Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

       69321c7899c5a3447f8bcbe714e2540f

       ການ​ຄັດ​ເລືອກ​ນາງ​ສາວນະຄອນຫຼວງ​ວຽງ​ຈັນ ປະຈຳ​ປີ 2017 ໄດ້​ເລີ່ມ​ມາ​ແຕ່​ເດືອນ​ທັນວາ 2016 ແລະ ເລີ່ມ​ເປີດ​ຮັບ​ສະໝັກໂດຍ​ພະ​ແນກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ນະຄອນຫຼວງ​ວຽງ​ຈັນ (ຖວທນວ) ຮ່ວມ​ກັບບໍລິສັດ ກິດ​ຕະພົງ​ກຣຸບ ເປັນ​ຜູ້​ຈັດ ເຊິ່ງ​ມີ​ນາງສາວ​ມາ​ສະໝັກຈຳນວນ 200 ຄົນ ທີ່​ມາ​ຈາກ​ໂຮງຮຽນ ແລະສະ​ຖາ​ບັນ​ການ​ສຶກ​ສາ​ແຫ່ງຕ່າງໆ​ໃນ​ນະຄອນຫຼວງ

ຈາກ​ນັ້ນມີ​ການ​ຄັດ​ເລືອກຈາກ​ຮອບ 100 ຄົນ 50 ຄົນ ແລະ ເຫຼືອ​ພຽງ 20 ຄົນເຊິ່ງ​ຮອບ​ນີ້​ໃຫ້​ຄະແນນ​ຜ່ານເຄືອ​ຂ່າຍອີ​ທີ​ແອວ ແລະ ເຟສ ນາງ​ສາວ ນວທີ່​ມີ​ຄະແນນ​ຫຼາຍ ໄດ້​ເຂົ້າ​ຮອບ 20 ຄົນ​ແບບ​ອັດ​ຕະໂນ​ມັດ ແລະຜ່ານ​ການ​ຄັດ​ເລືອກຈາກ​ທາງ​ຄະນະ​ກຳມະການ ເພື່ອເຂົ້າ​ຮອບ​ຕັດສິນ ແລະປະກາດ​ຜົນ​ຮອບ 7 ຄົນ​ສຸດ​ທ້າຍແມ່ນ​ນາງ ວາ​ນິ​ພອນ ພູມີ​ໄຊ ໄດ້​ຮັບ 4 ລາງວັນຂວັນ​ໃຈ​ສື່​ມວນ​ຊົນ ສາວ​ທັນສະໄໝ ໜ້າ​ໃສ ແລະ ນາງ​ສາວຜີວ​ງາມພ້ອມ​ທັງ​ຕຳແໜ່ງ​ນາງສາວ​ນະຄອນຫຼວງ​ວຽງ​ຈັນ 2017 ໄດ້​ຮັບ​ສາຍ​ສະພາຍ​ພ້ອມ​ມຸງກຸດປະດັບ​ເພັດ ມູນ​ຄ່າ 35 ລ້ານ​ກີບ ເງິນສົດ 20 ລ້ານ​ກີບ ຄຳ​ໜັກ 1 ບາດ ແລະ ຂອງຂວັນ​ລາງວັນອື່ນໆ​ອີກ​ເປັນ​ຈຳນວນ​ຫຼາຍ.

       ສ່ວນ​ຮອງ​ອັນ​ດັບ 1 MVT 04 ນາງ ຫຍິງ​ງາມ ໜໍ່​ຄຳ ໄດ້ຮັບ​ສາຍ​ສະພາຍເງິນສົດ 10 ລ້ານ​ກີບ ຄຳ​ໜັກ 2 ສະຫຼຶງ ພ້ອມ​ຂອງຂວັນ​ລາງວັນ​ອື່ນໆຮອງ​ອັນ​ດັບ 2 MVT 19 ນາງ ສຸດາ ສັງ​ວິ​ບຸດ ໄດ້​ຮັບ​ສາຍ​ສະພາຍ ເງິນສົດ 5 ລ້ານ​ກີບ ຄຳໜັກ 2 ສະຫຼຶງ ແລະ ລາງວັນອື່ນໆ​ອີກ ສ່ວນ​ຮອງ​ອັນ 3 ທັງ 4 ຄົນກໍ່​ຈະ​ໄດ້​ຮັບ​ສາຍ​ສະພາຍພ້ອມ​ເງິນສົດ​ຜູ້​ລະ 3 ລ້ານ​ກີບພ້ອມ​ດ້ວຍ​ຂອງ​ລາງວັນ​ອີກ​ຫຼາຍຢ່າງ.

       ຮອບ​ຕັດສິນ​ການ​ຄັດ​ເລືອກນາງ​ສາວ​ນະຄອນຫຼວງ​ວຽງ​ຈັນ ປະຈຳ​ປີ 2017 ພາຍ​ໃຕ້​ຫົວຂໍ້: ສົ່ງເສີມ​ມໍລະດົກ ວັດທະນະທຳ ນຳ​ຄຸນຄ່າ​ສູ່​ແມ່ຍິງ​ລາວຈັດ​ໃນຄ່ຳ​ຄືນ​ວັນ​ທີ 8 ເມສາ 2017 ທີ່ໂຮງແຮມ​ແລນ​ມາກ ແມ່​ຂອງ​ລີເວີ​ໄຊນະຄອນຫຼວງ​ວຽງ​ຈັນ ໂດຍ​ມີ​ທ່ານ​ນາງ ວາດ​ສະໜາ ຄຸດ​ໄພທູນພັນ​ລະ​ຍາ​ຂອງ​ທ່ານເຈົ້າ​ຄອງ​ນະຄອນຫຼວງ​ວຽງ​ຈັນ ເປັນ​ປະທານ​ກິດ​ຕິ​ມະ​ສັກມີ​ທ່ານປະທານ​ສູນ​ກາງ​ສະຫະພັນ​ແມ່ຍິງນະຄອນຫຼວງທ່ານ​ຫົວໜ້າພະ​ແນກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ພາກສ່ວນກ່ຽວແຂກ​ຖືກ​ເຊີນ ແລະ ຊາວນະຄອນຫຼວງ​ວຽງ​ຈັນ ​ເຂົ້າ​ຮ່ວມ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 25

ຈຳນວນຜູ້ເຂົ້າຊົມວານນີ້ 55

ຈຳນວນຜູ້ເຂົ້າຊົມອາທິດນີ້ 149

ຈຳນວນຜູ້ເຂົ້າຊົມເດືອນນີ້ 675

ຈຳນວນຜູ້ເຂົ້າຊົມທັງໝົດ 30177

Currently are 62 guests and no members online

ແຜນທີ່ນະຄອນຫຼວງວຽງຈັນ