ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

5052427909a621c3ad77aeba92094a85

      ທ່ານ ສົມ​ດີ ດວງ​ດີ ຮອງ​ນາຍົກ​ລັດຖະມົນຕີ ລັດຖະມົນຕີ​ກະຊວງ​ການ​ເງິນ ໄດ້​ລົງ​ເຄື່ອນ​ໄຫວ-ຊີ້​ນຳ ການຈັດຕັ້ງ​ປະຕິບັດ​ວຽກງານ​ການ​ເງິນ​ຢູ່​ພະແນກການເງິນ ນະຄອນຫຼວງ​ວຽງ​ຈັນ ໃນວັນ​ທີ 10 ມິຖຸນາ 2016 ເພື່ອ​ແນໃສ່​ເຮັດ​ໃຫ້​ຂະແໜງການ​ເງິນ​ມີຄວາມ​ເຂັ້ມແຂງ ຮັດກຸມ ແລະ ຖືກຕ້ອງ​ຕາມ​ນະໂຍບາຍ​ຂອງພັກ-ລັດຖະບານ​ວາງ​ອອກ​ຢ່າງເຂັ້ມ​ງວດ ເຊິ່ງ​ມີ​ທ່ານ ແກ້ວ​ພິລາວັນ ອາ​ໄພ​ລາດ ຮອງ​ເຈົ້າ​ຄອງນະຄອນຫຼວງ ພ້ອມ​ດ້ວຍ​ຫົວໜ້າພະ​ແນກ ຫ້ອງການ ແລະ ພະນັກງານ-ລັດຖະກອນ​ ໃຫ້ການ​ຕ້ອນຮັບ​ອັນ​ອົບ​ອຸ່ນ.

     ທ່ານ ຄຳ​ພັນ ມາລາ​ບັນດິດ ຫົວໜ້າ​ພະແນກການ​ເງິນນະຄອນ​ຫຼວງ ໄດ້​ລາຍ​ງານ​ຫຍໍ້​ສະພາບ​ການຈັດຕັ້ງ​ປະ​ຕິບັດ​ແຜນງົບປະມານ 8 ເດືອນ ມາດ​ຕະການຈັດຕັ້ງ​ປະຕິບັດ 4 ເດືອນ ທ້າຍ​ສົກ​ປີ 20152016 ເຊິ່ງ​ໃນສົກ​ປີ 2015-2016 ກະຊວງ​ການເງິນ ໄດ້​ມອບ​ຕົວ​ເລກ​ງົບປະມານໃຫ້​ນະຄອນຫຼວງ​ວຽງ​ຈັນ ຈັດ​ຕັ້ງປະຕິບັດ​ແຜນການ​ຈັດ​ເກັບ​ງົບປະມານ ທັງ​ໝົດ 1.069 ຕື້​ກີບ ກວມ​ເອົາ 2,85% ຂອງ GDP ນະຄອນຫຼວງ​ວຽງ​ຈັນ ໃນ​ນັ້ນ ສ່ວຍ​ສາ​ອາກອນ ແຜນການ​ປີ 1.000 ຕື້​ກີບ ຊັບ​ສິນ​ຂອງ​ລັດ ແຜນການ​ປີ 55 ຕື້​ກີບ ການ​ເງິນລັດ​ວິ​ສາ​ຫະ​ກິດ ແຜນການ​ປີ 708 ລ້ານ​ກີບ ພາສີ​ດ່ານ​ປະເພນີ ແລະ ທ້ອງຖິ່ນ ແຜນການ​ປີ 13.399 ຕື້​ກີບ ແລະ ຜ່ານ​ການຈັດ​ຕັ້ງ​ປະຕິບັດ​ຕົວ​ຈິງ (ຮອດ​ວັນທີ 30/5/2016) ພະແນກການເງິນ​ນະຄອນຫຼວງ​ວຽງ​ຈັນ ສາມາດ​ປະຕິບັດ​ລາຍ​ຮັບໄດ້ 537.891 ຕື້​ກີບ ເທົ່າ​ກັບ 51,61% ທຽບໃສ່​ໄລຍະ​ດຽວ​ກັນປີຜ່ານມາ ເພີ່ມ​ຂຶ້ນ 1,13%.

ຄົ້ນຫາ

ປະຕິທິນ

August 2020
S M T W T F S
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 84

ຈຳນວນຜູ້ເຂົ້າຊົມວານນີ້ 81

ຈຳນວນຜູ້ເຂົ້າຊົມອາທິດນີ້ 335

ຈຳນວນຜູ້ເຂົ້າຊົມເດືອນນີ້ 1021

ຈຳນວນຜູ້ເຂົ້າຊົມທັງໝົດ 69153

Currently are 5 guests and no members online