ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

aaaaa7681c98c06b1cabd9b4fba2ffa1

ພະ​ແນກ​ຊັບພະຍາກອນ​ທຳມະ​ຊາດ ແລະ ສິ່ງແວດລ້ອມ ນະຄອນ​ຫຼວງ​ວຽງ​ຈັນ (​ພຊສ.ນວ) ຈັດ​ກິດຈະກຳ​ປ່ອຍ​ສັດ​ນ້ຳ-ສັດປ່າ ແລະ ປູກ​ຕົ້ນໄມ້ຄືນ​ສູ່​ທຳ​ມະຊາດ ຂຶ້ນ​ວັນ​ທີ 26 ກໍລະກົດ 2016 ທີ່​ໜອງ​ປ່າ​ສະຫງວນຫ້ວຍ​ຍາງ ເມືອງ​ໄຊ​ທານີ ນະຄອນ​ຫຼວງ​ວຽງ​ຈັນ ໂດຍ​ມີ​ທ່ານ ບຸນ​ໂຮມ ເຮືອງ​ສະ​ຫວັດ ຫົວໜ້າ ​​ພຊສ.ນວ ມີ​ຮອງ​ຫົວໜ້າ​ພະແນກ ຫົວໜ້າ​ຂະແໜງ ຮອງ​ຫົວໜ້າ​ຂະແໜງ ພ້ອມ​ດ້ວຍ​ພະນັກງານ​ວິຊາ​ການ ອຳນາດ​ການ​ປົກຄອງ​ອ້ອມ​ຂ້າງ​ເຂົ້າ​ຮ່ວມ.

3126acc724401b3eba8e167a83b55a24

ວັນ​ທີ 25 ກໍລະກົດ 2016 ພະ​ແນກ​ສຶກ​ສາ​ທິ​ການ ແລະ ກີລາ ນະຄອນຫຼວງ​ວຽງ​ຈັນ ໄດ້​ຈັດພິທີ​ສະຫຼຸບ​ຜົນ​ການ​ສອບເສັງ ​ຊັ້ນມັດທະຍົມ​ສຶກ​ສາ​ຕອນ​ຕົ້ນ ມ4 ແລະ ມັດທະຍົມ​ສຶກ​ສາ​ຕອນ​ປາຍ ມ7 ສົກຮຽນ 2015-2016 ຂຶ້ນ ທີ່​ໂຮງຮຽນ ​ມສ ວຽງ​ຈັນ ໃຫ້ກຽດ​ເຂົ້າ​ຮ່ວມ​ຂອງ​ທ່ານ ສີ​ຫຸນ ສິດທິ​ລື​ໄຊ ຮອງ​ເຈົ້າ​ຄອງ​ນະຄອນຫຼວງ​ວຽງ​ຈັນ ທ່ານ ສີ​ນະຄອນ ທຸມ​ມະ​ລັດ ຫົວໜ້າ​ຫ້ອງການກະຊວງ​ສຶກ​ສາ​ທິ​ການ ແລະ ກີລາ ພ້ອມ​ດ້ວຍ​ບັນດາ​ເຈົ້າເມືອງ ຮອງເຈົ້າເມືອງ 9 ຕົວ​ເມືອງ ຜູ້​ອຳນວຍ​ການ ຄູ-ອາຈານ ແລະ ນ້ອງ​ນັກຮຽນ​ເຂົ້າ​ຮ່ວມ.

13700167 295917354090131 8622091370941114129 n

ພິທີຖະແຫຼງຂ່າວກ່ຽວກັບການຍົກຍ້າຍຊາວຄ້າຂາຍ ອອກຈາກຕະຫຼາດທາດຫຼວງຊົ່ວຄາວ ຈຳນວນ 500 ກວ່າຮ້ານ ໄປຢູ່ສະຖານທີ່ແຫ່ງໃໝ່ ໄດ້ມີຂຶ້ນວັນທີ 18 ກໍລະກົດ 2016 ທີ່ສຳນັກງານປົກຄອງເມືອງໄຊເຊດຖາ ນະຄອນຫຼວງວຽງຈັນ ໂດຍການຖະແຫຼງຂ່າວຂອງທ່ານ ພຸດທະພອນ ໂຄດປັນຍາ ຮອງເຈົ້າເມືອງໄຊເຊດຖາ ທັງເປັນຫົວໜ້າຄະນະກຳມະການສະເພາະກິດຍົກຍ້າຍ ຕະຫຼາດທາດຫຼວງຊົ່ວຄາວ ມີພາກສ່ວນກ່ຽວຂ້ອງ ແລະ ສື່ມວນຊົນເຂົ້າຮ່ວມ.

13692607 294874234194443 5638353930317874800 n

ອົງການປົກຄອງເມືອງໄຊເຊດຖາ ນະຄອນຫຼວງວຽງຈັນ ຮ່ວມກັບ ຫ້ອງການກະສິກໍາ ແລະປ່າໄມ້ເມືອງ ພ້ອມດ້ວຍອົງການປົກຄອງບ້ານຮ່ອງສຸພາບ ແລະ ປະຊາຊົນພາຍໃນບ້ານ ໄດ້ຈັດກິດຈະກໍາປ່ອຍປາ ຈໍານວນຫຼາຍກວ່າ 30.000 ໂຕ ລົງສູ່ໜອງນໍ້າທໍາມະຊາດ ໃນວັນອະນຸຮັກສັດນໍ້າ-ສັດປ່າແຫ່ງຊາດ ວັນທີ 13 ກໍລະກົດ ປະຈໍາປີ 2016.

13606833 290429157972284 4769266845970858033 n

ບັນຍາກາດວັນສະເຫລີມສະຫລອງກິລາກາຍຍະກຳແຫ່ງຊາດຄົບຮອບ 50 ປີ, ວັນໂອລິມປິກລາວຄົບຮອບ 38 ປີ ແລະ ວັນໂອລິມປິກສາກົນຄອບຮອບ 122 ປີ ທີ່ເດີນສະຫນາມຫລວງ. ໃນຕອນເຊົ້າວັນທີ 9 ກໍລະກົດ 2016. ເຊີ່ງປະກອບດ້ວຍ 3 ກິດຈະກຳຫລັກຄື: ຂີ່ລົດຖີບ, ເຕັ້ນແອໂຣບິກ ແລະ ຍ່າງເພື່ອສຸຂະພາບ. ເຊີ່ງໂອກາດນີ້ສຳລັບການຍ່າງເພື່ອສຸຂະພາບກໍເປັນກຽດເຂົ້າຮ່ວມໂດຍທ່ານ ປອ ສິນລະວົງ ຄຸດໄພທູນ ກຳມະການກົມການເມືອງ, ເຈົ້າຄອງນະຄອນຫລວງວຽງຈັນ, ທ່ານ ສີຫຸນ ສິດທິລືໄຊ ຮອງເຈົ້າຄອງ, ບັນດາເມືອງ, ພະແນກການຕ່າງໆ, ພະນັກງານລັດຖະກອນ, ຊາວຫນຸ່ມ-ເຍົາວະຊົນ, ທະຫານ-ຕຳຫລວດ, ປະຊາຊົນຊາວນະຄອນວຽງຈັນ ແລະ ພາກສ່ວນກ່ຽວຂ້ອງອື່ນໆ ກໍເຂົ້າຮ່ວມຢ່າງເປັນຂະບວນຟົດຟື້ນ....!!!

ໂດຍ: ວຽງຈັນວັນໃຫມ່ ຂ່າວສານທັນສະໄຫມ ເພື່ອຊາວວຽງ.

ພາບ: The.Jack

ທີ່ມາຂໍ້ມູນຈາກ: Vientiane-New-dayວຽງຈັນວັນໃໝ່

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 30

ຈຳນວນຜູ້ເຂົ້າຊົມວານນີ້ 14

ຈຳນວນຜູ້ເຂົ້າຊົມອາທິດນີ້ 30

ຈຳນວນຜູ້ເຂົ້າຊົມເດືອນນີ້ 461

ຈຳນວນຜູ້ເຂົ້າຊົມທັງໝົດ 51537

Currently are 37 guests and no members online