ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !


                     19.05.2016.0119.05.2016.02

ໃນຕອນເຊົ້າຂອງວັນທີ 19 ພຶດສະພາ 2016 ທ່ານ ປອ. ບຸນທອງ ຈິດມະນີ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ, ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ພ້ອມຄະນະ ໄດ້ລົງເຄື່ອນໄຫວຢ້ຽມຢາມ ແລະເຮັດວຽກຢູ່ເມືອງປາກງື່ມ, ນະຄອນຫຼວງວຽງຈັນ. ໂດຍມີທ່ານຮອງເຈົ້າເມືອງໆປາກງື່ມພ້ອມດ້ວຍຄະນະປະຈຳ ພັກເມືອງ, ປະທານກວດກາເມືອງພະນັກງານ-ລັດຖະກອນ, ທະຫານ, ຕຳຫຼວດ ແລະ ພໍ່ແມ່ປະຊາຊົນພາຍໃນເມືອງ ໃຫ້ການຕ້ອນຮັບ.

ໃນໂອກາດນີ້, ທ່ານຮອງເຈົ້າເມືອງໆປາກງື່ມ ໄດ້ລາຍງານສະພາບລວມ ຂອງເມືອງປາກງື່ມ.ເຊິ່ງເຫັນວ່າ ເມືອງປາກງື່ມເປັນໜຶ່ງໃນເກົ້າເມືອງ ຂອງນະຄອນຫຼວງວຽງຈັນ ມີ 5 ກຸ່ມບ້ານ, ມີ 53 ບ້ານ, ໃນນີ້ ປະກາດເປັນບ້ານພັດທະນາແລ້ວ 32 ບ້ານມີພົນລະເມືອງທັງໝົດ 52.326 ຄົນ, ຍິງ 25.903 ຄົນ ມີເນື້ອທີ່ 65.000 ກວ່າເຮັກຕາ, ມີແມ່ນໍ້າຂອງໄຫຼຜ່ານ ເຊິ່ງເອື້ອອໍານວຍໃຫ້ແກ່ການຜະລິດທັງສອງລະດູ ເປັນຕົ້ນ ປູກເຂົ້າ, ຜັກປອດສານຜິດ, ລ້ຽງສັດປີກ-ສັດໃຫຍ່ເຊັ່ນ: ຄວາຍ, ງົວ... ພ້ອມດຽວກັນນັ້ນ, ຕະຫຼອດໄລຍະທີ່ຜ່ານມາ  ເມືອງປາກງື່ມແມ່ນສາມາດຮັກສາໄດ້ ຄວາມສະຫງົບໂດຍພື້ນຖານ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ ແລະ ໝັ້ນທ່ຽງ, ຊີວິດການເປັນຢູ່ຂອງພະນັກງານ, ທະຫານ, ຕຳຫຼວດ ແລະ ພໍ່ແມ່ນປະຊາຊົນບັນດາເຜົ່າໄດ້ຮັບການ ຍົກລະດັບສູງຂຶ້ນເປັນກ້າວໆ ສະເລ່ຍລາຍຮັບ 1.538 ໂດລາຕໍ່ຄົນ/ປີ, ສາມາດປະກາດລືບລ້າງ ບ້ານທຸກຍາກໄດ້ສໍາເລັດໃນປີ 2014. ຈາກນັ້ນ, ທ່ານປະທານຄະນະກວດກາພັກເມືອງ ໄດ້ຂຶ້ນລາຍງານ ການເຄື່ອນໄຫວວຽກງານກວດກາພັກ-ລັດເມືອງປາກງື່ມ ປະຈໍາເດືອນເມສາ 2016 ແລະ ທິດທາງແຜນການປະຈໍາເດືອນພຶດສະພາ 2016 ໃຫ້ທ່ານຮອງນາຍົກລັດຖະມົນຕີ ພ້ອມຄະນະ ໄດ້ຮັບຊາບ.

ໃນໂອກາດດຽວກັນ, ທ່ານ ປອ. ບຸນທອງ ຈິດມະນີ ໄດ້ຕີລາຄາສູງຕໍ່ຜົນງານທີ່ຄະນະພັກເມືອງ ກໍ່ຄືປະຊາຊົນພາຍໃນເມືອງ ສາມາດຍາດມາໄດ້. ພ້ອມກັນນັ້ນ, ທ່ານຍັງໄດ້ເນັ້ນໜັກ ໃຫ້ເອົາໃຈໃສ່ ໃນການປ້ອງກັນຊາດ-ປ້ອງກັນຄວາມສະຫງົບໃຫ້ໜັກແໜ້ນເຂັ້ມແຂງ ສາມາດຕ້ານທຸກກົນອຸບາຍຫັນປ່ຽນຂອງສັດຕູ, ເຊິ່ງມາດຕະການແກ້ໄຂອັນສຳຄັນ ແມ່ນການກຳຮາກຖານ, ການປັບປຸງກຳລັງໃຫ້ມີຄວາມເຂັ້ມແຂງ, ການສ້າງສະຕິເປັນເຈົ້າຂອງປະຊາຊົນ…; ສຳລັບການພັດທະນາເສດຖະກິດ-ສັງຄົມ ແມ່ນສືບຕໍ່ເຜີຍແຜ່ເຊື່ອມຊືມໃຫ້ປະຊາຊົນກຳແໜ້ນ ກ່ຽວກັບ ເນື້ອໃນຈິດໃຈ, ຄາດໝາຍຕ່າງໆ ທີ່ໄດ້ກຳນົດໄວ້ໃນມະຕິກອງປະຊຸມໃຫຍ່ ອົງຄະນະພັກເມືອງ, ພ້ອມທັງ ເປັນເຈົ້າການຈັດຕັ້ງຜັນຂະຫຍາຍໃຫ້ເປັນອັນລະອຽດ ແລະ ມີຈຸດສຸມຂອງແຕ່ລະ ຂະແໜງການ ເຂົ້າສູ່ວຽກງານຕົວຈິງໃຫ້ມີຜົນສໍາເລັດເປັນຢ່າງດີ.

ຄົ້ນຫາ

ປະຕິທິນ

August 2020
S M T W T F S
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 84

ຈຳນວນຜູ້ເຂົ້າຊົມວານນີ້ 81

ຈຳນວນຜູ້ເຂົ້າຊົມອາທິດນີ້ 335

ຈຳນວນຜູ້ເຂົ້າຊົມເດືອນນີ້ 1021

ຈຳນວນຜູ້ເຂົ້າຊົມທັງໝົດ 69153

Currently are 8 guests and no members online