ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

5c2edd924e12b10c954c0bb69abd48f1

ກອງ​ປະຊຸມ​ສະຫຼຸບ​ຖອດ​ຖອນບົດຮຽນ ເປີດ​ຂະ​ບວນ​ການ ເພີ່ມທະວີ​ສະກັດ​ກັ້ນ ປາບ​ປາມ ແລະ ແກ້​ໄຂ​ກຸ່ມ​ເປົ້າ​ໝາຍ​ທີ່​ພົວພັນ​ກັບຢາ​ເສບ​ຕິດ ຕາມ​ຄຳ​ສັ່ງ​ເລກ​ທີ 02/​ຈນວ ແລະ ລະດົມ​ທຶນ​ເຂົ້າກອງ​ທຶນ ຄວບ​ຄຸມ​ສະກັດ​ກັ້ນ ແລະ ຕ້ານ​ຢາ​ເສບ​ຕິດ​ຂັ້ນ​ບ້ານ ຈຳນວນ 9 ບ້ານ ໃນ 9 ເມືອງ ທີ່ເຮັດ​ທົດ​ລອງ​ຜ່ານ​ມາ ຈັດ​ຂຶ້ນ​ວັນທີ 16 ສິງຫາ 2016 ທີ່​ຫ້ອງ​ວ່າການ​ປົກຄອງ​ນະຄອນຫຼວງ​ວຽງຈັນ ເປັນ​ປະທານ​ໂດຍ​ທ່ານ ສິນລະ​ວົງ ຄຸດ​ໄພທູນ ເຈົ້າ​ຄອງນະຄອນ​ຫຼວງ​ວຽງ​ຈັນ ທ່ານ ກຸ ຈັນ​ສີນາ ປະທານ​ກຳມະການ​ແຫ່ງຊາດ ເພື່ອ​ກວດກາ ແລະ ຄວບຄຸມ​ຢາ​ເສບ​ຕິດ ຫົວໜ້າ​ຫ້ອງການຄະນະ​ກຳມະການ​ກວດກາ ແລະ ຄວບ​ຄຸມ​ຢາ​ເສບ​ຕິດ ບັນດາ​ຮອງເຈົ້າເມືອງ ພະແນກການ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

 

ທ່ານ ຊື່ນ​ຊວງ ດວງ​ຕາ​ວິໄລ ຮອງ​ປະທານ​ຜູ້ປະ​ຈຳ​ການ ຫົວໜ້າຫ້ອງການ ຄະນະ​ກຳມະການກວດກາ ແລະ ຄວບ​ຄຸມ​ຢາ​ເສບຕິດນະຄອນຫຼວງ ໄດ້​ກ່າວ​ວ່າ: ຜ່ານ​ການຈັດຕັ້ງ​ປະຕິບັດ​ວຽກງານ​ຕົວ​ຈິງ ມາ​ແຕ່​ວັນ​ທີ 30 ມີນາ 2016 ທີ່​ບ້ານ​ໄຜ່​ລ້ອມ ເມືອງ​ໄຊ​ທານີ ແລະ ສືບຕໍ່​ຈັດ​ຕັ້ງປະຕິບັດ​ໃນ​ບັນດາ​ບ້ານ​ເປົ້າ​ໝາຍທົດ​ລອງ ຈົນ​ຄົບ 9 ເມືອງ ເຊິ່ງແມ່ນ​ບ້ານ​ໂຄກ​ເພີງ ເມືອງ​ສັງທອງ ເປັນ​ເມືອງ​ສຸດ​ທ້າຍ ສຳເລັດ​ໃນ​ວັນ​ທີ 8 ມິຖຸນາ 2016 ທີ່ຜ່ານ​ມາ.

ການຈັດຕັ້ງ​ປະຕິບັດ​ໄດ້​ດຳເນີນ​ຕາມ​ມາດ​ຕະການ​ແກ້​ໄຂ 4 ດ້ານຄື: ດ້ານ​ໂຄສະນາ​ສຶກ​ສາອົບຮົມ ແກ້​ໄຂ​ດ້ານ​ວິຊາ​ສະເພາະວຽກ ​ປກສ ດ້ານ​ລະບຽບ​ກົດໝາຍ ແລະ ແກ້​ໄຂ​ດ້ານ​ມີ​ສ່ວນຮ່ວມ​ຂອງ​ປະຊາຊົນ ພ້ອມ​ຈັດປະເພດ ສັງ​ລວມ​ຂໍ້​ມູນ 9 ບ້ານທີ່​ເຮັດ​ການ​ທົດ​ລອງ ຈຳນວນ​ປະຊາ​ກອນ 24.683 ຄົນ ຍິງ 12.514 ຄົນ ກວດ​ພົບ​ເປົ້າ​ໝາຍພົວພັນ​ຢາ​ເສບ​ຕິດ​ທັງ​ໝົດ 1.098 ຄົນ ຍິງ 79 ຄົນ ເປົ້າ​ໝາຍ​ພົວພັນ​ຢາ​ເສບ​ຕິດ​ອາຍຸ​ຕ່ຳ​ສຸດ 15 ປີ ອາຍຸ​ສູງ​ສຸດ 68 ປີ ສ່ວນ​ຫຼາຍແມ່ນ​ອາຊີບ​ກຳມະກອນ ແລະ ວ່າງ​ງານ ກວດ​ພົບ​ສານ​ເສບຕິດ​ໃນ​ຮ່າງກາຍ 468 ຄົນ ຍິງ 46 ຄົນ ຂໍ້​ມູນ​ການ​ຊັກ​ທອດ​ເປົ້າໝາຍ​ບ້ານ​ອື່ນ 449 ຄົນ ຍິງ 40 ຄົນ ກວດ​ພົບ​ຈຸດ​ມົ້ວ​ສຸມ 33 ຈຸດ ກວດ​ຈຸດ​ມົ້ວ​ສຸມ​ພົບ​ຜູ້​ຂາຍ​ຢາເສບ​ຕິດ 4 ຄົນຂອງ​ກາງ​ຢາ​ບ້າ 32 ເມັດ (ມອບ​ໃຫ້​ພະ​ແນກ​ຕຳຫຼວດ​ສະກັດ​ກັ້ນ ແລະ ຕ້ານ​ຢາເສບ​ຕິດ ​ປກສ ນວ ດຳເນີນ​ຄະດີ) ຜູ້​ເສບ​ທີ່​ມີ​ອາການ​ຮ້າຍ​ແຮງ ​ໄດ້ສົ່ງ​ສູນ​ສົມ​ສະຫງ່າ ຈຳນວນ 6 ຄົນ ແບ່ງ​ຂັ້ນ​ຄຸ້ມ​ຄອງຂັ້ນ​ບ້ານ 763 ຄົນ ຂັ້ນ​ເມືອງ 773 ຄົນ ແລະ ຂັ້ນ​ນະຄອນຫຼວງ 10 ຄົນ ຖ້າ​ທຽບໃສ່​ປະຊາກອນ​ທັງ​ໝົດ 9 ບ້ານ ແມ່ນ​ມີ​ຜູ້​ພົວພັນ​ກັບ​ຢາ​ເສບຕິດ​ເຖິງ 4,44%.

ສະເພາະ​ວຽກ​ງານ​ການ​ສ້າງຄອບຄົວ ແລະ ໜ່ວຍ​ປອດ​ຢາເສບ​ຕິດ ຈາກ​ຂໍ້​ມູນ​ຕົວ​ຈິງ 9 ບ້ານ ມີ 4.739 ຄອບຄົວ ມີເງື່ອນໄຂ​ຄົບ​ຖ້ວນ​ສາມາດ​ອອກໃບຢັ້ງຢືນ​ເປັນ​ຄອບຄົວ​ປອດ​ຢາເສບ​ຕິດ​ໄດ້ 3.867 ຄອບຄົວ ເທົ່າ​ກັບ 77,04% ແລະ ໜ່ວຍ ຈາກ 367 ໜ່ວຍ ໃນ​ຈຳນວນ 9 ບ້ານ ເປັນ​ໜ່ວຍ​ປອດ​ຢາ​ເສບ​ຕິດ 78 ໜ່ວຍ ເທົ່າ​ກັບ 13,73%.

ສະເພາະ​ແຜນການ​ດຳເນີນໃນ​ສະເພາະ​ໜ້າ ທຸກ​ພາກສ່ວນຈະ​ຕ້ອງ​ໄດ້​ເອົາໃຈໃສ່​ເພີ່ມ​ທະວີ ຈັດ​ຕັ້ງ​ປະຕິບັດ​ໃຫ້​ເຂັ້ມ​ງວດ​ກວ່າເກົ່າ ສືບຕໍ່​ຕິດຕາມ​ບັນດາ​ເປົ້າໝາຍ​ທີ່​ຄະນະ​ຮັບຜິດຊອບ​ລົງ​ໄປເປີດ​ຂະ​ບວນ​ການ ແລະ ພົບ​ເຫັນຢູ່​ຂັ້ນ​ບ້ານ ສືບຕໍ່​ວຽກ​ງານ​ສະກັດກັ້ນ ປາບ​ປາມ ແລະ ແກ້​ໄຂ​ເປົ້າໝາຍ​ທີ່​ພົວພັນ​ກັບ​ຢາ​ເສບ​ຕິດ ສົມທົບ​ກັບ​ເມືອງໃນ​ການ​ຂະຫຍາຍ​ໄປ​ບ້ານ​ອື່ນ​ຕໍ່​ໄປ​ໃຫ້​ສຳເລັດ​ທົ່ວ ນວ ສືບຕໍ່​ວຽກ​ງານ​ສ້າງຄອບຄົວ ໜ່ວຍ ແລະ ບ້ານ​ປອດຢາ​ເສບ​ຕິດ ໃຫ້​ເປັນ​ບ້ານ​ຕົວແບບ​ໃນ​ການ​ປອດ​ຢາ​ເສບ​ຕິດຢ່າງ​ແທ້​ຈິງ.

 

 

 ທີ່ມາຈາກ: ໜັງສືພິມວຽງຈັນໃໝ່

ຄົ້ນຫາ

ປະຕິທິນ

August 2020
S M T W T F S
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 41

ຈຳນວນຜູ້ເຂົ້າຊົມວານນີ້ 81

ຈຳນວນຜູ້ເຂົ້າຊົມອາທິດນີ້ 292

ຈຳນວນຜູ້ເຂົ້າຊົມເດືອນນີ້ 978

ຈຳນວນຜູ້ເຂົ້າຊົມທັງໝົດ 69110

Currently are 12 guests and no members online