ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

30ec07fcd62de6bc464ebffe9ba5e0d3

     ເນື່ອງ​ໃນ​ໂອກາດ​ທີ່​ອົງຄະ​ນະ​ພັກອຳນາດ​ການ​ປົກຄອງ ນວ ພວມຈັດ​ຕັ້ງ​ປະຕິບັດ​ວຽກ​ງານ​ປັບປຸງປົວແປງ​ພັກ​ໃຫ້​ມີ​ຄວາມ​ເຂັ້ມແຂງ​ຮອບດ້ານພ້ອມ​ກັບ​ການ​ກະກຽມ​ກອງ​ປະຊຸມ​ສະໄໝ​ສາມັນ ເທື່ອ​ທີ 3 ຂອງ​ສະພາ​ປະຊາຊົນ ນວຊຸດ​ທີ I ທັງ​ນີ້ເພື່ອ​ແນໃສ່ເຮັດ​ໃຫ້​ສະພາບ​ລວມ​ຂອງ​ການຈັດ​ຕັ້ງ​ປະຕິບັດ​ວຽກ​ງານ​ພັດ​ທະນາ​ເສດຖະກິດ-ສັງຄົມ​ຂອງນວ ໃນ​ຊຸມ​ປີ​ຕໍ່ໜ້າ​ ມີ​ການ​ເຕີບ​ໃຫຍ່ເຂັ້ມແຂງ​ຮອບດ້ານຕອບ​ສະໜອງ​ໄດ້​ຄວາມ​ຮຽກຮ້ອງ​ຕ້ອງການ​ໄລຍະ​ໃໝ່​ຂອງພັກ-ລັດ ແລະນຳພາ​ປະເທດ​ຊາດ​ຫຼຸດ​ພົ້ນອອກ​ຈາກ​ສະຖານະ​ພາບ​ປະເທດດ້ອຍ​ພັດທະນາ ໃນ​ປີ 2020 ໃຫ້ປາກົດ​ຜົນ​ເປັນ​ຈິງ.

 

      ພາຍຫຼັງ​ທີ່​ໄດ້​ຮັບ​ຟັງ​ລາຍ​ງານຫຍໍ້​ສະພາບ​ພົ້ນ​ເດັ່ນ​ກ່ຽວ​ກັບການ​ພັດທະນາ​ເສດຖະກິດ-ສັງຄົມ​ຂອງ ນວ ຈາກ​ທ່ານອາ​ນຸພາບ ຕຸ​ນາ​ລົມ ກຳມະການ​ສູນກາງ​ພັກ ຮອງ​ເລຂາ​ຄະນະ​ພັກປະທານ​ສະພາ​ປະຊາຊົນ ນວ ປະທານ ຄຳ​ໄຕ ສີ​ພັນ​ດອນໄດ້ສະແດງ​ຄວາມ​ຍ້ອງຍໍ​ຊົມເຊີຍ​ຕໍ່ຄະນະ​ພັກ ອຳນາດ​ການ​ປົກຄອງຕະຫຼອດ​ຮອດ​ປະຊາຊົນ​ຊາວ ນວ ທີ່​ປະກອບສ່ວນ​ຢ່າງ​ຕັ້ງໜ້າ​ເຂົ້າໃນ​ການ​ເປັນ​ກຳລັງ​ແຮງ​ສ້າງເສດຖະກິດ​ໃຫ້​ມີ​ຄວາມ​ເຕີບ​ໃຫຍ່ ແລະເຂັ້ມແຂງ​ຢ່າງ​ຕໍ່​ເນື່ອງ ສ້າງສັງຄົມ​ໃຫ້​ມີ​ຄວາມ​ເປັນ​ລະບຽບຮຽບ​ຮ້ອຍ ແລະສະຫງົບ ປອດໄພ ອັນ​ໄດ້​ສ້າງ​ໃບ​ໜ້າ​ໃໝ່​ໃຫ້ ນວ ເປັນ​ເມືອງ​ທີ່​ໜ້າ​ຢູ່ ແລະຍືນຍົງ ເພື່ອ​ເຮັດ​ໃຫ້ ນວ ສືບຕໍ່​ຂະຫຍາຍ​ຕົວຢ່າງ​ແຂງແຮງ​ໃນ​ຕໍ່ໜ້າ ປະທານຄຳ​ໄຕ ສີ​ພັນ​ດອນ ໄດ້​ຮຽກຮ້ອງ​ໃຫ້​ອຳນາດ​ການ​ປົກຄອງ ນວເປັນ​ເຈົ້າ​ການ​ຢ່າງ​ຕັ້ງໜ້າ​ເຂົ້າ​ໃນ​ການຈັດຕັ້ງ​ປະຕິບັດມະຕິ​ກອງ​ປະຊຸມ​ໃຫຍ່ ຄັ້ງ​ທີ X ຂອງ​ພັກກໍ່​ຄືມະຕິ​ກອງ​ປະຊຸມໃຫຍ່ ​ຄັ້ງ​ທີ VI ຂອງ​ອົງການ​ປົກຄອງ ນວ ວາງ​ອອກນອກຈາກເນັ້ນ​ໃສ່​ການ​ສ້າງ​ຄວາມ​ເຂັ້ມແຂງ​ພາຍ​ໃນ​ຄະນະ​ພັກ​ທຸກ​ຂັ້ນແລ້ວຕ້ອງ​ໄດ້​ສຸມ​ໃສ່​ປັບປຸງແກ້ໄຂ​ບັນຫາ​ທີ່​ກ່ຽວ​ພັນ​ກັບ​ເສດ​ຖະກິດ ເປັນຕົ້ນການ​ແກ້​ໄຂ​ການນຳ​ເຂົ້າ-ສົ່ງ​ອອກ​ໃຫ້​ມີ​ຄຸນະພາບ ກວດກາ​ຢ່າງ​ເຂັ້ມ​ງວດຮັບປະກັນໄດ້​ທັງ​ປະລິມານ ແລະ ຄຸນະພາບຫຼຸດຜ່ອນ​ຊ່ອງ​ຫວ່າງ​ການ​ເກີດສິ່ງ​ຫຍໍ້ທໍ້ ແກ້​ໄຂ​ບັນຫາ​ໜີ້​ສິນຂອງ​ພາກ​ລັດຫຼຸດຜ່ອນ​ການ​ເພິ່ງພາ​ພາຍ​ນອກ ສ້າງ​ຄວາມ​ເຂັ້ມແຂງ​ດ້ວຍ​ຕົນ​ເອງສົ່ງເສີມ​ການຜະລິດ​ກະສິກຳ​ເປັນ​ສິນຄ້າ ສ້າງກຸ່ມ​ການ​ຜະລິດ​ທີ່​ເຂັ້ມແຂງ ແລະນຳ​ໃຊ້​ເຕັກນິກ​ທັນ​ສະໄໝ​ເຂົ້າ​ໃນການ​ຜະລິດຄຽງ​ຄູ່​ກັບ​ການ​ແປຮູບ​ຜົນ​ຜະລິດ​ກ່ອນ​ສົ່ງ​ອອກ​ຈຳໜ່າຍເອົາໃຈໃສ່​ສ້າງ​ອາຊີບ​ໃຫ້ປະຊາຊົນ​ມີ​ວຽກ​ເຮັດ​ງານ​ທຳ​ທີ່ໝັ້ນຄົງຂະຫຍາຍ​ຕາ​ໜ່າງ​ຄົມມະ​ນາ​ຄົມ ຂົນສົ່ງ ແລະລະບົບການ​ສື່ສານ​ໃຫ້​ມີ​ປະ​ສິດທິ​ຜົນເພື່ອ​ສະດວກ​ສະບາຍ​ເຂົ້າ​ໃນດ້ານ​ການ​ດຳເນີນ​ທຸລະ​ກິດ​ນັບ​ມື້ຫຼາຍ​ຂຶ້ນ.

 

ຂໍ້ມູນຈາກ: http://www.vientianemai.net

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 77

ຈຳນວນຜູ້ເຂົ້າຊົມວານນີ້ 84

ຈຳນວນຜູ້ເຂົ້າຊົມອາທິດນີ້ 77

ຈຳນວນຜູ້ເຂົ້າຊົມເດືອນນີ້ 2060

ຈຳນວນຜູ້ເຂົ້າຊົມທັງໝົດ 62497

Currently are 30 guests and no members online