ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

12

       ກອງ​ປະຊຸມ​ປະຈຳ​ປີ ​ແລະ ດຳ​ເນີນຊີວິດ​ການ​ເມືອງ​ຂອງ ຄະນະ​ບໍລິຫານ​ງານ​ພັກ ​ແລະ ອົງການ​ປົກຄອງນະຄອນຫຼວງ​ວຽງ​ຈັນ ​ສະ​ໄໝ​ທີ VI ​ໄດ້​ດຳ​​ເນີນ​ຂື້ນ​ໃນ​ລະຫວ່າງ​ວັນ​ທີ 3-6 ຕຸລາ 2016 ທີ່​ຫ້ອ​ງວ່າການ​ນະຄອນຫຼວງ​ວຽງ​ຈັນ ​ໂດຍ​ການ​ເປັນ​ປະທານ ຂ​ອງສະຫາຍ ​ປອ. ສິນ​ລະ​ວົງ ຄຸດ​ໄພທູນ ກຳມະການ​ກົມ​ການ​ເມືອງ​ສູນ​ກາງ​ພັກ, ​ເລຂາ​ຄະນະ​ພັກ, ​ເຈົ້າຄອງ​ນະຄອນຫຼວງ​ວຽງ​ຈັນ ແລະ ຮອງ​ເລຂາ​ຄະນະ​ພັກ, ຮອງ​ເຈົ້າ​ຄອງນະຄອນຫຼວງ​ວຽງ​ຈັນ ພ້ອມ​ດ້ວຍ​ບັນ​ດາສະຫາຍ​​ເລຂາ​ພັກ​ເມືອງ, ຫົວໜ້າພະ​ແນກການ​,​ ອົງການ​ທຽບ​ເທົ່າອ້ອມ​ຂ້າ​ງນະຄອນຫຼວງ​ວຽງ​ຈັນ​ເຂົ້າ​ຮ່ວມ​ຢ່າ​ງພ້ອມພຽງ.

 

        ກອງ​ປະຊຸມ​ຄັ້ງ​ນີ້ ​ໄດ້ຮັບ​ຟັງ​ການ​ເຜີຍ​ແຜ່ ຜົນສຳ​ເລັດ​ຂອງ​ກອງ​ປະຊຸມ​ຄົບຄະນະ​ບໍລິຫານ​ງານສູນ​ກາງ​ພັກ ຄັ້ງທີ່ III ສະ​ໄໝ​ທີ 10 ​ເຊິ່ງສະ​ເໜີ​ໂດຍ​ ສະຫາຍ ​ປອ. ສິນ​ລະ​ວົງ ຄຸດ​ໄພທູນ ​ແລະ ຮັບ​ຟັງ​ການ​ລາຍ​ງານ ການສະຫຼຸບ​ຕີ​ລາຄາ​ສະພາບ​ການຈັດ​ຕັ້ງ​ປະຕິບັດ​​ແຜ​ນພັດທະນາ​ເສດຖະກິ​ ດ-ສັງຄົມ ​ແລະ ​ແຜນ​ງົບປະມານສຳ​ລັບ​ສົກ​ປີ 2015-2016, ທິດ​ທາງ​ແຜນ​ພັດທະນາ​ເສດ​ຖະກິດ-ສັງຄົມ ​ແລະ ​ແຜນ​ງົບປະມານ ສຳລັບ​ປີ 2017 ​ແລະ ​ໂຄງການ​ຮຽກ​ການ​ລົງ​ທຶນ 5 ປີ (​ແຕ່​ປີ 2016-2020) ຂອງ​ນະຄອນຫຼວງ​ວຽງ​ຈັນ; ນອກຈາກ​ນັ້ນ ກອງ​ປະຊຸ​ມຍັງ​​ໄດ້​ສະຫຼຸບ​ການ​ຊີ້ນຳ-ນຳ​ພາ​ວຽກ​ງານ​ຮອບດ້ານ ຂ​ອງອົງຄະ​ນະ​ພັກ​ນະຄອນຫຼວງ​ວຽງ​ຈັນ ​ໃນ​ສົກ​ປີ 2015-2016 ​ແລະ ​ແຜນ​ວຽກ​ຈຸດ​ສຸມ​ໃນ​ປີ 2017 ຈຳນວນ​ໜຶ່ງ.

        ກອງ​ປະຊຸມ​ຄັ້ງ​ນີ້​ໄດ້​ສະຫຼຸບ​ຕີ​ລາ​ຄາຄືນສະ​ພາບ​ການຊີ້​ນຳ-​ນຳພາ​ວຽກ​ ງານດ້ານເສດຖະກິດ-ສັງຄົມ ຂອງ​ນະຄອນຫຼວງ​ວຽງ​ຈັນ​ ​ເຊິ່ງ​ເຫັນ​ໄດ້​ວ່າ​ ໃນສົກປີ 2015-2016 ສະພາບເສດຖະກິດ ຂອງນະຄອນຫລວງ ໂດຍລວມເຫັນວ່າເສດຖະກິດ ຂະຫຍາຍຕົວໃນລະດັບດີ, ຄາດຄະເນຫມົດສົກປີ 2015-2016 ຈະຂະຫຍາຍຕົວໃນ ລະດັບ 11%, ລວມຍອດຜະລິດຕະພັນພາຍໃນ (GDP) ໄດ້ປະມານ 37.500 ຕື້ກີບ, ສະເລ່ຍຕໍ່ຫົວຄົນ 4.800 ໂດລາສະຫະລັດ ຕໍ່ປີ; ການລົງທຶນທົ່ວສັງຄົມ ປະຕິບັດໄດ້ 24.557,15 ຕື້ກີບ ເທົ່າກັບ 90,39 %; ລາຍຮັບງົບປະມານ ປະຕິບັດໄດ້ 1.093,843 ຕື້ກີບ ຄາດຄະເນຫມົດສົກປີ ເທົ່າກັບ 74,71% ຂອງແຜນການປີ ແລະ ລາຍຈ່າຍປະຕິບັດໄດ້ 587,008 ຕື້ກີບ ເທົ່າກັບ 97,53%ຂອງແຜນການປີ.

       -  ໄດ້ຜັນຂະຫຍາຍດໍາລັດ ຂອງລັດຖະບານ ສະບັບເລກທີ 277/ນຍ ອອກເປັນຂໍ້ຕົກລົງ ຂອງເຈົ້າຄອງນະຄອນຫລວງ ວ່າດ້ວຍການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ຂອງ ນວ; ໄດ້ສໍາເລັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII (2016-2020) ຂອງ ນວ, ວິໄສທັດ ຮອດປີ 2030, ຍຸດທະສາດການພັດທະນາເສດຖະກິດ-ສັງຄົມ ໄລຍະ 10 ປີ (2016-2025);

    -  ໄດ້ກະກຽມນໍາໃຊ້ເຄື່ອງມືທັນສະໄຫມ ເຂົ້າໃນການເກັບລາຍຮັບ ໃນຕະຫລາດໃຫຍ່ ແລະ ແແຫລ່ງທ່ອງທ່ຽວ ເຊັ່ນ: ຕະຫລາດຊັງຈຽງ, ຕະຫລາດຫນອງດ້ວງ, ຕະຫລາດເຊົ້າ, ພະທາດຫລວງ, ຫໍພະແກ້ວ....

      -   ໄດ້ຊີ້ນໍາການສ້າງໂຄງການສ້າງສະຖານະການເງິນ ແລະ ຊໍາລະຫນີ້ສິນ ຂອງ ນວ, ການສ້າງໂຄງການຮຽກການ ລົງທຶນ ໃນໄລຍະ 5 ປີ ແລະ ການສ້າງໂຄງການຜະລິດສິນຄ້າຈຸດສຸມໃຫມ່ ເພື່ອຄໍ້າປະກັນສະບຽງອາຫານ ແລະ ເປັນສິນຄ້າສົ່ງອອກເຊັ່ນ: ໂຄງການລ້ຽງງົວ-ປູກຫຍ້າ, ໂຄງການຜະລິດເຂົ້າ, ຫມາກສາລີ ແລະ ສິນຄ້າອື່ນໆ.

       -   ໄດ້ລົງເດີນສໍາຫລວດຫົວຫນ່ວຍທຸລະກິດທີ່ເປັນຖານລາຍຮັບ ໃນທົ່ວ 9 ຕົວເມືອງ, ຊຶ່ງເຮັດໃຫ້ ບັນດາຫົວຫນ່ວຍ ທຸລະກິດໄດ້ຫລາຍຂຶ້ນຕື່ມ.

     -   ໄດ້ແຕ່ງຕັ້ງຄະນະສະເພາະກິດເພື່ອລົງຊຸກຍູ້, ຕິດຕາມ ແລະ ແນະນໍາການຈັດຕັ້ງປະຕິບັດຄໍາສັ່ງ ເລກທີ 15/ນຍ ໃນທົ່ວນະຄອນຫລວງ ແລະ ແຕ່ງຕັ້ງຄະນະສະເພາະກິດ ເພື່ອກວດກາ ການລັກລອບ ຕັດໄມ້ຢູ່ເຂດ ປ່າສະຫງວນພູພະນັງ.

        -  ໄດ້ກວດກາ ແລະ ຊີ້ນໍາການປັບປຸງລັດວິສາຫະກິດ ທີ່ຂຶ້ນກັບນະຄອນຫລວງ.

    - ໄດ້ລົງກວດກາ ແລະ ແກ້ໄຂບັນຫາໂຮງງານອຸດສາຫະກໍາ, ໂຮງງານຫລອມແຮ່ໂລຫະ, ແຍກ ຊິ້ນສ່ວນ ເອເລັກໂຕຣນິກ ແລະ ຕົ້ມຢາງຕີນລົດ, ການຜະລິດ ແລະ ສໍາປະທານ ທີ່ດິນຜະລິດກະສິກໍາ ທີ່ໃຊ້ສານເຄມີ ເປັນອັນຕະລາຍຮ້າຍແຮງສົ່ງຜົນກະທົບ ຕໍ່ສິ່ງແວດລ້ອມ (ຄວັນ, ຂິວ, ນໍ້າເປື້ອນເຄມີ ໄຫລລົງໃສ່ແມ່ນໍ້າ, ຫນອງນໍ້າ) ແລະ ຍ້າຍໂຮງງານຜະລິດດິນຈີ່ ໃນເຂດຊຸມຊົນ-ໂຮງຮຽນ ອອກໄປຢູ່ບ່ອນ ໃຫມ່, ກວດແກ້ໄຂໂຮງງານ, ການຜະລິດ ອຸດສາຫະກຳ, ກະສິກໍາ ແລະ ບໍລິການທີ່ສົ່ງຜົນກະທົບຕໍ່ ສິ່ງແວດລ້ອມທໍາມະຊາດ ແລະ ສັງຄົມ.

ການຈັດຕັ້ງນໍາພາວຽກງານວັດທະນະທໍາ-ສັງຄົມ ​ເຫັນ​ໄດ້​ວ່າ​ມີ​ບາດກ້າວ​ຂະ​ຫຍາ​ຍຕົວ​ພໍ​ສົມຄວນ​ເປັນ​ຕົ້ນ: ການ​​ແກ້​ໄຂ​ບັນດາແຮງງານຕ່າງປະເທດ ທີ່ມາເຄື່ອນໄຫວບໍ່ຖືກຕ້ອງຕາມ ກົດຫມາຍ, ຊຶ່ງໄດ້ຈັດຕັ້ງປະຕິບັດວຽກງານ ການຂຶ້ນທະບຽນອອກແຮງງານ ໃຫ້ບຸກຄົນທີ່ເຂົ້າມາເຮັດວຽກ ທີ່ບໍ່ຖືກຕ້ອງທົ່ວນະຄອນຫຼວງວຽງຈັນ, ຊຶ່ງໄດ້ອອກ ບັດອະນຸຍາດທີ່ຖືກຕ້ອງ ຕາມກົດຫມາຍ ຈໍານວນ 3.106 ຄົນ, ເກັບລາຍຮັບໄດ້ 1.428 ຕື້ກີບ; ໄດ້ລົງເກັບກໍາ ເອົາຄົນຂໍທານ ແລະ ຜູ້ບ້າໃບ້ເສຍຈິດ ໃນໄລຍະຂອງກອງປະຊຸມສຸດຍອດອາຊຽນ ໄດ້ເຖິງ 100 ຄົນ, ໃນນີ້ ໄດ້ເອົາມາໄວ້ ທີ່ສູນສັງຄົມສົງເຄາະ ທີ່ສົມສະຫງ່າ ຈໍານວນ 96 ຄົນ (ຍິງ 28) ແລະ ສົ່ງກັບທ້ອງຖິ່ນເດີມ ຈໍານວນ 58ຄົນ (ຍິງ 23).

-   ໄດ້ລົງກວດກາ ແລະ ຊຸກຍູ້ ການປະຕິບັດລະບຽບ ຂອງໂຮງແຮມ, ຮ້ານອາຫານ, ຮ້ານກິນດື່ມ ແລະ ຫ້ອງບັນເທີງ ແລະ ໄດ້ສັ່ງໂຈະບໍ່ຕໍ່ອະນຸຍາດໃຫ້ດໍາເນີນກິດຈະການ ຂອງຫ້ອງບັນເທີງຈໍານວນຫນຶ່ງ ເຊັ່ນ: ຫ້ອງຄາລາ ໂອເກະດາວຄໍາ.

-   ໄດ້ສ້າງແຜນການ ແລະ ລະດົມທຶນບູລະນະປະຕິສັງຂອນປູຊະນີຍະສະຖານສໍາຄັນຂອງຊາດ ຈໍານວນຫນຶ່ງ ເປັນຕົ້ນແມ່ນ: ຫໍພະແກ້ວ, ຫໍພິພິທະພັນພະທາດຫລວງ ແລະ ແຜນການສະເຫລີມສະຫລອງການ ກໍ່ສ້າງພະທາດ ຫລວງ ຄົບຮອບ 450 ປີ.

-   ໄດ້ເອົາໃຈໃສ່ປັບປຸງ ແລະ ຍົກລະດັບຄຸນນະພາບການສຶກສາ ໃຫ້ມີຄຸນນະພາບຍິ່ງຂຶ້ນ, ສົມທົບກັບ ພາກສ່ວນ ທີ່ກ່ຽວຂ້ອງ ເພື່ອສ້າງກິດຈະກໍາ ໃຫ້ນັກຮຽນ, ນັກສຶກສາ ຫັນມາໃຫ້ຄວາມສົນໃຈ ກັບການຈັດກິດຈະກໍາ ໃນຍາມພັກຮຽນຫລາຍກວ່າການໄປ ມົ້ວສຸມ, ຫລິ້ນກິນຟຸມເຟືອຍ.

-     ໄດ້ຕິດຕາມ ແລະ ລະດົມທຶນເຂົ້າໃນການສະກັດກັ້ນການແຜ່ລະບາດຂອງພະຍາດ ຈໍານວນ ຫນຶ່ງ ເຊັ່ນ: ການກັບມາລະບາດຂອງພະຍາດໂປລີ, ການລະບາດຂອງພະຍາດໄຂ້ຍຸງລາຍ, ໄຂ້ເລືອດອອກ ແລະ ພະຍາດຕາມລະດູການຕ່າງໆ.

-     ໄດ້ເອົາໃຈໃສ່ກວດກາ, ນໍາພາປັບປຸງບັນດາໂຮງແຮມ ແລະ ຮ້ານອາຫານຕ່າງໆ ເພື່ອຮັບໃຊ້ ຜູ້ແທນ ກອງປະຊຸມສຸດຍອດອາຊຽນ ຄັ້ງທີ 28-29 ແລະ ກອງປະຊຸມປິ່ນອ້ອມຕ່າງໆ.

-     ໄດ້ເອົາໃຈໃສ່ຊຸກຍູ້ການກໍ່ສ້າງສະຖານີໂທລະພາບ ຂອງນະຄອນຫລວງ, ຊຶ່ງປັດຈຸບັນໃກ້ຈະ ສໍາເລັດແລ້ວ.

ການຈັດຕັ້ງນໍາພາວຽກງານພັດທະນາຕົວເມືອງ​​ໄດ້​ຊີ້ນຳ-ນຳພາ ​ໃຫ້​ອົງການ​ປົກຄອງ​ນະຄອນ ຫຼວງ​ວຽງ​ຈັນ​ກຳນົດ​ອອກມະຕິ 03/ອປຄ.ນວ ລົງ​ວັນ​ທີ 25 ກັນຍາ 2015 ວ່າ​ດ້ວຍ ແຜນວຽກ ແລະ ມາດຕະການຈັດຕັ້ງປະຕິບັດ ໂຄງການວຽງຈັນສະອາດ ໄລຍະສະເພາະຫນ້າ ແລະ ຮອດປີ 2020, ຈັດສັນຄວາມເປັນ ລະບຽບຮຽບຮ້ອຍ ໃນຕົວເມືອງ, ແກ້ໄຂຄວາມແອອັດ, ຕະຫລາດ, ເງີບເທີບ ແລະ ເຮັດ ຫລ້ອນຫນ້າທີ່ໃນການເປັນ ອະນຸກໍາມະການ ອະນາໄມ, ປະດັບປະດາຕົວເມືອງ ເພື່ອຮັບຕ້ອນກອງປະຊຸມສຸດຍອດ ອາຊຽນ ຄັ້ງທີ 28-29 ແລະ ກອງປະຊຸມ ປິ່ນອ້ອມອື່ນໆ.

-    ໄດ້ລະດົມປະຊາຊົນ ແລະ ນັກທຸລະກິດປະກອບສ່ວນແປງເສັ້ນທາງ ທີ່ເປ່ເພແຮງ ຢູ່ ນວ, ປູກຕົ້ນໄມ້ ເພີ່ມສີຂຽວ, ແກ້ໄຂບັນດາຈຸດນໍ້າຖ້ວມຂັງທາງຮ່ອມ ແລະ ເຂດຊຸມຊົນ, ປັບປຸງກົນ ໄກການຄຸ້ມຄອງລະບົບບໍາບັດນໍ້າເປື້ອນ ແບບລວມສູນ; ໄດ້ຊີ້ນໍາການກໍ່ສ້າງໂຮງງານນໍ້າປະປາທ່າເດື່ອ, ແສນດິນ, ແກ້ໄຂບັນຫາໂຄງການນໍ້າປະປາເມືອງປາກງື່ມ ແລະ ໂຄງການນໍ້າປະປາ ດົງຫມາກຄາຍ.

-     ໄດ້ຄົ້ນຄວ້າສ້າງແຜນຜັງຕົວເມືອງ ແລະ ແຜນຜັງການພັດທະນາເສັ້ນທາງ ໃນນະຄອນຫລວງ ວຽງຈັນ.

-    ໄດ້ກະກຽມຄົ້ນຄວ້າ ເບື້ອງຕົ້ນແຜນການສ້າງທາງດ່ວນຈາກບຶງທາດຫລວງ-ດົງຫມາກຄາຍ, ແນ່ໃສ່ເພື່ອ ແກ້ໄຂບັນຫາລົດຕິດ ໃນຖະຫນົນໄກສອນ ພົມວິຫານ ແລະ ເຂດອ້ອມຮອບ.

          -     ໄດ້ຊີ້ນໍາ ໃຫ້ຄົ້ນຄວ້າຍຸດທະສາດການພັດທະນາທາງນໍ້າ ແລະ ສ້າງຕັ້ງວິສາຫະກິດທາງນໍ້າ.    

ສຳລັບ ​ທິດ​ທາງ​ແຜນການຈັດ​ຕັ້ງ​ປະຕິບັດ​ວຽກ​ງານ​ ​ແລະ ການ​ຊີ້ນຳ-ນຳພາ​ຂອງ​ອົງຄະ​ນະ​ພັ​ກນະຄອນ ຫຼວງວຽງ​ຈັນ​ຕໍ່​ວຽກ​ງານກາ​ນພັດທະນາ​ເສດຖະກິດ-ສັງຄົມ ​ໃນ​​ສົກປີ 2016-2017 ອົງຄະ​ນະ​ພັກ​ນະຄອນຫຼວງ​ວຽງ​ຈັນ ຈະ​ໄດ້​ສືບຕໍ່ຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ X ແລະ ມະຕິ 3 ສະໄຫມທີ X ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກ ນວ ໃຫ້ເຂົ້າສູ່ການຈັດຕັ້ງປະຕິບັດຕົວຈິງ ຢູ່ບັນດາ ຂະແຫນງການ ແລະ ທ້ອງຖິ່ນຮາກຖານ ໃນທົ່ວ ນວ; ໃນນັ້ນ ສູ້ຊົນຈັດຕັ້ງປະຕິບັດໄປຕາມຂອບ ຂອງ 6 ວິໄສທັດ, 6 ຍຸດທະສາດ, 6 ໂຄງການບຸກທະລຸ, ນະໂຍບາຍ 6 ສ ໂດຍສ້າງເປັນ ນິຕິກໍາ, ໂຄງການ ແລະ ແຜນວຽກລະອຽດໃຫ້ສໍາເລັດ, ປະຕິບັດ 18 ຄາດຫມາຍໃຫຍ່ ໃຫ້ບັນລຸ 40% ຂຶ້ນໄປ ແລະ ເຂົ້າຮ່ວມຈັດຕັ້ງປະຕິບັດ 16 ໂຄງການໃຫຍ່ລະດັບຊາດ ຢູ່ ນວ ຢ່າງຕັ້ງຫນ້າ, ໃນນັ້ນ:

-    ສູ້ຊົນເຮັດໃຫ້ GDP ເຕີບໂຕ 11% ແລະ ເລີ່ມຄິດໄລ່ເປັນ GNI ໃຫ້ໄດ້; ແບ່ງງົບປະມານ ລົງທຶນ ປີ 2017, ໃນ 93 ພັນຕື້ກີບ ເພື່ອແກ້ໄຂຫນີ້ສິນ 45% ແລະ ແບ່ງງົບປະມານ ຕາມສັດສ່ວນ ໃຫ້ພະແນກການ 55% ແລະ ບັນດາເມືອງ 45%.

-   ຈັດຕັ້ງປະຕິບັດແຜນພັດທະນາເສດຖິດ-ສັງຄົມ ແລະ ແຜນງົບປະມານຂອງຕົນຕາມການຮັບ ຮອງ ແລະ ຕົກລົງຂອງສະພາແຫ່ງຊາດ, ລັດຖະບານ ແລະ ສະພາປະຊາຊົນ ນວ, ຄົ້ນຄວ້າຊອກຫາ ວິທີທາງ ເຮັດໃຫ້ ນວ ສາມາດ ບັນລຸຄາດຫມາຍຂອງແຜນພັດທະນາ, ໂດຍສະເພາະ ແມ່ນການເກັບ ລາຍຮັບງົບປະມານ ຕ້ອງໃຫ້ໄດ້ລື່ນແຜນການ (ບໍ່ໃຫ້ຫລຸດແຜນເປັນປີທີ 5).

          -    ຫລຸດຜ່ອນການລົງທຶນຂອງລັດ, ສົ່ງເສີມການລົງທຶນພາຍໃນ ແລະ ຕ່າງປະເທດ; ຈັດໃຫ້ມີ ກອງປະຊຸມ ຮຽກການລົງທຶນ ແລະ ກອງປະຊຸມນັກທຸລະກິດທົ່ວນະຄອນຫລວງວຽງຈັນ; ສົ່ງເສີມ SMEs  ແລະ ເສດຖະກິດ ຄອບຄົວປະຊາຊົນ; ເອົາໃຈໃສ່ຊຸກຍູ້ການລົງທຶນໃນຂະແຫນງ ສັງຄົມໃຫ້ຫລາຍຂຶ້ນ.

-    ຊີ້ນໍາໂຄງການດ້ານເສດຖະກິດ ຈໍານວນຫນຶ່ງ ເຊັ່ນ: ຊຸກຍູ້ 10 ໂຄງການຜະລິດສິນຄ້າ ຈຸດສຸມໃຫມ່ ໃຫ້ເກີດດອກອອກຜົນ, ສ້າງຜົນປະໂຫຍດຂອງນະຄອນຫລວງ ແລະ ປະຊາຊົນ ໃຫ້ມີລາຍຮັບ ເພີ່ມຂຶ້ນ, ໂຄງການ ສ້າງສະຖານະການເງິນ ແລະ ແກ້ໄຂຫນີ້ສິນສາທາລະນະ, ການເຮັດທົດລອງມອບ ເຫມົາເງິນເດືອນ, ປະຕິບັດ ມາດຕະການປະຢັດ ຢ່າງຕັ້ງຫນ້າ,

ໃນກອງ​ປະຊຸມ​ຄັ້ງ​ນີ້ ຍັງ​ຈະ​ໄດ້​ດຳ​ເນີນ​ການ ສຳ​ຫຼວດກວດກາ​ການ​ຊີ້​ນຳ-ນຳພາລວມຂອງ ຄະນະ​ປະຈຳ​ພັກ, ​​ເລຂາ, ຮອງ​ເລຂາ​ຄະນະ​ພັກ ​ແລະ ຄະນະ​ບໍລິຫານ​ງານ​ພັກ ນະຄອນຫຼວງ​ວຽງ​ຈັນ​ ​ເພື່ອ​ກວດກາ​ຄືນ​ຊອກ​ໃຫ້​ເຫັນດ້ານ​ດີ-ດ້ານ​ອ່ອນຂໍ້ຄົງຄ້າງ ​ໃນການ​ປ​ະຕິ​ບັດ​ໜ້າ​ທີ່​ຂອງ​ບັນດາ​ສະຫາຍ​ໃນ ຄະນະ​ບໍລິຫານ​ງານ​ພັກ ​ໃນຕະຫຼອດ​ໄລຍະ 1 ປີ​ທີ່​ຜ່ານ​ມາ.

 

ຄົ້ນຫາ

ປະຕິທິນ

June 2020
S M T W T F S
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 50

ຈຳນວນຜູ້ເຂົ້າຊົມວານນີ້ 53

ຈຳນວນຜູ້ເຂົ້າຊົມອາທິດນີ້ 134

ຈຳນວນຜູ້ເຂົ້າຊົມເດືອນນີ້ 134

ຈຳນວນຜູ້ເຂົ້າຊົມທັງໝົດ 64621

Currently are 8 guests and no members online