ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

60d5b376d3af9181cface25c57fde0a4

     ກອງ​ປະຊຸມ​ສະໄໝ​ສາມັນເທື່ອ​ທີ 3 ຂອງ​ສະພາ​ປະຊາຊົນ ນະຄອນຫຼວງ​ວຽງ​ຈັນຊຸດ​ທີ I ດຳເນີນ​ມາ​ເຖິງ​ວັນ​ທີ 29 ມິຖຸນາ 2017 ເປັນ​ມື້​ທີ 3 ຢູ່​ຫ້ອງ​ວ່າການປົກຄອງ​ນະຄອນຫຼວງ ໂດຍ​ເປັນປະທານ​ຂອງ​ທ່ານ ອານຸພາບ ຕຸນາ​ລົມປະທານ​ສະພາ​ປະຊາຊົນນະຄອນຫຼວງ ມີ​ທ່ານ​ຮອງ​ເຈົ້າຄອງ​ນະຄອນຫຼວງສະມາຊິກ​ສະພາ​ແຫ່ງ​ຊາດ ປະຈຳ​ເຂດ​ເລືອກຕັ້ງ​ທີ 1 ບັນດາ​ພະແນກການ ເຈົ້າເມືອງແລະ ສະມາຊິກ​ສະພາ​ປະຊາ​ຊົນ ນວ ເຂົ້າ​ຮ່ວມ.

    ກອງ​ປະຊຸມ​ໄດ້​ຮັບ​ຟັງ​ການ​ຊີ້​ແຈງ​ຈາກ​ຫົວໜ້າ​ພະແນກ​ຍຸຕິ​ທຳ ນວ ແລະຮັກສາການ​ຫົວໜ້າ​ກອງ​ບັນຊາ​ການ ​ປກສ ນວຕໍ່​ກັບ​ການຈັດຕັ້ງ​ປະຕິບັດ​ວຽກ​ງານ​ໄລຍະ​ຜ່ານ​ມາຕາມ​ມາ​ດ້ວຍ​ການ​ຜ່ານ​ບົດ​ສະເໜີ​ຮ່າງ​ຂໍ້​ຕົກລົງ​ຂອງ​ເຈົ້າ​ຄອງນະຄອນຫຼວງ​ວຽງ​ຈັນວ່າ​ດ້ວຍການ​ຈັດ​ສັນ​ຄວາມ​ບໍ່​ເປັນ​ລະບຽບຮຽບ​ຮ້ອຍ​ໃນ​ຕົວ​ເມືອງ ແລະຊານເມືອງ​ໃນ​ໄລຍະ​ໃໝ່ ໂດຍທ່ານ​ນາງ ວິໄລ​ວອນ ຈັນທະ​ລາຕີ ຫົວໜ້າ​ຫ້ອງການ ​ຄບຕນວ ຕາງໜ້າ​ໃຫ້​ຄະນະ​ຮັບຜິດຊອບການ​ຮ່າງ​ນິຕິ​ກຳ (ອົງການ​ຄຸ້ມຄອງ ແລະບໍລິການ​ຕົວ​ເມືອງ ນວ) ປະກອບ​ມີ 5 ໝວດ 20 ມາດຕາ ເຊິ່ງ​ກວມ​ເອົາ 4 ຂົງເຂດຄື:ອຸດສາຫະກຳ​ການ​ຄ້າ ໂຍທາ​ທິ​ການ ແລະ ຂົນສົ່ງ ພະລັງ​ງານ​ບໍ່​ແຮ່ ແລະ ໄປສະນີໂທລະ​ຄົມມະນາຄົມ ແລະ ຂົງເຂດວັດທະນະທຳ ລວມ​ທັງ​ໝົດ 11 ກິດຈະກຳ.

    ຈາກ​ນັ້ນ ບັນດາ​ສະມາຊິກສະພາ​ປະຊາຊົນ ນວຕ່າງ​ກໍ່​ຜັດປ່ຽນ​ກັນ​ຂຶ້ນ​ປະກອບ​ຄຳ​ຄິດ​ຄຳເຫັນ​ຢ່າງ​ກົງ​ໄປ​ກົງ​ມາ​ສົມ​ເຫດສົມ​ຜົນເພື່ອ​ເຮັດ​ໃຫ້​ຮ່າງ​ຂໍ້​ຕົກລົງ​ຂອງ​ເຈົ້າ​ຄອງ​ນະຄອນຫຼວງວຽງ​ຈັນວ່າ​ດ້ວຍ​ການ​ຈັດ​ສັນຄວາມ​ບໍ່​ເປັນ​ລະບຽບ​ຮຽບ​ຮ້ອຍໃນ​ຕົວ​ເມືອງ ແລະຊານເມືອງ​ໃນໄລຍະ​ໃໝ່ ມີ​ຄວາມ​ສອດຄ່ອງ​ສົມບູນ​ຂຶ້ນສາມາດ​ຈັດ​ຕັ້ງ​ປະຕິບັດຢ່າງ​ມີ​ປະ​ສິດທິ​ຜົນທີ່​ປະຊຸມ​ເຫັນດີ​ເປັນ​ເອກະ​ພາບ​ຮັບຮອງ​ເອົາຮ່າງ​ຂໍ້​ຕົກລົງ​ດັ່ງກ່າວ​ຢ່າງ​ເປັນເອກະສັນ​ດ້ວຍ​ຄະແນນ​ສຽງ​ສ່ວນຫຼາຍ.

   ຈາກ​ນັ້ນ​ ໄດ້​ສືບຕໍ່ຜ່ານ​ຮ່າງ​ຂໍ້​ຕົກລົງ​ຂອງ​ເຈົ້າ​ຄອງນະຄອນຫຼວງວ່າ​ດ້ວຍ​ການ​ຄຸ້ມຄອງ ແລະ ການ​ນຳ​ໃຊ້​ຢາ​ປາບສັດຕູ​ພືດ ແລະ ການ​ສົ່ງເສີມຄຸ້ມຄອງ​ຄຸນະພາບ​ການ​ລ້ຽງ ການ​ບໍລິ​ໂພກ​ສັດ ຜະລິດ​ຕະ​ພັນ​ສັດ ປາ ແລະສັດ​ນ້ຳໃນ​ນະຄອນຫຼວງ ໂດຍ​ທ່ານ ລິນ​ຄຳ ດວງ​ສະຫວັນ ຫົວໜ້າ​ພະ​ແນກ​ກະສິກຳ ແລະປ່າໄມ້ ນະຄອນຫຼວງ​ວຽງ​ຈັນ ເພື່ອ​ໃຫ້​ສະມາຊິກ​ສະພາ​ປະຊາຊົນ ນວພ້ອມ​ກັນ​ຄົ້ນຄວ້າ​ປະກອບ​ຄຳ​ຄິດ​ຄຳ​ເຫັນ​ໃສ່​ຮ່າງ​ຂໍ້​ຕົກລົງ​ດັ່ງກ່າວ​ໃຫ້​ສົມບູນ​ມີ​ຜົນ​ສັກສິດ​ໃນ​ການຈັດຕັ້ງ​ປະຕິບັດ​ຕໍ່​ໄປ.

 

 

ຂໍ້ມູນຈາກ: ໜັງສືພີມວຽງຈັນໃໝ່.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 77

ຈຳນວນຜູ້ເຂົ້າຊົມວານນີ້ 84

ຈຳນວນຜູ້ເຂົ້າຊົມອາທິດນີ້ 77

ຈຳນວນຜູ້ເຂົ້າຊົມເດືອນນີ້ 2060

ຈຳນວນຜູ້ເຂົ້າຊົມທັງໝົດ 62497

Currently are 21 guests and no members online