ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

DSC00105 DSC00090 DSC00092 DSC00108

ພາຍຫຼັງກະກຽມ ແລະ ລົງມືກໍ່ສ້າງ ໂຄງການເວັບໄຊ ນະຄອນຫຼວງວຽງຈັນ  ປັດຈຸບັນ ເວັບໄຊ ນະຄອນຫຼວງວຽງຈັນ ໄດ້ຖືກສ້າງສໍາເລັດສົມບູນ ແລະ ຖືກຮັບຮອງເອົາຈາກກອງປະຊຸມຄະນະພັກນະຄອນຫຼວງວຽງຈັນ ເມື່ອຄັ້ງວັນທີ 22 ມີນາ 2016 ເຊິ່ງຜົນສໍາເລັດດັ່ງກ່າວແມ່ນການສະໜັບສະໜູນຊ່ອຍເຫຼືອຈາກກະຊວງວິທະຍາສາດ ແລະ ເຕັກໂນໂລຊີ ການຊີ້ນໍາ-ນໍາພາຢ່າງໃກ້ຊິດຂອງຄະນະພັກ ອົງການປົກຄອງນະຄອນຫຼວງວຽງຈັນ ໂດຍສະເພາະແມ່ນການທຸ້ມເທເຫື່ອແຮງ ສະຕິປັນຍາຂອງຊ່ຽວຊານ ແລະ ນັກວິຊາການ ຈາກຄະນະຮັບຜິດຊອບໂຄງການເປັນຕົ້ນ ພະແນກເຕັກໂນໂລຊີນະຄອນຫຼວງ ພະແນກໄປສະນີ ໂທລະຄົມມະນາຄົມ ແລະ ການສື່ສານ ແລະ ຫ້ອງວ່າການປົກຄອງນະຄອນຫຼວງວຽງຈັນ ຈິ່ງນໍາສູ່ພິທີໄຂນໍາໃຊ້ເວັບໄຊ ທີ່ມີຊື່ວ່າ www.vientianecity.gov.la

ຢ່າງເປັນທາງການ ໂດຍພິທີໄຂ ແລະ ນໍາໃຊ້ເວັບໄຊດັ່ງກ່າວ ຈັດຂຶ້ນໃນຕອນບ່າຍວັນທີ 08 ເມສາ 2016 ທີ່ຫ້ອງວ່າການປົກຄອງນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ດຣ.ອານຸພາບ ຕຸນາລົມ ກໍາມະການສູນກາງພັກ ຮອງເລຂາຄະນະພັກ ຮອງເຈົ້າຄອງນະຄອນຫຼວງວຽງຈັນ ທ່ານ ປອ.ຈັນແສງ ພິມມະວົງ ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ທ່ານ ດາວເພັດ ອາລຸນ ຫົວໜ້າພະແນກວິທະຍາສາດ ແລະ ເຕັກໂນໂລຊີນະຄອນຫຼວງວຽງຈັນ ມີບັນດາພະນັກງານວິຊາການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

…….ທ່ານ ດຣ.ອານຸພາບ ຕຸນາລົມ ໄດ້ກ່າວວ່າ ການໄຂ ແລະ ນໍາໃຊ້ເວັບໄຊ ນະຄອນຫຼວງວຽງຈັນ ແມ່ນມີຄວາມສໍາຄັນ ແລະ ຈໍາເປັນຫຼາຍ ເຊິ່ງຈະເປັນໂອກາດ ແລະ ເຄື່ອງມືທີ່ດີ ວ່ອງໄວ ທັນສະໄໝໃຫ້ແກ່ຄະນະພັກ-ອົງການປົກຄອງນະຄອນຫຼວງວຽງຈັນ ໃນການໂຄສະນາເຜີຍແຜ່ແນວທາງນະໂຍບາຍ ກົດໝາຍ ແລະ ລະບຽບການຕ່າງໆ ສະພາບການພົ້ນເດັ່ນໃນການປົກປັກຮັກສາ ແລະ ສ້າງສາພັດທະນາເສດຖະກິດ-ສັງຄົມຂອງພັກ-ລັດ ກໍຄືຄະນະພັກ-ອົງການປົກຄອງນະຄອນຫຼວງວຽງຈັນ ທັງຈະເປັນເຄື່ອງມືໃນການໂຄສະນາດຶງດູດເອົາການລົງທຶນ ການທ່ອງທ່ຽວ ການແລກປ່ຽນຂໍ້ມູນຂ່າວສານ ແລະ ອື່ນໆ ທີ່ເປັນປະໂຫຽດຕໍ່ນະຄອນຫຼວງວຽງຈັນ ກໍຄືປະເທດຊາດ ໂດຍສະເພາະຢ່າງຍິ່ງ ໃນປີນີ້ ສປປ.ລາວ ໄດ້ເຂົ້າປະຊາຄົມເສດຖະກິດອາຊຽນ ແລະ ເປັນເຈົ້າພາບຈັດກອງປະຊຸມສຸດຍອດອາຊຽນ ຄັ້ງທີ 26 ພ້ອມດຽວກັນນັ້ນ ກໍມີການພົວພັນກັບ 47 ນະຄອນ ແລະ ແຂວງ ຂອງ 16 ປະເທດທົ່ວໂລກ ແລະ ຈະເປັນເຈົ້າພາບຈັດກອງປະຊຸມບັນດາເຈົ້າຄອງນະຄອນຫຼວງອາຊຽນໃນທ້າຍປີນີ້ ດັ່ງນັ້ນ ການໄຂ ແລະ ນໍາໃຊ້ເວັບໄຊ ນະຄອນຫຼວງ ນັບຈາກນີ້ເປັນຕົ້ນໄປຈະເຮັດໃຫ້ນະຄອນຫຼວງວຽງຈັນມີເຄື່ອງມືການສື່ສານໃໝ່ ມີຄວາມສະດວກວ່ອງໄວ ແລະ ເໝາະສົມແກ່ການໂຄສະນາ ປະຊາສໍາພັນ ແລກປ່ຽນຂໍ້ມູນຂ່າວສານຢ່າງເປີດເຜີຍ ແລະ ກວ້າງຂວາງກັບການຈັດຕັ້ງ ແລະ ປະຊາຊົນຢູ່ພາຍໃນປະເທດ ກໍຄືກັບບັນດານະຄອນ ແຂວງ ແລະ ປະຊາຊົນປະເທດເພື່ອນມິດຕ່າງໆ.

 

…….ເວັບໄຊ ນະຄອນຫຼວງວຽງຈັນ ນີ້ ຄະນະພັກ-ອົງການປົກຄອງນະຄອນຫຼວງ ໄດ້ຕົກລົງໃຫ້ຫ້ອງວ່າການປົກຄອງນະຄອນຫຼວງວຽງຈັນ ເປັນຜູ້ຄຸ້ມຄອງ ແລະ ນໍາໃຊ້ໂຕຈິງ ໂດຍມີພະແນກເຕັກໂນໂລຊີ ພະແນກໄປສະນີ ໂທລະຄົມມະນາຄົມ ແລະ ການສື່ສານ ເປັນຜູ້ສະໜັບສະໜູນຊ່ອຍເຫຼືອທາງດ້ານໄອທີ ແລະ ການສື່ສານ ມີຄະນະໂຄສະນາອົບຮົມ ແລະ ວາລະສານນະຄອນຫຼວງວຽງຈັນ ໃຫ້ຄວາມຮ່ວມມືທາງດ້ານເນື້ອໃນການໂຄສະນາເຜີຍແຜ່ຕໍ່ໄປ.

…….ຂະນະທີ່ຫົວໜ້າພະແນກເຕັກໂນໂລຊີນະຄອນຫຼວງວຽງຈັນ ກໍກ່າວວ່າ ໃນຍຸກໂລກາພິວັດ ການຂະຫຍາຍໂຕທາງດ້ານເຕັກໂນໂລຊີ ຂໍ້ມູນຂ່າວສານ ແມ່ນນັບວັນກວ້າງຂວາງ ແລະ ມີບົດບາດຕໍ່ກັບການພັດທະນາປະເທດ ດັ່ງນັ້ນ ມັນຈິ່ງຮຽກຮ້ອງໃຫ້ມີການປະຕິຮູບແບບແຜນວິທີເຮັດວຽກ ແລະ ລະບົບບໍລິຫານໂດຍນໍາໃຊ້ຂໍ້ມູນຂ່າວສານເພື່ອສົ່ງເສີມໃຫ້ທຸກຂະແໜງການປະຕິບັດໜ້າທີ່ ພາລະບົດບາດຂອງຕົນໃຫ້ມີປະສິດທິຜົນສູງ ທັງອໍານວຍຄວາມສະດວກໃຫ້ແກ່ປະຊາຊົນເຂົ້າເຖິງແຫຼ່ງຂໍ້ມູນຂ່າວສານ ເຊິ່ງໃນໄລຍະທີ່ຜ່ານມາ ການນໍາໃຊ້ເຄື່ອງມືທັນສະໄໝເຂົ້າໃນການບໍລິການ ແລະ ການຄຸ້ມຄອງລັດ ກໍເຫັນວ່າ ມີລັກສະນະບໍ່ຮວມສູນ ກະແຈກກະຈາຍ ຕ່າງຝ່າຍຕ່າງເກັບຂໍ້ມູນໄວ້ກັບຂະແໜງການຂອງຕົນ ນອກຈາກນັ້ນ ການເຜີຍແຜ່ຂໍ້ມູນຂ່າວສານໃຫ້ກັບສັງຄົມຍັງຊັກຊ້າ ບໍ່ທັນກັບສະພາບຄວາມຕ້ອງການຂອງສັງຄົມ ດັ່ງນັ້ນ ພະແນກວິທະຍາສາດ ແລະ ເຕັກໂນໂລຊີ ເຫັນວ່າເພື່ອການບໍລິການຮັບໃຊ້ປະຊາຊົນໃຫ້ມີຄວາມວ່ອງໄວ ຊັດເຈນ ແລະ ສາມາດເຂົ້າເຖິງຂໍ້ມູນຂ່າວສານຢ່າງງ່າຍດາຍຂອງທຸກພາກສ່ວນ ຈິ່ງລິເລີ່ມໂຄງການເກັບກໍາຂໍ້ມູນພື້ນຖານຂອງບັນດາເມືອງ ແລະ ພະແນກການ ອົງການທຽບເທົ່າໃນນະຄອນຫຼວງວຽງຈັນ ໂດຍສະເພາະພາລະບົດບາດ ວິໄສທັດ ຍຸດທະສາດ ແລະ ແຜນພັດທະນາເສດຖະກິດ-ສັງຄົມ ໃນແຕ່ລະໄລຍະຂອງແຕ່ລະພາກສ່ວນ ທັງນິຕິກໍາ ເພື່ອແຈ້ງໃຫ້ສັງຄົມໄດ້ຮັບຊາບ ແລະ ປະຕິບັດເຂົ້າມາໃນຖານຂໍ້ມູນຂອງເວັບໄຊຮວມຂອງນະຄອນຫຼວງວຽງຈັນ.

 

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 54

ຈຳນວນຜູ້ເຂົ້າຊົມວານນີ້ 71

ຈຳນວນຜູ້ເຂົ້າຊົມອາທິດນີ້ 125

ຈຳນວນຜູ້ເຂົ້າຊົມເດືອນນີ້ 1008

ຈຳນວນຜູ້ເຂົ້າຊົມທັງໝົດ 53388

Currently are 40 guests and no members online