ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

7396430acf6319b5578c82842775f745

     ຄະ­ນະ​ໂຄ­ສະ­ນາ​ອົບ­ຮົມ​ນະ­ຄອນ­ຫຼວງ​ວຽງ​ຈັນຈັດ​ກອງ​ປະ­ຊຸມ​ສະ­ຫຼຸບ​ວຽກ​ງານ​ທົ່ວ​ນະ­ຄອນ­ຫຼວງ​ວຽງ​ຈັນ (ນວ) ປະ­ຈຳ​ປີ 2019 ແລະ ທິດ​ທາງ​ແຜນ­ການ​ປີ 2020 ຈັດ​ຂຶ້ນ​ວັນ​ທີ 8 ມັງ­ກອນ 2020 ທີ່​ຫ້ອງ​ວ່າ­ການ ນວ ເປັນ​ປະ­ທານ​ຂອງ​ທ່ານ ເຂັມ​ເພັດ ແພງ​ດວງ​ຈັນຫົວ­ໜ້າ​ຄະ­ນະ​ໂຄ­ສະ­ນາ​ອົບ­ຮົມ ນວ ມີ​ທ່ານ ຄຳ​ພັນ ພົມ​ມະ​ທັດຫົວ­ໜ້າ​ຄະ­ນະ​ໂຄ­ສະ­ນາ​ອົບ­ຮົມ​ສູນ​ກາງ​ພັກ ແລະ ທ່ານ ອາ­ນຸ­ພາບ ຕຸ​ນາ​ລົມປະ­ທານ​ສະ­ພາ​ປະ­ຊາ­ຊົນ ນວ ພ້ອມ​ດ້ວຍ​ຮອງ​ເລ­ຂາ ຄະ­ນະ​ບໍ­ລິ­ຫານ​ງານ​ພັກເລ­ຂາ​ຄະ­ນະ​ບໍ­ລິ­ຫານ​ງານ​ເມືອງ ເຈົ້າ­ເມືອງ ເລ­ຂາ​ຄະ­ນະ​ພັກ​ຮາກ​ຖານຫົວ­ໜ້າ​ພະ­ແນກ­ການ​ອ້ອມ​ຂ້າງ ແລະ ໂຄ­ສະ­ນາ​ອົບ­ຮົມ 9 ຕົວ​ເມືອງ ແລະພະ­ນັກ­ງານ​ຫຼັກ​ແຫຼ່ງ ເຂົ້າ​ຮ່ວມ.

   ທ່ານ ເຂັມ​ເພັດ ແພງ​ດວງ​ຈັນໄດ້​ຜ່ານ​ບົດ​ສະ­ຫຼຸບ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ໂຄ­ສະ­ນາ​ອົບ­ຮົມ ນວປະ­ຈຳ​ປີ 2019 ແລະ ທິດ​ທາງ​ແຜນ­ການ​ປີ 2020 ວ່າ: ຕະ­ຫຼອດ​ໄລ­ຍະ 1 ປີ­ຜ່ານ­ມາ ຄະ­ນະ​ພັກອົງ­ການ​ປົກ­ຄອງ​ທຸກ​ຂັ້ນ​ໄດ້​ເອົາ­ໃຈ­ໃສ່​ເຮັດ​ວຽກ​ງານ​ໂຄ­ສະ­ນາ​ອົບ­ຮົມ​ການ­ເມືອງ-ແນວ​ຄິດ​ໃຫ້​ຖັນ​ແຖວ​ພະ­ນັກ­ງານສະ­ມາ­ຊິກ​ພັກ ແລະປະ­ຊາ­ຊົນ​ໃນ​ຂອບ​ເຂດ​ຄວາມ​ຮັບ­ຜິດ­ຊອບ​ຂອງ​ຕົນ​ໄດ້​ຢ່າງ​ເປັນ​ປົກ­ກະ­ຕິພ້ອມ​ນັ້ນໄດ້​ບຳ­ລຸງ​ລະ­ດັບ​ທິດ​ສະ​ດີ​ການ­ເມືອງ-ການ​ປົກ­ຄອງ​ໃຫ້​ພະ­ນັກ­ງານສະ­ມາ­ຊິກ​ພັກ ໄດ້​ຮັບ​ການ​ເອົາ­ໃຈ­ໃສ່​ຢ່າງ​ຕັ້ງ­ໜ້ານອກ­ຈາກ​ໄປ​ບຳ­ລຸງ​ຍົກ​ລະ­ດັບ​ຢູ່​ສູນ​ກາງ ແລະ ຕ່າງ­ປະ­ເທດ ນະ­ຄອນ­ຫຼວງຍັງ​ໄດ້​ຈັດ 19 ຊຸດ ມີ​ຜູ້​ເຂົ້າ​ຮ່ວມ 1.060 ຄົນ ຍິງ 215 ຄົນ ໃນ​ນີ້ຈັດ​ຢູ່​ເມືອງ 9 ຊຸດ ແລະ ພະ­ແນກ­ການ 10 ຊຸດຈັດ​ສຳ​ມະ​ນາ​ວິ­ທະ­ຍາ­ສາດ​ໃນ​ໂອ­ກາດ​ວັນ​ປະ­ຫວັດ­ສາດ​ຂອງ​ຊາດ​ຕິດ​ພັນ​ກັບ​ການ​ຊອກ​ວິ­ທີ​ແກ້​ໄຂ​ສິ່ງ​ຫຍໍ້­ທໍ້​ຕ່າງໆ​ໃນ​ສັງ­ຄົມຄຽງ​ຄູ່​ກັນ​ນັ້ນ​ໄດ້​ເອົາ­ໃຈ­ໃສ່​ຊີ້​ນຳ-ນຳ­ພາຄຸ້ມ​ຄອງ​ການ­ເຄື່ອນ­ໄຫວ​ຂອງ​ສື່​ມວນ​ຊົນ​ທຸກ​ປະ­ເພດ​ທີ່­ຢູ່​ໃນ​ຄວາມ​ຮັບ­ຜິດ­ຊອບປັບ­ປຸງ​ເນື້ອ​ໃນ ວິ­ທີ​ການ ຮູບ​ການ​ໂຄ­ສະ­ນາ​ຜ່ານ​ສື່ ເປັນ­ຕົ້ນວາ­ລະ­ສານ ນວ ສາ­ມາດ​ຜະ­ລິດ ແລະ ຈຳ­ໜ່າຍ​ໄດ້ 6 ສະ­ບັບ ສະ­ບັບ​ທີ 44-49 ລວມ​ທັງ​ໝົດ 16.650 ຫົວ ໜັງ­ສື­ພິມ​ວຽງ​ຈັນ​ໃໝ່ ວິ­ທະ­ຍຸ ໂທລະ​ໂຄ່ງເວບ​ໄຊ​ວຽງ​ຈັນ​ນິວ​ເດ ພິ­ເສດ ນວ ໄດ້​ສ້າງ​ສະ­ຖາ­ນີ​ໂທລະ ພາບ VTE9 ຜ່ານ​ລະ­ບົບ​ດາວ​ທຽມ​ລາວ​ແຊັດ ເຊິ່ງ​ປັດ­ຈຸ­ບັນທົ່ວ​ຄະ­ນະ​ໂຄ­ສະ­ນາ​ອົບ­ຮົມ ນວມີ​ຜູ້​ເຮັດ​ວຽກ​ໂຄ­ສະ­ນາ​ອົບ­ຮົມ​ການ­ເມືອງ​ທັງ​ໝົດ 139 ຄົນ ຍິງ 42 ຄົນແລະໄດ້​ສ້າງ​ຕາ​ໜ່າງ​ເພື່ອນ​ຮ່ວມ​ງານ​ເພື່ອ​ກຳ­ກັບ​ຫາ​ສຽງ​ສັງ­ຄົມ​ທີ່​ປະ­ຈຳ​ຢູ່​ເມືອງພະ­ແນກ­ການ ແລະ ອົງ­ການ​ທຽບ​ເທົ່າ​ອ້ອມ​ຂ້າງ.

   ສຳ­ລັບ​ແຜນ­ການ​ປີ 2020 ເຊິ່ງ​ເປັນ​ປີ​ໜຶ່ງ​ທີ່​ມີ​ຄວາມ​ສຳ­ຄັນ​ຫຼາຍດັ່ງ­ນັ້ນຄະ­ນະ​ໂຄ­ສະ­ນາ​ອົບ­ຮົມ​ຕ້ອງ​ໄດ້​ອອກ­ແຮງ​ສູ້​ຊົນ​ຍົກ​ສູງ​ຄວາມ​ຮັບ­ຜິດ­ຊອບ​ຂອງ​ຕົນສ້າງ​ແຜນ​ເຄື່ອນ​ໄຫວ ແນະ­ນຳກວດ­ກາ​ການ​ປະ­ຕິ­ບັດ​ໜ້າ­ທີ່​ພົວ­ພັນ​ເຖິງ​ວຽກ​ງານ​ກໍ່­ສ້າງ​ພັກ​ທາງ​ດ້ານ​ການ­ເມືອງ-ແນວ​ຄິດປະ­ກອບ­ສ່ວນ​ຍົກ​ສູງ​ຄວາມ​ສາ­ມາດ​ນຳ­ພາ ກຳ­ລັງ​ແຮງ​ສູ້​ຮົບ​ຂອງ​ພັກຄຸນ​ນະ​ພາບ​ປະ​ສິດ­ທິ​ຜົນ​ການ​ຄຸ້ມ​ຄອງ​ຂອງ​ລັດການ­ເຄື່ອນ­ໄຫວ​ຂອງ​ແນວ​ລາວ​ສ້າງ​ຊາດ ແລະ ອົງ​ການ­ຈັດ­ຕັ້ງ​ມະ­ຫາ­ຊົນພ້ອມ​ທັງ​ເພີ່ມ​ທະ­ວີ​ການ­ເຄື່ອນ­ໄຫວ​ວຽກ​ງານ​ໂຄ­ສະ­ນາ​ອົບ­ຮົມ​ໃຫ້​ເລິກ­ເຊິ່ງທົ່ວ​ເຖິງ​ທຸກ​ເປົ້າ​ໝາຍ ເພື່ອ​ສ້າງ​ຄວາມ​ຮັບ​ຮູ້ ເຂົ້າ­ໃຈ​ເປັນ​ເອ­ກະ​ພາບມີ​ຄວາມ​ເຊື່ອ​ໝັ້ນ ສະ­ໜັບ­ສະ­ໜູນ​ແນວ­ທາງ​ນະ­ໂຍ­ບາຍ ແລະການ​ນຳ­ພາ​ຂອງ​ພັກ ເຮັດ​ໃຫ້​ວຽກ​ງານ​ໂຄ­ສະ­ນາ​ມີ​ຄຸນ​ນະ​ພາບຕິດ​ພັນ​ກັບ​ພາ­ລະ​ບົດ­ບາດ​ປົກ​ປັກ​ຮັກ­ສາ ແລະສ້າງ­ສາ​ພັດ­ທະ­ນາ​ປະ­ເທດ​ຊາດ ກໍ​ຄື ການ​ປົກ​ປັກ​ຮັກ­ສາ ແລະ ພັດ­ທະ­ນາ ນວເພີ່ມ​ທະ­ວີ​ຄວາມ​ແຫຼມ​ຄົມ-ວ່ອງ­ໄວ ທັນ​ການ​ຂອງ​ບັນ­ດາ​ສື່ ຫຼືພາ­ຫະ­ນະ​ໂຄ­ສະ­ນາ​ໃນ​ການ​ອະ­ທິ­ບາຍ​ຕອບ​ແກ້​ໄຂ​ບັນ­ຫາ​ຕ່າງໆ​ທີ່​ສັງ­ຄົມ​ສົນ­ໃຈ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 48

ຈຳນວນຜູ້ເຂົ້າຊົມວານນີ້ 23

ຈຳນວນຜູ້ເຂົ້າຊົມອາທິດນີ້ 48

ຈຳນວນຜູ້ເຂົ້າຊົມເດືອນນີ້ 1432

ຈຳນວນຜູ້ເຂົ້າຊົມທັງໝົດ 58285

Currently are 17 guests and no members online