ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

13cadac013c0238e0b78be9c5b9af611

ກອງ​ປະຊຸມ​ທາບ​ທາມ​ເນື້ອ​ໃນຮອບດ້ານ ​ຮ່າງ​ກົດໝາຍ​ວ່າ​ດ້ວຍການ​ສົ່ງເສີມ​ການ​ລົງທຶນ ໄດ້​ຈັດຂຶ້ນ​ວັນ​ທີ 1 ພະຈິກ 2016 ທີ່​ຫ້ອງວ່າການ​ປົກຄອງ​ນະຄອນຫຼວງວຽງ​ຈັນ ໂດຍ​ເປັນ​ປະທານ​ຂອງທ່ານ ສົມ​ພັນ ແພງ​ຄຳ​ມີ ຮອງ​ປະທານ​ສະພາ​ແຫ່ງ​ຊາດ ມີ​ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງນະຄອນຫຼວງ​ວຽງ​ຈັນ ທ່ານ ອານຸ​ພາບ ຕຸ​ນາ​ລົມ ປະທານ​ສະພາປະຊາຊົນ​ນະຄອນຫຼວງ​ວຽງ​ຈັນ ພ້ອມ​ດ້ວຍ​ການ​ນຳ​ນະຄອນຫຼວງ ສະມາຊິກ​ສະພາ ຜູ້​ປະກອບ​ການທຸລະ​ກິດ ແລະ ພະນັກງານ​ທີ່ກ່ຽວຂ້ອງ​ເຂົ້າ​ຮ່ວມ.

ທ່ານ ສົມ​ພັນ ແພງ​ຄຳ​ມີ ໄດ້ກ່າວ​ວ່າ: ກອງ​ປະຊຸມ​ຄັ້ງ​ນີ້​ເພື່ອເຕົ້າໂຮມ​ສະຕິ​ປັນຍາ​ລວມ​ໝູ່ ເສີມ​ຂະຫຍາຍ​ສິດ​ປະຊາທິປະໄຕຂອງ​ພາກສ່ວນ​ຕ່າງໆ ​ທັງ​ສູນ​ກາງ ແລະ ທ້ອງຖິ່ນ ທັງ​ພາກ​ລັດ ແລະ ເອກະ​ຊົນ ​ເຂົ້າ​ໃສ່​ການ​ຄົ້ນຄວ້າ​ປະກອບ​ຄຳ​ເຫັນ​ຢ່າງ​ກວ້າງຂວາງ ໃສ່​ຮ່າງ​ກົດໝາຍ​ວ່າ​ດ້ວຍ​ສົ່ງເສີມການ​ລົງທຶນ ເຊິ່ງ​ເປັນ​ກົດໝາຍທີ່​ສຳຄັນ ເພື່ອ​ເປັນ​ບ່ອນ​ອີງ​ໃຫ້​ຄະນະ​ຮັບຜິດຊອບ​ສ້າງ ແລະ ປັບປຸງກົດໝາຍ​ໄດ້​ນຳໄປ​ປັບປຸງ​ໃສ່​ເນື້ອໃນ​ຂອງ​ຮ່າງກົດໝາຍ​ດັ່ງກ່າວ ໃຫ້​ມີ​ຄວາມ​ຄົບ​ຖ້ວນ ຮັດກຸມ ຈະແຈ້ງ ແລະ ສອດຄ່ອງ​ກັບ​ສະພາບ​ຄວາມ​ເປັນ​ຈິງ ກໍ່​ຄືສະພາບການ​ຂະຫຍາຍຕົວ​ທາງ​ດ້ານ​ເສດຖະ​ກິດ-ສັງຄົມ​ຂອງ​ປະເທດ ໃນເງື່ອນໄຂ​ຂອງ​ການ​ເຊື່ອມ​ໂຍງເຂົ້າ​ກັບ​ພາກ​ພື້ນ ສາກົນ ແລະ ທີ່ສຳຄັນ​ຕ້ອງ​ຮັບປະກັນ​ໃຫ້​ຮ່າງ​ກົດໝາຍ​ດັ່ງກ່າວ​ນີ້ ​ນຳ​ເຂົ້າ​ກອງ​ປະຊຸມ​ສະພາ​ແຫ່ງ​ຊາດ ໃຫ້​ມີ​ຄວາມຊັດ​ເຈນ ​ເຂົ້າໃຈ​ງ່າຍ ແລະ ເຮັດໃຫ້ການ​ພິຈາລະນາ​ຮ່າງ​ກົດໝາຍ​ສະບັບ​ນີ້ ​ເຂົ້າ​ໃນ​ກອງ​ປະຊຸມສະພາ​ແຫ່ງ​ຊາດ​ມີ​ຄວາມ​ວ່ອງໄວ ໃຊ້​ເວລາ​ສັ້ນ​ກະທັດ​ຮັດ ແຕ່​ຮັບປະກັນ​ໃຫ້​ເນື້ອ​ໃນ​ຂອງ​ກົດໝາຍຖືກຕ້ອງ ​ຕາມ​ທິດ​ທາງ​ຂອງ​ພັກ-ລັດ ແລະ ສອດຄ່ອງ​ກັບ​ຄວາມມຸ່ງ​ມາດ​ປາຖະໜາ​ຂອງ​ປະຊາຊົນບັນດາເຜົ່າ.

 

ໜັງສືພິມວຽງຈັນໃໝ່ 2016

 

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 77

ຈຳນວນຜູ້ເຂົ້າຊົມວານນີ້ 84

ຈຳນວນຜູ້ເຂົ້າຊົມອາທິດນີ້ 77

ຈຳນວນຜູ້ເຂົ້າຊົມເດືອນນີ້ 2060

ຈຳນວນຜູ້ເຂົ້າຊົມທັງໝົດ 62497

Currently are 24 guests and no members online