ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

                                                   902bd6378da13c3162db81d7c03bacb71a61ee3a7b589b2a5d8130c325d9ff73

    ພິທີ​ໂຮມ​ຊຸມນຸມ​ຊົມເຊີຍ​ເພື່ອຜົນສຳເລັດ​ຂອງ​ກອງ​ປະຊຸມ​ໃຫຍ່ ຜູ້​ແທນ​ທົ່ວ​ປະເທດ ຄັ້ງ​ທີ X ຂອງແນວ​ລາວ​ສ້າງ​ຊາດ ໄດ້​ຈັດ​ຂຶ້ນວັນ​ທີ 10 ມິຖຸນາ 2016 ຢູ່​ຫໍ​ວັດທະນະ​ທຳ​ແຫ່ງ​ຊາດ ໂດຍ​ມີ​ທ່ານ ​ປອ. ໄຊ​ສົມ​ພອນ ພົມວິຫານ ປະທານ​ສູນ​ກາງ​ແນວ​ລາວ​ສ້າງຊາດ ທ່ານ ​ປອ. ສິນ​ລະ​ວົງ ຄຸດໄພທູນ ເຈົ້າ​ຄອງ​ນະຄອນຫຼວງວຽງ​ຈັນ ພ້ອມ​ດ້ວຍ​ອະດີດ​ການນຳ​ຂັ້ນ​ສູງ ພະນັກງານ​ຫຼັກ​ແຫຼ່ງສູນ​ກາງ​ແນວ​ລາວ​ສ້າງ​ຊາດ ແລະ ແຂກ​ຖືກ​ເຊີນ​ເຂົ້າ​ຮ່ວມ 600 ກວ່າ​ທ່ານ.

    ທ່ານ ​ປອ. ອານຸພາບ ຕຸ​ນາ​ລົມ ປະທານ​ສະພາ​ປະຊາຊົນ​ນະຄອນຫຼວງ​ວຽງ​ຈັນ ໄດ້​ກ່າວ​ວ່າ: ກອງປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ X ຂອງ​ແນວ​ລາວ​ສ້າງຊາດ ແມ່ນ​ເຫດການ-ການເມືອງທີ່​ສຳຄັນ​ຍິ່ງ ​ໃນ​ຂະ​ບວນ​ວິວັດແຫ່ງ​ການ​ກຳເນີດ ແລະ ເຕີບໃຫຍ່​ຂະຫຍາຍຕົວ​ຂອງ​ພັກ​ຕະຫຼອດ 66 ປີ ເປັນ​ບາດ​ລ້ຽວ​ສຳຄັນ​ແຫ່ງ​ການ​ກ້າວ​ເດີນ​ຂອງ​ປະເທດ​ຊາດ ແລະ ປະຊາຊົນ​ລາວໃນ​ໄລຍະ​ໃໝ່.

ກອງ​ປະຊຸມ​ໄດ້​ເປັນ​ເອກະ​ພາບ ຮັບຮອງ​ເອົາ​ການ​ສະຫຼຸບ​ບົດຮຽນ 6 ປະການທີ່​ຜ່ານ​ຂະ​ບວນ​ການຈັດ​ຕັ້ງ​ປະຕິບັດ​ມະຕິ​ກອງ​ປະຊຸມໃຫຍ່ ຄັ້ງ​ທີ IX ຂອງ​ຜູ້​ແທນ​ທົ່ວປະເທດ 5 ປີຜ່ານມາ ກໍ່​ຄື 30 ປີແຫ່ງ​ການ​ປ່ຽນແປງ​ໃໝ່ ເພື່ອເປັນ​ພື້ນຖານ​ໃນ​ການ​ສືບຕໍ່​ເສີມຂະຫຍາຍ​ຢ່າງ​ກ້າຫານ​ ປະດິດສ້າງ ​ເຂົ້າ​ໃນ​ພາລະກິດ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ ນອກ​ນີ້ຍັງ​ໄດ້​ຢືນຢັນ​ທີ່ຈະ​ສືບຕໍ່​ນຳພາ​ປະເທດ​ຊາດ​ ກ້າວຂຶ້ນ​ສູ່​ຄວາມ​ຈະເລີນ ວັດທະນະທຳ ພາຍ​ໃຕ້​ຄຳ​ຂວັນ “ຍົກ​ສູງຄວາມ​ສາມາດ​ນຳພາ ແລະ ລັກສະ​ນະ​ນຳ​ໜ້າ​ຂອງ​ພັກ ເພີ່ມ​ທະວີມະຫາ​ສາມັກຄີ​ທົ່ວ​ປວງ​ຊົນ​ທັງຊາດ ຢຶດ​ໝັ້ນ​ແນວທາງ​ປ່ຽນແປງ​ໃໝ່​ຮອບດ້ານ​ ທີ່​ມີ​ຫຼັກການປົກ​ປັກ​ຮັກສາ ແລະ ພັດທະນາປະເທດ​ຊາດ ຕາມ​ທິດ​ຍືນ​ຍົງ ສູ່ຈຸດໝາຍ​ສັງຄົມ​ນິຍົມ​ຢ່າງ​ໜັກແໜ້ນ” ໂດຍ​ໄດ້​ກຳນົດ​ວິໄສ​ທັດ ແລະ ຍຸດ​ທະ​ສາດ​ພັດທະນາ​ປະເທດ​ຊາດ ຮອດ​ປີ 2030 2025 ແລະ ວາງ​ຄາດໝາຍ​ສູ່​ຊົນ​ແຕ່​ປີ 2016-2020 ກອງ​ປະຊຸມ​ຍັງ​ໄດ້ກຳນົດ​ໜ້າທີ່​ລະອຽດ​ແຕ່​ລະ​ຂົງເຂດ​ວຽກ​ງານ​ສຳຄັນ ພ້ອມ​ນີ້ ກໍ່ໄດ້​ເລືອກ​ເອົາ​ຄະນະ​ກຳມະການແນວ​ລາວ​ສ້າງ​ຊາດ ​ສະໄໝ​ທີ X ຈຳນວນ 224 ທ່ານ ໃນ​ນີ້ ໄດ້ເລືອກ​ເອົາ​ທ່ານ ​ປອ. ໄຊ​ສົມ​ພອນ ພົມວິຫານ ເປັນ​ປະທານ​ສູນ​ກາງແນວ​ລາວ​ສ້າງ​ຊາດ ທ່ານ ຄຳໃບ ດຳລັດ ທ່ານ ຄຳ​ຫຼ້າ ລິ້ງ​ນະ​ສອນ ທ່ານ​ນາງ ຄຳ​ຈັນ ພົມ​ແສງ​ສະຫວັນ ທ່ານ ຈັນທະ​ວົງ ແສນອາມາດ​ມົນຕີ ທ່ານ ​ຮສ.​ປອ. ສົມອົກ ກິ່ງ​ສະ​ດາ ແລະ ທ່ານ ເຍ່ຍເກີ​ຢ່າ ໜໍ​ຈໍ​ຈົງ​ຕົວ ເປັນ​ຮອງ​ປະທານ ນອກ​ນີ້ຍັງ​ໄດ້​ຮັບຮອງ​ເອົາຄະນະ​ປະຈຳ​ສູນ​ກາງ​ແນວ​ລາວສ້າງ​ຊາດ 10 ທ່ານ.

ຄົ້ນຫາ

ປະຕິທິນ

August 2020
S M T W T F S
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 42

ຈຳນວນຜູ້ເຂົ້າຊົມວານນີ້ 81

ຈຳນວນຜູ້ເຂົ້າຊົມອາທິດນີ້ 293

ຈຳນວນຜູ້ເຂົ້າຊົມເດືອນນີ້ 979

ຈຳນວນຜູ້ເຂົ້າຊົມທັງໝົດ 69111

Currently are 8 guests and no members online