ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

7cfa47f963dabd44341c62bbba5f7358

     ກອງ​ປະຊຸມ​ສະໄໝ​ສາມັນເທື່ອ​ທີ 3 ຂອງ​ສະພາ​ປະຊາຊົນ ນະຄອນ​ຫຼວງ​ວຽງ​ຈັນ (ນວ) ຊຸດ​ທີ I ໄດ້​ດຳເນີນ​ມາ 5 ວັນ ຮອດ​ວັນ​ທີ 3 ກໍລະກົດ 2017 ໄດ້​ສຳເລັດໂດຍ​ເປັນ​ປະທານ​ຂອງ​ທ່ານ ອາ​ນຸພາບ ຕຸ​ນາ​ລົມ ປະທານ​ສະພາປະຊາຊົນນະຄອນຫຼວງ​ວຽງ​ຈັນ ມີ​ທ່ານ ສິນ​ລະ​ວົງ ຄຸດ​ໄພທູນເຈົ້າ​ຄອງ​ນະຄອນຫຼວງ​ວຽງ​ຈັນ ພ້ອມ​ດ້ວຍ​ບັນດາ ​ສສຊ ປະຈຳເຂດ​ເລືອກ​ຕັ້ງ​ທີ I ​ສສ​ນວ ແລະ ແຂກ​ຖືກ​ເຊີນ​ເຂົ້າ​ຮ່ວມ.

     ຕະຫຼອດ​ໄລຍະ​ດຳເນີນ​ກອງປະຊຸມ​ຜູ້​ເຂົ້າ​ຮ່ວມ​ໄດ້​ສຸມ​ໃສ່​ຄົ້ນຄວ້າພິຈາລະນາ ແລະຕົກລົງຮັບຮອງ​ເອົາ​ບັນຫາ​ສຳຄັນ​ຕ່າງໆຂອງ ນວ ດ້ວຍ​ຄວາມ​ເປັນ​ເອກະພາບ​ສູງ ຄື:ພິຈາລະນາ ແລະ ຮັບຮອງ​ເອົາ​ບົດ​ລາຍ​ງານ​ການຈັດ​ຕັ້ງ​ປະຕິບັດ​ແຜນ​ພັດທະນາເສດຖະກິດ-ສັງຄົມ ແລະ ແຜນງົບປະມານ 6 ເດືອນ​ຕົ້ນ​ປີ ແລະທິດ​ທາງ​ແຜນການ 6 ເດືອນ ທ້າຍ​ປີ 2017 ຂອງ ນວຜົນ​ການກວດ​ສອບ​ບົດ​ສະຫຼຸບ​ຂາດ​ຕົວ ການຈັດຕັ້ງ​ປະຕິບັດ​ແຜນ​ງົບ​ປະມານ​ຂອງນວ ສົກ​ປີ 2014-2015 ບົດ​ສະຫຼຸບ​ການເຄື່ອນໄຫວ ໄລຍະ 3 ຂ້າມ​ຜ່ານ​ປີ 2016 ແລະທິດ​ທາງ​ແຜນການ​ປີ 2017 ຮັບ​ຟັງ​ລາຍ​ງານ​ຂອງ​ອົງການ​ໄອຍະ​ການ ແລະສານ​ປະຊາຊົນ ນວກ່ຽວ​ກັບ​ການ​ຍົກ​ສູງ​ຄຸ​ນະພາບ​ຂອງ​ການ​ປະຕິບັດ​ສິດ​ກ່າວຟ້ອງ​ຄະດີ​ອາຍາການ​ຕິດຕາມກວດກາ​ຄ້າຍ​ຄຸມ​ຂັງ ແລະການຍົກ​ສູງ​ຄຸນະພາບ​ກ່ຽວ​ກັບ​ການດຳເນີນ​ຄະດີ​ຢູ່​ສານ​ຂັ້ນ​ຕົ້ນ​ໃນ​ໄລຍະ 6 ເດືອນ​ທີ່​ຜ່ານ​ມາ ແລະ ທິດທາງ​ແຜນການ 6 ເດືອນ​ຕໍ່ໜ້າກອງ​ປະຊຸມ​ໄດ້​ສະເໜີ​ໃຫ້​ສອງ​ອົງການ​ດັ່ງກ່າວ​ເອົາໃຈໃສ່​ສຶກ​ສາອົບຮົມ​ການເມືອງ-ແນວ​ຄິດ ທັດສະ​ນະ​ຫຼັກ​ໝັ້ນ ຈັນ​ຍາ​ບັນຈັນ​ຍາທຳ ກຳ​ແໜ້ນ​ວິຊາ​ສະເພາະ ແລະ ກົດໝາຍ​ໃຫ້​ແກ່​ພະນັກງານ​ໄອ​ຍະ​ການຜູ້​ພິພາກສາຂອງ​ສານ​ປະຊາຊົນ​ເຂດ ແລະ ສານ​ປະຊາຊົນ ນວປັບປຸງ​ລະບອບ​ແບບແຜນ​ວິທີ​ເຮັດ​ວຽກ ແລະກົນ​ໄກ​ການ​ຕິດຕາມ​ກວດກາ​ພາຍ​ໃນ​ຂອງ​ສອງ​ອົງການ​ດັ່ງກ່າວ ໃຫ້​ເປັນ​ລະບົບແລະ ຕິດຕາມ​ກວດກາ​ປົກກະຕິພິ​ຈາລະນາ ແລະຮັບຮອງ​ເອົາ​ບົດ​ລາຍງານ​ການເຄື່ອນໄຫວ​ວຽກ​ງານແຕ່​ກອງ​ປະຊຸມ​ສະໄໝ​ສາມັນເທື່ອ​ທີ 2 ຫາ​ເທື່ອ​ທີ 3 ແລະທິດທາງ​ແຜນການ​ແຕ່​ກອງ​ປະຊຸມສະໄໝ​ສາມັນເທື່ອ​ທີ 3 ຫາ​ເທື່ອທີ 4 ຂອງ​ຄະນະ​ປະຈຳ​ສະພາ​ປະຊາ​ຊົນ ນວ ໂດຍ​ສະເພາະ ຄະນະປະຈຳ​ສະພາ​ປະຊາຊົນ​ແມ່ນ​ໄດ້ເປີດ​ກອງ​ປະຊຸມ​ສະໄໝ​ວິສາມັນຂອງ​ຄະນະ​ປະຈຳ​ສະພາ​ປະຊາຊົນ​ຂຶ້ນເພື່ອ​ພິຈາລະນາ ແລະ ຮັບຮອງ​ເອົາ​ການ​ແຕ່ງຕັ້ງ​ບັນດາທ່ານ​ເຈົ້າເມືອງ 9 ເມືອງຕາມການ​ສະເໜີ​ຂອງ​ທ່ານ​ເຈົ້າ​ຄອງ ນວ ແລະ ພິຈາລະນາ ແລະຮັບຮອງ​ເອົາ​ຂໍ້​ຕົກລົງ​ຂອງ​ທ່ານ​ເຈົ້າຄອງ ນວ ຈຳນວນ 5 ສະບັບຄື:ຂໍ້​ຕົກລົງ​ວ່າ​ດ້ວຍ​ການ​ສັນຈອນ ຄວາມ​ບໍ່​ເປັນ​ລະບຽບ​ຮຽບ​ຮ້ອຍໃນ​ຕົວ​ເມືອງແລະ ຊານເມືອງໃນ​ໄລຍະ​ໃໝ່ ຂໍ້​ຕົກລົງ​ວ່າ​ດ້ວຍການ​ຄຸ້ມ​ຄອງ ແລະນຳ​ໃຊ້​ຢາປາບ​ສັດຕູ​ພືດຂໍ້​ຕົກລົງ​ວ່າ​ດ້ວຍການ​ສົ່ງເສີມ​ການ​ຄຸ້ມ​ຄອງ​ຄຸ​ນະພາບ​ການ​ລ້ຽງ ແລະການ​ບໍລິ​ໂພກ​ສັດປາ ແລະ ສັດ​ນ້ຳ ຂໍ້ຕົກລົງ​ວ່າ​ດ້ວຍ​ການ​ສົ່ງເສີມ ແລະການ​ຄຸ້ມ​ຄອງ​ຄຸນະພາບ​ພືດ ແລະ ຜະລິດ​ຕະ​ພັນ​ພືດ​ທີ່​ຈຳໜ່າຍ​ໃນ ນວ ແລະຂໍ້​ຕົກລົງ​ວ່າດ້ວຍ​ກອງ​ທຶນ​ທາງ ນວ.

    ນອກ​ນີ້ກອງ​ປະຊຸມ​ໄດ້​ສະເໜີ​ໃຫ້​ອົງການ​ປົກຄອງ​ຊີ້​ນຳ​ພະແນກ​ການ​ທີ່​ກ່ຽວຂ້ອງ​ຈົ່ງ​ໄດ້​ສືບຕໍ່​ເອົາ​ຄຳ​ຄິດ​ຄຳ​ເຫັນ​ຂອງ​ກອງ​ປະຊຸມ​ໄປ​ປັບປຸງ​ໃສ່​ບັນດາ​ຂໍ້​ຕົກລົງໃຫ້​ມີ​ຄວາມ​ສອດຄ່ອງ​ກັບ​ກົດໝາຍ ແລະ ມີ​ເນື້ອ​ໃນ​ສົມບູນ​ຄົບຖ້ວນ​ແລ້ວ​ຈຶ່ງ​ລາຍ​ງານ​ຄືນ​ໃຫ້ຄະນະ​ປະຈຳ​ສະພາ​ປະຊາຊົນ ນວພິຈາລະນາ​ກ່ອນ​ທີ່​ຈະ​ປະກາດໃຊ້.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 77

ຈຳນວນຜູ້ເຂົ້າຊົມວານນີ້ 84

ຈຳນວນຜູ້ເຂົ້າຊົມອາທິດນີ້ 77

ຈຳນວນຜູ້ເຂົ້າຊົມເດືອນນີ້ 2060

ຈຳນວນຜູ້ເຂົ້າຊົມທັງໝົດ 62497

Currently are 11 guests and no members online