ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

13179053 259642881050912 6205062302683842427 n

   ພະແນກອຸດສາຫະກໍາ ແລະ ການຄ້ານະຄອນຫຼວງວຽງຈັນ ຮ່ວມກັບ ສະພາການຄ້າແລະອຸດສາຫະກໍານະຄອນຫຼວງວຽງຈັນ ແລະ ສູນການຄ້າລາວ -ໄອເຕັກ ກຽມຈັດງານວາງສະແດງສິນຄ້າໂອດ໊ອບ ຫຼື ສິນຄ້ານຶ່ງເມືອງນຶ່ງຜະລິດຕະພັນ ແລະ ສິນຄ້າຄອບຄົວໂຕແບບພາຍໃນນະຄອນຫຼວງວຽງຈັນ ເປັນຄັ້ງທີ 3 ປະຈໍາປີ 2016 ຂຶ້ນໃນວັນທີ 27 ພຶດສະພາ 2016 ຫາ ວັນທີ 01 ມິຖຸນາ2016 ທີ່ສູນການຄ້າລາວ-ໄອເຕັກ ນະຄອນຫຼວງວຽງຈັນ.

  ພິທີຖະແຫຼງກ່ຽວກັບການຈັດງານວາງສະແດງສິນຄ້າດັ່ງກ່າວ ໄດ້ຈັດຂຶ້ນໃນຕອນບ່າຍວັນທີ 04 ພຶດສະພາ 2016 ທີ່ສູນການຄ້າລາວ-ໄອເຕັກ ນະຄອນຫຼວງວຽງຈັນ ໂດຍການຖະແຫຼງຕໍ່ສື່ມວນຊົນຂອງ ທ່ານ ເບີລິນ ເພັດຈັນທະລາດ ຫົວໜ້າພະແນກອຸດສາຫະກໍາ ແລະ ການຄ້ານະຄອນຫຼວງວຽງຈັນ ທັງເປັນປະທານຈັດງານວາງສະແດງ–ຈໍາໜ່າຍສິນຄ້າໂອດ໊ອບ ແລະ ສິນຄ້າຄອບຄົວໂຕແບບນະຄອນຫຼວງ ປະຈໍາປີ 2016 ມີທ່ານ ສັງຄົມ ຈັນສຸກ ປະທານສະພາການຄ້າ ແລະ ອຸດສາຫະກໍານະຄອນຫຼວງ ທ່ານ ວິສັນ ນະລົງສັກ ຜູ້ອໍານວຍການສູນການຄ້າລາວ-ໄອເຕັກ ມີບັນດາ ຜູ້ປະກອບການຫົວໜ່ວຍທຸລະກິດຕ່າງໆ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
   ທ່ານ ເບີລິນ ເພັດຈັນທະລາດ ໄດ້ກ່າວວາ ເພື່ອຈັດຕັ້ງປະຕິບັດນະໂຍບາຍໃນການສົ່ງເສີມການຜະລິດເປັນສິນຄ້າ ແລະ ການໂຄສະນາສິນຄ້າໃຫ້ ແກ່ຫົວໜ່ວຍທຸລະກິດຂະໜາດນ້ອຍ ແລະ ຂະໜາດກາງທົ່ວປະເທດ ໂດຍສະເພາະກໍແມ່ນບັນດາຫົວໜ່ວຍທຸລະກິດຢູ່ພາຍໃນ ນະຄອນຫຼວງວຽງ ຈັນໃຫ້ມີຕານ່າງຮອງຮັບຜະລິດຕະພັນພາຍໃນ ແລະ ເສີມສ້າງທ່າແຮງໃຫ້ແກ່ສິນຄ້ານຶ່ງເມືອງນຶ່ງຜະລິດຕະພັນ ທີ່ໄດ້ຖືກຄັດເລືອກໃຫ້ເປັນສິນຄ້າ ກາໝາຍໂອດ໊ອບຂອງນະຄອນຫຼວງ ກໍຄືໃນທົ່ວປະເທດ ໃຫ້ມີພື້ນຖານໂຄງລ່າງໃນການໄຂຕະຫຼາດຈໍາໜ່າຍຜະລິດຕະພັນຂອງຕົນ ທັງເພື່ອປະກອບ ສ່ວນໃນການສ້າງບັນຍາກາດຮັບຕ້ອນວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ (ວັນທີ 01 ມິຖຸນາ) ແລະ ວັນສໍາຄັນຕ່າງໆຂອງຊາດ ດັ່ງນັ້ນ ເພື່ອຮັບປະກັນໃຫ້ການຈັດງານວາງສະແດງ-ຈໍາໜ່າຍສິນຄ້າ ຄັ້ງທີ 3 ໃນປີນີ້ໃຫ້ເປັນຂະບວນການທີ່ຟົດຟື້ນ ຄະນະຮັບຜິດຊອບກໍໄດ້ກໍາ ນົດການຈັດງານດັ່ງກ່າວໃນວັນທີ 27 ພຶດສະພາ 2016 ຫາວັນທີ 01 ມິຖຸນາ 2016 ທັງນີ້ກໍເພື່ອແນໃສ່ໃຫ້ເຫັນຜະລິດ ຕະພັນທີ່ເປັນທ່າແຮງ ຂອງແຕ່ລະບ້ານ ເມືອງ ເພື່ອກໍານົດໃຫ້ເປັນຜະລິດຕະພັນທີ່ເປັນເອກະລັກສະເພາະຂອງບ້ານ ແລະ ຂອງເມືອງ ທີ່ນອນຢູ່ໃນແຕ່ລະແຂວງ ກໍຄືໃນນະຄອນຫຼວງວຽງຈັນ ທັງໃຫ້ສາມາດສ້າງໄດ້ກຸ່ມການຜະລິດສິນຄ້າທີ່ເປັນທ່າແຮງ ແລະ ສ້າງຄວາມເຂັ້ມແຂງໃຫ້ຫົວໜ່ວຍທຸລະກິດ ທີ່ ເຮັດການຜະລິດ ສາມາດກ້າວເຂົ້າສູ່ຕະຫຼາດທັງພາຍໃນ ແລະ ຕ່າງປະເທດ ເຊິ່ງການຈັດງານໃນຄັ້ງນີ້ ຈະມີບັນດາຫົວໜ່ວຍ ທຸລະກິດສິນຄ້າ ໂອດ໊ອບເຂົ້າຮ່ວມຫຼາຍກວ່າ 33 ຫົວໜ່ວຍ ມີ 37 ຫ້ອງ ຜະລິດຕະພັນສິນຄ້າຄອບຄົວໂຕແບບຂອງແຕ່ລະເມືອງ ຮວມ 60 ຫົວໜ່ວຍ ມີ 63 ຫ້ອງ ສິນຄ້າຄອບຄົວໂຕແບບປະເພດກະສິກໍາ ອຸດສາຫະກໍາ ແລະ ຫັດຖະກໍາ 70 ຫົວໜ່ວຍ ມີ 75 ຫ້ອງ ຮວມທັງໝົດ 163 ຫົວໜ່ວຍ 175 ຫ້ອງ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 34

ຈຳນວນຜູ້ເຂົ້າຊົມວານນີ້ 33

ຈຳນວນຜູ້ເຂົ້າຊົມອາທິດນີ້ 316

ຈຳນວນຜູ້ເຂົ້າຊົມເດືອນນີ້ 807

ຈຳນວນຜູ້ເຂົ້າຊົມທັງໝົດ 50721

Currently are 45 guests and no members online