ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

7221677dbd1e660381479e82960d322e

     ກອງ​ປະຊຸມ​ອົງການ​ປົກຄອງນະຄອນຫຼວງ​ວຽງ​ຈັນ (ນວ) ຄັ້ງທີ 10 ຈັດ​ຂຶ້ນ​ວັນ​ທີ 24-25 ພຶດສະພາ 2017 ທີ່​ຫ້ອງ​ວ່າການ​ປົກຄອງ ນວ ເປັນ​ປະທານ​ຂອງ​ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງນະຄອນຫຼວງ​ວຽງ​ຈັນ ມີ​ບັນດາຫົວໜ້າ ຮອງ​ຫົວໜ້າ​ພະ​ແນກການ​ເຂົ້າ​ຮ່ວມ.

     ທ່ານ​ ຫົວໜ້າ​ພະ​ແນກ​ສ່ວຍສາ​ອາກອນ ນວ ໄດ້​ຂຶ້ນ​ລາຍງານ​ການ​ຈັດ​ເກັບ​ລາຍ​ຮັບ​ອາກອນ​ນັບ​ແຕ່​ວັນ​ທີ 1 ມັງກອນ-3 ພຶດສະພາ 2017 ສາມາດ​ປະຕິບັດ​ໄດ້​ທັງ​ໝົດ 243,8 ຕື້​ກີບ ເທົ່າ​ກັບ 23,23% ຂອງ​ແຜນການ​ປີ ແລະ ເທົ່າ​ກັບ 47,65% ຂອງ​ແຜນການ 6 ເດືອນ​ຕົ້ນ​ປີ ສົມ​ທຽບໃສ່​ໄລຍະ​ດຽວ​ກັນ​ຂອງສົກ​ປີຜ່ານມາ​ຫຼຸດ​ລົງ 7,6% ເປັນເງິນ 18,7 ຕື້​ກີບ.

     ພາຍຫຼັງ ​ທີ່​ໄດ້​ຮັບ​ຟັງ​ການລາຍ​ງານ ທ່ານ​ເຈົ້າ​ຄອງ ນວ ໄດ້ເນັ້ນ​ໃຫ້​ພະແນກການ​ທີ່​ກ່ຽວຂ້ອງ ໂດຍ​ສະເພາະ ພະ​ແນກ​ສ່ວຍ​ສາອາກອນ ນວ ໃຫ້​ເອົາໃຈໃສ່​ປະຕິບັດ​ໃນ​ການ​ຈັດ​ເກັບ​ລາຍ​ຮັບ​ເຂົ້າງົບປະມານ 6 ເດືອນ​ຕົ້ນ​ປີ ​ໃຫ້ບັນລຸ​ໄດ້ 46% ຂອງ​ແຜນການ ພ້ອມ​ທັງ​ເອົາໃຈໃສ່​ແກ້​ໄຂ​ບັນຫາຄົງ​ຄ້າງ ເປັນຕົ້ນ ສຸມ​ໃສ່​ແຕ່ງຕັ້ງພະນັກງານ​ລົງ​ເກັບ​ກຳ​ຫົວໜ່ວຍທຸລະ​ກິດ​ຂະໜາດ​ໃຫຍ່ ແລະ ຕົວເລກ​ການ​ເກັບ​ອາກອນ​ທີ່​ຊັດ​ເຈນ ໃຫ້​ປະຕິບັດ​ຕາມ​ນະໂຍບາຍຂອງ​ຂັ້ນ​ເທິງ ຕິດ​ພັນ​ກັບ​ການ​ຈັດຕັ້ງ​ປະຕິບັດ​ກົດໝາຍ ​ນຳ​ໃຊ້​ເຂົ້າໃນ​ການ​ເກັບ​ອາກອນ​ຕໍ່​ຫົວໜ່ວຍທຸລະ​ກິດ​ຢ່າງ​ເອົາ​ຈິງ​ເອົາ​ຈັງ ໂດຍ​ສະເພາະ ໃຫ້​ຫັນ​ລົງ​ເກັບ​ກຳຫົວໜ່ວຍ​ທຸລະ​ກິດ​ທີ່​ມີ​ລາຍ​ຮັບ ເພື່ອ​ໃຫ້​ສາມາດ​ເກັບ​ລາຍ​ຮັບ​ໄດ້ຕາມ​ຕົວ​ເລກ​ທີ່​ເປັນ​ຈິງ ພ້ອມ​ນັ້ນ ພະນັກງານ​ຊີ້​ນຳ​ຂັ້ນ​ເມືອງ​ ຕ້ອງລົງ​ຕິດຕາມ​ການເຄື່ອນໄຫວຂອງ​ບັນດາ​ຫົວໜ່ວຍ​ທຸລະ​ກິດ ເພື່ອ​ໃຫ້​ໄດ້​ຕົວ​ເລກ​ຫົວໜ່ວຍ​ທຸລະກິດ​ທີ່​ເປັນ​ຈິງ ແລະ ໃຫ້​ໄດ້​ຈຳນວນ​ທີ່​ຊັດ​ເຈນ ທັງ​ເອົາໃຈໃສ່ໃນ​ການ​ເກັບ​ອາກອນ​ຜະລິດ​ຕະພັນ​ວັດຖຸ​ມີຄ່າ ເປັນຕົ້ນແມ່ນ​ຄຳ ເງິນ.

 

ທີ່ມາຈາກ: www.vientianemai.net

 

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 77

ຈຳນວນຜູ້ເຂົ້າຊົມວານນີ້ 84

ຈຳນວນຜູ້ເຂົ້າຊົມອາທິດນີ້ 77

ຈຳນວນຜູ້ເຂົ້າຊົມເດືອນນີ້ 2060

ຈຳນວນຜູ້ເຂົ້າຊົມທັງໝົດ 62497

Currently are 21 guests and no members online