ່ມ​ທະວີ​ພ້ອມ​ກັນ​ຄົ້ນຄວ້າຖອດ​ຖອນ​ບົດຮຽນ​ກັນ​ຄືນ ເພື່ອຮັບປະກັນ​ໃຫ້ 6 ເດືອນ​ທ້າຍ​ປີ​ນີ້ ຕ້ອງ​ບໍ່​ໃຫ້​ມີ​ຄວາມ​ຮຸນ​ແຮງຄື​ປີ 2013 ແລະ ພ້ອມ​ກັນ​ຕະລຸມບອນ​ໃສ່ ຈຶ່ງ​ເຮັດ​ໃຫ້​ພະຍາດ​ອັກເສບ​ຕັບ​ເອຢ່າງ​ເອົາໃຈໃສ່ ໂດຍປັດຈຸບັນ​ສາມາດ​ຄວບ​ຄຸມ​ໄດ້ ເຖິງ​ຢ່າງໃດ​ກໍ່​ຕາມ ຕ້ອງ​ສືບຕໍ່​ໃນການ​ເຝົ້າ​ລະວັງ.

ຂໍ້ມູນຈາກ: ໜັງສືພີມວຽງຈັນໃໝ່.

 

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 77

ຈຳນວນຜູ້ເຂົ້າຊົມວານນີ້ 84

ຈຳນວນຜູ້ເຂົ້າຊົມອາທິດນີ້ 77

ຈຳນວນຜູ້ເຂົ້າຊົມເດືອນນີ້ 2060

ຈຳນວນຜູ້ເຂົ້າຊົມທັງໝົດ 62497

Currently are 15 guests and no members online