ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

3bd732dfd3a234af6512536a54fb8206

     ກອງ​ປະຊຸມ​ສະໄໝ​ສາມັນເທື່ອ​ທີ 3 ຂອງ​ສະພາ​ປະຊາຊົນນະຄອນຫຼວງ​ວຽງ​ຈັນຊຸດ​ທີ I ດຳເນີນ​ມາ​ເຖິງ​ວັນ​ທີ 30 ມິຖຸນາ 2017 ທີ່​ຫ້ອງ​ວ່າການ​ປົກຄອງນະຄອນຫຼວງ ໂດຍ​ເປັນ​ປະທານຂອງ​ທ່ານ ອານຸພາບ ຕຸ​ນາ​ລົມປະທານ​ສະພາ​ປະຊາຊົນ​ນະຄອນຫຼວງ​ວຽງ​ຈັນ ມີ​ທ່ານ​ຮອງ​ເຈົ້າຄອງ​ນະຄອນຫຼວງສະມາຊິກ​ສະພາ​ແຫ່ງ​ຊາດ ປະຈຳ​ເຂດ​ເລືອກຕັ້ງທີ 1 ບັນດາ​ພະແນກການ ເຈົ້າເມືອງແລະ ສະມາຊິກ​ສະພາ​ປະຊາຊົນ ນວ ເຂົ້າ​ຮ່ວມ.

     ໃນ​ມື້​ທີ 4 ພາກ​ເຊົ້າ ການດຳເນີນ​ກອງ​ປະຊຸມ​ບັນດາ​ສະ​ມາຊິກ​ສະພາ​ໄດ້​ສືບຕໍ່​ຮັບ​ຟັງ​ການຜ່ານ​ສະເໜີ​ຮ່າງ​ຂໍ້​ຕົກລົງ​ຂອງເຈົ້າ​ຄອງ​ນະຄອນຫຼວງ​ວຽງ​ຈັນວ່າ​ດ້ວຍ​ການ​ສົ່ງເສີມ ແລະ ການຄຸ້ມ​ຄອງ​ຄຸນະພາບ​ການ​ລ້ຽງ ແລະການ​ບໍລິໂພກ​ສັດ ຜະລິດຕະ​ພັນ​ສັດປ່າ ແລະ ສັດ​ນ້ຳ ແລະຮ່າງ​ຂໍ້​ຕົກລົງ​ວ່າ​ດ້ວຍ​ການສົ່ງເສີມ​ການ​ຄຸ້ມ​ຄອງ​ຄຸນະພາບພືດ ແລະຜະລິດ​ຕະ​ພັນ​ພືດ ຢູ່​ນະຄອນ​ຫຼວງ ໂດຍ​ທ່ານ ລິນ​ຄຳ ດວງ​ສະຫວັນຫົວໜ້າ​ພະ​ແນກກະສິກຳ ແລະ ປ່າໄມ້ ນວ ປະກອບ​ມີ​ທັງ​ໝົດ 5 ໝວດ ແລະ 27 ມາດຕາເຊິ່ງ​ຂໍ້​ຕົກລົງ​ດັ່ງກ່າວ​ແມ່ນ​ມີ​ຄວາມ​ສຳຄັນ ແລະຈຳເປັນ​ຕໍ່​ການ​ຄຸ້ມ​ຄອງ​ຄຸນະພາບກໍ່​ຄືການ​ບໍລິໂພກ​ຂອງ​ຊາວ​ນະຄອນ​ຫຼວງ​ໃນ​ປັດຈຸບັນ ແນໃສ່ເພື່ອ​ຮອງ​ຮັບ ແລະເປັນ​ບ່ອນ​ອີງໃນ​ການຈັດຕັ້ງ​ປະຕິບັດ​ການ​ກວດກາ ຄຸ້ມ​ຄອງ​ຄຸນະພາບ ແລະຜະລິດ​ຕະ​ພັນ​ພືດ​ໃຫ້​ເຂົ້າ​ສູ່​ລະບຽບການສາມາດ​ຮັບປະກັນ​ໄດ້ຄວາມ​ປອດ​ໄພ​ແກ່​ຜູ້​ບໍລິໂພກ ພ້ອມ​ທັງ​ເປັນ​ການ​ພັດທະນາແລະ ຍົກ​ລະດັບ​ການ​ຄຸ້ມ​ຄອງຄຸນະພາບ​ຜະລິດ​ຕະ​ພັນ​ພືດ​ທີ່​ຈຳໜ່າຍ​ທົ່ວ​ໄປ​ໃຫ້​ມີ​ຄວາມ​ສະອາດ ແລະ ຖືກຕ້ອງສອດຄ່ອງ​ກັບ​ຫຼັກໂພຊະ​ນາ​ການ​ຫຼາຍ​ຂຶ້ນຈາກ​ນັ້ນ ບັນດາ​ສະມາຊິກ​ສະພາ​ປະຊາຊົນ ນວກໍ່​ໄດ້​ຜັດປ່ຽນ​ກັນ​ຂຶ້ນ​ປະກອບ​ຄຳ​ຄິດ​ຄຳ​ເຫັນ​ຢ່າງ​ກົງ​ໄປກົງ​ມາພ້ອມ​ນັ້ນ ຄະນະ​ຮັບ​ຜິດຊອບ​ສ້າງ​ຮ່າງ​ນິຕິ​ກຳໄດ້​ໃຫ້ການຊີ້​ແຈງ​ບາງ​ບັນຫາ​ທີ່​ສະມາຊິກສະ​ພາໃຫ້​ຄວາມ​ສົນໃຈເພື່ອ​ເຮັດໃຫ້​ຮ່າງ​ຂໍ້​ຕົກລົງ​ດັ່ງກ່າວ ​ມີ​ຄວາມຖືກຕ້ອງ​ສອດຄ່ອງ​ຂຶ້ນສາມາດຈັດ​ຕັ້ງ​ປະຕິບັດ​ຢ່າງ​ມີ​ປະ​ສິດທິຜົນໂດຍ​ທີ່​ປະຊຸມ​ເຫັນ​ດີ​ເປັນເອກະ​ພາບ​ຮັບຮອງ​ເອົາ​ຮ່າງ​ຂໍ້​ຕົກລົງ​ດັ່ງກ່າວ​ຢ່າງ​ເປັນ​ເອກະສັນ ດ້ວຍ​ຄະແນນ​ສຽງ​ສ່ວນ​ຫຼາຍ.

     ສ່ວນ​ພາກ​ບ່າຍ​ແມ່ນ​ສືບຕໍ່ຮັບ​ຟັງ​ການ​ປະກອບ​ຄຳ​ຄິດ​ເຫັນ ແລະຮັບຮອງ​ເອົາ​ຮ່າງ​ຂໍ້​ຕົກລົງຂອງ​ເຈົ້າ​ຄອງ​ນະຄອນຫຼວງວ່າດ້ວຍ​ກອງ​ທຶນ​ທາງ​ປະຊາຊົນ​ນະຄອນ​ຫຼວງ​ວຽງ​ຈັນ ທີ່​ສະເໜີ​ໂດຍທ່ານເດດ​ສົງຄາມ ທຳ​ມະ​ວົງ ຫົວໜ້າ​ພະ​ແນກ​ໂຍທາ​ທິ​ການ ແລະ ຂົນສົ່ງ ນວຕາງໜ້າ​ໃຫ້​ຄະນະ​ຮັບຜິດຊອບ​ການ​ສ້າງ​ຮ່າງ​ນິຕິກຳເຊິ່ງ​ມີ​ເປົ້າ​ໝາຍ​ສ້າງ​ຂຶ້ນ​ເພື່ອເປັນ​ກອງ​ທຶນ​ນຳ​ໃຊ້​ເຂົ້າ​ໃນ​ການປັບປຸງ​ບູລະນະ​ເສັ້ນທາງ​ໃນ​ຕົວເມືອງ​ໃຫ້​ດີ​ຂຶ້ນມີ​ຄວາມ​ເປັນ​ລະບຽບ​ຮຽບ​ຮ້ອຍ ແລະ ສະອາດ​ຈົບງາມ ພ້ອມ​ນັ້ນຍັງ​ໄດ້​ຮັບ​ຟັງ​ການຜ່ານ​ຮ່າງ​ຂໍ້​ຕົກລົງ​ວ່າ​ດ້ວຍ​ແຜນວຽກ ແລະມາດ​ຕະ​ການຈັດຕັ້ງປະຕິບັດ​ໂຄງການ​ນະຄອນຫຼວງສະຫງົບ​ສຸກ​ໄລຍະ​ໃໝ່ເພື່ອ​ໃຫ້ສະມາຊິກ​ສະພາ​ປະຊາຊົນ ນວພ້ອມ​ກັນ​ຄົ້ນຄວ້າ​ປະກອບ​ຄຳ​ຄິດຄຳ​ເຫັນ​ໃສ່​ຮ່າງ​ຂໍ້​ຕົກລົງ​ດັ່ງກ່າວໃຫ້​ສົມບູນແລະ ມີ​ຜົນ​ສັກສິດ ໃນການຈັດຕັ້ງ​ປະຕິບັດ​ຕໍ່​ໄປ.

 

 

 

ຂໍ້ມູນຈາກ: ໜັງສືພີມວຽງຈັນໃໝ່.

ຄົ້ນຫາ

ປະຕິທິນ

June 2020
S M T W T F S
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 50

ຈຳນວນຜູ້ເຂົ້າຊົມວານນີ້ 53

ຈຳນວນຜູ້ເຂົ້າຊົມອາທິດນີ້ 134

ຈຳນວນຜູ້ເຂົ້າຊົມເດືອນນີ້ 134

ຈຳນວນຜູ້ເຂົ້າຊົມທັງໝົດ 64621

Currently are 16 guests and no members online