ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

d4bf5093b61998b3f9f5172ab5dc7e09

     ກອງປະຊຸມຮ່ວມລະຫວ່າງຄະນະປະຈຳພັກ ຄະນະປະຈຳສະພາປະຊາຊົນ ແລະ ອົງການປົກຄອງນະຄອນຫຼວງວຽງຈັນ ໄດ້ຈັດຂຶ້ນວັນທີ 10 ພຶດສະພາ 2017 ຢູ່ຫ້ອງວ່າການປົກຄອງນະຄອນຫຼວງວຽງຈັນ ໂດຍເປັນປະທານຂອງທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ມີຄະນະປະຈຳສະພາປະຊາຊົນ ອົງການປົກຄອງນະຄອນຫຼວງວຽງຈັນ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

     ກອງປະຊຸມຄັ້ງນີ້ ໄດ້ຮັບຟັງການລາຍງານກ່ຽວກັບບົດບັນທຶກຄວາມເຂົ້າໃຈ ເງິນກູ້ຢືມບໍ່ມີດອກເບ້ຍຂອງນະຄອນຫຼວງບູດາແປສ ປະເທດຮົງກາລີ ເພື່ອນຳໃຊ້ເຂົ້າໃນການຄຸ້ມຄອງນ້ຳແບບທັນສະໄໝ ການບຳບັດແຫຼ່ງນ້ຳ ແລະ ນ້ຳເປື້ອນຢູ່ນະຄອນຫຼວງວຽງຈັນ ພ້ອມທັງຮັບຟັງການລາຍງານກ່ຽວກັບຮ່າງຄຳສັ່ງ ຫຼື ຂໍ້ຕົກລົງຂອງເຈົ້າຄອງນະຄອນຫຼວງວຽງຈັນ ວ່າດ້ວຍການຈັດສັນຄວາມເປັນລະບຽບຮຽບຮ້ອຍໃນຕົວເມືອງ ແລະ ຊານເມືອງ ເພື່ອຄຳນັບຮັບຕ້ອນປີທ່ອງທ່ຽວລາວ (ປີ 2018) ຈາກພາກສ່ວນກ່ຽວຂ້ອງ ເພື່ອແນໃສ່ຄົ້ນຄວ້າ ປຶກສາຫາລື ແລະ ລະດົມຄວາມຄິດເຫັນໃສ່ບັນຫາດັ່ງກ່າວ ເພື່ອກ້າວສູ່ການຈັດຕັ້ງປະຕິບັດໃຫ້ມີປະສິດທິຜົນສູງ.

     ການນຳໃຊ້ເງິນກູ້ຢືມບໍ່ມີດອກເບ້ຍຂອງນະຄອນຫຼວງບູດາແປສ ເພື່ອນຳໃຊ້ເຂົ້າໃນການຄຸ້ມຄອງນ້ຳແບບທັນສະໄໝ ການບຳບັດແຫຼ່ງນ້ຳ ແລະ ນ້ຳເປື້ອນ ຢູ່ນະຄອນຫຼວງວຽງຈັນ ຖ້າໄດ້ຮັບການຈັດຕັ້ງປະຕິບັດຈະເຮັດໃຫ້ການຈັດການນ້ຳເປື້ອນ ຈາກບັນດາຄົວເຮືອນໄດ້ຢ່າງມີປະສິດທິຜົນ ໂດຍສະເພາະ ການຜະລິດເປັນເຊື້ອເພີງ ເພື່ອນຳມາໝູນໃຊ້ໃນຄອບຄົວ ເປັນຝຸ່ນ ແລະ ອື່ນໆ ທັງເປັນການເຮັດໃຫ້ຕົວເມືອງມີຄວາມສະອາດ ມີສະພາບແວດລ້ອມທີ່ດີ ແລະ ຫຼີກລ່ຽງພະຍາດຕ່າງໆ ສຳລັບການຈັດສັນຄວາມເປັນລະບຽບຮຽບຮ້ອຍໃນຕົວເມືອງ ແລະ ຊານເມືອງ ເພື່ອຄຳນັບຮັບຕ້ອນປີທ່ອງທ່ຽວລາວ ຈະເຮັດໃຫ້ຕົວເມືອງມີຄວາມເປັນລະບຽບຮຽບຮ້ອຍ ເປັນເມືອງທີ່ໜ້າຢູ່ ແລະ ຍືນຍົງ ຮັບປະກັນໃຫ້ນະຄອນຫຼວງວຽງຈັນ ມີການພັດທະນາຮອບດ້ານ ປະຊາຊົນດຳລົງຊີວິດຢ່າງສີວິໄລ ແລະ ສາມາດບຸກທະລຸກົນໄກການບໍລິຫານ-ຄຸ້ມຄອງລັດ ໃຫ້ເຂົ້າສູ່ລະບຽບກົດໝາຍ.

 

ຂໍ້ມູນຈາກ: www.vientianemai.net

 

 

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 77

ຈຳນວນຜູ້ເຂົ້າຊົມວານນີ້ 84

ຈຳນວນຜູ້ເຂົ້າຊົມອາທິດນີ້ 77

ຈຳນວນຜູ້ເຂົ້າຊົມເດືອນນີ້ 2060

ຈຳນວນຜູ້ເຂົ້າຊົມທັງໝົດ 62497

Currently are 21 guests and no members online