ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

4218a27609e6f5edef9fe3fa635032d0

ພະ​ແນກ​ແຮງ​ງານ ແລະ ສະຫວັດ​ດີ​ການ-ສັງຄົມ ນະຄອນຫຼວງວຽງ​ຈັນ ຈັດ​ກອງ​ປະຊຸມ​ຖອດຖອນ​ບົດຮຽນ ​ໂຄງ​ການເຮືອນ​ນ້ຳໃຈ ໃຫ້​ແກ່​ພະນັກງານ​ບຳນານ ພະນັກງານ​ເສຍ​ອົງຄະ ແລະ ພິການ ທີ່​ມີ​ຄວາມທຸກ​ຍາກ​ຂາດບ່ອນ​ເພິ່ງ​ອາໄສ ຂຶ້ນ​ວັນ​ທີ 25 ພະຈິກ 2016 ທີ່​ຫ້ອງ​ວ່າການ​ປົກຄອງ​ນະຄອນຫຼວງ ໂດຍ​ມີ​ທ່ານ ສີ​ຫຸນ ສິດທິ​ລື​ໄຊ ຮອງ​ເຈົ້າ​ຄອງນະຄອນຫຼວງ ຜູ້​ຊີ້​ນຳ​ວຽກ​ງານຂົງເຂດ​ວັດທະນະທຳ​ສັງຄົມ ມີບັນດາ​ທ່ານ​ເຈົ້າເມືອງ ຮອງ​ເຈົ້າເມືອງ ຫົວໜ້າ​ພະ​ແນກ ຮອງ​ພະແນກອ້ອມ​ຂ້າງ​ນະຄອນຫຼວງ ເຂົ້າ​ຮ່ວມ.

ທ່ານ​ນາງ ລຳ​ພອຍ ສີ​ອັກຄະ​ຈັນ ຫົວໜ້າ​ພະ​ແນກ ​ຮສສ ນວ ກ່າວ​ວ່າ: ຜ່ານ​ການຈັດຕັ້ງປະຕິບັດ​ນະໂຍບາຍ​ຂອງ​ພັກ-ລັດວາງ​ອອກ ສະເພາະ​ນະຄອນຫຼວງ ​ໄດ້​ຮັບ​ງົບປະມານຈຳນວນ ທັງ​ໝົດ 27 ຕື້​ກວ່າ​ກີບ ຈາກ​ກະຊວງ​ແຮງ​ງານ ແລະ ສະຫວັດດີການ-ສັງຄົມ ໄດ້​ຮັບ​ເງິນ​ວິລະ​ຊົນແຫ່ງ​ຊາດ 2 ທ່ານ ເງິນ​ນາມ​ມະຍົດ​ນັກຮົບ​ແຂ່ງຂັນ 38 ທ່ານ ຍິງ 2 ທ່ານ ນະໂຍບາຍ​ອຸດ​ໜູນ​ຕໍ່​ຜູ້ເສຍສະຫຼະ​ຊີວິດ​ໃນ​ປາງ​ສົງຄາມ 642 ທ່ານ ຍິງ 16 ທ່ານ ອຸດໜູນ​ເທື່ອ​ດຽວ​ຕໍ່​ຜູ້​ຍັງ​ມີ​ຊີວິດ​ຢູ່ 230 ທ່ານ ຍິງ 75 ທ່ານ ແລະ ນະໂຍ​ບາຍ​ໂກ​ຕ້າ​ລົດ 207 ທ່ານ ຍິງ 31 ທ່ານ ຮັບເງິນ​ສົມທົບ​ທຶນ​ປຸກ​ສ້າງ ແລະ ສ້ອມແປງ​ເຮືອນ 51 ທ່ານ ຍິງ 9 ທ່ານ ສົມທົບ​ກັບກະຊວງ​ແຮງງານ ແລະ ສະຫວັດດີ​ການ-ສັງຄົມ ປຸກເຮືອນ​ໃຫ້​ພະນັກງານ​ເສຍອົງຄະ​ພິເສດ​ໄດ້ 3 ຫຼັງ ມູນ​ຄ່າ 450 ລ້ານ​ກີບ.

ສະເພາະ​ປີ 2012 ເຈົ້າ​ຄອງນະຄອນຫຼວງ ໄດ້​ມອບ​ບ້ວງ​ເງິນຊ່ວຍເຫຼືອ​ໃຫ້​ແກ່​ຄອບຄົວ​ພະນັກງານ​ບຳນານ​ນັກຮົບ​ເກົ່າ ຈຳນວນ 7 ຄອບຄົວ ແລະ ສົກ 2012-2013 ໄດ້​ຕົກລົງ​ອະນຸມັດເງິນ​ຈຳນວນ 35 ລ້ານ​ກີບ ເພື່ອສົມທົບ​ໃນ​ການ​ປຸກ​ສ້າງ ແລະ ສ້ອມແປງ​ເຮືອນ​ໃຫ້​ພະນັກງານບຳນານ ເສຍ​ອົງຄະ ​ທີ່​ມີ​ຄວາມຈຳເປັນ​ກວ່າ​ໝູ່ 3 ຄອບຄົວ ພ້ອມ​ນີ້ ຍັງ​ໄດ້​ແກ້​ໄຂ​ຫັນ​ສິດ​ນຳໃຊ້​ທີ່​ດິນ-ເຮືອນ ຕາມ​ດຳລັດ 194/​ນຍ ແລະ ດຳລັດ 272/​ລບ ໄດ້​ທັງ​ໝົດ 375 ທ່ານ.

ປັດຈຸບັນ ໄດ້​ມີ​ຜູ້​ຍື່ນ​ຄຳ​ຮ້ອງຂໍ​ນະໂຍບາຍ​ເງິນ​ສົມທົບ​ທຶນ ແລະ ສ້ອມແປງ​ເຮືອນ​ທັງ​ໝົດ 1.112 ສະບັບ ຕາມ​ຕົວ​ເລກ​ທີ່ເກັບ​ກຳ​ໄດ້ ໃນ​ເບື້ອງ​ຕົ້ນ​ຜູ້​ທີ່​ມີຄວາມ​ຈຳເປັນ​ກວ່າ​ໝູ່​ມີ​ຈຳນວນ 33 ຄອບຄົວ ຢູ່​ໃນ 9 ຕົວ​ເມືອງ ອ້ອມ​ຂ້າງ​ນະຄອນຫຼວງ ຜ່ານການຈັດຕັ້ງ​ປະຕິບັດ ໃນ​ສົກ 2013-2014 ປຸກ​ສ້າງ​ເຮືອນ 3 ຫຼັງ ລວມ​ມູນ​ຄ່າ 348 ລ້ານກວ່າ​ກີບ ແລະ ສ້ອມແປງ​ເຮືອນ​ຢູ່ 8 ຄອບຄົວ ລວມ 592 ລ້ານກວ່າ​ກີບ ມາ​ເຖິງ​ສົກ 2013-2014 ໄດ້​ມີ​ການ​ລະດົມ​ທຶນ​ຈາກພາກ​ລັດ ມາ​ເຖິງ​ປັດຈຸບັນ ສາມາດ​ເກັບ​ເງິນ​ໄດ້​ທັງ​ໝົດ 313 ລ້ານ​ກວ່າ​ກີບ ໄດ້​ເກັບ​ຮັກສາ​ໄວ້ໃນ​ຄັງ​ເງິນ​ນະຄອນຫຼວງ ສົກ 2015-2016 ລະດົມ​ຈາກ​ພະແນກ​ການ ແລະ ເມືອງ ໄດ້ 64 ລ້ານ​ກວ່າ​ກີບ.

ການ​ສ້າງຕັ້ງ​ກອງ​ທຶນ​ເຂົ້າ​ໃນການ​ປຸກ​ສ້າງ​ເຮືອນ​ນ້ຳໃຈ​ ແກ່ພະນັກງານ​ບຳນານ​ປະຕິວັດ​ອາ​ວຸໂສ ​ທີ່​ມີ​ຄວາມທຸກ​ຍາກ​ຂາດ​ທີ່ເພິ່ງ​ອາໄສ ກໍ່​ເພື່ອ​ເປັນ​ການ​ຈັດຕັ້ງ​ຜັນ​ຂະຫຍາຍ​ນະໂຍບາຍ​ຂອງພັກ ໂດຍ​ສະເພາະແມ່ນ​ການ​ຈັດຕັ້ງ​ປະຕິບັດ​ດຳລັດ​ຂອງ​ນາຍົກລັດຖະມົນຕີ ວ່າ​ດ້ວຍ​ການ​ປະຕິບັດນະໂຍບາຍ​ຕໍ່​ຜູ້​ທີ່​ມີ​ຄຸນ​ງາມຄວາມ​ດີ ​ໃນ​ພາລະກິດ​ຮັບ​ໃຊ້​ການປະຕິວັດ​ຊາດ​ປະຊາທິປະໄຕ​ ໃຫ້ໄດ້​ຮັບ​ການຈັດຕັ້ງ​ປະຕິບັດ​ໃຫ້ເປັນ​ຮູບ​ປະ​ທຳ​ຫຼາຍ​ຂຶ້ນ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 77

ຈຳນວນຜູ້ເຂົ້າຊົມວານນີ້ 84

ຈຳນວນຜູ້ເຂົ້າຊົມອາທິດນີ້ 77

ຈຳນວນຜູ້ເຂົ້າຊົມເດືອນນີ້ 2060

ຈຳນວນຜູ້ເຂົ້າຊົມທັງໝົດ 62497

Currently are 17 guests and no members online