ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

FAE51F63 E533 43AC 8CE8 8863339C575D
ຕອນບ່າຍ ຂອງວັນທີ 24 ມິຖຸນາ 2019 ທີ່ຫ້ອງການບ້ານສະພານທອງໃຕ້ ທ່ານເຈົ້າຄອງນະຄອນຫຼວງວຽງຈັນ ໄດ້ເຂົ້າຮ່ວມກອງປະຊຸມສະຫຼຸບວຽກງານຮາກຖານຂອງບ້ານ ໂດຍປະຕິບັດຕາມມະຕິຕົກລົງຂອງຄະນະປະຈຳພັກ ນວ ສະບັບເລກທີ 1410/ຄປຈພ.ນວ ວ່າດ້ວຍການສືບຕໍ່ຫັນພະນັກງານລົງຮາກຖານ ຕາມວິທີການ "ຫັນລົງຮາກຖານກັບທີ່". ເຂົ້າຮ່ວມມີ ຮອງເຈົ້າເມືອງ ສີສັດຕະນາກ, ຄະນະພັກບ້ານ, ນາຍບ້ານ ແລະ ຄອບຄົວ ປະຊາຊົນ ພາຍໃນບ້ານ ຫົວໜ່ວຍ 10 ຫຼັງຄາເຮືອນ ເຂົ້າຮ່ວມ ແລະ ບັນດາຫົວໜ່ວຍທຸລະກິດ, ພະນັກງານບຳນານ ເຂົ້າຮ່ວມ.
ສຳລັບເນື້ອໃນ ຂອງກອງປະຊຸມຄັ້ງນີ້ ແມ່ນທົບທວນວຽກງານທີ່ໄດ້ຈັດຕັ້ງປະຕິບັດຜ່ານມາໃນໄລຍະ 3 ເດືອນ ກໍຄື 6 ເດືອນ ຕົ້ນປີ ຕາມທີ່ໄດ້ປຶກສາຫາລືກັນແລ້ວ ແລະ ແຜນວຽກທີ່ຈະສືບຕໍ່ປະຕິບັດ ໃນ 3 ເດືອນຕໍ່ໜ້າ ແລະ 6 ເດືອນທ້າຍປີ 2019.
ທ່ານ ປອ ສິນລະວົງ ຄຸດໄພທູນ ເຈົ້າຄອງ ນວ ມີຄຳເຫັນຕໍ່ທີ່ປະຊຸມວ່າ: ສຳລັບແຜນວຽກແຕ່ເດືອນ 6 ຮອດທ້າຍປີ 2019 ນີ້ ແຜນວຽກຈຸດສຸມສຳຄັນ ແມ່ນອົງຄະນະພັກບ້ານ-ອົງການປົກຄອງບ້ານສະພານທອງໃຕ້ ຕ້ອງສຸມໃສ່ກະກຽມກອງປະຊຸມໃຫຍ່ຂັ້ນບ້ານ ໂດຍໃຫ້ຖອດຖອນບົດຮຽນນຳ ກອງປະຊຸມໃຫຍ່ຂອງບ້ານວຽງຈະເລີນ ທີ່ຫາກໍເຮັດສຳເລັດຜ່ານມາແລ້ວເປັນພື້ນຖານ. ອັນທີສອງ: ສືບຕໍ່ຈັດຕັ້ງປະຕິບັດຂໍ້ແຂ່ງຂັນຮັກຊາດ ແລະ ພັດທະນາ ຕິດພັນກັບຮັກນະຄອນຫຼວງວຽງຈັນ ຕາມຂໍ້ຕົກລົງ 0939/ຈນວ ແລະ ຄຳສັ່ງ ເພີ່ມເຕີມ ສະບັບເລກທີ 003/ຈນວ, ລົງວັນທີ່ 7/6/2019 ກ່ຽວກັບຂໍ້ແຂ່ງຂັນຮັກຊາດ ແລະ ພັດທະນາ ຕິດພັນກັບຮັກນະຄອນຫຼວງວຽງຈັນ ໄລຍະ ຮອດທ້າຍປີ 2020 ແລະ ສືບຕໍ່ສ້າງຂະບວນການຂ່ຳນັບຮັບຕ້ອນວັນສຳຄັນຕ່າງໆ ໂດຍສະເພາະ ອັນໃກ້ນີ້ກໍແມ່ນ ວັນເກີດທ່ານ ປະທານສຸພານຸວົງ ວັນທີ 13 ກໍລະກົດ ຄົບຮອບ 110 ປີ. ອັນທີສາມ: ສຸມໃສ່ການເພີ່ມລາຍຮັບ ແລະ ຍົກລະດັບຖານລາຍຮັບຂອງບ້ານ.

#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 41

ຈຳນວນຜູ້ເຂົ້າຊົມວານນີ້ 44

ຈຳນວນຜູ້ເຂົ້າຊົມອາທິດນີ້ 85

ຈຳນວນຜູ້ເຂົ້າຊົມເດືອນນີ້ 620

ຈຳນວນຜູ້ເຂົ້າຊົມທັງໝົດ 53000

Currently are 38 guests and no members online