ໃນ​ຍຸກ​ປະຊາ​ຄົມ​ເສດຖະກິດອາ​ຊຽນ 10 ປະເທດ​ສະມາຊິກ ໄດ້​ເອົາໃຈໃສ່​ຢ່າງ​ຕັ້ງໜ້າ ເຂົ້າໃນ​ການ​ປັບປຸງ ແລະ ຍົກ​ລະດັບຂີດ​ຄວາມ​ສາມາດ​ການ​ບໍລິການ-ຂົນສົ່ງ ໃຫ້​ມີ​ຄວາມ​ວ່ອງໄວ ຮັບປະກັນ​ໄດ້​ຄວາມ​ປອດ​ໄພ​ຮອບດ້ານ ສຳລັບ​ລັດຖະບານ​ລາວ ກໍ່ໄດ້​ຊຸກຍູ້​ບັນດາ​ຫົວໜ່ວຍ​ທຸລະ​ກິດພາກ​ເອກະ​ຊົນ ປະກອບສ່ວນຢ່າງ​ຕັ້ງໜ້າ ​ເຂົ້າ​ໃນ​ການ​ປັບປຸງສະຖານີ​ຂົນສົ່ງ​ ໃຫ້​ມີ​ຄຸນະພາບ ຮອງ​ຮັບ​ການ​ຂະຫຍາຍຕົວ​ທາງດ້ານ​ເສດຖະກິດ- ສັງຄົມ ໃນ​ຍຸກປະຊາ​ຄົມ​ເສດຖະກິດ​ອາ​ຊຽນ AEC ຊຶ່ງ​ໃນ​ປີ 2013 ຜູ້​ປະກອບການ​ທຸລະ​ກິດ​ສະຖານີ​ຂົນສົ່ງໂດຍສານ​ສາຍ​ໃຕ້ ໄດ້​ໃຊ້​ງົບ​ປະມານກວ່າ 40 ຕື້​ກີບ ສ້າງ​ສະ​ຖານີ​ຂົນສົ່ງ​ແຫ່ງ​ໃໝ່​ຂຶ້ນ ເພື່ອ​ອຳນວຍ​ຄວາມ​ສະດວກ ກໍ່​ຄືກັນ​ຫຼຸດຜ່ອນ​ຄວາມ​ແອ​ອັດ​ຂອງ​ລົດ​ໂດຍສານ ​ໃນ​ເສັ້ນທາງ​ຫຼັກ​ໃຫ້​ນະຄອນ​ຫຼວງ​ວຽງ​ຈັນ.

ການແຂ່ງຂັນກີລາກ໊ອຟ ການກຸສົນ ເພື່ອລະດົມທຶນສ້າງຕຶກປິ່ນປົວ ແລະບຳບັດຜູ້ຕິດຢາເສບຕິດ ສົມສະຫງ່ານະຄອນຫຼວງວຽງຈັນ ຈັດຂຶ້ນວັນທີ 20 ສິງຫາ 2016 ທີ່ສະໜາມກີລາກ໊ອຟລ່ອງແທງ (ຫຼັກ 18 ທ່າເດື່ອ) ໂດຍການເປັນປະທານຂອງທ່ານສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ມີທ່ານ ສອນໄຊ ສີພັນດອນຮອງນາຍົກລັດຖະມົນຕີ ພ້ອມດ້ວຍບັນດານັກກີລາມາຈາກຂະແໜງການຕ່າງໆ ແລະ ນັກກີລາສະໜັກຫຼິ້ນ ເຂົ້າຮ່ວມ 170 ກວ່າທ່ານ.

ໃນຕອນເຊົ້າ ຂອງວັນທີ 17 ສິງຫາ 2016 ທີ່ຫ້ອງວ່າການນະຄອນຫຼວງວຽງຈັນ ໄດ້ຈັດການຖະແຫລງຂ່າວຄວາມພ້ອມໃນດ້ານຕ່າງໆໂດຍມີພາກສ່ວນ ຫ້ອງວ່າການນະຄອນຫຼວງ ວຽງຈັນ, ພະແນກ ສຶກສາທິການ ແລະ ກິລາ, ພະແນກຖະແຫລງຂ່າວ, ວັດທະນາທຳ ແລະ ການທ່ອງທ່ຽວ,​ ສະໂມສອນລວມສິນລະປິນລາວ ກ່ຽວກັບການກຽມ ຄວາມພ້ອມໃນການຈັດ ງານການແຂ່ງຂັນ ກິລາບານແຕະ ນັດພິເສດ

ໃນວັນທີ 12 ສິງຫາ 2016 ຫ້ອງວ່າການນະຄອນຫຼວງວຽງຈັນ ຮ່ວມກັບ ສະພາປະຊາຊົນ ນະຄອນຫຼວງວຽງຈັນ ໄດ້ຈັດກິດຈະກຳເພື່ອສ້າງຂະບວນການສະເຫຼີມສະຫຼອງວັນສ້າງຕັ້ງລັດຖະທຳມະນູນ ຄົບຮອບ25ປີ( 15 ສິງຫາ 1991 – 15 ສິງຫາ 2016) ແລະ ວັນຍຶດອໍານາດ 23 ສິງຫາ ຄົບຮອບ 41ປີ. ອີກດ້ານໜື່ງກໍ່ເພື່ອສ້າງຄວາມສາມະຄີຮັກແພງລະຫວ່າງ ພະນັກງານລັດຖະກອນ ຂອງສະພາປະຊາຊົນ ນະຄອນຫຼວງວຽງຈັນ ກັບ ຫ້ອງວ່າການນະຄອນຫຼວງວຽງຈັນ ສຳລັບການຈັດກິດຈະກຳແມ່ນໄດ້ຈັດການແຂ່ງຂັນບານເຕະ ແບ່ງອອກເປັນສອງປະເພດຄື: ທີມບານເຕະຍິງ ສຳລັບຜົນຂອງການແຂ່ງຂັນທີມສະພາປະຊາຊົນ ນະຄອນຫຼວງວຽງຈັນ ຊະນະ ທີມຫ້ອງວ່າການນະຄອນຫຼວງວຽງຈັນ 4-3, ສ່ວນປະເພດທີມບານເຕະຊາຍ ຜົົນການແຂ່ງຂັນແມ່ນທີມຫ້ອງວ່າການນະຄອນຫຼວງວຽງຈັນ ຊະນະ ທີມສະພາປະຊາຊົນ ນະຄອນຫຼວງວຽງຈັນ ດ້ວຍຄະແນນ 7 – 6.