ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

 ກອງປະຊຸມຄັ້ງປະຖົມມະລືກຂອງອົງການປົກຄອງນະຄອນຫຼວງ ສະໄໝສະພາປະຊາຊົນນະຄອນຫຼວງວຽງຈັນ ຊຸດທີ I ໄດ້ເປີດຂຶ້ນທີ່ສຳນັກງານອົງການປົກຄອງນະຄອນຫຼວງວຽງ ຈັນ ໃນຄັ້ງວັນທີ 07 ມີຖຸນາ 2016 ໂດຍການເປັນປະທານ ຂອງ ທ່ານ ປອ. ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເລຂາຄະນະພັກ, ເຈົ້າຄອງນະຄອນຫຼວງ ວຽງຈັນ, ມີບັນດາທ່ານ ຮອງເຈົ້າຄອງ, ບັນດາທ່ານຫົວໜ້າພະແນກການ ແລະ ອົງການທຽບເທົ່າອ້ອມຂ້າງ ນະຄອນຫຼວງວຽງຈັນເຂົ້າຮ່ວມຢ່າງພ້ອມພຽງ.

 

 ກອງປະຊຸມຈະໄດ້ສຸມໃສ່ຄົ້ນຄ້ວາຮັບຮອງເອົາຫຼາຍບັນຫາທີ່ສຳຄັນເປັນຕົ້ນ: ພິຈາລະນາຮັບຮອງເອົາຮ່າງຂໍ້ຕົກລົງຂອງເຈົ້າຄອງນະຄອນຫຼວງວຽງຈັນ, ວ່າດ້ວຍການແບ່ງວຽກ ລະຫວ່າງ ເຈົ້າຄອງ ແລະ ບັນດາຮອງເຈົ້າຄອງນະຄອນຫຼວງວຽງຈັນ, ປຶກສາ ແລະ ຕົກລົງແບບແຜນວິທີເຮັດວຽກຂອງອົງການປົກຄອງໃນແຕ່ລະໄລຍະ; ນອກຈາກນັ້ນກອງປະຊຸມ ຍັງໄດ້ສືບຕໍ່ ຄົ້ນຄ້ວາຫຼາຍວຽກງານທີ່ສຳຄັນດັ່ງນີ້:

   ພິຈາລະນາ ແລະ ຮັບຮອງເອົາແຜນດຳເນີນງານ 5 ປີ (2016-2020), ແຜນວຽກຈຸດສຸມ ແລະ ແຜນຄາດຄະເນຫົວຂໍ້ດຳເນີນກອງປະຊຸມ 6 ເດືອນທ້າຍປີ 2016 ຂອງອົງການ ປົກຄອງນະຄອນຫຼວງວຽງຈັນ ຊຸດທີ I ແລະ ແນະນໍາການຜັນຂະຫຍາຍ ແລະ ການຈັດຕັ້ງປະຕິບັດ ຄໍາສັ່ງເລກທີ 15/ນຍ, ລົງວັນທີ 13 ພຶດສະພາ 2016 ຂອງນາຍົກລັດຖະມົນຕີ ແຫ່ງ ສປປ ລາວ ວ່າດ້ວຍການເພີ່ມທະວີ ຄວາມເຂັ້ມງວດ, ໃນການຄຸ້ມຄອງ ແລະກວດກາ ການຂຸດຄົ້ນໄມ້, ເຄື່ອນຍ້າຍໄມ້ ແລະ ທຸລະກິດໄມ້.

  

ຄົ້ນຫາ

ປະຕິທິນ

August 2020
S M T W T F S
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 83

ຈຳນວນຜູ້ເຂົ້າຊົມວານນີ້ 81

ຈຳນວນຜູ້ເຂົ້າຊົມອາທິດນີ້ 334

ຈຳນວນຜູ້ເຂົ້າຊົມເດືອນນີ້ 1020

ຈຳນວນຜູ້ເຂົ້າຊົມທັງໝົດ 69152

Currently are 14 guests and no members online