ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

16.11.16

 

ເພື່ອເປັນການກະກຽມໃຫ້ແກ່ກອງປະຊຸມສະໄໝສາມັນ ຂອງສະພາປະຊາຊົນ ນະຄອນຫລວງວຽງຈັນ ທີ່ຄາດຄະເນວ່າຈະຈັດຂຶ້ນໃນຕົ້ນເດືອນ ທັນວາ 2016 ໃຫ້ໄດ້ຮັບປະສິດທິຜົນສູງ.

        ໃນຕອນບ່າຍຂອງວັນທີ 16 ພະ​ຈິກ 2016 ທີ່ຫ້ອງປະຊຸມສຳນັກງານອົງການປົກຄອງ ນະຄອນຫລວງວຽງຈັນ ໄດ້ຈັດກອງປະຊຸມປຶກສາຫາລື ການກະ​ກຽມ​ເນື້ອ​ໃນທີ່​ຈະ​ນຳ​ເຂົ້າ​ພິ​ຈາ​ລະ​ນ​າ ໃນກອງ​ປະ​ຊຸມ​ສະ​ໄໝ​ສາ​ມັນ ຂອງ​ສະ​ພາ​ປະ​ຊາ​ຊົນ ຮ່ວມ​ກັບບັນດາພະແນກການ, ອົງການທີ່ກ່ຽວຂ້ອງກັບຫົວຂໍ້ ແລະ ເນື້ອໃນ ຂຶ້ນ ໂດຍການເປັນປະທານຂອງ ທ່ານ ພັທ ຈັນທະລາ ອຸດົມສຸກ ຄະນະປະຈຳ ສະພາປະຊາຊົນ ນະຄອນຫລວງວຽງຈັນ. ເຂົ້າຮ່ວມມີ ບັນ​ດາ​ທ່ານ ຄະນະປະຈຳ ສະພາປະຊາຊົນ ນະ​ຄອນ​ຫລວງວຽງ​ຈັນ ແລະ ບັນ​ດາຫົວໜ້າ, ຮອງຫົວໜ້າ ​ພະ​ແນກ​ການ ແລະ ອົງການທີ່ກ່ຽວຂ້ອງ ເຂົ້າຮ່ວມ.

        ກອງປະຊຸມ ໄດ້ຮັບຟັງການລາຍງານກ່ຽວກັບການກະກຽມຫົວຂໍ້ ແລະ ເນື້ອໃນຈາກບັນດາພາກສ່ວນຕ່າງໆທີ່ຮັບຜິດຊອບ ເພື່ອເປັນການຕິດຕາມ ແລະ ຊຸກຍູ້ ການກະກຽມເນື້ອໃນໃຫ້ຮອບດ້ານ, ຄົບຖ້ວນ, ສຳເລັດຕາມກຳນົດເວລາ ທີ່ຈະໄດ້ຮັບຮອງເອົາໃນກອງປະຊຸມສະໄໝສາມັນ ຂອງສະພາປະຊາຊົນ ນະຄອນຫລວງວຽງຈັນ ໃນກາງເດືອນທັນວາ 2016 ນີ້ ເຊິ່ງມີທັງໝົດ 10 ບັນຫາຄື: 1). ບົດລາຍງານການ​ຈັດ​ຕັ້ງ​ປະ​ຕິ​ບັດ ແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົມ, ແຜນ​ງົບ​ປະ​ມານ ສົກ​ປີ 2015-2016 ແລະ ທິດ​ທາງ​ແຜນ​ການ ປີ 2017; 2).ວິ​ໄສ​ທັດ ຮອດ​ປີ 2030, ຍຸດ​ທະ​ສາດ ໄລ​ຍະ 10 ປີ (2016-2025) ແລະ ແຜນ​ການ​ພັດ​ທະ​ນາ ຕໍ່​ກັບ​ການ​ແກ້​ໄຂ​ບັນ​ຫາ​ການ​ຈະ​ລ​າ​ຈອນ​ແອ​ອັດ​ຕາມ​ທ້ອງ​ຖະ​ໜົນ ໄລ​ຍະ 05 ປີ (2016-2020); 3). ແຜນ​ພັດ​ທະ​ນາ​ຜັງ​ເມືອງ ແລະ ກົດ​ລະ​ບຽບ​ຄຸ້ມ​ຄອງ​ຕົວ​ເມືອງວຽງ​ຈັນ; 4). ບັນ​ຊີ​ໂຄງ​ການ​ຮຽກ​ການ​ລົງ​ທຶນ​ພາຍ​ໃນ ແລະ ຕ່າງ​ປະ​ເທດ ໃນ​ໄລ​ຍະ 05 ປີ (2016-2020); 5). ບົດ​ລາຍ​ງານ​ການ​ຄົ້ນ​ຄວ້າ ແລະ ສ​ະ​ເໜີ​ສ້າງ​ຕັ້ງ​ເທດ​ສະ​ບານ, ນະ​ຄອນ; 6). ຮ່າງ​ແຜນ​ການ​ສ້າງ​ນິ​ຕິ​ກຳ ຂອງ​ນະ​ຄອນ​ຫລວງວຽງ​ຈັນ ໄລ​ຍະ​ທີ 01; 7). ຮ່າງ​ຂໍ້​ຕົກ​ລົງ​ວ່າ​ດ້ວຍ​ການ​ສ້າງ​ຕັ້ງ​ກອງ​ທຶນ​ທາງ; 8). ຮ່າງ​ຂໍ້​ຕົກ​ລົງ​ວ່າ​ດ້ວຍ​ການ​ຈັດ​ຕັ້ງ​ປະ​ຕິ​ບັດ​ການ​ຕິດ​ຕາມ, ຄຸ້ມ​ຄອງ ແລະ ເກັບ​ລາຍ​ຮັບ​ຈາກ​ຄ່າ​ຊັບ​ພະ​ຍາ​ກອນ​ທຳ​ມະ​ຊາດ ປະ​ເພດ​ດິນ​ດຳ, ດິນ​ແດງ, ດິນ​ຊາຍ, ຫີນ​ຊາຍ, ຫີນ​ແຮ່ ແລະ ຫີນ​ພູ-ຫີນ​ຜາ ໃນ​ຂອ​ບ​ເຂດ​ທົ່ວ​ນະ​ຄອນ​ຫລວງວຽງ​ຈັນ; 9). ຮ່າງ​ດຳ​ລັດ​ວ່າ​ດ້ວຍ​ການ​ຄຸ້ມ​ຄອງ ແລະ ພັດ​ທະ​ນາ​ບຶງ​ທາດ​ຫລວງ ຫາ ຫ້ວຍ​ໝາກ​ຮຽວ ແລະ 10). ຮ່າງ​ຂໍ້​ຕົກ​ລົງ ຂອງ​ເຈົ້າ​ຄອງ​ນະ​ຄອນ​ຫລວງວຽງ​ຈັນ ວ່າ​ດ້ວຍ​ການ​ຮັ​ບຮອງ​ເອົາ​ການ​ກຳ​ນົດ ແລະ ການ​ຄຸ້ມ​ຄອງ​ທີ່​ດິນ​ກະ​ສິ​ກຳ ຢູ່​ນະ​ຄອນ​ຫລວ​ງວຽງ​ຈັນ ແລະ ບັນຫາສຳຄັນອື່ນໆອີກຈຳນວນໜຶ່ງ.

ຄົ້ນຫາ

ປະຕິທິນ

July 2020
S M T W T F S
28 29 30 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 23

ຈຳນວນຜູ້ເຂົ້າຊົມວານນີ້ 35

ຈຳນວນຜູ້ເຂົ້າຊົມອາທິດນີ້ 489

ຈຳນວນຜູ້ເຂົ້າຊົມເດືອນນີ້ 318

ຈຳນວນຜູ້ເຂົ້າຊົມທັງໝົດ 66331

Currently are 22 guests and no members online